ટહુકો🐥

જવા દો મને આજે એમની મહેફિલમાં. એ તિરસ્કારથી લલચાઈ નહીં તો કહેજો... ~મુસાફિર

પર્વતને નામે પથ્થર દરિયાને નામે પાણી, ઈર્શાદ આપણે તો ઈશ્વરને નામે વાણી.. આંસુ ઉપર આ કોના નખની થઈ નિશાની?? ઈચ્છાને હાથ-પગ છે એ વાત આજે જાણી. આ શ્વાસની રમતમાં હારી ગયો છું તો પણ, મારા ઘરે પધારો ઓ ગંજીપાની રાણી. ક્યારેક કાચ સામે ક્યારેક સાચ સામે, થાકી જવાનું કાયમ તલવાર તાણી-તાણી. ઈર્શાદ આપણે તો ઈશ્વરને નામે વાણી.! ✨ -ચિનુ મોદી

ધરતી પર નભ નમે તો ગમે મસ્ત આ મોસમમાં કોઈ યાદ કરે તો ગમે વરસાદ તો વરસે તેની મોસમ છે કોઇની લાગણી બે-મોસમ વરસે તો ગમે.! # વરસાદ 🌧️

માણસની અંદરનો ઘોંઘાટ, ક્યારેક તેને બહારથી મૌન બનાવી દે છે.

દે તો પછી અનહદ દે, હદ ન દે દમ દે ભલે, જરાપણ, મદ ન દે ચાંદનીમાં જ રહેવાની આદત છે દે તો પછી મને સુદ દે, વદ ન દે બસ જીવન આપ્યું તેટલુંજ ઘણું ખાલી ખોટા નામ ના મકસદ, ન દે સતત સપાટી પર તરવાની ટેવ છે ઠંડુ સરોવર દે, પાણી ખદબદ ન દે. વકીલ ની કલમથી

એક દિવસનું ચોમાસું ને, ઓગણત્રીસ દિવસનો બાફ, તોય તું વરસ્યો એ વાતે, જા તારા બધાય ગુના માફ!

उबलता हुआ पानी भी सोचता होगा, बीच में बर्तन ना होता तो आग की औकात बताता!

સિંધુ રાગ સોહામણો શુર મન હરખ ન માય, શિર પડે ને ધડ લડે એનાં વધામણાં વૈકુંઠ જાય.

પંગત ને સંગત, અંગત જોડે રાખો એટલે રંગત આવે જ.

પહેલાંના સમયમાં આ સમસ્યા હતી.... અત્યારે આ સમસ્યા સમાજમાં છે, ત્રણને સમજાવો તો ચોથા ને વાંકું પડે😌

બારણું વાસતા જો ભેજ નડે, તો ચોમાસાને દોષ ના દેશો. કદાચ!થોડી ભીની યાદો ઉંબરે બેઠી હશે......

પુરુષોનો સંઘર્ષ બોલકણો નથી હોતો તે પર્વત જેવો મોટો હોય છે, પરંતુ ભેંકાર મૌન ધારણ કરીને જ બેઠો હોય છે. ભાગ્યે જ કોઈ સંઘર્ષશીલ પૂરૂષ હશે કે જેની પાસે તેના પર લાગતા તમામ આરોપોના જવાબ નહી હોય. તેની પાસે બધા જ જવાબ હોય જ છે, તે પણ ઈચ્છે છે કે બે શબ્દોના તીર ચલાવીને સામે વાળાને ચૂપ કરી દઉ, પણ પાછો એજ પર્વત જેવો મોટો પરંતુ ભેંકાર મૌન ધારણ કરીને બેઠો સંધર્ષ ના પાડે છે. પરિવાર કલ્યાણ માટે ૫૦૦ કીમીથી ૭૦૦ કીમીની યાત્રા કરવાની હોય, પ્રાઈવેટમાં ભાડુ પુછે તો ખબર પડે કે ₹૭૦૦ છે તો નક્કી કરે ચલો સરકારીમાં જાઉં, સરકારી ચાર બસોમાં ભીડને ચીરીને એક ઓલંપીક દોડવીર મહેનત કરે તેટલી કરીને ચઢે ને સીટ રોકે ત્યારે કંડક્ટર કહે આખી બસ રિઝર્વ છે. નીચે ઉતરો આવું એક વાર નહી ચાર ચાર વાર થાય. અંતે કોઈ એક બસ મળે પરંતુ સીટ તો નહી જ, એજ હેન્ડલને પકડીને ઊભા રહેવાનું. થાકેલા પણ ટેવાયેલા પગો આશ્વાસન આપતા હોય ચિંતા ના કરો હુ ભાર સહન કરીશ, હાથ કળતર કરતા હોય પણ જો છોડી દય તો ઊંધ વેરણ બનીને બેઠી હોય. હરેક સ્ટેશને ટગર ટગર સીટોને જોતી પેલી આંખો કે હમણાં કોઈ મુસાફર સીટ ખાલી કરશે! અરે કોઈ મુસાફર ખાલી શરીરનું પાઠું ફેરવે તો પણ આશા જાગે કે હમણાં ખાલી કરશે આવી નાની નાની આશાઓ વાળી આ સફર હોય છે. અરે આટલું જ નહી, જે કામ માટે જતા હોય તેની ગણતરી તો મગજમાં ચાલુ જ હોય પાછી, અને પાપાની ઢીગલીએ લાબૂ લીસ્ટ આપ્યુ હોય આટલું આટલું લઈ આવજો પાપા. પાછું કામ પર જવાના કારણે એક સમાજિક કાર્યક્રમમાં નથી જવાયું તેનો ભાર તો છે જ આવા અનેક વિચારોની સુનામી દિમાગના દરિયામાં ભરતી ઓટ લાવતી જ હોય. હવે થાક હદ બહાર જાયને કોઈ સીટ ખાલી થાય. બે ત્રણ કલાક ઊભા પગે રહ્યા બાદ આ મળતી સીટ જાણે કોઈ રાજાનુ સિંહાસન હોય તેવો અહેસાસ કરાવે. સીટ પર બેસતા જ પગ, હાથ અને દિમાગ સાવ શાંત થઈ જાય. આટલી જદ્દોજહેતે પુરી સફર થયા બાદ પણ આ માણસે બોસના ટાર્ગેટ અને પરિવારની સમસ્યાના લીસ્ટ વચ્ચે સેન્ડવીચ તો થવાનું જ હોય. જો કે હવે તેણે બધુ જ સ્વીકાર દીધુ હોય છે. એટલે નથી તો જવાબ આપવો કે નથી જસ્ટીફીકેશન બસ એ જ પર્વત જેવો પણ ભેંકાર મૌન ધરાવતો સંધર્ષ. યાર, તમારા ઘરમાં આવો કોઈ વ્યક્તિ હોય તો એક મસ્ત જાદુની જપ્પી આપીને “આઈ લવ યુ” કહેજો. તે તમારો દિકરો હોય, તમારો પતિ હોય, તમારો ભાઈ હોય કે તમારા પિતા. તેણે પણ પીગળવું હોય છે જો તમે ફરિયાદ ના બદલે પ્રેમ કરો તો. નોટઃ- પર્વત મૌન હોય છે નદી નહી. - મહેશ પુરોહિત, નવસારી

😂😂😂 *" દે દામોદર દાળ માં પાણી.."* આ એક લાઈન નાનપણ થી અનેક વાર સાંભળી છે.. પણ આખી કવિતા કદાચ કોઈકે જ સાંભળી હશે ! તેથી અહીં પ્રસ્તુત છે ~ એક જૂની હાસ્ય વ્યંગ્ય કવિતા ~ *“ દે દામોદર, દાળ માં 💦પાણી..!! ”* વાત વધી કોઈ વાત ને જાણી, દે દામોદર દાળમાં પાણી, નોતરાંમાં છે ગોટમગોટા : નોતર્યા નાના ને આવ્યા મોટા, વાટકા લાવ્યા એવડા મોટા, પીરસનાર ની ભૂલ દેખાણી, જેને લીધે થઇ છે ઘાણી, *દે દામોદર દાળમાં પાણી,* તાપ વધ્યો ને તપેલું ચીબું, ઉકળી દાળ ને ઉછળ્યું છીબું, ત્યાં પડેલું બોલ્યું લીંબુ, થોડી ઉભરાણી, થોડી ઢોળાણી, જેની રસોડે છે એંધાણી, *દે દામોદર દાળમાં પાણી,* કેટલી સંખ્યા કો’કને પૂછી, દાળ ઓરાણી વાત માં ઓછી, ને ભાત વેળાએ તાણાતાણી, *દે દામોદર દાળમાં પાણી,* એના વરામાં શું ઠેકાણું ? વાલ બોલ્યાં, પતરાળું કાણું, કો’કને ભાણે ક્યાંક અથાણું, ઠીક વરાની વાત ફેલાણી, એનીજ છે આ રામ કહાણી, *દે દામોદર દાળમાં પાણી,* આંગળી બોલી કોળિયો રીઢો શાક તાડુકયું લાડવો મીંઢો, બેઉની એવી છે આ ઉઘરાણી કેમ રીસાણી, ક્યાં સંતાણી ? ભાત ની રાણી - - - *દે દામોદર દાળમાં 💦પાણી..!!* ✍🏻: કૃતિ હાસ્યકવિ *“જર્મન પંડ્યા”* (જન્મશંકર પંડ્યા).

ખુદનો માળો વસાવો હોય ને તો, ડાળે ડાળે ફરતાનો ભરોસો ન કરવો...

તમારી લડાઈ તમારે જ લડવાની છે, કેમ કે, માગેલા ઘોડાએ ગામતરા નો થાય ભાઈબંધ..!!