Abai tv

Ақын Бекжан Әшірбаев дүниеден өтті Ақын, Қазақстан Жазушылар одағының мүшесі, Қазақстанның еңбек сіңірген қайраткері, Халықаралық «Алаш» әдеби сыйлығының иегері Бекжан Әшірбаев 52 жасқа қараған шағында дүниеден өтті. Әшiрбаев Бекжан Төребекұлы 1974 жылы Оңтүстiк Қазақстан облысы, Мақтаарал ауданы, «Ленин жолы» ұжымшарында дүниеге келген. 1996 жылы Әл-Фараби атындағы Қазақ ұлттық университетiнiң журналистика факультетiн үздiк бiтiрген. Сол жылдан берi аталмыш бiлiм ордасында қызмет атқарып келді. Журналистика саласында елеулі еңбек етті. Қазақстан Жазушылар одағының баспасөз қызметінің мәліметінше, Әл-Фараби атындағы ҚазҰУ-дың республикаға тарайтын «Қазақ университетi» газетiнiң бас редакторы (2002-2006), республикалық «Azamat.kz» қоғамдық-саяси апталығы бас редакторының бiрiншi орынбасары (2005-2006), республикалық «Ел мен Жер» қоғамдық-саяси апталығының бас редакторы (2006), республикалық «Жас қазақ үнi» газетi бас редакторының орынбасары (2007), Қазақстан Жазушылар Одағына қарасты республикалық «Қазақ әдебиетi» газетi бас редакторының бiрiншi орынбасары т.б. қызметтерді атқарған. Қазақстан Журналистер одағының мүшесi. Республикалық «Қазақ әдебиетi», «Жұлдыз», Жас қазақ үнi», «Azamat.kz», «Парасат» басылымдарында топтама өлеңдерi жарияланды. 2008 жылы «Жазушы» баспасынан мемлекеттік тапсырыс бойынша жарық көрген «Қоңыр әуен» өлеңдер кітабының және өзге де жыр жинақтарының авторы.

Ғалым Асылы Осман II дәрежелі «Барыс» орденімен марапатталды Мемлекет басшысының Жарлығымен берілген жоғары мемлекеттік награданы Президенттің атынан Алматы әкімі Дархан Сатыбалды табыстады. Асылы Осман саналы ғұмырын қазақ тілін дамытуға, оның мәртебесін арттыруға, ұлттық құндылықтарды дәріптеуге және қоғамдық келісімді нығайтуға арнады. Ол 200-ден астам ғылыми және аударма мақаланың авторы. Мемлекет басшысы құттықтауында ғалымның мемлекеттік тіл саясатын насихаттауға, ұлттық құндылықтарды дәріптеуге және қоғамдық бірлікті нығайтуға қосқан үлесін атап өтті. 📌 Асылы Осман бұған дейін II дәрежелі «Достық» және «Парасат» ордендерімен марапатталған.

Секен Тұрысбеков – «Көңіл толқыны» (С.Тұрысбеков) «Асыл мұра» Республикалық дәстүрлі өнер фестивалінің толық нұсқасы Abai TV YouTube арнасында.

Қостанайда Ботай мәдениетінің мұрасы таныстырылды Қостанайда қаланың 147 жылдығына орай «Ботай – Ұлы Дала мәдениеті» көшпелі көрмесі өтті. Экспозицияға тас, сүйек және қыштан жасалған 139 археологиялық жәдігер, сондай-ақ ежелгі қоныстың макеті қойылды. Келушілер энеолит дәуіріндегі Ботай тұрғындарының тұрмыс-тіршілігі, қолөнері және жылқыны қолға үйрету тарихымен танысты. Көрме аясында археологиялық мұраға арналған шеберлік сабақтары мен танымдық іс-шаралар ұйымдастырылды.

«Қосалқа» – қазақтың дәстүрлі жыр, ән және күй өнерін кеңінен насихаттауға бағытталған бірегей жоба Хабарға қатысқан Қазақстанның Халық әртісі Қайрат Байбосынов жобаның ұлттық өнерді дәріптеудегі маңызына тоқталып, дәстүрлі жыршылық, әншілік және күйшілік өнерді кейінгі ұрпаққа насихаттаудағы рөлін атап өтті.