Шайх Фаридуддин Аттор (қуддиса сирруҳу) 🌸

Дедим: Ғаминг чекарман. Деди: Ўтар бу ғам ҳам Дедимки: Менга бўл ой. Деди: Чиқар бирор дам. Дедим: Вафолилардан ўрган вафо йўлини. Деди: Гўзал санамда меҳру вафо бўлур кам. 👤 Хожа Ҳофиз Шерозий (қаддасаллоҳу сирраҳу) 📚 «Ғазал ва рубоийлар» @Fariduddin_Attor✨

Ўзидан ўзгага умид қилдингми, албатта у билан жазоланасан, ҳаттоки фарзандинг бўлса ҳам...

____Бугунги ҳикмат: «Қалбга ҳам дам керак. Баъзан энг гўзал даво — ҳамма нарсани Аллоҳга топшириб, бироз жим туришдир.» 💗

🕊💌Қалбга мактуб — 25 «Руҳингни чарчатма» Эй қалб... Ҳамма нарсани бир кунда ҳал қилишга уринма. Баъзи дардлар вақт билан, баъзи саволлар сукут билан, баъзи яралар эса дуо билан битади. Ўзингни кечаги хатоларинг учун ҳар куни жазолайверма. Сен кеча эмассан. Сен — бугун тавба қилаётган, бугун ўзгараётган, бугун яна ҳаракат қилаётган инсонсан. Эй қалб... Ҳар бир инсонни тушунишга мажбур эмассан. Ҳар бир воқеанинг сабабини билишга ҳам. Баъзи нарсаларни шунчаки: «Аллоҳ билади», деб Унга топширишни ўрган. Шунда кўнглингда жой очилади. У жойга хотиржамлик киради. Эй қалб... Ўзингни ҳам меҳр билан бағрингга бос. Сен ҳам чарчайсан. Сенинг ҳам сукутга, дуога, бир илиқ сўзга эҳтиёжинг бор. Бу заифлик эмас. Бу — инсонлик. Эй Роббим... Қалбимни ортиқча ташвишлардан халос қил. Мен ўзгартира олмайдиган нарсаларни Сенга топширишга, ўзгартира оладиган нарсаларим учун эса куч топишга ёрдам бер. Ўтмишимга афв, бугунги кунимга барака, эртанги кунимга хайр ёз. Руҳимни чарчатмайдиган, қалбимни Сендан узоқлаштирмайдиган ҳаёт насиб эт. Омин, ё Раҳмон. 🤲🌹

🔵🔵🔵🔵🔵 Eng katta baxt bu - kutmaslik. Eng baxtli odam hech kimdan yaxshilik kutmagan odam. Ya’ni baxt behojatlikdir. Устоз Исмоил Райҳон домланинг телеграм каналларига обуна бўлинг @Ismoil_Rayhon

👉moziydansado инстаграм саҳифасидан олинди

🍞 ҲАЛОЛ РИЗҚ ВА ҚАНОАТ 📖 ​Низомий Ганжавий (қуддиса сирраҳу) — ("Махзан ул-асрор "): Ўз ризқим донидан қилиб қаноат, Садафдек хонамда сарварман фақат. Ер юзининг тузини еб омонман, Шакар еб, тузликни бузар ёмонман. ​📜 Ҳадиси Шариф (Имом Термизий ривояти): ​«Кимнинг қалбида қаноат бўлса, у дунёдаги энг бой одамдир». ​📚 Имом Ғаззолий (қуддиса сирраҳу) — ("Иҳёу улумид-дин"): ​"Ҳалол ва оз ризқ билан қаноатланиш — қалбни озод, руҳни эса юксак қилади. Пок бўлмаган луқма эса дуоларнинг ижобат бўлишига тўсиқдир". @Fariduddin_Attor🌺

Ушшоқ* гурунгида қарор ўзгачадир, Бу севги шаробида хумор ўзгачадир. Ул илмки, мадрасада бўлмиш ҳосил, Бас, ўзга-ю, ишқи гулъузор ўзгачадир. *Ишқ аҳли. 👤 Мавлоно Жалолиддин Румий (қаддасаллоҳу сирраҳу) 📚 «Рубоиёт» асаридан. @Fariduddin_Attor💫

____Бугунги ҳикмат: «Сенинг қадрингни ҳамма англаши шарт эмас. Сени яратган Зот сени қандай қадрлаши — шунинг ўзи кифоя.» 💗

🕊💌Қалбга мактуб — 24 «Қадрингни билган қалб» Эй қалб... Ўз қадрингни одамларнинг муносабати билан ўлчама. Кимдир сени қадрламаса — сен қадрсиз бўлиб қолмайсан. Кимдир сени тушунмаса — сен тушунарсиз бўлиб қолмайсан. Кимдир сендан юз ўгирса — сенинг йўлинг тугамайди. Чунки сенинг ҳақиқий қийматингни инсонлар эмас, сени яратган Роббинг билади. Эй қалб... Ўзингни исботлашдан чарчама, лекин ҳаммага исботлашга уринма. Сокин бўл. Яхшилик қил. Пок қол. Вақт сенинг ўрнингга жавоб беради. Баъзи инсонлар сенинг қадрингни сен кетганингдан кейин тушунадилар. Аммо сен уларнинг англашини кутиб яшама. Сенинг вазифанг — кимнингдир кўзида буюк бўлиш эмас. Сенинг вазифанг — Аллоҳнинг наздида муносиб банда бўлиш. Эй қалб... Сени чин дилдан севганни қадрла. Сенга яхшилик қилганни унутма. Сенга озор берганни кечир. Аммо ўзингни ҳам асра. Чунки қалбинг — Аллоҳ берган омонат. Уни нафрат билан оғирлаштирма. Уни ўтмиш билан қамаб қўйма. Уни келажак қўрқуви билан чарчатма. Уни дуо билан енгил қил. Эй Роббим... Мени ўз қадрини билган, аммо кибрланмаган қалблардан қил. Менга муҳаббатда вафо, кечиришда куч, сабрда гўзаллик, сукутда ҳикмат ато эт. Қалбимни одамларнинг эътиборига эмас, Сенинг розилигингга боғла. Омин, ё Карим, ё Раҳмон. 🤲🌹

#байт Кокилингтак бошинга чирманмак истар хотирим, Эй ману юз ман каби саргашта қурбонинг санинг.​.. (Муҳаммад Фузулий ҳазратлари) @fariduddin_attor🌙✨

Токай бу жаҳон бизга қилар ранжу ситам? Қийнайди қачонгача хаёли кўну кам? Ҳеч нарсага арзимайди ҳар икки жаҳон, Ҳар нарса учун мунча чекармиз нега ғам? 👤 Шайх Фаридуддин Аттор (қуддиса сирраҳу) 📚 «Рубоиёт» ларидан @Fariduddin_Attor🌺

____Бугунги ҳикмат: «Баъзан сен йўқотиш деб ўйлаган нарса — Аллоҳнинг сени асраш учун қилган энг нозик раҳматидир.» 💗

🕊💌Қалбга мактуб — 23 «Сени асраётган қўл» Эй қалб... Сен баъзан ўзингни ҳимоясиз ҳис қиласан. Гўё барча оғирликлар елкангга тушгандек, гўё ҳеч ким сени асрамаётгандек... Аммо бир лаҳза тўхта. Ўтган умрингга қара. Қанча балолардан ўтиб кетдинг. Қанча йўллардан омон чиқдинг. Қанча марта «энди бўлмайди», деган жойингдан яна турдинг. Сен буларнинг барчасини ўз кучинг билан енгдинг, деб ўйлама. Балки сен сезмаган бир раҳмат қўли ҳар сафар сени асраб келгандир. Эй қалб... Баъзан Аллоҳ сенга бир нарсани бермайди, чунки унинг ичида сен билмаган зарар бор. Баъзан бир инсонни ҳаётингдан олиб чиқади, чунки у билан бирга кетишинг мумкин бўлган йўл сен учун хайрли эмас. Баъзан эса сени бир жойда ушлаб туради, чунки ҳали сенинг вақтинг келмаган бўлади. Сен эса: «Нега?» дейсан. Аммо бир кун орқага қараб, «Яхшиям ўшанда бўлмаган экан», дейишинг мумкин. Эй қалб... Шунинг учун ҳар бир тақдирингни қўрқув билан эмас, таваккул билан қабул қил. Сен ҳамма нарсани кўрмаётган бўлишинг мумкин. Аммо сени яратган Зот сенинг йўлингни бошидан охиригача билади. Эй Роббим... Мен кўрмаган хавфлардан мени асра. Мен билмаган хайрларимни менга насиб эт. Йўлимдаги ёпиқ эшикларнинг ҳикматини тушунишни, очилган эшикларингга шукр қилишни ўргат. Қалбимга шундай ишонч берки, ҳар қандай ҳолатда ҳам: «Аллоҳ мени асраяпти», деб хотиржам яшай олай. Омин, ё Ҳафи‌з, ё Раҳмон. 🤲🌹

#Робиъул_аввал_мавлуд_ойи

* * * МАХТУМҚУЛИ •┈❁✿❁┈• ЁРОНЛАР Бир жумъа кечаси кўрдим тушимда: Бол уриб, кўкларга учдим, ёронлар. Парвоз айлаб, сайрон этдим дунёни, Бир ободон жойга тушдим, ёронлар. Каҳкашонга чиқдим: турли самарлар, Минг турли мевалар, хуррам шажарлар, Норинжи, туринжи, лиму, олмалар, Бир ободон боғга тушдим, ёронлар. Очилмишдир унда ранг-баранг гуллар, Шўришу афғонда шайдо булбуллар, Мармардан ҳовузли кавсардек сувлар, Таҳаййур айлабон шошдим, ёронлар. Ул қаро боғ ичра кўрдим бир чаман, Ажойиб мажлиски, кўрдим – анжуман. Давра кириб кўрдим: ўлтирмиш чилтан, Салом бериб, қўлин қучдим, ёронлар. Ҳамма овоз айлаб, «Алайк!» дедилар, Ишорат айлабон, «Ўтгил!» дедилар, Давра қуриб, жомга шароб қуйдилар, Менга етгач, қўлим очдим, ёронлар. Билмадим, кўпми ё менга оз берди, Ўзга олам бошқа бир овоз берди, Ишқ олди кўнглимни, дилга сўз берди, Оёқдан-оёққа тушдим, ёронлар. Махтумқули, ҳушёр бўлдим, уйғондим, Уйғондим, ўртандим, туташдим, ёндим, Маъно бозоринда ҳаётга дўндим, Ширин ғазал тўнин бичдим, ёронлар. Туркман тилидан ўзбек тилига мувофиқлаштирувчи Устоз Мирзо Кенжабек. @m_kenjabek| @xojagon_uz •┈┈• ❀ 🌷☘️🌷 ❀ •┈┈•

__Бугунги ҳикмат: «Баъзан Аллоҳнинг энг гўзал жавоби — сен кутган нарсанинг келиши эмас, унинг ўрнига қалбингга хотиржамлик тушишидир.» 💗

🕊💌Қалбга мактуб — 22 «Сукутдаги жавоб» Эй қалб... Баъзан сен жуда кўп гапирасан, аммо жавоб тополмайсан. Шунда бир оз сукут қил... Чунки ҳар бир жавоб сўз билан келмайди. Баъзи жавоблар — қалбингга тушган хотиржамликдир. Баъзилари — кутилмаган бир эшикнинг очилиши. Баъзилари эса — сен қаттиқ хоҳлаган нарсанинг насиб бўлмаслиги. Сен эса фақат биттасини кўрасан: «Нега?» Роббинг эса сен ҳали билмаган «нима учун»ни билади. Эй қалб... Ҳар бир рад жавобни жазо деб ўйлама. Балки у сени асрашдир. Ҳар бир кечикишни унутилганлик деб билма. Балки у сени тайёрлашдир. Ҳар бир йўқотишни охир деб қабул қилма. Балки у сен учун янги бошланишдир. Шунинг учун бугун ҳам ишонч билан яшагин. Дуо қил. Сабр қил. Таваккул қил. Ва натижани Раббингга топшир. Эй қалб... Сен ҳамма нарсани тушунишинг шарт эмас. Баъзан бандага тушуниш эмас, ишониш кифоя. Чунки Аллоҳнинг ҳикмати сенинг ақлингдан кенгроқ, раҳмати эса сенинг тасаввурингдан улуғроқдир. Эй Роббим... Мен тушунмаган тақдирларимда ҳам Сенга ишонишни ўргат. Кўнглим истаган нарса бўлмаса ҳам, «Аллоҳ мен учун яхшисини билади», деб хотиржам бўладиган қалб бер. Сукутида ҳам Сенинг ҳикматингни эшитадиган, кутишида ҳам Сенинг раҳматингни сезадиган банда қил. Омин, ё Ҳаким, ё Раҳмон. 🤲🌹

Фаридуддин Аттор ҳазратлари 📚Мантиқ- ут тайр «Робияни ип йигириб сотгани» ҳикояти (Жаҳонгир Каримов ижросида)