Samariddin_UZ

https://www.gazeta.uz/uz/2026/08/13/capital-market/

Asia Alliance Bank умумий қиймати 20 млн АҚШ долларлик хорижий валютадаги корпоратив облигацияларни муомалага чиқармоқда. Облигациялар йиллик 7 фоизлик ставкада, 3 йиллик муддатда муомалада бўлади. Батафсил: https://bankers.uz/news/3398 Telegram | Facebook | Instagram | YouTube | X

Janubiy Koreya oxirgi kunlarda daxshat - fond bozorida investorlarning qirg'ini bo'layotgan ekan. O'zi Koreyadagi odamlar fond bozorini kazinoga o'xshab tutishlari, va umuman moliyaviy bozorda koreyaliklarning ishtiroki alohida katta mavzu ekan. Jamiyatdagi vaziyat haqidagi masala aslida, faqat fond bozori emas. Xullas, bir oyda mahalliy fond bozori 40% ga tushgani ortidan juda ko'p odamlar, yuz minglab odamlar bor bisotini yoqotibdi. Millionlab ekan. Fond bozorini so'nggi umid sifatida ko'rish, tez va oson pul ishlab olish ortidan quvish, sun'iy intellekt atrofidagi o'sish, xavfli moliyaviy instrumentlarni targ'ib qilishda regulyatorning aybi - shularga borib taqalar ekan masala. Qisqasi - mahalliy Samsung va SK Hynix sun'iy intellekt serverlari uchun zarur bo‘lgan xotira chiplarini ishlab chiqaradi. AI infratuzilmasiga global xarajatlar keskin oshgani sabab bu kompaniyalarning daromadlari ham juda tez o‘sdi. Investorlar Koreyani AI inqilobining asosiy g'oliblaridan biri sifatida ko‘ra boshladi - KOSPI yarim yilda 2 karra o'sibdi. Muammo shundaki, bu o'sish asta-sekin kompaniyalarning real daromadidan uzoqlashib, ommaviy spekulyatsiyaga aylandi hisob. Samsung va SK Hynix indeksning yarmidan ko'pini tashkil qilar ekan. Ikki kompaniyaning narxi tushsa, butun bozor qulaydi degani deyarli. Regulyator koreyaliklarni xorijiy bozorlardan pulini olib, mahalliy aksiyalarga investitsiya qilishga jalb qilish maqsadida Samsung va SK Hynix kabi korxonalar kunlik harakatini ikki baravar oshirib beruvchi qarzli (leveraged) ETF'larga ruhsat beribdi. ETF degani shartli bozordagi ko'p sonli korxonalarning aksiyasini bir savatga jamlab ularni mimika qiladigan instrument. Leveraged ETF degani shu korxonalarning aksiyasiga bor bo'lgan exposureni karrasiga oshirib beradi. Ya'ni, 2x leveraged degani aksiya 5 foiz ko'tarilsa sizda qog'ozda 10 foiz foyda. Ammo 5 foiz tushsa - 10 foiz zarar. Koreyada faqat 1ta korxona aksiyasiga bog'laydigan ETFlarni ruhsat berishni boshlashibdi yaqinda. Ya'ni, shartli 500ta korxona emas, bir dona korxonaga 100% exposure. Shundan so'ng ko'plab oddiy investorlar bank va brokerlardan qarz olib bozorga kirgan, qarz puliga yana leverage beradigan mahsulot sotib olib. Bu ikki qavatli xavf degani. O'zi mana shu narsa muhim - narxlar o'sayotganida hamma o'zini daho investor deb o'ylaydi. Lekin, leverage'ning haqiqiy yuzi bozor tushganda ko'rinadi. Suv ortga qaytganda kim yalong'och cho'milayotgani bilinib qoladi degandek. Zanjirning davomi - AI kompaniyalari xarajatlari, chiplar bozoridagi raqobat va haddan tashqari optimistik kutilmalar bo'yicha xavotirlar paydo bo'lishi bilan aksiyalar tusha boshladi. Shunda shartli Samsung aksiyasi 10% ga tushsa siz 20% yoqotasiz, yoki 50%, agar 5x leverage bo'lsa. Shunday qarz olgan investorlarga margin call keladi, brokerlar sizning pozitsiyalaringiz sotishni boshlaydi, bu esa bozorga yanada tushishiga olib keladi. Natijada fundamental xavotir bilan boshlangan pasayish mexanik va o'zini-o'zi kuchaytiradigan qulashga aylanadi. Xullas, yuz minglab, millionlab koreyaliklar shu kunlarda margin call olib, pullarini, uylarini tikib yuborgan pozitsiyalaridan mahrum bo'lishmoqda ekan. Qonli vaziyat tom ma'noda. Squid Gamesning yangi epizodini oladigan vaziyat. Albatta, investor o'z qarori uchun javobgar. Lekin davlat oddiy aholini moliyaviy bozorga faol chaqirar ekan, ayniqsa leverage kabi xavfli mahsulotlarga yo'l ochar ekan, “o'zingiz bilardingiz” deb chetga chiqib keta olmaydi. Koreyadagi va istalgan joydagi shunday vaziyatlarda eng katta zararni odatda, eng boy va tajribali investorlar emas, bozorga eng oxirida kirgan oddiy odamlar ko‘radi: yoshlar, pensionerlar, oilalar. Institutsional investorlar, tajribalilar yutishi mumkin, chunki savdoning narigi tarafida odatda ular-da. @uzbekonomics

Samsung акциялари, бозор капиталлашуви пасаяётгани эътиборимни тортаётганди. Маълум бўлишича пасайиш нафақат Samsung да, балки Корея фонд бозорида экан. Олдини олувчи чоралар кўрилишига ишонамиз. https://t.me/uzbekonomics/1865

Хитойнинг CXMT компанияси бозор қиймати IPO дан кейин кескин ошди https://vaqt.uz/uz/mobile/news/xitoy-chip-ishlab-chiqaruvchisi-bir-kunda-qariyb-500-foizga-qimmatlab-mamlakatdagi-eng-qimmat-kompaniyaga-aylandi-30075

https://bankers.uz/news/3355

https://bankers.uz/news/3355

Энергетика стресс аудитдан ўтказилгани яхши! Сўнгги беш йилликлардаги барча энергетика лойиҳалари ҳам аудитдан ўтказилса янада яхши бўларди. https://www.gazeta.uz/uz/2026/07/27/stress-test/

https://daryo.uz/2026/07/24/yoqolgan-propiska-ochilgan-chegaralar-va-naqd-pul-muomalasi-ozbekistonni-ozgartirgan-10-yil Yoʻqolgan propiska, ochilgan chegaralar va naqd pul muomalasi. Oʻzbekistonni oʻzgartirgan 10 yil

​​GOFRET 90 йиллар кўпчилик оилалар учун оғир келган эди. Энди мустақилликка эришган даврларимиз, озиқ овқат танқислигидан зиёда ойлик тушиши қийин. 70 йил Москвага қарам бўлган ўлка ва корхоналар янги даврда ҳали ўз йўлини топиб кетмаган. Ва айнан ўша пайтда чет элдан - асосан Туркиядан турли сақич, ширинлик ва бананлар кириб кела бошлаган. Қишлоқ болалари ва нафақат бу ширинликларни қадоғини сақлаб қўйишни ва бир бирига азза базза мақтанишни ҳам канда қилмайди. Бу бир мағрурлик сабаби. Онам ўқитувчи бўлиб ишлайди. Колхозда тракторчи бўлиб ишлаган ўгай отам эса ишсиз. 3 бола нимадир еб ичиши ва нималардир кийиши керак. Уйга ширинлик нари турсин, оқ ун кирса ўзимизни бойдек ҳис қиламиз. - Ёғ ва ун бўлса оч қолмаймиз, деган ёзилмаган қонун бор. Уйга гўшт кирмай қўйганига анча бўлган. Бундай ширинликларнинг қадоғини ўртоқларимнинг китоблари орқасида кўраман ва бир тамшаниб қўяман. Онамнинг сумкаси У доим мени ўзига тортган. - Сумкамни ковлама, деб неча марта айтай сенга, деган койишни минг маротаба эшитган бўлсамда, ҳар гал онамнинг сирли ифор таратган сумкаси мени ўзига чорлайверарди. - Қараб кўр, бугун балки бир нарса олгандир аянг, дерди у доим. – Кел, доим титкилайсанку, аянг сезмайди, менда бир нарсалар яшириб қўйилган. Ва мен яна бу алдовга енгилиб сумкани титкилашга тушардим. Ўқувчилар дафтарлари, кўзойнак, ручка, қалам. Ўқитувчи қуроллари. Ҳар гал ҳафсалам пир бўлсада, эртаси куни яна айни ишни такрорлардим. Ва буни нафақат мен балки укаларим ҳам бир биримиздан яширган куйи қилардик. 😊 Бир кун кечки овқатни биргаликда еб бўлгач, ҳеч кутилмаганда онам: - Сумкамни олиб кел, - деб қолди. Ҳали сумкани титиб улгурмаганим боис югуриб бориб сумкани олиб келдим. Онам ичидан шоколадли вафли чиқарди. Қизил, устига сариқ, қизил ёзувлар билан ülker Çikolatali gofret деб ёзилган. 1 дона. Секин очди ва унинг ҳиди худди дунёни тутиб кетгандек бўлди. Пичоқ билан 4 бўлакка бўлди. Ўзига жуда кичик парча қолдирди. Бу шундай катта бахт эдики, дунёга сиғмасдим. Бир томондан нафсим қитиқлар, бошқа томондан кейинги ойгачан пулимиз етмай қолишидан хавотир ичимни эзарди. - Ая, қанча экан? – дедим ҳамон ютқиниб. - 5 сўм. 5 сўм биттагина шоколадли вафли учун қиммат эди. Бир дона тандир нон 8 сўм эди ўшанда. - Ўйлама сен уни, эртага Худо пошшо, деди онам. 3 бола вафли қоғозини топ тоза қилиб ялтиратиб яладигу, кейин ким бу қадоқни китоби орқасига қўйиб синфдошлари олдида мақтанишини талашдик. Ва бу имконият яна аразчи укамга берилди. Ора-сира онам бу вафлидан 1 дона олиб келадиган ва тўртовимиз бўлиб ейдиган бўлдик. Ҳар гал, ҳеч истисносиз ҳар гал бу шоколадли вафли мени айнан ўша қишлоқ уйимизга, пичоқ билан 4 бўлакка бўлинган ва 1 бўлаги бошқаларидан кичикроқ бўлган дастурхон бошига, ҳали ёш онам, ҳали кичик укаларим ёнига олиб кетади. Ўша пайтлар бир куни пулимиз кўўп бўлиб ҳар биримизга биттадан шоколадли вафли ола олишимизни орзу қилганларимизни ёдга солади. Бугун бу шоколаддан 6 дона олдим. Ва ўтирдиму, ўша кичик қиз Мадина бўлиб бир бутун шоколадни паққос туширдим. Мен буни ҳар сафар бу вафлини кўрганимда қиламану, аммо ичимдаги армон кетмайди. Чунки ортиқ 4 киши бўлиб бир дастурхон бошида тўпланолмаймиз ва ўша пайтлар орзу қилганимиздек, ҳар биримиз биттадан шоколад олиб ея олмаймиз. Муаллиф: MadinaZarif

https://daryo.uz/2026/07/23/rosatom-moliyaviy-qiyinchiliklar-sabab-qozogiston-va-ozbekistonda-aes-qurilishini-kechiktirishi-mumkin-oav

https://api.mf.uz/media/filestore/Fiskal_strategiya_2027-2029.pdf

Kuni kecha yuzlab nufuzli iqtisodchilar, olimlar ochiq xat yozishibdi. Masalan, Acemoglu, Autor, Milgrom, Stiglitz, Akerlof, Aghion, Krugman, Bernanke, Furman va boshqalar unga qo'l qo'yishgan. Xatni mazmuni juda qisqa: AI keyingi 10 yilda tubdan kuchayishi mumkin, sanoat inqilobidan ham kattaroq, lekin ancha tezroq iqtisodiy o'zgarishlarni keltirib chiqarishi mumkin, millionlab ish o'rinlari xavf ostida, lekin turmush darajasi oshishi ham mumkin deyishmoqda. Va, iqtisodchilar, siyosatchilar va texnologiya liderlariga murojaat qilib hozir harakat qilish kerak AI insonni almashtirmasdan, to'ldiradigan tizim qurilishi uchun deb yozishibdi. To'g'risi, men biroz hayratlandim. Shunchalik ko'p iqtisodchilar bunga qo'l qo'yganiga. Mazmuniga e'tiroz bor menda, ayniqsa oxirgi qismiga - AIni to'g'ri yo'nalishga yetaklashimiz kerak deyishmoqda. Avvalambor, xatda biror bir aniq "nima qilish kerak" degan savolga javob yo'q, mavhum, bo'lishi mumkin degan taxminlar keltirilgan xolos. Yangi narsani tasavvur qilinadigan muammo bo'lishi bilanoq tartibga solish kerak deb o'ylay boshlaganimiz yaxshilikka emas deb o'ylayman. Regulatorlar hali nima bo'lishini bilmagan texnologiyani boshqarishga harakat qilishi kerak demoqda bu iqtisodchilar va fikr yetakchilari. Noaniq kelajak uchun qonun yozish - bu taxminlar ustiga qonun qurishdir. Bozor ko'pincha hech kim xohlamagan zararlarni o'zi bartaraf etadi. Preemptiv regulyatsiya esa odatda innovatsiyani o'ldiradi - va katta kompaniyalarga raqobatchilardan himoya qalqoni bo'lib xizmat qiladi. Preemptiv regulyatsiyaning salbiy ta'siri bu - deyarli har doim katta kompaniyalarga raqobatchilardan himoya qalqoni bo'ladi. To'g'ri, ba'zi xavflar haqiqatan ham o'rinli, masalan biosalohiyat, kritik infratuzilma. Xatda kam regulyatsiya qilsak kech bo'ladi deb shama qilishmoqda, lekin ortiqcha regulyatsiya xarajatlari-chi? Sekinlashgan innovatsiya, katta kompaniyalar raqobatni compliance orqali bo'g'ishi, va hech qachon yaratilmagan davolash usullari vhkz. Xullas, shu nima qilish kerak degan joyiga uncha tushunmadim? Qandaydir AI-czar lavozimi bo'lishi kerakmi, unga shartli Acemoglu o'tirishi kerakmi, AI regulyatsiyasini Yevropalashtirish kerakmi, data markazlar moratoriy e'lon qilish kerakmi, kim nimani hal qiladi? Bozorga ortiqcha aralashuv chorlovi sifatida bu xat ishlatilishi mumkin, shunisi xatarli. AI xatarlarini o'rganish yaxshi, bemalol. Minglab tadqiqotchilar tadqiqot qilyapti, mehnat bozoriga ta'siri haqida har kuni yangi tadqiqot ko'ramiz. Yangi ma'lumotlar yig'ilmoqda, yaratilmoqda - ularni xatsiz ham qilishyapti, qilyapmiz. Esingizda bo'lsa 1-2 yil oldin shunga o'xshash bir g'alati murojaat bo'lgan edi - hamma AI bo'yicha nima qilayotgan bo'lsa barchasini muzlatib qo'yaylik, uni avval yaxshi tushunib olaylik deb. AI poygasida qolib ketayotganlar to'xtab turinglar degandek o'qilgandi. https://apnews.com/article/ai-must-act-now-job-displacement-783469467e0df1463df44518f33295ee @uzbekonomics

Йўлга камера қўйган тадбиркорларга жаримани қанчаси берилади? Ўзбекистон Республикаси Вазирлар Маҳкамасининг 21.04.2021 йилдаги 232-сон қарорига асосан ундирилган жарималар қуйидагича тақсимланади: Камералар ишга туширилган кундан бошлаб 2 йил давомида: 50 фоизи — тадбиркорлик субъекти ҳисобварағига; 10 фоизи — Ўзбекистон Республикасининг республика бюджетига; 10 фоизи — Ўзбекистон Республикаси Ички ишлар вазирлигининг бюджетдан ташқари жамғармасига; 10 фоизи — йўл инфратузилмасини ривожлантириш учун мақсадли йўналтирилган ҳолда, йўл ҳаракати қоидалари бузилиши қайд этилган жойнинг маҳаллий бюджетига; 10 фоизи — Ўзбекистон Республикаси Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва қўллаб-қувватлаш жамғармасига; 5 фоизи — Ўзбекистон Республикаси Давлат хавфсизлиги хизмати ҳузуридаги «Киберхавфсизлик маркази» давлат унитар корхонасига; 5 фоизи — Ички ишлар вазирлигининг «Хавфсиз шаҳар» тизимларини ривожлантириш марказига «Хавфсиз шаҳар» ягона интеграциялашган тизимларини яратиш ва ривожлантириш учун мақсадли йўналтирилади; 2 йил ўтгандан сўнг: 10 фоизи — тадбиркорлик субъекти ҳисобига; 10 фоизи — Ўзбекистон Республикасининг республика бюджетига; 13,5 фоизи — Ўзбекистон Республикаси Ички ишлар вазирлигининг бюджетдан ташқари жамғармасига; 10 фоизи — йўл инфратузилмасини ривожлантириш учун мақсадли йўналтирилган ҳолда, йўл ҳаракати қоидалари бузилиши қайд этилган жойнинг маҳаллий бюджетига; 10 фоизи — йўл ҳаракати қоидалари бузилиши қайд этилган туман ва шаҳар ҳокимликлари йўл инфратузилмасини ривожлантириш жамғармаларига; 1,5 фоизи — Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматининг Давлат йўл ҳаракати хавфсизлиги хизмати моддий-техника базасини ривожлантириш, ходимларини рағбатлантириш ва мукофотлаш жамғармасига; 10 фоизи — Ўзбекистон Республикаси Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва қўллаб-қувватлаш жамғармасига; 5 фоизи — Ўзбекистон Республикаси Давлат хавфсизлиги хизмати ҳузуридаги «Киберхавфсизлик маркази» давлат унитар корхонасига; 10 фоизи — Ўзбекистон Республикаси Давлат хавфсизлик хизматининг бюджетдан ташқари жамғармасига; 20 фоизи — Ички ишлар вазирлигининг «Хавфсиз шаҳар» тизимларини ривожлантириш марказига «Хавфсиз шаҳар» ягона интеграциялашган тизимларини яратиш ва ривожлантириш учун мақсадли йўналтирилади. Soliq va Biznes kanalidan olindi

https://youtu.be/wO_w4fLCnVo?si=E_5rjFslABMhOIPo

Google AI Mode: ЖЧ-2026 турнирида илк бор иштирок этаётган 48 та давлатнинг аҳолиси сони (тахминий кўрсаткичлар) қуйидаги жадвалда қитъалар ва гуруҳлар кесимида келтирилган: 🌏 Осиё (AFC) Япония: 123.5 млн киши Эрон: 89.5 млн киши Ўзбекистон: 37.5 млн киши Жанубий Корея: 51.7 млн киши Иордания: 11.3 млн киши Австралия: 26.7 млн киши Қатар: 2.7 млн киши Саудия Арабистони: 36.9 млн киши Ироқ: 46.0 млн киши [1, 2, 3] 🌍 Африка (CAF) ЖАР (Жанубий Африка): 61.0 млн киши Марокаш: 38.0 млн киши Тунис: 12.5 млн киши Миср: 114.5 млн киши Жазоир: 46.0 млн киши Гана: 34.5 млн киши Кабо-Верде: 600 минг киши Сенегал: 18.0 млн киши Кот-д'Ивуар: 29.5 млн киши Конго ДР: 105.0 млн киши [3] 🇪🇺 Европа (UEFA) Чехия: 10.9 млн киши Швейцария: 8.9 млн киши Босния ва Герцеговина: 3.2 млн киши Шотландия: 5.5 млн киши Туркия: 85.8 млн киши Германия: 84.6 млн киши Нидерландия: 18.0 млн киши Швеция: 10.6 млн киши Бельгия: 11.8 млн киши Испания: 48.6 млн киши Франция: 66.5 млн киши Норвегия: 5.5 млн киши Австрия: 9.1 млн киши Португалия: 10.4 млн киши Англия: 57.0 млн киши Хорватия: 3.8 млн киши [3] 🌎 Шимолий ва Марказий Америка (CONCACAF) АҚШ (мезбон): 341.0 млн киши Мексика (мезбон): 129.5 млн киши Канада (мезбон): 39.5 млн киши Гаити: 11.9 млн киши Кюрасао: 150 минг киши Панама: 4.5 млн киши [3] 🇨🇱 Жанубий Америка (CONMEBOL) Бразилия: 217.0 млн киши Парагвай: 6.9 млн киши Эквадор: 18.3 млн киши Уругвай: 3.4 млн киши Аргентина: 46.0 млн киши Колумбия: 52.5 млн киши [3] 🇳🇿 Океания (OFC) Янги Зеландия: 5.3 млн киши [3] Бутун дунё футбол ихлосмандлари интизорлик билан кутаётган ушбу 48 та жамоанинг тўлиқ таркиби ва уларнинг гуруҳлардаги тақсимоти ҳақида батафсил FIFA расмий сайти орқали танишишингиз мумкин. [2] Ушбу рўйхатни аҳоли сони бўйича энг кўпдан энг камга қараб саралаб чиқишни ёки бирор аниқ гуруҳ ҳақида маълумот беришни хоҳлайсизми? [1] https://www.fifa.com [2] https://www.fifa.com [3] https://www.xabar.uz

IPO риски ҳар доим ҳам баҳоланавермайди! IPOдан кейинги кутилмалар тасдиғини топмаганлиги кўпинча тор доиралардаги муҳокамаларда қолиб кетаверади. IPO ўтказган Кварц, UzAutomotors, Ўзтелеком, Жиззах пластмасса каби акциядорлик жамиятлари фаолияти яққол мисол. Уларда акциядор билан ўзаро манфаатли молиявий муносабат IPO дан кейин унутилди ҳисоб. Бунда чакана акцидорлар унутилиб, фақат "ҳукумат топшириғи бажарилди!" ёндашуви кейинги маҳаллий IPO лар учун салбий сигнал бўлиб қолган. Мутахассис сифатида мен учун мамлакатимиздаги хусусий акциядорлик жамиятларининг IPO амалиёти ниҳоятда муҳим. Улар бу масалага инвестицион жозибадорлик нуқтаи назаридан жиддий таёргарлик кўришади ва инвесторлар билан фақат бир кунлик муносабатга киришмайди. IPO амалиёти, ундаги рисклар ҳақида Ботир Қобилов постини барчага тавсия этаман.

Firuz ALLAEV (Asaxiy asoschisi): Манга ҳаётдаги адолатсиздек туюладиган қонуниятлардан бири йирик ишларнинг натижаси жуда секин келишидир. Бугун бошлаган тўғри ҳаракатимизни ҳақиқий мевасини кўриш учун баъзан 10-20 йил керак бўлади. Масалан, тарбияда 10 ёшли болага сингдирилаётган қадриятлар, характер ёки қилинган хатоларнинг асорати у улғайиб, мустақил қарорлар қабул қила бошлагандагина очилади. Соғлиқ ёки молиявий масалаларда ҳам худди шундай: мунтазам нотўғри овқатланиш ёки самарасиз харажатларнинг зарари йиллар ўтиб, вазиятни ўнглаш ўта қийинлашган пайтдагина яққол кўринади. Бир марта ёғлик ош еб, керагидан ортиқ спиртли ичимлик ёки шакарга бой ичимлик билан одам шу заҳоти семириб ёки носоғлом бўлиб қолмайди. Шунга ҳам ҳеч нарса қилмайдику деб ўйлаймиз. Кичик харидлар ҳам шунақа. Уларнинг ҳар бири алоҳида сизни молиявий эркинликда узоқлаштирмайди. Хато қилиб қўйиб, "майли" деб ўтиб кетган кичик лаҳзаларимиз йиғилиб, бир куни қимматга тушади. Қимматга тушган кўринганда бўлса, афсус қилиш кеч бўлади. Лекин бунинг энг фожиали жиҳати бошқа ерда. Энг ёмони – одам тўғри йўлда бўла туриб, тезкор натижа кўрмагани учун ортга қайтишидир. Дейлик, соғломлашиш ва формага кириш учун ҳафтасига 3-4 марта залда оғир тош кўтаришни ёки янги, йирик халқаро лойиҳа устида ишлашни бошладингиз. 3-4 ой ўтади, сезиларли ўзгариш йўқ. Баъзан 3-4 йил ўтади ва "бўлмаяпти шекилли, буни фойдаси йўқ экан" деб ҳаммасини ташлаб, бошқа йўналишга ўтиб кетамиз. Аслида эса мутлақо тўғри йўналишда эканлигимизни, шунчаки пишиб етилиш жараёни давом этаётганини тушунмаймиз. Буни англаб етганимизда эса аллақачон кеч бўлган, пойдевор бузилган бўлади. Ҳазил гап бор-у, тўққизта аёл билан ётиб бир ойда туғдириб бўлмайди. Бизнес ва ҳаётда ҳам ҳақиқий катта натижалар ёки зарарлар муддат ўтишини талаб қилади. Ўша машҳур “Мураккаб фоиз эффекти” *(The compound effect) сезиларли натижа бергунча фойдали ишни давом этишга ёки зарарлисини тўхтатишга сабримиз ва иродамиз етмайди. Бизнес қурасизми, касб ўрганасизми, молиявий масалами, фарзанд тарбиялайсизми ёки соғлиқми — қоида битта, фойдали ёки зарарлигидан қатъий назар жиддий масалаларда натижасини кўриш учун муддат керак. Зарарга ишлаган ҳолатда, адолатсиз томони шундаки, йиллар йўқотилган ҳолатда натижани тўғрилаш умр талаб қилади ёки умуман орқага йўл бўлмайди. Масалан, фарзанд тарбиясида орқага йўл йўқ, соғлиқ масаласида кеч бўлган бўлиши мумкин, молиявий масалада имкон қўлдан чиққан бўлиши мумкин. Натижа кеч келиши битта адолатсизликдек туюлса, иккинчи ўзи тўғри ёки нотўғри йўлда эканлигингизни баҳолаш қийинлиги ва сабр етмасдан тўғри йўлдан чиқиб кетиш бошқа адолатсизликдек туюлади.

Қозоғистондаги Tele2/Altel бренди асосида фаолият кўрсатувчи мобил оператор 1 миллиард АҚШ долларига сотилди Казахтелеком АЖ мазкур хусусийлаштириш қиймати 1 миллиард АҚШ доллари эканлиги, харидор Катарнинг «Power International Holding» (PIH) компанияси…