DAVLAT TILIDA ISH YURITISH VA MALAKA OSHIRISH MARKAZI

❗️#E'lon ❗️ IYUL oyi "O‘zbek adabiy tili me’yorlari va davlat tilida ish yuritish" kursi tinglovchilari sertifikatlari tayyorligini ma'lum qilamiz. 📂 Sertifikatingizni Markazning rasmiy veb saytidan yuklab olishingiz mumkin. 🌎Bizning manzillar: 🌐Veb-sahifa |✈️Telegram |™️ Facebook | 📺Youtube

#qaror Respubikada davlat tilida ish yuritishni samarali tashkil etishning qo'shimcha chora-tadbirlari to'g'risida hukumat qarori qabul qilindi. 🌎Bizning manzillar: 🌐Veb-sahifa |✈️Telegram |™️ Facebook | 📺Youtube

https://youtu.be/1K9D1dVm1LE

#hudular #Far‘ona O‘zga millat vakillari uchun o‘zbek tili kurslarining navbatdagi bitiruvchilari yakuniy imtihondan o‘tdi Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazining Farg‘ona viloyat hududiy bo‘linmasi tomonidan o‘zga millat vakillari uchun tashkil etilgan o‘zbek tili kurslarining navbatdagi bitiruvchilari yakuniy imtihonni topshirdi. Mazkur kurslar Markaz mutaxassislari tomonidan ishlab chiqilgan zamonaviy o‘quv dasturlari asosida olib borilib, tinglovchilarning davlat tilida erkin muloqot qilish, og‘zaki va yozma nutq ko‘nikmalarini rivojlantirishga qaratilgan. Mashg‘ulotlarning samarasi tinglovchilarning amaliy bilim va ko‘nikmalarida yaqqol namoyon bo‘lmoqda. Bugungi kunda mamlakatimizda istiqomat qilayotgan turli millat vakillarining o‘zbek tilini o‘rganishga bo‘lgan qiziqishi tobora ortib bormoqda. Bu esa davlat tilining jamiyatdagi nufuzi va birlashtiruvchi ahamiyati yuksalayotganidan dalolat beradi. Navbatdagi o‘quv kurslarini muvaffaqiyatli tamomlagan Farg‘ona va Quvasoy shaharlarida istiqomat qiluvchi “Farg‘ona viloyati Slavyanlar madaniyat markazi”ning 33 nafar tinglovchisi uchun yakuniy imtihon tashkil etildi. Imtihon davomida tinglovchilarning o‘zbek tilida og‘zaki va yozma nutq, tinglab tushunish hamda muloqot qilish bo‘yicha egallagan bilim, ko‘nikma va malakalari belgilangan mezonlar asosida baholandi. Yakuniy sinov jarayoni Farg‘ona viloyat hududiy bo‘linmasi rahbari N. Quldashev boshchiligida shaffof va xolis tarzda o‘tkazildi. 🌎Bizning manzillar: 🌐Veb-sahifa |✈️Telegram |™️ Facebook | 📺Youtube

https://youtu.be/pIruQRSmKL0?si=kviugy23MDfSesvQ

#e'tirof ➡️ O‘zbekiston Respublikasi Millatlararo munosabatlar va xorijdagi vatandoshlar masalalari bo‘yicha qo‘mitasi raisining 2026-yil 27-iyuldagi 39-sonli buyrug‘iga asosan Alisher Navoiy nomidagi Toshkent davlat o‘zbek tili va adabiyoti universiteti huzuridagi Davlat tilida ish yuritish asoslarini o‘qitish va malaka oshirish markazi bo‘lim boshlig‘i Boboyorov O‘rinboy Mahmudovich "XALQLAR DO‘STLIGI" ko‘krak nishoni bilan taqdirlandi. ➡️ Mazkur yuksak mukofot O‘rinboy Mahmudovichning mamlakatimizda millatlararo totuvlik va bag‘rikenglik muhitini mustahkamlash, davlat tilining nufuzini yuksaltirish, turli millat vakillariga o‘zbek tilini o‘qitish tizimini rivojlantirish hamda sohada samarali va fidokorona mehnat qilayotganini e’tirof etish maqsadida berildi. ➡️ Davlat tilida ish yuritish asoslarini o‘qitish va malaka oshirish markazi jamoasi O‘rinboy Mahmudovichni ushbu yuksak mukofot bilan samimiy qutlaydi hamda kelgusidagi faoliyatida ulkan muvaffaqiyatlar, mustahkam sog‘lik va yangi yutuqlar tilaydi. 🌎Bizning manzillar: 🌐Veb-sahifa |✈️Telegram |™️ Facebook | 📺Youtube

https://youtu.be/UBL0bZOnaA8?si=_olFa7za8LMTJ3s-

#hududlar #Jizzax Jizzaxda davlat tilida ish yuritish masalalariga bag‘ishlangan amaliy seminar o‘tkazildi 😊 Davlat tilida ish yuritish asoslarini o‘qitish va malaka oshirish markazining Jizzax viloyati hududiy bo‘linmasi hamda Jizzax viloyati O‘simliklar karantini va himoyasi boshqarmasi hamkorligida “Tashkilot va muassasalarda davlat tilida ish yuritishning o‘ziga xos jihatlari: xat va hujjatlarni shakllantirishda imloviy, uslubiy talablar” mavzusida amaliy seminar tashkil etildi. ➡️ Seminarda Markazning Jizzax viloyati hududiy bo‘linmasi mutaxassislari, shuningdek, boshqarmaning shahar va tuman bo‘limlari rahbarlari hamda mas’ul xodimlari ishtirok etdi. Tadbir davomida davlat tilida ish yuritishning huquqiy va amaliy asoslari, xizmat hujjatlarini rasmiylashtirishda adabiy til me’yorlariga rioya etish, imloviy va uslubiy talablarning ahamiyati yuzasidan batafsil ma’lumotlar berildi. ➡️ Amaliy mashg‘ulotlar jarayonida ishtirokchilar rasmiy hujjatlarni tayyorlashda e’tibor qaratilishi lozim bo‘lgan jihatlar bilan tanishib, turli xizmat hujjatlari namunalarini amaliy tarzda ishlab chiqishdi. Bu esa nazariy bilimlarni amaliyot bilan mustahkamlashga xizmat qildi. ➡️ Seminar yakunida tomonlar o‘zaro hamkorlikni yanada rivojlantirish, xususan, boshqarma tizimidagi bir guruh xodimlarning Davlat tilida ish yuritish asoslarini o‘qitish va malaka oshirish markazining masofaviy o‘quv kurslarida malakasini oshirish bo‘yicha kelishuvga erishdilar. 🌎Bizning manzillar: 🌐Veb-sahifa |✈️Telegram |™️ Facebook | 📺Youtube