Buxgalter | Live (Olimjon Xamroqulov)

Устав фондини кўпайтиришда аудит хулосаси. Ижтимоий тармоқларда айримлар энди МЧЖ таъсисчилари устав фондини кўпайтириш учун мол-мулк берса, аудит хулосаси керак демоқда. Янги таҳрирдаги МЧЖлар тўғрисидаги қонунга кўра, устав фонди жамиятнинг мол-мулки ҳисобидан ёки жамиятнинг тақсимланмаган фойдаси ҳисобидан кўпайтирилганда, бундай қарор кўпайтириш тўғрисидаги қарор қабул қилинган йилдан олдинги йил учун ташқи аудит хулосаси билан тасдиқланган молиявий ҳисоботи маълумотлари асосида қабул қилиниши мумкин. Демак, устав фонди таъсисчиларнинг эмас, жамиятнинг мол-мулки ёки тақсимланмаган фойда ҳисобидан кўпайтирилганда аудит хулосаси талаб этилади. @avantaj_buxgalteriya

АЛИМЕНТ УЧУН ХОДИМНИ ОЙЛИГИДАН УШЛАБ ҚОЛИШГА РОЗИЛИК ОЛИНМАЙДИ. Бир ходимни ишга олдик, алимендан қарзи бор экан, уни иш ҳақидан ушлаб қолиш бўйича МИБ дан бизни корхонага талабнома келиб тушди. Ходимни хабардор қилиб, алиментдан қарзни иш ҳақингиздан ушлаб қолсак майлими десак, йўқ имконим бўлганда тўлайман, иш ҳақимдан ушлаб қолишга розилик ёзмайман деб чиқиб кетди. У розилик бермаса ушлаб қололмаймизми, МИБ талабномасига нима деб жавоб берсак бўлади? Бундай холатда сиз ходимдан розилик сўрашингиз шартмас. Ходимни қарздорлиги юзасидан хабардор қилсангиз етарли. Аввало корхона кадрлар бўлими томонидан Ўзбекистон Республикасининг Меҳнат кодексининг 269-моддаси 2-қисм, 2-бандига асосан “Ижро ҳужжатига мувофиқ ходимнинг иш ҳақидан ушлаб қолиш тўғрисида” корхонанинг ички буйруғи тайёрланади. Бу буйруққа Бош прократура ҳузуридаги Мажбурий ижро бюроси томонидан келган талабнома, Меҳнат кодексининг 269-моддаси, 2-қисм, 2-банди асос бўлади. Ушбу буйруққа асосан бош ҳисобчи ходимнинг иш ҳақидан белгиланган тартибда ушлаб қолиш чорасини кўради. Бу холатда ходимнинг розилиги олинмайди. Агарда талабномада кўрсатилган қарздор ходим билан МШ си бекор қилинса, сиз ҳозирги кунда у билан меҳнат шартномаси бекор қилинганлиги бўйича Мажбурий ижро бюросига хабар беринг, яъни “сизнинг юборган талабномада кўрсатилган ходим билан тузилган меҳнат шартномаси 2026 йилнинг 12 апрелидан бекор қилинди, шу сабабли талабномада кўрсатилган қарздорлик учун тўлов ўтказиш тўхтатилди, буйруқ нусхаси иловада тақдим этилади” деган мазмунда маълумотнома юбориб қўйинг. Экспертимиз Эъзозабону Мамаризаева TelegramI Instagram  I Youtube

Банк омонатлари фоизларидан 5% солиқ ундириш таклиф қилинмоқда Ўзбекистонда жисмоний шахсларнинг банкдаги депозитларидан оладиган фоиз даромадларига 5% миқдорида солиқ жорий этиш таклиф этилмоқда. Ушбу ташаббус пойтахтда ўтган «Фискал мулоқот» тадбирида илгари сурилди. Ҳозирги амалдаги қонунчиликка кўра, аҳолининг банк депозитларидан оладиган фоизлари солиқдан тўлиқ озод қилинган ва бу имтиёз 1998 йилдан бери ишлаб келмоқда. @platformauzb

💰Oʻzbekistonda oʻrtacha nominal oylik ish haqi 7 mln soʻmdan oshdi Milliy statistika qo‘mitasi ma’lumotlariga ko’ra, 2026-yilning birinchi yarmida o‘rtacha oylik nominal hisoblangan ish haqi 7 mln 91,1 ming so‘mni tashkil etgan. Bu o‘tgan yilning shu davriga nisbatan 18,4 foizga ko‘p demakdir. Hududlar kesimida eng yuqori o’rtacha nominal ish haqi Toshkent shahri (12 mln so’m), Navoiy (8,7 mln so’m) va Toshkent viloyatida (6,6 mln so’m). Eng kam o’rtacha nominal ish haqi esa Surxondaryo (4,9 mln so’m) hamda Qashqadaryo (4,8 mln so’m). Barcha hududlar: ▪️Toshkent shahri — 12 mln so’m; ▪️Navoiy viloyati — 8,7 mln so’m; ▪️Toshkent viloyati — 6,6 mln so’m; ▪️Andijon — 5,6 mln so’m; ▪️Buxoro — 5,6 mln so’m; ▪️Sirdaryo — 5,6 mln so’m; ▪️Qoraqalpog’iston Respublikasi — 5,5 mln so’m; ▪️Xorazm — 5,4 mln so’m; ▪️Jizzax — 5,3 mln so’m; ▪️Samarqand — 5,1 mln so’m; ▪️Namangan — 5,1 mln so’m; ▪️Farg’ona — 5,1 mln so’m; ▪️Surxondaryo — 4,9 mln so’m; ▪️Qashqadaryo — 4,8 mln so’m. Sohalar kesimida esa nominal ish haqining eng yuqori miqdori bank, sug’urta, lizing, kredit va vositachilikda — 19 mln so’m. Ta’lim (4,9 mln so’m) va sog’liqni saqlash (4,4 mln so’m) sohalarida esa aksincha. 👉 @xushnudbek 👈

Didoxdan ajoyib qulaylik!

Insonlar o'z muvaffaqiyatlarini doim atrofidagilar bilan solishtirib baholaydilar. Tasavvur qiling, siz oyiga $1 000 ishlab topasiz va uyingiz bor. Siz baxtlimisiz? Baxt sizning shaxsiy ehtiyojlaringizga emas, atrofingizda kimlar yashashiga bog'liq. Agar sizning barcha tanishlaringiz oyiga $500 topsa, siz o'zingizni aniq baxtli his qilasiz. Agar o'sha davradagilar oyiga $5 000 topishni boshlasa, sizning daromad va xarajatlaringiz o’zgarmasa ham o’zingizni "omadsiz va kambag'al" seza boshlaysiz. Ilgari odamlar o'zini faqat qo'shnisi yoki sinfdoshi bilan solishtirgan bo'lsa, bugun ijtimoiy tarmoqlar tufayli butun dunyo bilan solishtiryapti. Ertalab uyg’onib ishga ketayotgan odam Instagramda qaysidir blogger sayohatda yurganini yoki otasiga “OTAMGA” degan yozuv bilan mashina sovg’a qilganini ko’radi. Natijada u o’zini hayotda yutqizgandek his qiladi. Hamma hayotini shunaqa yashayaptiyu bitta u 9 dan 6 gacha ishga borib keladi. Lekin raqamlarga qarasak, dunyo miqyosida odatiy mehnat qiladiganlar, shifokorlar, muhandislar, o'qituvchilar, dasturchilar, tadbirkorlarning 90-95% jamiyatda o’rta va yuqori sinfga chiqa oladi. Blogger bo'lib, millionlab pul topadiganlar foizi esa 0.1%’ga ham yetmaydi. Biz o’sha 95% insonlarni Instagramda ko’rmaymiz. Biz faqat 0.1% bloggerning sayohatlarini ko’ramiz va miyamiz beixtiyor "Hamma shunday yashayapti, faqat men orqada qolyapman" degan noto'g'ri xulosaga keladi. Yana bir tadqiqot shuni ko'rsatadiki, odamlar o'z hayotlarining eng yomon va qiyin kunlarini boshqalarning eng baxtli va ideal daqiqalari bilan solishtiradi. Siz o'zingizning charchoqlaringiz, qarzlaringiz, muamolaringizni aniq bilasiz. Lekin bloggerning kameraga kulib turgan 1 daqiqalik videosi ortida nimalar borligini bilmaysiz.

Avtobusda suxbatlashib qolgan o'quvchidan keyingi xulosalar, (Jahongir yozib quying degandingz, yozib quydim) Oldingi avlodlar ma'lumotni qidirardi. Hozirgi avlod esa ma'lumotning ichida yashayapti. Bu juda katta farq. Bir avlod oldin bilim kam edi — uni topish qiyin edi. Hozirgi avlod uchun bilim ko'paydi. Hozirgi avlod uchun esa muammo bilimning yo'qligi emas, balki uning cheksizligidir. Har kuni minglab videolar, suratlar, xabarlar va fikrlar orasida yashayotgan bola tabiiy ravishda boshqacha fikrlaydi. Shuning uchun ular: • juda tez o'rganadi; • tez zerikadi; • bir vaqtning o'zida bir nechta ishni bajarayotgandek ko'rinadi; • vizual axborotni matndan tezroq qabul qiladi; • ammo uzoq muddat diqqatni bir joyga jamlash tobora qiyinlashmoqda. Bu ularning aybi emas. Chunki ularning miyasi tez mukofot olishga, tez yangilanadigan axborot oqimiga moslashmoqda. Pedagoglar eng ko'p adashadigan nuqta ham shu yerda bo'lsa kerak)). Ko'p ustozlar: "Bizning davrimizda boshqacha edi..." (( deydi. Ha, albatta boshqacha edi. Ammo bugungi bolaning miyasi kechagi dunyo uchun emas, bugungi axborot muhiti uchun shakllanmoqda. Shu sababli kechagi metodlarni bugungi bolaga o'zgartirmasdan qo'llash har doim ham kutilgan natijani bermaydi. Bu intizom kerak emas, degani emas. Aksincha. Intizomning mazmunini o'zgartirish kerak. Buyruq o'rniga — ma'no. Qo'rquv o'rniga — ishonch. Majburiyat o'rniga — mas'uliyat. Ammo hozirgi avlodning eng katta xavfi shaxsiyatning parchalanishida ko'rinadi. Har kuni yuzlab odamlarning "ideal hayoti"ni tomosha qilgan bola, sekin-asta o'z hayotini boshqalarning hayoti bilan o'lchay boshlaydi. Natijada: — sabr kamayadi; — o'ziga ishonch pasayadi; — chuqur fikrlash zaiflashadi; — yolg'izlik hissi kuchayadi. Eng katta paradoks shundaki... Ular tarixdagi eng ko'p ijtimoiylashgan avlod. Ammo ko'pincha eng yolg'iz avlod ham. Shuning uchun bugungi pedagogning vazifasi faqat bilim berish emas. Uning vazifasi — axborot shovqini orasida yo'qolib qolayotgan bolaga ma'no, yo'nalish va o'zligini topishga yordam berishdir. Chunki kelajakni faqat bilimli emas, balki o'zini taniydigan insonlar quradi. @ustozdan_ustozga

Тез орада иш ҳақини қайси банк картасига олишни ходимнинг ўзи танлайди Ходимларга иш ҳақини қайси банк картасига олишни мустақил танлаш имконини берувчи "Тақсим" тизими ишга туширилади. Манбага кўра, ушбу тизим 30 июндан ишга туширилиши режалаштирилган, бироқ айрим банклар техник жиҳатдан тайёр бўлмагани сабабли бу кечиктирилган. Президент топшириғи асосида ишлаб чиқилган тизим иш берувчиларнинг ходимларни маълум бир банк картасидан фойдаланишга мажбурлаш амалиётига барҳам бериши кутилмоқда @platformauzb

❗️Энди фаолият кўрсатмаётган юридик шахс масофадан мустақил равишда фаолиятини қайта тиклаши мумкин Бунинг учун: ➖ солиқ тўловчи my3.soliq.uz шахсий кабинетига кириб; ➖ “Хизматлар” бўлимидан “Юридик шахснинг профилини кўриш ва ҳисоб маълумотларини ўзгартириш” хизмати танланади: ➖ очилган ойнадан “Маълумотларни ўзгартириш” тугмаси босилади; ➖ “Фаолият кўрсатаётган ва солиқ мажбуриятига эга” ҳолатига ўзгартирилади. Натижада корхона фаолияти автоматик тарзда тикланади. Мазкур янги хизмат ПФ-22-сон,16.02.2026-йил Фармонига мувофиқ амалиётга жорий этилган. @buxgalteriya_live

UzQR тизими учун 1835 қисқа рақамли Call-марказ ишга туширилди 2026 йил 1 июлдан савдо ва хизмат кўрсатиш объектларида ягона UzQR тизими орқали QR-кодли тўловларни қабул қилиш тартиби кучга кирди. Янги тартиб доирасида тадбиркорлар учун uzqr.uz порталида шахсий кабинет ҳам ишга туширилди. У орқали: • QR-код стикерларини масофадан туриб рўйхатдан ўтказиш; • UzQR орқали амалга оширилган барча тўлов ва транзакциялар бўйича реал вақт режимида маълумот ҳамда ҳисоботларни олиш мумкин. 📞 Шунингдек, тизим иштирокчилари учун 1835 қисқа рақамли Call-марказ йўлга қўйилди. У орқали техник ёрдам олиш, саволларга жавоб топиш ва юзага келган муаммоларни тезкор ҳал этиш мумкин. ⚠️ “UzQR” тизими шахсий кабинет билан ишлаш тартиби бўйича қўлланма @bankmijoz

❗️Вақтинча меҳнатга лаёқатсизлик нафақасини тўлашнинг янги тартиби жорий этилади 2026 йил 1 июлдан бошлаб Ўзбекистонда вақтча меҳнатга лаёқатсизлик нафақасини тайинлаш ва тўлашнинг янги тартиби амал қила бошлайди. Янги тартибга кўра, вақтинча меҳнатга лаёқатсизлик нафақаси нафақат иш берувчи, балки Давлат ижтимоий суғурта жамғармаси томонидан ҳам тўланади. Белгиланишича, бир календарь йилидаги меҳнатга лаёқатсизлик даврининг дастлабки 5 куни учун тўлов иш берувчи томонидан амалга оширилади. 6-кундан бошлаб эса нафақа Давлат ижтимоий суғурта жамғармаси маблағлари ҳисобидан тўланади. Нафақа камида 6 ойлик суғурта стажига эга бўлган суғурталанган шахсларга тайинланади. Унинг миқдори суғурта стажига қараб белгиланади: 6 ойдан 8 йилгача суғурта стажига эга шахсларга — ўртача ойлик иш ҳақининг 60 фоизи; 8 йилдан ортиқ стажга эга шахсларга — ўртача ойлик иш ҳақининг 80 фоизи тўланади. Шунингдек, I ва II гуруҳ ногиронлиги бўлган шахслар, қарамоғида 18 ёшга тўлмаган тўрт нафар ёки ундан ортиқ фарзанди бор фуқаролар ҳамда фарзандларидан камида бири ногиронлиги бўлган шахслар учун стаж коэффициенти 20 фоизга оширилади. Нафақани ҳисоблашда ўртача ойлик иш ҳақининг меҳнатга ҳақ тўлашнинг энг кам миқдорининг 10 бараваригача бўлган қисми инобатга олинади. Янги тартибга мувофиқ, йил давомида меҳнатга лаёқатсизлик кунлари 77 кундан ошса, стаж коэффициенти 10 фоиз бандига камайтирилади. Нафақа эса календарь йили мобайнида жами 182 кунгача бўлган касаллик даври учун тўланади. Фарзанд парвариши билан боғлиқ ҳолатларда ҳам қўшимча имтиёзлар назарда тутилган. Хусусан, 14 ёшгача бўлган фарзандни парваришлаш учун берилган меҳнатга лаёқатсизлик варақаси бўйича қўшимча 20 календарь кун, 16 ёшгача ногиронлиги бўлган фарзандни парваришлаш учун берилган варақа бўйича эса қўшимча 40 календарь кун учун нафақа Жамғарма томонидан тўланади. Нафақаларни молиялаштириш муддатлари ҳам белгиланган. Ойнинг 1–15 саналари оралиғида тайинланган нафақалар шу ойнинг 25 санасига қадар, 16–31 саналари оралиғида тайинланганлари эса кейинги ойнинг 10 санасига қадар тўлаб берилади.

❗️ Иш ҳақи, пенсия, стипендия ва нафақалар миқдори оширилади   “Иш ҳақи, пенсиялар, стипендиялар ва нафақалар миқдорини ошириш тўғрисида”ги Президент Фармони (ПФ–115-сон, 23.06.2026 й.) қабул қилинди.   💸 Фармонга кўра, 2026 йил 1 июлдан пенсиялар ва нафақалар ҳамда Ижтимоий реестрга киритилган оилаларга болалар нафақалари ва моддий ёрдам тўловлари миқдорлари 7 фоизга оширилади. Бунда:   🔹 ёшга доир энг кам пенсия миқдори – ойига 983 000 сўм; 🔹 ногиронлик пенсияларининг энг кам миқдори – ойига 1 083 000 сўм;   🔹 Ижтимоий реестрга киритилган оилаларга болалар нафақасининг ҳар ойлик миқдори:   ➖ 3 ёшгача бўлган 1 та кичик фарзанди учун – 386 000 сўм, 3 ёшдан 18 ёшгача бўлган 1 та фарзанди учун – 295 000 сўм; ➖ оиланинг 2-фарзанди учун қўшимча – 177 000 сўм; ➖ оиланинг 3- ва ундан кейинги ҳар бир фарзанди учун қўшимча – 118 000 сўм;   🔹 Ижтимоий реестрга киритилган оилалар учун моддий ёрдамнинг ойлик миқдори – 450 000 сўм этиб белгиланди.   💰 2026 йил 1 сентябрдан бюджет ташкилотлари ходимларининг иш ҳақи ва стипендиялар миқдори 7 фоизга оширилади.   📙 2026 йил 1 июлдан пенсияни ҳисоблашнинг базавий миқдори – ойига 504 000 сўм этиб белгиланди.   ✅ 2026 йил 1 сентябрдан:   ▪️ меҳнатга ҳақ тўлашнинг энг кам миқдори – ойига 1 360 000 сўм; ▪️ базавий ҳисоблаш миқдори – 440 000 сўм этиб белгиланди. @buxgalteriya_live

Аждарҳо комиссияли Ягона QR — UzQR Spot 1 июлдан мажбурий бўладиган ягона QR (брендлашган номи UzQR) тўғрисида кўпчилик билиши керак бўлган ахборотларни жамлаган. Демак, мажбурий бўлган ягона QR орқали тўлов амалга оширилганида мижоз, яъни истеъмолчидан 1% комиссия ечилади (бу кейинги кунларда бир неча савдо пулли нуқталарда текшириб кўрилди). Сотувчидан эса, 0,65% комиссия ечилади. Spot'нинг ёзишича, бундан 0,1% банк эквайерга, 0,55% Мунисга кетади. 0,55%дан 0,2% Мунисга қолади, кейин монополист Uzcard ва Humo (0,15%) ўз улушини олади, қолган 0,2% банк ташаббускорга кетади (тўлов ташкилоти орқали транзакция ўтса банкка 0,05% қолади). Spot мижоз (истеъмолчи) тўлайдиган 1% комиссия жараёнда қандай тақсимланишига аниқлик кирита олмаган. Шундай қилиб, жуда катта умидлар қилинган Ягона QR бундай аждарҳо комисиялар билан нақд ҳисоб-китолардан ҳам, терминал орқали ҳисоб-китоблардан ҳам афзал бўла олмаслиги аён бўлди. Балки шунинг учун ҳам мажбурий деб эълон қилинган. Нақдсиз тўловлар кўлами кенгайтирилиши арафасида ва ундан кейин истеъмолчилар нақдсиз тўловлар ва транзакциялар учун комиссияларнинг тинимсиз ошиб бораётганига гувоҳ бўлишмоқда.

Иш берувчилар диққатига! ЯММТ (my.mehnat.uz) ва Солиқ базаси ўртасида маълумотлар мониторинги функцияси ишга туширилди. Эндиликда икки тизим ўртасидаги маълумотлар солиштирилади ва номутаносибликлар (фарқлар) автоматик равишда аниқланади. Тизим қайси ҳолатларни қидиради ва кўрсатади? Дастур икки тизимдаги маълумотлар бир-бирига мос келмаган ҳолатларни акс эттиради: ❌ Аниқланадиган хатолик тури, бу нимани англатади? Меҳнат шартномаси бор, лекин ойлик ёзилмаганлар. Ходим ЯММТда расмий рўйхатда турибди, лекин солиқ ҳисоботларида унга иш ҳақи ҳисоблангани ва даромад солиғи тўлангани кўринмаяпти. Ойлик ҳисобланган, лекин меҳнат шартномаси йўқлар. Солиқ базасида ходимга иш ҳақи ва солиқлар акс этган, лекин ЯММТ тизимида у билан тузилган меҳнат шартномаси рўйхатдан ўтказилмаган. ⚖️ Қонунчилик нима дейди? Ўзбекистон Республикаси Меҳнат кодексининг 25-моддасига биноан: Иш берувчи меҳнат шартномаларини, шунингдек уларга доир ўзгартиш ва қўшимчаларни Вазирлар Маҳкамаси томонидан белгиланган тартибда «Ягона миллий меҳнат тизими» (ЯММТ) идоралараро дастурий-аппарат мажмуида ўз вақтида рўйхатга олиши шарт. 🛠 Иш берувчиларга тавсиялар Номутаносибликлар келиб чиқмаслиги учун шартномаларни солиштиринг: Ишдан бўшаган ходимларнинг шартномалари ЯММТда ўз вақтида ёпилганини, янги олинганларники эса рўйхатдан ўтказилганини текширинг. @buxgalteriya_live

❗️Кредит ташкилотларининг устав капиталининг энг кам миқдорлари: ● тижорат банкларида – 500 млрд сўмни; ● микромолия банкларида – 50 млрд сўмни; ● кафолатлар бериш ташкилотида – 100 млрд сўмни; ● ипотекани қайта молиялаштириш ташкилотида – 25 млрд сўмни; ● факторинг ташкилотида – 2 млрд сўмни; ● микромолия ташкилотида – 2 млрд сўмни; ● ломбардларда – 500 млн сўмни ташкил этиши лозим. @bankmijoz

Очишга 5 дақиқа, ёпишга 5 ой: тадбиркорларни чарчатаётган учбурчак — ДХМ, банк ва cолиқ Якка тартибдги тадбиркорликни рўйхатдан ўтказиш бор-йўғи бир неча дақиқа ва саноқли тугмаларни босишни талаб қилса-да, уни тугатиш ҳақиқий бюрократик жараёнга айланиб улгурган. Бугунги кунда тадбиркорлик субъектини ёпишдаги мураккабликлар — иқтисодий ислоҳотлар тезлигига мос келмаётган энг оғриқли нуқталардан бири ҳисобланади. Мамлакатда бизнес муҳити жозибадорлигини ошириш мақсадида рақамлаштириш чораларига катта эътибор қаратилмоқда. Бироқ тадбиркорлик фаолиятини бошлашдаги замонавий технологиялар уни тугатиш босқичига келганда анъанавий қоғозбозлик ва архив қидирувларига айланиб кетади. Асосий муаммолар нималардан иборат? Якка тартибдаги тадбиркор (ЯТТ) фаолиятини тўхтатиш ҳақида ариза бериши билан солиқ органлари томонидан текширув жараёни бошланади. Қонунчиликда белгиланган муддатлар мавжуд бўлса-да, аксарият ҳолатларда текширувлар ойлаб давом этиши кузатилади. Давлат хизматлари марказлари, банк ва солиқ органлари ўртасида маълумот алмашинуви тўлиқ автоматлаштирилмаган. Натижада фуқаро битта давлат идорасидан олинган ҳужжатни бошқасига жисмонан кўтариб боришга мажбур бўлмоқда. Давлат хизматларига борса, банкка бориб, ҳисоб рақамни ёпиб келишни айтади, банкка борса, солиқдан қарзи йўқ, деган ҳужжат олиб келишни сўрайди. Солиққа борганда жараён қанча давом этиши номаълум. Агар ЯТТнинг давлат олдида солиқ мажбуриятлари бўлмаса ва унинг молиявий фаолияти хавфли гуруҳга кирмаса, жараённи инсон омилисиз, автоматик тарзда якунлашга нима тўсқинлик қилмоқда? Тизимни ислоҳ қилиш бўйича аниқ таклифлар: Бизнес муҳитини ҳақиқатда соғломлаштириш учун фақатгина бозорга киришни эмас, ундан эркин ва тўсиқларсиз чиқишни ҳам таъминлаш зарур. Бунинг учун қуйидаги тизимли қадамлар қўйилиши шарт: 1. “Яшил йўлакча” тизимини жорий этиш: агар ЯТТ охирги муайян давр мобайнида ҳеч қандай молиявий айланма амалга оширмаган, солиқ ҳисоботларини ўз вақтида топширган ва қарздорлиги бўлмаса, унинг фаолияти онлайн сўров юборилгач, 24 соат ичида, инсон омилисиз автоматик равишда тугатилиши лозим. 2. Текширув муддатларига қатъий чеклов қўйиш: cолиқ органларига ёпилаётган субъектни текшириш учун чекланган муддат (масалан, 10-15 кун) берилиши керак. Агар масъул ходимлар ушбу муддат ичида текширувни якунламаса, тизим ЯТТни автомат тарзда ўчириб юбориши шарт. Бу чора масъулиятни фуқародан солиқ идорасига юклайди. 3. Банк ҳисоб рақамларини масофавий ва марказлашган ҳолда ёпиш: Давлат хизматлари маркази ёки солиқ тизими орқали берилган буйруқ асосида тижорат банкларидаги ҳисоб рақамлар автоматик равишда тугатилиши зарур. Фуқаронинг банкма-банк саргардон бўлиш амалиётига чек қўйиш вақт келди. 4. Таваккалчиликни таҳлил қилиш моделини татбиқ этиш: барча ЯТТларни бир четдан текшириш амалиётидан воз кечиш лозим. Тизим тадбиркорнинг ўтмишдаги солиқ интизомини таҳлил қилиб, унга баҳо бериши керак. Қонунбузар бўлмаган, шубҳали айланмалар амалга оширмаган тадбиркорга ҳеч қандай текширувларсиз бизнесдан эркин чиқиш имкони берилиши зарур. Бизнес ҳар доим маълум даражадаги таваккалчилик билан боғлиқ. Фуқароларда “мабодо ишим ўхшамасачи, кейин ёпишда асаб ва вақт йўқотаман” деган қўрқув бўлмаслиги керак. Бундай хавотир инвестицион фаолликка ва янги ғояларнинг юзага чиқишига тўсқинлик қилади. @u_generalissimus

🔍 2 та янгилик: 1) my.soliq.uz эски версияси бугундан ишламайди. my3.soliq.uz адреси ҳам ишламайди, у ссылка ўрнига энди my.soliq.uz ссылкаси ишлайди. Қўшимча вариант https://oldmy.soliq.uz/main/ ҳам хозирча ишлаб турибди экан; 2) https://my.soliq.uz/faktura/ru/login фактураларни оддийроқ кўришга хизмат қиладиган ссылка ҳам ишламайди, унинг ўрнига https://oldmy.soliq.uz/faktura/ru ссылкасидан ўтиб фойдаланишингиз мумкин. @buxgalterPRO_uz

Шундай тартиб ўрнатилсинки, унга мувофиқ: (а) қўшилган қиймат солиғи тўловчиси гувоҳномаси фақат ушбу солиқ тўловчилар ҳисобини юритиш мақсадида берилади ва таъсир чораларини белгилашга асос бўлиб ҳисобланмайди; (6) қуйидагилар бекор қилинади: - қўшилган қиймат солиғи тўловчиси гувоҳномасини вақтинча тўхтатиб туриш тартиби; - Ўзбекистон Республикасининг божхона чегараси орқали товарларни олиб киришни (импортни) амалга оширувчи юридик шахслар, якка тартибдаги тадбиркорлар ва ўзини ўзи банд қилган шахсларни мажбурий тартибда қўшилган қиймат солиғи тўловчиси деб эътироф этиш. @buxgalteriya_live