Cyber University

#Qabul2026 #Abituriyent2026 #Natija DIQQAT, E'LON! YAKUNIY TANLOV NATIJALARI (MANDAT) E'LON QILINDI 📝 2026/2027-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi. 📝 Tanlov natijalarini 4 xil usulda bilish mumkin. 1️⃣ my.uzbmb.uz sayti orqali: my.uzbmb.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda. 2️⃣ mandat.uzbmb.uz sayti orqali: mandat.uzbmb.uz saytiga abituriyentning ID raqamini kiritgan holda. 3️⃣ Bilimni baholash agentligining quyidagi telegram botlariga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda: 👉@bmba_natija_bot 👉@bmba_natija_1bot 👉@bmba_natija_2bot 4️⃣ Test natijalari qaydnomasi orqali: test natijalari qaydnomasi oliy ta’lim muassasalariga taqdim etiladi. ✅ Agentlikning rasmiy sahifalari: Telegram | Facebook | Instagram | YouTube

💠Bilim, amaliyot va texnologiya birlashmoqda: kiberjinoyatchilikka qarshi yangi hamkorlik Raqamli makon kengaygani sari uning imkoniyatlari bilan birga tahdidlar ham murakkablashmoqda. Bugun kiberjinoyatchilikka qarshi samarali kurash zamonaviy bilim, ilg‘or texnologiyalar va kuchli huquqiy amaliyotning uyg‘unligini talab etadi. Toshkent viloyatida aynan shu uch omilni birlashtirishga qaratilgan muhim qadam tashlandi. ⚡️Nurafshon shahridagi “Cyber University” davlat universitetida Toshkent viloyati prokuraturasi, viloyat Ichki ishlar bosh boshqarmasi hamda universitet o‘rtasida uch tomonlama hamkorlik memorandumi va qo‘shma dastur imzolandi. Hujjatlar Toshkent viloyati prokurori A. Mirzayev, “Cyber University” rektori Sh. Kayumov hamda viloyat IIBB boshlig‘i A. Abdurazakov tomonidan imzolandi. ⚡️Mazkur kelishuvning dolzarbligini raqamlarning o‘zi ko‘rsatib turibdi: 2026-yilning dastlabki yetti oyida Toshkent viloyatida 4 mingga yaqin kiberjinoyat qayd etilib, 50 milliard so‘mdan ortiq moddiy zarar yetkazilgan. Bu esa raqamli tahdidlarga qarshi kurashda yangi yondashuvlar va ta’sirchan profilaktika mexanizmlarini joriy etishni taqozo etmoqda. ✅ Memorandum va qo‘shma dastur doirasida quyidagi ustuvor yo‘nalishlar belgilandi: ➡️ Kadrlar salohiyatini oshirish — huquqni muhofaza qiluvchi organlar xodimlari uchun kiberxavfsizlik, sun’iy intellekt, raqamli dalillar bilan ishlash va kibertahlil bo‘yicha maxsus o‘quv kurslarini tashkil etish. ➡️ Talabalarni amaliyotga jalb qilish — yoshlarning prokuratura hamda IIBBning tegishli tuzilmalarida, jumladan, Kiberjinoyatlarga qarshi kurashish boshqarmasida kasbiy tajriba orttirishiga imkon yaratish. ➡️ Zamonaviy infratuzilmani shakllantirish — yuridik klinika va kiberxavfsizlik laboratoriyasini tashkil etib, raqamli kriminalistika, kiberhodisalarni modellashtirish hamda insidentlarga javob qaytarish bo‘yicha amaliy mashg‘ulotlarni yo‘lga qo‘yish. ➡️ Ilmiy-amaliy hamkorlikni rivojlantirish — konferensiyalar, seminarlar, ochiq muloqotlar va “case-study” uchrashuvlari orqali olimlar, soha mutaxassislari hamda talabalar o‘rtasida tajriba almashinuvini kuchaytirish. ➡️ Jamiyatda kibermadaniyatni yuksaltirish — mahallalar va ta’lim muassasalarida fishing, elektron firibgarlik, zararli dasturlar hamda ijtimoiy muhandislik tahdidlaridan himoyalanishga qaratilgan qo‘shma targ‘ibot tadbirlarini o‘tkazish. ⚡️ Ushbu hamkorlik ilm-fan, ta’lim va huquqni muhofaza qilish amaliyotini yagona maqsad atrofida birlashtiradi. Eng muhimi, tashabbus kiberjinoyatlarga qarshi kurasha oladigan yangi avlod mutaxassislarini tayyorlash hamda jamiyat uchun yanada ishonchli va xavfsiz raqamli muhit yaratishga xizmat qiladi. For reading in English Для чтения на русском Website │Telegram │ Instagram │ Facebook │Youtube │Linkedin

💠 Kiberjinoyatlarga qarshi kurash: bilim va ogohlik Ajiniyoz nomidagi Nukus davlat pedagogika institutida axborot xavfsizligi madaniyatini oshirish, internetdan xavfsiz foydalanish ko‘nikmalarini shakllantirish hamda kiberjinoyatlarning oldini olish masalalariga bag‘ishlangan o‘quv-seminar tashkil etildi. 🔺 Tadbirda Qoraqalpog‘iston Respublikasi Ichki ishlar vazirligi Kiberjinoyatlarga qarshi kurash boshqarmasi inspektori N. Jumabayev, Davlat xavfsizlik xizmati mutaxassisi N. Abduqodirov, institut vakillari, pedagoglar va talaba-yoshlar, shuningdek, Cyber University davlat universitetining Kiberxavfsizlik injiniringi ta’lim yo‘nalishi talabasi X. Abdullayev ishtirok etdi. ✅ Seminar davomida bugungi kunda keng tarqalayotgan kiberfiribgarlik holatlari, ijtimoiy tarmoqlar va messenjerlar orqali amalga oshirilayotgan firibgarlik usullari, shaxsiy ma’lumotlarni himoya qilish, bank kartalari hamda elektron to‘lov tizimlaridan xavfsiz foydalanish bo‘yicha muhim tavsiyalar berildi. Shuningdek, raqamli muhitdagi tahdidlarni o‘z vaqtida aniqlash, kiberxavfsizlik qoidalariga rioya etish hamda aholining bu boradagi bilim va ogohligini oshirish masalalariga alohida e’tibor qaratildi. ⚡️ Cyber University talabalarining bunday tadbirlardagi ishtiroki nazariy bilimlarni amaliy tajriba bilan mustahkamlash, soha mutaxassislari bilan tajriba almashish va jamiyatda kiberxavfsizlik madaniyatini rivojlantirishga xizmat qiladi. For reading in English Для чтения на русском Website │Telegram │ Instagram │ Facebook │Youtube │Linkedin

📹38-Xalqaro informatika olimpiadasining tantanali ochilish marosimidan videolavha. ➡️Ochilish marosimini to‘liq ushbu havola orqali tomosha qilishingiz mumkin. ___ 📹 Видеофрагмент торжественного открытия 38-й Международной олимпиады по информатике. ➡️ Полную запись церемонии открытия смотрите по ссылке ___ 📹 38th International Olympiad in Informatics — highlights from the grand opening ceremony. ➡️You can watch the full opening ceremony via the link below. Telegram | Facebook | Instagram | Youtube | LinkedIn | X

#Eʼlon #Tanlov 🗣Ijodiy ishlar tanloviga qabul muddati uzaytirildi! Oliy ta’lim, fan va innovatsiyalar vazirligi hamda “Jadid” adabiy, ilmiy-ma’rifiy va ijtimoiy gazetasi tahririyati hamkorligida oliy ta’lim tashkilotlari talabalari o‘rtasida e’lon qilingan “Yagona Vatan, yagona xalq bo‘lib, yangi hayot va kelajak yaratamiz!” respublika tanlovi uchun ijodiy ishlarni qabul qilish muddati 20-avgustgacha uzaytirildi. ↪️Eslatib o‘tamiz, tanlov she’r, hikoya, esse va maqola yo‘nalishlarida o‘tkaziladi: ↪️Ijodiy ishlar 100 qatordan oshmagan, qo‘lda, husnixat bilan yozilgan hamda ilgari hech qayerda e’lon qilinmagan bo‘lishi lozim. 📅 Ijodiy ishlar 2026-yil 20-avgustga qadar qabul qilinadi. 📋 Tanlov nizomi 📥 Ishtirokchilar ijodiy ishini shaxsini tasdiqlovchi hujjat nusxasi, yashash manzili, oliy ta’lim tashkiloti va ta’lim yo‘nalishi ko‘rsatilgan ma’lumot bilan Toshkent shahri, Alisher Navoiy ko‘chasi, 69-uy manziliga pochta orqali yoki tanlovning @insho2026_bot Telegram boti orqali yuborishlari mumkin. 🏆 Tanlov g‘oliblari quyidagi pul mukofotlari bilan taqdirlanadi: 🥇 1-o‘rin – 25 million so‘m; 🥈 2-o‘rin – 10 million so‘mdan; 🥉 3-o‘rin – 5 million so‘mdan; 🎖 15 ta rag‘batlantiruvchi o‘rin – 2 million so‘mdan. Bizni kuzating: 📱Instagram | 📺YouTube | 🕊Telegram