Commercial Bank of Ethiopia - Official

የኢትዮጵያ ንግድ ባንክ ከዳያስፖራ አባላት ጋር ያደረገው ውይይት። ****** የኢትዮጵያ ንግድ ባንክ የዳያስፖራው ማህበረሰብ በሀገሩ መስራት እንዲችል ያዘጋጃቸውን አገልግሎቶች በተመለከተ እና በሌሎችም ጉዳዮች ላይ ከተለያዩ የዓለም አካባቢውዎች ለመጡ ኢትዮጵያውያን እና ትውልደ ኢትዮጵያውያን ሰፊ ማብራሪያ እና ገለጻ የተደረገበት መድረክ ነበር። የመድረኩ ተሳታፊዎች ከባንኩ የስራ ኃላፊዎች ጋር ፊት ለፊት ተገናኝቶ ለመወያየት ለተመቻቸው እድል ባንካችንን አመስግነው፣ የተለያዩ ጥያቄዎችን እና አስተያየቶችን እቅርበዋል። የባንካችን ፕሬዚዳንት አቶ አቤ ሳኖ የባንኩን ጥሪ አክብረው ለተገኙት የዳያስፖራ አባለት ምስጋና አቅርበዋል። የባንካችን የስራ ኃላፊዎች ከዚህ በፊትም በተለያዩ ሀገራት በመገኘት የዳያስፖራ አባላትን ባንካችን ስለሚሰጣቸው አገልግሎቶች የማወያየት ተሞክሮ እንዳለ አቶ አቤ አስታውሰዋል። አቶ አቤ በዚህ የውይይት መድረክ በተነሱት ጥያቄዎች እና አስተያየቶች ላይ ከሌሎች የባንካችን የሥራ ኃላፊዎች ጋር በመሆን ምላሽ እና ማብራሪያ ሰጥተዋል። አቶ አቤ ባንካችን ከሁለም የህብረተሰብ ክፍል ጋር እንደሚያደርገው ሁሉ ከዳያስፖራ አባላት ጋርም ተቀራርቦ ለመሥራት ቁርጠኛ መሆኑን ገልጸው፣ ባንኩ ባቀረባቸው አገልግሎቶች በመገልገል ራሳቸውንም ሀገራቸውንም እንዲጠቅሙ ጥሪ አስተላልፈዋል።