Shahnoza Soatova blogi

Табриклайман: биз янги муаммо қаршисидамиз. Юз минглаб аудиторияга эга ва ахборот тарқатиш этикасини билмайдиганлар сунъий интеллектни ўрганиб олишди. Бу қиз “Зиплайн узилиб кетди” деб видео тарқатди, кейин эса видеога “СИда қилинган” деган белги қўйганман, сунъий интеллектни ўргатувчи курсларимга ёзилинг деб рекламани босди. СИ ўргатиш учун одамларни аввал алдаш шартмиди? Парадокс шуки, СИ саводхонлиги курсини сотиш учун одамларнинг СИ саводхонлиги етишмаслигидан фойдаланиляпти. Яъни фейклар реклама самарадорлигининг бир қисмига айлантириляпти. Албатта, масаланинг ҳуқуқий жиҳатига ваколатли ташкилотлар баҳо беради. Бир неча ой аввал Рақобат қўмитаси ижтимоий тармоқда реклама қонунчилигини бузган блогерлар бўйича маъмурий чора кўриб, ҳужжатларни судга юборган эди. Лекин мен учун бундан ҳам муҳимроқ савол бор. Бугун СИ ёрдамида зиплайн узилганини кўрсатишяпти. Эртага кимдир шундай усулда “метро портлаганини” кўрсатади. Индинга бошқаси "мактабда ёнғин чиққанини", "самолёт қулаганини" ёки "машҳур инсон вафот этганини".... Ҳар бирининг бурчагига майда қилиб «СИ» деб ёзиб қўйса, шу билан масъулияти тугайдими? Албатта, йўқ. Биз “СИ асрида контент яратувчининг аудитория олдидаги ахлоқий масъулияти қандай бўлади? Қандай оқибатларга тайёр туришимиз ва уларнинг олдини қандай олишимиз керак?” деган жиддий саволлар қаршисида турибмиз. Албатта, тақиқ ва жазолаш тарафдори эмасман, бу натижа беришига ишонмайман ҳам. Ўз билими билан пул топиб тирикчилик қилмоқчи бўлган аёлнинг йўлини тўсиш ҳам яхши эмас. Аммо мана шундай шов-шувли воқеалар (ахборот мавриди) баҳонасида бир тарғибот контенти чиқариб одамларга тушунтириб қўйиш зарур деб ўйлайман. Ахборот тарқатувчиларга эса оддий сўзларда тушунтираман: СИни биламан деб босаверманглар, фаросатни ишлатиб, оқибатларини сал ўйланглар. Сизларнинг хайп-рекламангиз баҳоси жамиятга қимматга тушиши мумкин. @shahnozxon

🔥ДЎСТЛАР! ДИҚҚАТ! ФИКРИНГИЗ КЕРАК🙏 1.Тошкент Давлат иқтисодиёт университети. Иқтисодиёт йўналиши. 4 йиллик грант (текин ўқиш). Фақат 1-курсдан бошлаш керак. 1 йил йўқотилади. 2. Болоня (Италия) университети (134-ўрин), Шаҳарлар ва туризм иқтисодиёти йўналиши. 3 йил, ўқиш текин. Яшаш ва университет харажатлари йилига 15-17 минг евро атрофида чиқяпти. Стипендия ва грантлардан умид бор. 3. Тошкент Вестминстер халқаро университети. Жаҳон иқтисодиёти йўналиши. 1-курс тугади, яна 3 йил ўқиши керак, бир йиллик тўлов қарийб 39 млн. Ҳаммаси бакалавр. Ўғлимга шу учови ўртасида танлов қилолмай турибмиз. Қайси бирини танлаган маъқул? Иқтисодиёт йўналиши таълимини, умуман таълимни яхши тушунадиганлар, фарзандини хорижда ўқитаётганлар, умуман, талаба фарзанд катта қилаётганлар фикри айниқса қизиқ. Ўзбекистонда имкониятлар кўпайгани шундан ҳам маълумки, ёшлар мана шундай ёқимли танловлар қаршисида “қийналишяпти”.🙏🙏🙏 Фикрларингизни изоҳларда кутиб қоламан. @shahnozxon

Bizni aytishyapti😊 Yoshlar men, Umid Gafurov va Xushnudbek haqida @shahnozxon

AJABO! Bu dunyo – bitmagan chala imorat, Shu holiga tag‘in hoyu havasdir. Chayqovchi qo‘shnimning ismi – Jahongir, Mushtday kuchugi bor, nomi yo‘lbarsdir. Shodmonqul SALOMni o'qib turinglar. Yaxshi yozadi👍 @shahnozxon

Пойтахтимизда мамлакатимиз мустақиллигининг 35 йиллигига бағишланган “Мустақил Ўзбекистон – 35 йиллик тараққиёт йўли: ислоҳотлар, натижалар ва истиқболлар” мавзусида халқаро илмий-амалий конференция бўляпти. Тадбирда иштирок этаётган хорижий давлатлар ҳамда халқаро ташкилот вакилларининг Ўзбекистондаги ижобий ўзгаришлар ва ўсиш динамикаси ҳақида иқтибослари: Осман Местен, Туркия Буюк Миллат Мажлиси депутати, Туркия-Ўзбекистон дўстлик гуруҳи ҳамраиси: "Ўзбекистоннинг Президент Шавкат Мирзиёев жанобларининг узоқни кўзлаган оқилона раҳбарлиги остида катта ва дадил қадамлар билан ёрқин келажак сари интилаётганини ғурур билан кузатиб келмоқдамиз. Чуқур тарихий ва маданий алоқаларга эга бўлган Ўзбекистон билан ҳамкорлигимизни қардошлик ришталарига асосланган кенг қамровли стратегик шериклигимиз негизида барча соҳаларда изчил равишда чуқурлашиб бораётганидан мамнунмиз". Сабине Махл, БМТнинг Ўзбекистон Республикасидаги Доимий координатори: "Сўнгги йилларда Президент Шавкат Мирзиёев раҳбарлигида Ўзбекистонда инсон қадри ва манфаатларини ислоҳотларнинг марказига қўйишга қаратилган кенг кўламли ўзгаришларни алоҳида эътироф этиш лозим. Мамлакатда иқтисодий янгиланишларни ижтимоий тараққиёт, самарали давлат институтлари ва инсон ҳуқуқларини таъминлаш билан уйғун олиб боришга интилиш яққол кўзга ташланмоқда". Cалтанат Аманова, Қирғиз Республикаси Жогорку Кенеши Илм-фан, таълим, инновацион ривожлантириш ва ахборот технологиялари, маданият, спорт ҳамда ёшлар ишлари бўйича қўмитаси ўринбосари: "Бугун Ўзбекистон Марказий Осиёнинг иқтисодий жиҳатдан жадал ривожланаётган давлатларидан бирига айланди. Энг муҳими, Ўзбекистоннинг бугунги ютуқлари нафақат мамлакатнинг ўзи, балки бутун минтақамиз тараққиёти ва фаровонлиги учун ҳам муҳим аҳамият касб этмоқда". Конференция ўз ишини давом эттирмоқда. @shahnozxon

Sun’iy intellekt va LegalTech – huquqshunoslikda yangi tendensiyalar davri boshlanyapti. Adliya vaziri Akbar Tashkulov “Mustaqil O‘zbekiston — 35 yillik taraqqiyot yo‘li: islohotlar, natijalar va istiqbollar” xalqaro ilmiy-amaliy konferensiyasidagi nutqida bu haqida ma'lum qildi. 💬 “35 yil — tarix uchun katta davr emas. Ammo shu qisqa vaqt ichida O‘zbekiston o‘z davlatchiligini mustahkamladi, milliy huquq tizimini shakllantirdi va eng muhimi, inson qadri, huquq va erkinliklarini davlat siyosatining markaziga qo‘ygan yangi taraqqiyot bosqichiga kirdi”, — dedi adliya vaziri. ⚖️ Vazir so‘nggi yillarda huquqiy davlat g‘oyasi nazariy tamoyildan kundalik davlat boshqaruvi mezoniga aylanib borayotganini ta’kidladi. Bu o‘zgarishlarning mohiyatini esa bitta muhim tamoyil ifodalaydi: ❗️ “Davlat organlari inson uchun ishlashi kerak, inson davlat organlari uchun emas.” 📲 Islohotlarning amaliy natijalari ham qayd etildi. Bugungi kunda davlat xizmatlarining 90 foizi onlayn shaklda ko‘rsatilmoqda, 2026-yilning birinchi yarmida esa 460 mingdan ortiq notarial harakat masofadan turib rasmiylashtirildi. 🚀 Kelgusi bosqichda inson huquqlarini himoya qilishni yanada kuchaytirish, qonunchilikni sodda va barqaror qilish, odil sudlovga erishishni yengillashtirish, davlat xizmatlarini proaktiv va avtomatik shaklga o‘tkazish hamda sun’iy intellekt va LegalTech asosida yangi avlod huquqiy ekotizimini yaratish ustuvor vazifalar sifatida belgilandi. 🇺🇿 “Taraqqiyotning mustahkam poydevori — qonun ustuvorligi, inson huquqlariga hurmat va adolatli institutlardir.” Manba

Ruslanbek Davletov yangi lavozimga tayinlandi Endilikda u Prezident huzuridagi Qonunchilik va huquqiy siyosat instituti direktori lavozimida faoliyat yuritadi. Mazkur institut mamlakatdagi qonunchilik va huquqiy siyosatni chuqur tahlil qiluvchi asosiy ekspert-tahliliy markaz hisoblanadi. Yangi lavozimda R. Davletovning faoliyati bevosita qonunchilik va huquqiy islohotlar bilan bogʻliq boʻladi. Ruslanbek Quroltoyevichga yangi lavozimda omad va muvaffaqiyatlar tilayman. @shahnozxon

Yirik xalqaro anjuman 14-avgust kuni Toshkentda “Mustaqil Oʻzbekiston – 35 yillik taraqqiyot yoʻli: islohotlar, natijalar va istiqbollar” mavzusida yirik xalqaro anjuman oʻtkazilyapti. Chet eldan kelgan taniqli ekspertlar, xalqaro tashkilotlar vakillari va oʻzimizning mutaxassislar bir joyga yigʻilib, oʻtgan davrdagi islohotlarni xolisona baholashadi. Eng muhimi - ertangi kunimiz, ekologiya va iqtisodiyotni yanada yaxshilash boʻyicha muhim qarorlar va “Toshkent deklaratsiyasi” qabul qilinadi. @shahnozxon

Imlo xatolardan pul ishlash mumkin, buni bilarmidingiz? Atrofimizdagi reklama, peshlavha yoki e’lonlarda xato yozilgan so‘zlarni uchratib turamiz. Endi ularni tuzatishga o‘zimiz ham yordam bera olamiz. Buning uchun «Sof til» loyihasining maxsus botiga xato yozilgan joy haqida xabar yuborish kifoya. Hozirgacha 300 ta murojaat kelib tushgan va ular bo‘yicha tegishli tashkilotlar bilan ish olib borilmoqda. Ha aytgancha, har oy eng faol foydalanuvchilar pul mukofoti bilan taqdirlanadi. Botga murojaat yuborish tartibini esa rolikdan bilib olishingiz mumkin. @shahnozxon

Азиз Ҳакимов 4 йилга озодликдан маҳрум қилинди Азиз Ҳакимов ижтимоий тармоқлардаги саҳифаларида Ўзбекистон Республикасининг суверенитетига қарши чиқишлари, СССРни тарғиб қилиб, уни қайта тиклаш зарурлиги ғоясини илгари сургани билан машҳур. Шунингдек, унинг 1930-йиллардаги сиёсий қатағон қурбонлари ҳамда 1920-йиллардаги миллий-озодлик кураши иштирокчилари хотирасини қоралаган чиқишлари ҳам тармоқларда жиддий баҳслар ва норозиликларни юзага келтирган эди. Азиз Ҳакимов Жиноят кодексининг 139-моддаси ("Туҳмат"), 140-моддаси ("Ҳақорат қилиш") ҳамда 156-моддасида ("Миллий, ирқий, этник ёки диний адоват қўзғатиш") назарда тутилган жиноятларни содир этганликда айбдор деб топилди ва 4 йилга озодликдан маҳрум қилинди. @shahnozxon

Етуклик ёши муборак, "Газета.уз"! Бугун мен ҳурмат қиладиган, профессионал ва стандартлари баланд нашр – "Газета.уз"нинг туғилган куни экан – 18 ёшга тўлибди! Мен қайсидир хабарга ишониш/ишонмасликда иккилансам, "Газета.уз"га қарайман – "Газета" ёзмагунича ишонмайман. Айниқса кўпчилик шошиб қоладиган тайинловлару ишдан олишларда :) Бундан ташқари чуқур ва профессионал журналистик суриштирувлари, манбалар билан ишлаш, холис таҳлил, экспертларга минбар бериш, журналистларининг ижтимоий тармоқлардаги шахсий саҳифаларида ўзини тутиши (журналист этикаси) каби қатор йўналишларда "Газета" кўпчиликка ибрат бўлишга арзийди. Назаримда, ўзбек электрон нашрлар тарихида "Газета.уз" мактаби" деган бир феномен аллақачон шаклланиб улгурган. Бу бизнинг бойлигимиз. Умринг узун бўлсин, "Газета.уз" "404"лардан холи бўл! @shahnozxon

Осмон юлдузларимизни олиб қўйган кун Бундан 47 йил олдин, 1979 йил 11 август соат 13:35 да Украинанинг Куриловка қишлоғида тўй бўлаётган эди. Айнан меҳмонлар ўтирган тўй дастурхони устига осмондан аввал “қора дўл”, кейин эса инсон танасининг бўлаклари туша бошлади... Айримларнинг мазаси қочди, одамлар ваҳимада ерга тиз тушиб, ибодат қила бошладилар. Даҳшат! Украинанинг Днепродзержинск (ҳозирги Каменское) осмонида икки самолёт диспетчерларнинг айби билан тўқнашиб кетди — бортларни кузатган диспетчер эндигина 2,5 ойлик тажрибага эга ёш кадр эди. 178 киши ҳалок бўлди. Улар орасида Минскнинг “Динамо” клуби билан учрашувга кетаётган Тошкентнинг “Пахтакор” футбол жамоасининг 17 нафар аъзоси ҳам бор эди. Ўша йиллари “Пахтакор” жамоаси жуда кучли таркибда бўлган, СССР кубогига асосий даъвогарлардан саналган дейишади. Ҳар ҳолда, клуб тарихидаги энг кучли таркиблардан бўлгани баҳссиз. Ўзбек футболининг олтин авлоди — юлдузлари осмонга юлдуздек сочилиб кетди ўшанда. Бир неча кундан сўнг, аниқроғи, 17 август куни марҳум пахтакорчиларнинг жасадлари қора тобутларда Ўзбекистонга келтирилди. Бутун халқ ўз қаҳрамонларини кутиб олгани кўчага чиқди — аэропортдан то дафн маросими бўладиган Боткина қабристонигача кўчалар мотамдаги ўзбекистонликлар билан тўла бўлган экан. Ўша пайтларда матбуот бу фожиа ҳақида ортиқча гапирмади: битта кичкина хабар, битта некролог берди. Лекин дафн маросимида юз минглаб инсонлар қатнашди. Ўзбекистон бир неча кун мотамга чўкди. Ҳаёт давом этади. Шафқатсиз ҳақиқат шудир. Футбол матчлари жадвали бўйича кейинги ўйин 23 августда Ереваннинг “Арарат” клуби билан бўлиши керак, жамоанинг эса асосий таркиби йўқ эди. Клуб зудлик билан бутун Иттифоқ бўйлаб жамоа тўплашга киришди ва Арманистонга янги таркиб учиб кетди. Кейин эса Тошкентда янги таркибдаги “Пахтакор”нинг илк учрашуви бўлди. Бу матчда стадион одамга тўлиб-тошди. Учрашув бошланишидан олдин хотира дақиқаларида марҳум пахтакорчиларнинг номларини бирма-бир ўқиётган сухандон қиз рўйхат ярмига келганда йиғлаб юборди. Бутун стадион унга қўшилди... Ўзбек футболи мухлислар, бутун халқ бирдамлиги ва далдасига таяниб, бу қийин кунларни яшаб ўтди. Фақат юракларда кетмас қайғу қолди. Буни шоир Усмон Азим “Стадион” шеърида жуда аниқ ифодалаган: Ёмғирлар қуяди. Қор ўтар ёғиб... Мен-чи, топганим йўқ, ҳануз юпанч сўз. Шаҳар ўртасида фалакка боқиб, Киприк қоқмай ётар Умидвор бир кўз. “Пахтакор” стадионининг шаклини йиғлаб, ўз фарзандларини кутиб осмонга қараб турган кўзга ўхшатилиши жуда зўр топилма бўлган. Шоири Азимга тасанно! Футбол — шунчаки ўйин эмас. У умуминсоний қадриятларни, ҳамдардликни ва инсон ахлоқини улуғловчи буюк ғоядир. Постнинг айнан 13:35 да эълон қилинишида ҳам рамзий маъно бор. Уларни яна бир бор эслайлик. @shahnozxon

😎😎😎😎😎😎 #Кучга_кирди ❗️ Энди банкдан 500 АҚШ долларигача нақд чет эл валютасини ҳужжатсиз олиш мумкин!   📌 Эслатиб ўтамиз, Адлия вазирлиги ташаббуси билан қабул қилинган идоравий ҳужжатга кўра, эндиликда банклардан 500 АҚШ долларигача нақд чет эл валютасини сотиб олишда паспорт, ID-карта ёки улар ўрнини босувчи бошқа ҳужжат талаб этилмайди.   ✅ Мазкур идоравий ҳужжат (рўйхат рақами 2886-12, 2026 йил 8 май) жорий йил 9 августдан эътиборан кучга кирди.   🤑 Бунга қадар банклардан чет эл валютасини ҳужжатсиз сотиб олиш мумкин бўлган миқдор 100 АҚШ долларини ташкил қилар эди.   📜 Адлия вазирлиги аҳолига енгиллик яратишга қаратилган ташаббусларни амалиётга жорий қилишни ўзининг энг асосий вазифаларидан бири деб ҳисоблайди. Каналга уланиш👇👇👇 https://t.me/huquqiyaxborot