Benishangul Gumuz Education Bureau

በዩኒሴፍ STEP ፕሮግራም የተከናወኑ ዓመታዊ የስራ አፈጻጸሞችን አስመልክቶ ምክክር ተካሂዷል -------- -------- ------------ ------------- -------------- (ነሃሴ 8/2018 ዓ.ም ፤ አሶሳ) የቤኒሻንጉል ጉሙዝ ክልላዊ መንግስት ትምህርት ቢሮ በዩኒሴፍ STEP ፕሮግራም በተከናወኑ ዓመታዊ ስራዎችን በተመለከተ የምክክር መድረክ አካሂዷል። ሶስት ዋና ዋና የትምህርት ድጋፎች ላይ ትኩረት አድርጎ የሚሰራው ሲሆን በሴቶች የትምህርት ተሳትፎ ማሳደግ ፣ የትምህርት አመራር ብቃት ማሻሻልና የትምህርት አሰራር ስርዓትን ማጠናከር መሆኑን ተመልክቷል። አቶ ቴዎድሮስ አበራ በቢሮው የዕቅድና ዝግጅት ዳሬክተር ሲሆኑ መድረኩን ሲያስጀምሩ እንደገለጹት በትምህርት ቤቶች ላይ ይሰሩ ፤ ውጤት ያምጡ የተባሉትን ተግባራት አፈጻጸማቸውን መገምገምና ለቀጣይ ማስተካከልና ከምክክሩ ትምህርት መውሰድ መሆኑን አንሰተዋል። የቢሮው ዩኒሴፍ ፕሮግራሞች አስተባባሪ አቶ አልፋሩቅ አብዱላሂ እንደ ክልል በፕሮግራሙ የተከናወኑ ስራዎችን ሪፖርት አቅርበዋል። በፕሮግራሙ የበጀት ድጋፍ በተሰሩ ተግባራት ውጤት መገኘቱንም የየወረዳ ሪፖርት አቅራቢዎች ተናግረዋል። ተሳታፊዎችም የቀረበትን ሪፖርቶች መሠረት ያደረጉ ጥያቄዎችን አንስተዋል ፤ ምላሽም ተሰጥቶባቸዋል። በተጨባጭ በትምህርት ቤቶች በተለይም በትምህርት ተሳትፎና ውጤት ላይ በቀጣይም ቢሆን ትኩረት ሰጥቶ መስራት ይገባል ተብሏል። ዩኒሴፍ STEP ፕሮግራም በክልሉ በሰባት ወረዳዎች ላይ የትምህርት ዘርፍን እያገዘ ይገኛል። ዘገባው የቢሮው ኮሙኒኬሽን ዳሬክቶሬት ነው።