Матуля Беларусь

ДОБРАГА РАНКУ ! і ДА СУСТРЭЧЫ ! "Наканаваў сустрэчы лёс За кожным развітаннем. Ірвецца сэрца да нябёс, Нібы жаўрук уранні. І падпяе душы зямля, Забудзецца трывога, І ўсе турботы - на пасля - Хай збудзецца дарога. І хоць здаецца доўгім час - Вы сэрцу не пярэчце: Мо недзе так чакаюць вас, Счакаліся сустрэчы." ( УЛАДЗІМІР МАРУДАЎ ) Дакладна, каб "счакацца", часам - трэба расстацца. І зразумець: ці сапраўды сумуеш, ці натуральна хочаш зносін, ці рэальна цягне ўбачыцца ?!) СЯБРЫ, каму прыемна пачынаць ранак і завяршаць дзень беларускімі вершамі на маім рэсурсе... Каму цікавыя творчыя справаздачы і ТБ-анонсікі ад #НаташаБардзілоўская...І проста - хто прыязны, будзеце чакаць ?!) Іду у летні адпачынак, водпуск... "Збягаю" і з Сацсеткавай прасторы... Буду сумаваць па УСІХ ВАС, па самых блізкіх духам і душою - асабліва... Дай Божа, вярнуся ! Жадаю Вам шчаслівага, поўнага на радасці і дары Жыцця, лета... Каб ва ЎСІХ ВАС і КОЖНАГА ўсё было добра ! ДОБРЫХ РАНКАЎ і СВЕТЛЫХ НОЧАК... ДА ПАБАЧЭННЯ ❤️!

ДАБРАНАЧ - АД МАТУЛІ. "Сярэдзіна раскошлівага лета, Цяніста ў садзе, лапушыста, ройна, Цвіце баркун драбнюткім белым цветам, Гусцей, чым мята, арамат лье тройнік. Прыпарыць, пагрыміць і зноўку парыць. Дажджы шчыруюць бульбе, агародам. На ўзлессе выбег баравік паджары Пабудкаю ўсяму грыбному роду. Жніво праз тыдзень, два. Наліты колас, Зямлі на грудзі лёгшы амулетам, Вусаты, мяккі, рук, грудзей не коле. Сярэдзіна раскошлівага лета." ( АЛЕГ ЛОЙКА ) А ВАМ верыцца, што мы ўжо - на сярэдзіне лета ?!) Самы жаданы і доўгачаканы час года - перасякнуў сваю палову... Днямі "Прыйшоў Пятрок - апаў лісток" - па-народнаму, з 12 ліпеня, ад Пятра і Паўла пайшло лета на спад. А там не "за гарамі" і Ілля - увогуле, прадвосеньскі вяшчун. Гадзіннік года ідзе безупынна. Дзень за днём - адкрыццё, будні і святы, клопаты і разнявольванні... Апошніх, канешне, улетку хочацца больш ! Асабліва ў такое добрае надвор'е, як зараз ! Працягваем атрымліваць асалоду. А пакуль - месяц праводзіць нас у сон. ДАБРАНАЧ, СЯБРЫ ❤️!

ТБ-АНОНС. "ПЯТРОВІЦА" - 2026. На Любаньшчыне ў 16-ты раз адгучаў фэст традыцыйнай культуры "Пятровіца". Трохдзённае свята сабрала ў краі каля сотні прадстаўнікоў з усіх 6 абласцей Беларусі і, вядома, з Мінску. Акрамя традыцыйнай праграмы (спевы-танцы-рэканструкцыя абрадаў) у сёлетняй сустрэчы былі і свае адметныя цікавосткі... Трэба глядзець ! Даведаецеся - пра што... Тэлеэфір ў праграме "Навіны. Цэнтральны рэгіён" ў нядзелю, 19 ліпеня. "Беларусь-1" 12.20 Першы інфармацыйны 11.00 і 16.00 Шчыра запрашаю ❤️!