«Otandastar Qory»

Дайджест Отандастар қорының 4% квота арқылы оқуға түскен қандастар туралы баспасөз хабарламасы жарияланған отандық БАҚ-тар 🔹Kazinform (kaz): https://kaz.inform.kz/news/ek-minnan-astam-kandas-memlekettk-blm-grantin-ielend-d8f9e372/ 🔹Kazinform (ru): https://www.inform.kz/ru/bolee-dvuh-tisyach-kandasov-postupili-vvuzi-kazahstana-pokvote-902fa7c0 🔹Kazinform (instagram/kaz): https://www.instagram.com/p/Db3BAdXtRi-/?igsh=NTJibHpkbGN3azVp 🔹Kazinform (instagram/ru): https://www.instagram.com/p/Db3BDNHIoMd/?igsh=MWtoOHhlcHJ6eXFnNA== 🔹Turkystan: https://turkystan.kz/article/286357-biyl-2-mynnan-astam-etnikalyq-qazaq-memlekettik-bilim-grantyna-ie-boldy 🔹Digital Nomads: https://digitalnomads.kz/articles/khandastardyng-khazakhstangha-okhugha-tuesui-95percent-gha-zhetti 🔹Qumash Kz: https://qumash.kz/news/v-kazahstanskie-vuzi-stalo-postupat-bolshe-kandasov/ 🔹Sputnik: https://sputnik.kz/20260810/qandastar-2-378-grant-ielendi-en-kop-tandalgan-mamandyqtar-qanday-65592606.html 🔹Politico (instagram): https://www.instagram.com/p/Db43y9ltfST/?igsh=MzdxZnM1dW5uY3Ey 🔹Politico (tiktok): https://vt.tiktok.com/ZS4vCnPfN/ 🔹Politico (threads): https://www.threads.com/share/_iKbqTbia/ 🔹Ernur Kz: https://ernur.kz/kazakstan/eki-mynnan-astam-kandas-memlekettik-bilim-grantyn-ielendi @otandastar

30%-дан 95%-ға дейін артты: қандастарға бөлінген гранттар қалай игеріліп жатыр 2026–2027 оқу жылында ұлты қазақ шетел азаматтарына арналған 4% мемлекеттік білім беру квотасы бойынша 2 378 қандас талапкер Қазақстан Республикасының жоғары оқу орындарына қабылданды. Биыл бұл квота аясында барлығы 2 497 грант бөлініп, оның игерілу деңгейі 95,2%-ды құрады — бұл квота тарихындағы ең жоғары нәтиже. Бөлінген орындардың басым бөлігі техникалық, жаратылыстану-математикалық және педагогикалық бағыттарға тиесілі болды. Ең көп талапкер инженерлік, өңдеу және құрылыс салаларын (667), педагогикалық ғылымдарды (489), ақпараттық-коммуникациялық технологияларды (415), сондай-ақ жаратылыстану ғылымдары, математика және статистиканы (367) таңдады. Денсаулық сақтау бағытына 108, қызмет көрсету саласына 87 қандас қабылданды. Соңғы жылдары квота бойынша грант иеленген қандастар саны тұрақты өсіп келеді. 2022 жылы игерілу деңгейі не бәрі 29,46%-ды (654 грант иегері) құраса, кейінгі жылдары көрсеткіш едәуір артты: 2023 жылы — 801, 2024 жылы — 1 604, 2025 жылы — 2 140 қандас грант иегері атанды. Ал 2026 жылы бұл сан 2 378-ге жетіп, игерілу деңгейі 95,2%-ды құрады. Көрсеткіштің артуы — соңғы жылдары қабылданған нақты шаралардың нәтижесі. 2023 жылға дейін гранттардың игерілу деңгейі 40%-ға да жетпейтін. Оның басты себептері — шетелде қазақ тілінде толыққанды орта білім беретін мектептердің тапшылығы, білім бағдарламаларының сәйкессіздігі, Қазақстан тарихы пәнінің шетелде оқытылмауы және ҰБТ-да барлық пәннен шекті балл жинау талабы болатын. «Отандастар қоры» КеАҚ бұл мәселені бірнеше жыл бойы жүйелі түрде көтеріп келді. Қор мен ҚР Ғылым және жоғары білім министрлігі жұмыс тобының үйлескен әрекеті нәтижесінде 2024 жылы маңызды нормативтік өзгеріс қабылданды: қандас талапкерлер үшін әр пәннен шекті балл жинау талабы алынып тасталды. 2025 жылдан бастап олар тек үш пәннен — оқу сауаттылығы және екі бейінді пәннен тест тапсыратын болды. Осы жеңілдіктер этникалық қазақтардың тарихи Отанында сапалы жоғары білім алу мүмкіндігін айтарлықтай кеңейтті. «Отандастар қоры» алдағы уақытта да қандастардың білім алуына жәрдемдесіп, олардың бейімделуі мен ел игілігіне қызмет етуіне қажетті жағдай жасау бағытындағы жұмысын жалғастырады. @otandastar