Rustam Abdumurodovich🇺🇿 | Shaxsiy blogi

Ko‘proq ishlarga ulgurishni xohlaymiz. Yechim izlaymiz. Topish uchun navbatdagi kitobni tugatib chiqishimiz mumkin. Youtubeda yana bir videoga bosishimiz mumkin. Ulgurish muammosiga uchramaydigan SI dan maslahat olishimiz mumkin. Yoki ming yillardan beri sinalgan usullarni tanlashimiz mumkin: Seneka: Kechga borib ishlarimni tahlil qilaman. Hazrati Umar (r.a): Hisob-kitob qilinmasdan, o‘zingizni hisob-kitob qiling!. Biznes tilida buni reja-fakt deyishadi. Ertalab “Nima qilmoqchiman?” deb yozib chiqamiz. Kechqurun “Nimalar qildim?” deb yozib chiqamiz. Qila olmaganlarimizning sabablarini tahlil qilamiz.

“Bu hayotda bir marta yashaymiz”. Bu fikr yaxshilikka ham, yomonlikka ham boshlashi mumkin. ❌mazza qilib dam olay ❌yosh paytim o’ynab olay ❌to’y-hashamni zo’r qilay ❌eng yaxshi uy, mashinam bo’lsin ❌hozir o’yin-kulgu vaqti, ibodat hali qarilikda ❌mahallamda obro’im baland bo’lsin, falonchi degan nomim bo’lsin ✅yaxshi amallarimni ko’paytiraman ✅vaqtim borida, ilm olaman ✅har bir amalimni ibodatga aylantiraman ✅yaqinlarim bilan ko’proq vaqt o’tkazaman ✅har so’zim, har ishimga e’tiborli bo’laman ✅bir marta yashaymiz, oxirat g’amini qilish uchun yagona fursat - hozir. “Hamma qilyaptiku” bahonasi bizni chalg’itmasin. Alloh O’zi buyurgani kabi yashab, yolg’iz O’ziga tavakkul qilgan bandasini zoye qilmaydi.

Bugun prava imtihoni Termizdagi Avto test markaziga kelganman Xudo xohlasa bu yerga kelganlarni hammasini imtihondan oʻtib ketishsin Bu yerda kimdlardir yaxshi pul topishyapti kimlardir pul yoʻqotishmoqda… Nazariy test savollari toʻlovi 1,5 mln Yiqilsangiz 1 mln 600 ming Amaliy mashina xaydash imtihoni nazariy imtihon bn bir vaqtda toʻlov qilsa 1,5 mln agar imtihon kuni tolov qilsa 1 mln 600 ming soʻm Shuning uchun yaxshi tayyorlanib hayajonni yengib imtihondan oʻtish kerak Alloh barchamizni oʻqish va ishlarimizni oson qilsin🤲

Surpriz kutib yashaymiz. Dadam mashina sovg’a qilsa, akam sayohatga oborib kelsa, turmush o’rtog’im iPhone olib bersa… O’shanda xursand bo’laman, emotsiyaga to’laman deb o’ylaymiz. Aslida, kutganimiz kabi bo’lmaydi. Bir lahzada o’tadi, 2 kundan keyin hech birining qizig’i qolmaydi. Hayotimiz qachon qiziqroq bo’ladi, bilasizmi? Umr yillar, oylar va kunlardan iborat. Kunini mazmunli qilgan odamning umri mazmunli bo’ladi. Har kuni bajaradigan aniq vazifalar bo’lishi kerak. 20 sahifa kitob, bomdoddan keyin uxlamaslik, 5 daqiqa hech narsa qilmay o’tirish, selfcare uchun 10 daqiqa vaqt. Ularni yozib ko’rinadigan joyga ilish kerak. Kichik-kichik amallar, ko’p vaqt talab qilmaydi. Biroq har birini bajarganda, xayolda bitta ✅ qo’yiladi. Barchasi bajarilganda, “kunim behuda ketmadi” fikri paydo bo’ladi. Foydalari: - kichik vazifalar yig’ilib katta natija beradi - intizomni shakllantiradi. 4-5 kun bajarib, keyin tashlab qo’yaman desangiz, nazoratni pulga sotib oling. Do’stingizga oylik belgilab, har kuni talab qilishini so’rang. Yoki marafon va jamoaviy mashg’ulotlarga qo’shiling. Bajarilmasa, jazosi og’irroq bo’lsin. Kunlik vazifasi bor insonning xayoli vazifani vaqtida topshirish bilan band bo’ladi. Kimdir kelib, uni xursand qilishini kutib yashamaydi. Chunki uning hayoti shundoq ham bir maromda qiziqarli kechyapti. Surprizlar bo’lsa, haddan tashqari xursand bo’lib ketmaydi. Qiyinchilik bo’lsa, ortiqcha xafa bo’lmaydi. Zotan, musulmonga mo’tadillik xos.

Kitob o'qiyotganda diqqatni jamlash - ko'pchilikda muammo. Yaqinda shu mavzudagi ilmiy tadqiqotlar va onlayn kitob gruppalaridagi amaliy tajribalarni o'rganib chiqdim. Ularni bitta interaktiv sahifaga jamladim. Har birining manbasi ko'rsatilgan 20 ta amaliy taktika, fokus bilan o’qish seansini qurishiz mumkin (reading-session builder) va maxsus taymer bor. Kimdir foydalansa xursand bo'laman. https://khursh.id/kitob/ @birfoizbilim

Nega Alloh meni sinaydi? Hadis va Hayot: 20-juz. Anbiyolar qissasi. Shayx Muhammad Sodiq Muhammad Yusuf.

Tong bu Allohning "yana bir bor urinib ko'r" degan ishorasidir.

📚 Bugun yana bir muhim bilim oldim. Sho’rchi tumani Navoiy Innovatsiyalar Universitetida bo’lib o’tayotgan “Atom odatlar” mavzusidagi treningda ishtirok etdim. Treningni Yagona Mebel korxonasi asoschisi, 60 nafardan ortiq xodimga ega korxona rahbari Yo’lchi Ulug’ov o’tmoqda. Yana bir bor amin bo’ldim: katta natijalar bir kunda emas, har kuni takrorlanadigan kichik odatlar orqali quriladi. Bugun o’rgangan bilimlarimni hayotim va biznesimda amalda qo’llashni boshlayman, inshaalloh. Sizningcha, muvaffaqiyatga eng ko’p ta’sir qiladigan bitta odat qaysi? Fikringizni izohlarda yozing. 👇

Denovda yangi qadam va katta maqsadlar! Bugun Denov tumanida tarixda birinchi marta "Foydani karra oshirish va shaxsiy brend" mavzusida biznes trening boʻlib oʻtmoqda…

Agar qalbingda bir orzu bo‘lsa, demak u bekorga berilmagan. Alloh har bir orzuni bir sabab bilan qalbga soladi. Muhimi — harakat qilish, sabr qilish va Allohga suyanish. Ehtimol yo‘ling uzoqdir, ehtimol sinovlar ko‘pdir. Ammo unutma: Alloh bilan boshlangan yo‘l hech qachon bekor tugamaydi.