жыццё-маліна

З Днём народзінаў, Мікіта. Сёння Мікіце споўнілася б 38 гадоў. У гэты дзень хочацца ўспомніць, якім быў Мікіта і колькі ён зрабіў для Беларусі і для кожнага і кожнай з нас. Дзякуй, Мікіта, што быў, што працягваў рабіць і змагацца, не спыняючыся. Дзякуй, што верыў і аб’ядноўваў нас агульнай беларускай справай. Мы абавязкова працягнем. Дзякуй за ўсё, легенда.

Я дажыву да таго, што можна будзе ісці і спакойна галёкаць у нябёсы: «Жыве Беларусь» Сёння 80-годдзе адзначае выбітны беларускі паэт і грамадска-палітычны дзеяч Уладзімір Някляеў. Таму хочам нагадаць вам пра вялікае інтэрв’ю са спадаром Уладзімірам, якое рабіў Мікіта ў далёкім 2021 годзе. ❤️‍🩹 Мікіты ўжо больш за паўгода як няма з намі, але ягоная беларуская спадчына засталася. Дзясяткі гутарак, да якіх можна вярнуцца, пераглядзець і ўсё адно знайсці нешта новае, каб працягваць беларусець разам.

☀️ Канал «Загляне сонца» робіць рэстарт Саша Івулін падхапіў сцяг свайго сябра Мікіты Мелказёрава і працягне расказваць цікавыя рэчы пра беларускую гісторыю. Нам усё яшчэ цяжка ўсвядоміць новую рэальнасць, але разам перажываць гора, здаецца, прасцей. Першы выпуск без Мікіты Мелказёрава прысвечаны Уладзіміру КАРАТКЕВІЧУ. Караткевіч – важны чалавек не толькі для беларускай літаратуры, але і гісторыі. Па сутнасці, ён прыдумаў новую Беларусь. Не ў лапцях і самотную, а самадастатковую, шляхетную, тую, якой варта ганарыцца. Сабралі для вас усе цікавыя факты пра Караткевіча ў адным месцы. Будзем удзячныя за фідбэк – ён нам вельмі дапаможа зразумець, як можна працягнуць рабіць гэты канал лепей. Працягнем беларусець разам?!

Гэтае відэа 23 снежня ты павінен быў запісваць не са мной, а з Мікітосам. ❤️‍🩹 На канале «ЧестнОК-LIVE» Саша Івулін выпусціў інтэрв'ю са Зміцерам Дашкевічам. Саша дзеліцца, што гэтую размову павінен быў запісаць Мікіта яшчэ 23 снежня... Гэта відэа — трыб'ют Мікіце. Дзякуй, Саша 🙏 🔗 Паглядзіце гэтую размову: https://youtu.be/LS6sFLV6qUk

😢 Ліна Цапава, жонка Мікіты Мелказёрава, напісала кранальны пост на 40 дзён са смерці мужа. Крыніца: lina_tsapova 🧄 Падпісацца на ЧестнОК