حاميد محمد hamed_kurdy

https://youtu.be/UHsSoxVnG7Q?si=NoNMCzQf_uvHY6Mg

زانست لە دوێنێ و ئەمڕۆدا زانست دوێنێ لەنێو زانایان قەدر و ڕێزی تایبەت بوو ، بۆیە هەڵگرانی زانستیش بەڵای ئەوان ڕێزی تایبەتیان هەبوو . گەر خیلاف و ناکۆکی هەبوایە لە نێوانیان هەوڵی زیاتریان دەدا پەرتووکی زیاتر بنووسن لەسەر بۆچوون و بەڵگەکانیان و خوێندنەوەیەکی زانستیانەی زیاتریان دەکرد بۆ بۆچوون و تێگەیشتنەکانیان ، وە بە هەمیشەیی ئەدەبی خیلافیان لەنێودا زیندووبوو. زانست ئەمڕۆ کەم ڕێزی لێ دەگیرێ مەگەر لای ئەهلی خۆی نەبێت ، وە ڕێز لە زانایان ناگیرێ کەم نەبێت . ئەوانەی ئەمڕۆ بەناوی زانست خەریکن تانە و تەشەر لەزانا گەورەکانی ئوممەتی ئیسلامی دەدەن و شەو و ڕۆژ خەریکی عەیبداکردن و بەدواداچوونی هەڵە وکەموکورتی زانایانن بەوە خۆیان گەورە و بەناوبانگ دەکەن و ناتوانن لە کۆشش و گەورەی ئەم زانایانە کەم بکەنەوە . کەواتا زانایانی ئوممەتی ئیسلامی نووسین و بانگەوازی و خوێندنەوەی زانستی نوێ پێشکەش بە ئیسلام دەکەن و بەشی خۆیان دەخەنە کاروانەکە و ئەدەبی خیلاف لە نێوانیادا زیندووە تا مردن . ئەوانەی ئەمڕۆ هەندێکیان بەناوی زانست خەریکی تانەدان لە زانایان و کتێبەکانیان ، وە وەک مشەخۆرێک بە پەرتووک و زانستی ئەم زانایانە گەر بوبێتە خوێندەوارێکی ئیسلامی بەڵام لەولاوە تەنها خەریکی قسەکردنە لەسەر پەرتوک و زانستی ئەو زانایانەی ئەویان کردە خوێندەوارێکی ئیسلامی وە هیچ نە پێشکەش دەکا بە ئیسلام نە بە ئوممەتی ئیسلامی جگە لە دروستکردنی ناوبانگ بۆخۆی و فەوزا خستنە نێو ڕیزی موسڵمانان و گومان دروستکردن لە دڵی گەنجان و بانگەوازیەکی بێ حیکمەتانە و ونکردنی ڕیگای زانست لە بەشێک لە قوتابیانی زانستی ئیسلامی . گەر بهاتایە ڕەخنە و هێرشەکانانیان زانستی بوونایە و ئەدەبی گفتووگۆیان تێدابوایە مەجالی تێدادەبیت و کەس بێ هەڵە نیە بگرە رەخنە بەم جۆرە خزمەتی زانستە بەڵام بەداخەوەم کە بەم شێوەیە نیە. کەواتە ئەمانە هیچ پێشکەش ناکەن بە کاروانی ئیسلام بگرە مێژووی خۆی باش ناکات گەر تەوبە نەکات و تا ئەم دونیایە ماوە بۆ پەندو ئامۆژگاری فەقێکان باسی لێوە دەکرێ . ئەمە لەبیر نەکەین کە ئەمەش گەر تاقیکردنەوەیە بۆ بەندەکان وە جۆرێکە لە فیتنە تێکچوون و نەمانی تەوازنی زانست و ڕێزی زانایان . جا خۆتان سەیربکەن ئەوانەی کاریان تەنها هێرش کردنە سەر زانایان و کتێبەکانیانە بزانن چ خزمەتێکیان کردوە بە ئیسلام و ئوممەتەکەی جگە لە ڕەد و وەڵام . (گشتاندن نیە تەنها ڕونکردنەوەیە بۆ هەبوونی ئەم باسە لە هەندێک کەسایەتی وە و هەندێک تۆڕی ئینتەرنێت.) خوای گەورە هیدایتەمان بدات و فێرە زانستمان بکات و تەوفیقمان بدات بۆ کارکردن پێی.