فَذكِّر بالقرآن🕊🦋

عايزاكي تجيبي ورقة وقلم وتسألي نفسك. إيه غايتك من الدنيا ؟ حددي الغايات والهدف وانشغلي واشتغلي عليهم، هتملي وقتك وهتؤجري عليه. كل إنسان مات بيتمنى يرجع ساعة يزود عمله الصالح. فانشغلي بعمل صالح وإحتسبي الأجر وتوكلي على الله. خلي غايتك الأولى في الدنيا هي محبة الله لكِ لو اشتغلتي على الحتة دي فانتِ  هتعملي كل شيء صالح وهتجاهدي كتير وهتبقي مبسوطة مهما كنتِ تعبانة عشان الغاية عظيمة.

هقولك نصيحة لا تقدر بثمن .. والله .. لما تلاقي نفسك قاعد مهموم .. وبتفكر تفكير سلبي .. بسرعة اعمل حاجة من اتنين .. يا تقوم تصلي .. لأن النبي عليه الصلاة والسلام كان بيعمل كده .. كان إذا حزبه أمر فزع إلى الصلاة .. وكان بيقول .. وجعلت قرة عيني في الصلاة .. يا تمسك سبحتك وتقعد تذكر ربنا .. لأن ربنا بيقول .. من شغله ذكري عن مسألتي أعطيته أفضل ما أعطي السائلين .. وبيقول.. فاذكروني أذكركم .. صدقني .. لو عملت كده علطول .. هتلاقي حياتك اتغيرت للأفضل .. والهموم اتزاحت من عليك .. وربنا يسر لك كل الأمور المتعسرة .. وهون عليك الأمور الصعاب .

ليه فلان عنده وأنا لأ؟ وليه حياتها أسهل من حياتي؟! الأسئلة دي بتستنزف روحك... لأنك بتقارن رحلتك برحلة غيرك. الحقيقة إن ربنا ما جعلش حياة الناس نسخة واحدة؛ لكل واحد: ـ اختباره. ـ ورزقه. ـ وطريقه. ولذلك قال النبي ﷺ: 💬 «انْظُرُوا إِلَى مَنْ هُوَ أَسْفَلَ مِنْكُمْ، وَلَا تَنْظُرُوا إِلَى مَنْ هُوَ فَوْقَكُمْ، فَهُوَ أَجْدَرُ أَنْ لَا تَزْدَرُوا نِعْمَةَ اللَّهِ عَلَيْكُمْ» 🤍 سيبك من المقارنات اللي بتسرق عمرك، ووجّه طاقتك للي في إيدك. بدل ما تسأل: "ليه ده حصل وده ما حصلش؟" اسأل: "إزاي أرضى، وأتوكل، وأسعى؟" 🌿

قصة سمعتها من أهل ميت مات منذ اسبوع وكان لا يصلي كان يحتضر ونظر إلى السماء وقال ثلاث مرات فرصة واحدة فرصة واحدة بس يارب فرصة واحدة ارجع اصلي ثم مات ولا حول ولا قوة إلا بالله أتمني ان البوست ده يكون رساله لأي حد مش بيصلي ، عارف انك مقصر جدا مع ربنا بس إرجع وتوب والله هيتوب عليك ويغفرلك ويقبلك بس توب توب لان مينفعش تموت كده ، متستغربش م حكاية البوست لان انا شوفت وسمعت كتير جدا عن سوء وحسن الخاتمة ، حقيقي اللي هقولك عليه جملة واحده وحطها قدام عنيك طول عمرك من عاش على شئ مات عليه واحد في غيبوبة وكان بيختم القرآن كل 3 أيام ، ازاي وليه ، لانه عاش ع كده ومات ع كده واحد وهو بيحتضر كان بيسمع اغاني ، قفلوا الاغاني وشغلوا قرآن فاق قالهم مبحبش الصوت ده ومات ع كده خد قرار من دلوقتي انك ترجع وتتوب والله كل الأبواب مفتوحة هيقبلك ويتوب عليك ويغفرلك وهيبدل كل سيئاتك إلي حسنات ( إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا )

يا جماعة مافيش حاجة اسمها (اللهم هوِّن علينا حر جهنم) يعنى معناها انو داخل جهنم ويدعي ربنا يهونها عليه❎❎❎ ! اسمها (اللهم قِنا حر جهنم) أو (أعذنا من حر جهنم) أو (أجرنا من حر جهنم)✅ .. "فاللهم أجرنا من النار ومن حرها وهون علينا حر الدنيا"

إنك مأجورٌ على أحزان قلبك، على دموعك في خلوتك، حتى على ابتسامتك المزيفة التي ترسمها لأهلك كي لا يحزنوا لحزنك أتحسب أن الأجور كلها في ركعة تصليها أو صدقة تعطيها؟ كلا بل قد يكون أجرك في طول الانتظار، أو مرارة الفقد، أو قسوة الفراق، أو مشقة الحياة، أو شدة الكرب، أو سَريرِ المَرضِ، أو طول المعاناة أو غيرها.. فاحتسب همك عند ربك، واصبر وصابر فأنت مأجور. - د.محمد إسماعيل.

‏آخر سورة يس دايما بتبرد قلبي.. " أَوَليس الذي خلق السماوات والأرضَ بقادر على أن يخلق مثلهم بلى وهو الخلاق العليم؛ إنما أمره إذا أراد شيئًا أن يقول له كن فيكون؛ فسبحان الذي بيده ملكوت كل شيء وإليه ترجعون ". الله يستجيب دعائنا.

الإيمان مش إنك تدعي فا ربنا يستجيب لك علطول فتؤمن، لإن ده كدا إيمان مشروط الإيمان الحقيقي هو إنك تدعي، وتلاقي السكك مقفوله في وشك، وتدعي، وتشوف كل اللِّي حواليك سبقوك، وتدعي، ورجليك تتجرح من شوك السكة الصعبة ورغم كل ده مابتزيدش عن إنك تقول: يا رب ما ألطفك، إيه الخير اللِّي أنت شايلهولي؟ وتفضل برضوا مستمر وتدعي، لحد ما ربنا يجبر بخاطرك ويداوي كسرتك ويعوضك أضعاف أضعاف على صبرك وحسن ظنك برحمته، وهو سبحانه مش هيخيب ظنك أبدًا.

انتظم في الصلاة وابعد عن الحب وطور من نفسك واسمع للمنشاوي واحفظ قرآن ونام بدري واهتم بصحتك واشرب ميه كتير ومتقارنش نفسك بحد .

مفيـش حاجـه مبتتعوضـش ، بالعڪس بيجـي الأجـمل ألـف مـره بـس إنـت تقـرر تبـص علـى اللـي جـي وتسيـب اللـي فـات 🤍.

مهما كان مستوى نتيجتك ف الثانويه العامه ومهما كان انت عملت اي انت عملت اللي عليك متقعدش تولول و تصوت وتقولي ليا درجات بس ابدأ فكر ف الحياه الجديده اللي مستنياك بعد ثانوي حياه مليئه بريسكات كتيره وجميله ويمكن تلاقي نفسك وسطها ، او في غيرها جرب وحاول واسعى من اول وجديد الثانويه العامه هي بس بتحدد كليتك مش مستقبلك ركز ، ابدأ من جديد ، مهما كان انت عملت اي خليك عارف ان مفيش حاجه مستحيله إلى اللي انت شايفه مستحيل❤️❤️

موضوع الأذكار دا واقعي اوي عشان انت حرفيا ممكن تعيش ( اسعد / اوحش ) يوم في حياتك ‏والفرق هيبقى ال ١٠ دقايق الي قريت فيهم الأذكار وانت نازل .

🩷

اللهم صل وسلم وبارك على سيدنا محمد ♥️

الانشغال نعمة 🤍

من عجائب لطف الله بينا، إننا ساعات مش بنحس بقيمة النعمة إلا لما تغيب عننا ولو لأيام معدودات.. من امبارح كده أصابني برد بسيط أفقدني حستي الشم والتذوق، وفي اللحظة دي، وقف القلب متأملاً في عظيم كرم ربنا سبحانه وتعالى. إحنا عايشين في نعم عظيمة ومرتاحين فيها، وغافلين تماماً عن شكرها. وتأمل كرم ربنا ورحمته الواسعة: إحنا بنتقلب في نعمه، وربما نعصيه بيها، ومع ذلك بيغدق علينا بستره ورزقـه ولا يسلبنا إياها، بل إنه بلطفه الخفي يمهلنا ويسترنا رغم تقصيرنا! وحين تُسلب منا نعمة بسيطة للحظات، بنحس كأن الدنيا ضاقت بينا. فعلا ما أعظم حلم الله، وما أقصر ألسنتنا عن شكره! مفيش على لساني النهارده أصدق ولا أولى من ترديد: أستغفر الله.. أستغفر الله على كل لحظة مرت وما شكرناش فيها المنعم على عظيم فضله.

هذه التراكمات التي تضجّ في قلبك، ما بين هموم ومتاعب ومشاغل وأمنيات تسعُها ركعات في جوف الليل، تبثّ فيها شكواك لربٍّ سميع مجيب قريب، وتستغفره على ما حصل من زلل في يومك، فصلاة الليل أعذبُ ما تختم به يومك، إذ تجيء إليها مثقلاً فتعود بعدها بقلبٍ كخفّة الطير.

الحمد لله... على اللي فهمته، واللي لسه مفهمتوش! 🤍 إحنا بنحمد ربنا بسهولة لما الحاجة تعجبنا وتيجي على مزاجنا.. لكن الحمد الحقيقي والصادق... لما تقولها من قلبك وأنت لسه مش فاهم الحكمة من اللي بيحصل معاك! لأنك ببساطة: واثق إن اختيار ربنا ليك كله خير. الحمد لله... على كل اللي أخدناه والحمد لله... على كل اللي اتمنع والحمد لله... على تدبير ربنا العظيم اللي هنفهم ونشوف جماله في يوم من الأيام. وحتى لو مفهمناش الحكمة في الدنيا.. فإحنا واثقين بيقين تام إن هو ده الخير، ومش أي حاجة غيره! قال رسول الله ﷺ: «عجبًا لأمر المؤمن، إن أمره كله له خير... إن أصابته سراء شكر فكان خيرًا له، وإن أصابته ضراء صبر فكان خيرًا له، وليس ذلك إلا للمؤمن.».