Myitkyina News Journal

https://www.myitkyinanewsjournal.com/myitkyina-news-journal-radio-podcast-myanmar-aug-13-2026/

https://www.myitkyinanewsjournal.com/at-least-1-3-million-people-affected-by-floods-in-myanmar-reports-isp-myanmar/

https://www.myitkyinanewsjournal.com/col-naw-bu-urges-caution-as-military-tensions-rise-across-shwegu-bhamo-waimaw-indawgyi-and-khaunglanphu/

https://www.myitkyinanewsjournal.com/warazup-militia-conducts-military-operations-along-ledo-road-abusing-locals-says-col-naw-bu/

https://www.myitkyinanewsjournal.com/a-journey-of-sweat-blood-and-survival-inside-kachins-displacement-crisis/

https://www.myitkyinanewsjournal.com/myitkyina-news-journal-radio-podcast-myanmar-aug-12-2026/

https://www.myitkyinanewsjournal.com/myitkyina-news-journal-radio-podcast-myanmar-aug-11-2026/

https://www.myitkyinanewsjournal.com/kscu-provides-educational-grants-to-children-of-kachin-martyrs/

https://www.myitkyinanewsjournal.com/myitkyina-news-journal-radio-podcast-myanmar-aug-10-2026/

https://www.myitkyinanewsjournal.com/nban-la-speech/

https://www.myitkyinanewsjournal.com/thailand-aims-to-help-myanmar-junta-secure-equal-role-in-asean/

https://www.myitkyinanewsjournal.com/chindwin-river-nears-danger-levels-in-upper-sagaing-near-kachin-border-mogok-sees-record-rainfall-in-44-years/

https://www.myitkyinanewsjournal.com/myitkyina-news-journal-radio-podcast-myanmar-aug-7-2026/

https://www.myitkyinanewsjournal.com/myitkyina-news-journal-radio-podcast-myanmar-aug-6-2026/

ရှစ်လေးလုံး လှုပ်ရှားမှုအစီအစဉ် ဩစတေးလျမှာ ပြုလုပ်မယ် ------------------ ဩဂုတ်၊၆ ၃၈ နှစ်မြောက် ရှစ်လေးလုံး ဒီမိုကရေစီအရေးတော်ပုံကြီးအတွက် ဩစလေးလျနိုင်ငံ၊ မဲလ်ဘုန်းမြို့မှာ လှုပ်ရှားမှုအစီစဉ် ၃ ခုကို ပြုလုပ်သွားမှာဖြစ်တာကြောင့် လာရောက်ပါဝင်ကြဖို့ တိုက်တွန်းထားပါတယ်။ လာမယ့်ဩဂုတ်လ ၈ ရက် နေ့(စနေနေ့)မှာ ထီးသပိတ်နဲ့ ရှစ်လေးလုံး အရေးတော်ပုံမှာ အသက်ပေးလှူသွားခဲ့ကြတဲ့ ရဟန်းရှင်လူ၊ ကျောင်းသား၊ ပြည်သူအားလုံးအတွက် ဆွမ်းကပ်လှူပူဇော်ပြီး အမျှပေးဝေတဲ အခမ်းအနားကို နိုဝင်ပတ်ဘုန်းကြီးကျောင်းမှာ ပြုလုပ်သွားမယ်လို့ စီစဉ်သူတွေဆီက ကြားသိရပါတယ်တယ်။ အဲဒီနောက် ၉ ရက်နေ့မှာတော့ ရှစ်လေးလုံး ဒီမိုကရေစီအရေးတော်ပုံရဲ့ အခမ်းအနားကို Werribee မှာ ကျင်းပသွားမှာ ဖြစ်တယ်လို့ သိရပါတယ်။ "ကျွန်မတို့ရဲ့ တော်လှန်ပြည်သူ၊ပြည်သား၊ ညီအစ်ကိုမောင်နှမများ သွေးကြွေးမှာ ဆွေးနွေးစရာမရှိဘူး။ သွေးအေးလို့မရဘူး။ ပုလ္လင်ပေါ်ကဒီစစ်ခွေးမိစ္ဆာကို ကန်ချကြပါ။ လာမယ့် စနေ့နေ့မှာ ကျင်းပမယ့် ထီးသပိတ်ပွဲမှာ အင်တိုက်အားတိုက်လာရောက် ပါဝင်ကြဖို့ ကျွန်မလေးလေးနက်နက် တိုက်တွန်းနိုးဆော်ပါတယ်။ " ဩစလေးလျနိုင်ငံရောက် မြန်မာနိုင်ငံသား နိုင်ငံရေးပလှုပ်ရှားသူတစ်ဦးက ဖိတ်ခေါ်ထားတာပါ။ လှုပ်ရှားရတဲ့ ပထမရည်ရွယ်ချက်ကတော့ ၁၉၈၈ ခုနှစ် ရှစ်လေးလုံး ဒီမိုကရေစီအရေးတော်ပုံကနေ ၂၀၂၁ နွေဦးတော်လှန်ရေးအထိ မြန်မာပြည်သူတွေရဲ့ လွတ်လပ်မှု၊ ဒီမိုကရေစီနဲ့ တရားမျှတမှုအတွက် ရုန်းကန်မှုတွေကို အမှတ်ရဂုဏ်ပြုဖို့လို့ သိရပါတယ်။ ဒုတိယရည်ရွယ်ချက်ကတော့ မတရားဖမ်းဆီးထိန်းသိမ်းခံထားရတဲ့ လူထုခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး အမြန်ဆုံး လွတ်မြောက်နိုင်ရေးအတွက် နိုင်ငံတကာသိုက်အဝန်းကနေ ပိုမိုထိရောက်တဲ့ အရေးယူဆောင်ရွက်မှုတွေ ပြုလုပ်ပေးဖို့ပါ။ တတိယရည်ရွယ်ချက်ကတော့ စစ်အာဏာရှင်စနစ် အပြီးတိုင်ချုပ်ငြိမ်းရေး၊ လူ့အခွင့်အရေးချိုးဖောက်မှုတွေ ချက်ချင်းရပ်တန့်ရေးနဲ့ ဒီမိုကရေစီ၊ တရားမျှတမှု၊ ဖက်ဒရယ်အနာဂတ် ပြန်လည်တည်ဆောက်နိုင်ရေးအတွက် ကမ္ဘာ့အသိုက်အဝန်းက ဆက်လက်အာရုံစိုက် ပံ့ပိုးကူညီပေးကြဖို့ အသံထုတ် တောင်းဆိုဖို့လို့ စီစဉ်သူတွေဆီက သိရပါတယ်။ အဲဒါကြောင့် မဲလ်ဘုန်းမြို့ နဲ့ အနီးပတ်ဝန်းကျင်မှာရှိတဲ့ မြန်မာမိသားစုတွေ၊ ဒီမိုကရေစီအင်အားစုတွေနဲ့ မြန်မာပြည်ကို ချစ်မြတ်နိုးသူတွေအားလုံး လာရောက်ပူးပေါင်းပေးကြပါဖို့ ဖိတ်ခေါ်ထားတာလည်း ဖြစ်ပါတယ်။

ဆုံးရှုံးနယ်မြေတွေရဲ့ ၈ ရာခိုင်နှုန်းကျော်ကို စစ်အုပ်စုပြန်သိမ်းယူထား -------------- ဩဂုတ်၊ ၆ စစ်အုပ်စုဟာ ၂၀၂၁ အာဏာသိမ်းပြီးနောက်ပိုင်း ဆုံးရှုံးခဲ့တဲ့ ၁၀၁ မြို့ထဲက ၂၂ မြို့ကို ပြန်သိမ်းယူ ထားတယ်လို့ မြန်မာ့မဟာဗျူဟာနဲ့ မူဝါဒရေးရာလေ့လာရေး အင်စတီကျု (ISP Myanmar) ရဲ့ အချက်အလက်တွေအရ သိရပါတယ်။ စစ်အုပ်စုဟာ ဆုံးခဲ့တဲ့တဲ့ နယ်မြေတွေရဲ့ ၈ ဒသမ ၈၆ ရာခိုင်နှုန်း (၂၄,၁၂၃ ဒသမ ၈၁ စတုရန်းကီလိုမီတာ) ကို ပြန်ရထားတယ်လို့ ဆိုပါတယ်။ စစ်အုပ်စုဟာ ၂၀၂၄ တုန်းက ၄ မြို့၊ ၂၀၂၅ တုန်းက ၁၀ မြို့နဲ့ အခုနှစ်ထဲမှာ ၈ မြို့ကို ထပ်သိမ်းနိုင်ခဲ့တာလို့ ဆိုပါတယ်။ အဲဒီ ၂၂ မြို့ထဲက လားရှိုး၊ မိုးကုတ်နဲ့ မိုးမိတ်မြို့တွေကို တရုတ်နိုင်ငံရဲ့ ကြားဝင်စေ့စပ်မှုနဲ့ ပြန်ရခဲ့တာဖြစ်ပြီး ကျန်တဲ့ ၁၉ မြို့ကိုတော့ တိုက်ခိုက်သိမ်းယူခဲ့တာ ဖြစ်တယ်လို့ သိရပါတယ်။ အဲဒီနယ်မြေတွေဟာ အကျယ်အဝန်းအနေနဲ့ မကြီးမားပေမဲ့ လက်နက်ခဲယမ်းသယ်ယူရေးနဲ့ တပ်ဖြန့်ခွဲမှုတွေအတွက် ဗျူဟာမြောက်အရေးပါတဲ့ ဒေသတွေဖြစ်တယ်လို့ ISP က ထောက်ပြထား ပါတယ်။ ဒါ့အပြင် စစ်အုပ်စုပြန်မရသေးတဲ့နယ်မြေတွေထဲကမှ နိုင်ငံခြားရင်းနှီးမြုပ်နှံမှုတွေရှိတဲ့ ဒေသတွေကိုလည်း ပြန်ထိန်းချုပ်နိုင်ဖို့ စစ်ဆင်ရေးတွေ လုပ်လာတယ်လို့ ISP က ဆိုပါတယ်။ ဒါကြောင့် တော်လှန်ရေးတပ်တွေထိန်းချုပ်ထားတဲ့ နိုင်ငံခြားရင်းနှီးမြုပ်နှံမှုတွေရှိတဲ့ ဒေသတွေမှာ စစ်ရေးပိုပြင်းထန်လာနိုင်တယ်လို့လည်း သိရပါတယ်။ လက်ရှိအချိန်မှာလည်း စစ်အုပ်စုဟာ ပြည်သူ့စစ်မှုထမ်းတပ်သားတွေနဲ့ အင်အားဖြည့်တင်းပြီး လူလှိုင်းနဲ့ ပြန်ထိုးစစ်ဆင်နေတာဖြစ်တယ်လို့ လေ့လာသူတွေက သုံးသပ်ထားကြပါတယ်။

ဆုံးရှုံးနယ်မြေတွေရဲ့ ၈ ရာခိုင်နှုန်းကျော်ကို စစ်အုပ်စုပြန်သိမ်းယူထား

https://www.myitkyinanewsjournal.com/severe-malaria-risk-rises-in-myanmar-worsened-by-drug-shortages-warns-health-cluster/

https://www.myitkyinanewsjournal.com/myitkyina-news-journal-radio-podcast-myanmar-aug-4-2026/