Ajoyib she'rlar

*АЁЛИМДАН ЧИРОЙЛИГИ ЙЎҚ* Ширин-ширин ўйга толдирган, Ҳаёлимдан чиройлиги йўқ, Суюб-суюб мени суйдурган, Аёлимдан чиройлиги йўқ. Вужудимни титратиб бир ҳис, Бир кўришда юрак этган жиз, Мана шуда, шуда ўша қиз, Аёлимдан чиройлиги йўқ. Дунёда кўп чиройли қизлар, Сочи сумбул, жодули кўзлар, Қанча гўзал бўлмасин улар, Аёлимдан чиройлиги йўқ. Меҳр бериб қадр топганим, Турмуш қуриб бахти чопганим, Пешонамга тақдир битганим, Аёлимдан чиройлиги йўқ. Ортмас рўзғор юмушларидан, Елиб хизмат қилишларидан, Айланай шу туришларидан, Аёлимдан чиройлиги йўқ. Аразлаб тез ярашадиган, Бир иш қилсам қарашадиган, Мени сўзсиз тушунадиган, Аёлимдан чиройлиги йўқ. Кўзим очиб кўрган ҳалолим, Бошимда гир, парвона доим, Бахтимга соғ бўлсин илохим, Аёлимдан чиройлиги йўқ. Ширин-ширин, ўйга толдирган, Ҳаёлимдан чиройлиги йўқ. Сулувлардан сулув мен учун, Аёлимдан чиройлиги йўқ. ✍️Абдумуталиб Эргашалиев 🎵 Тайёр қўшиқ сотилади. 📩 Мурожаат учун:@abdumutalib9408 📖 Ижод канали:@Sheriyat

*БУНЧА ЧИРОЙЛИ* Нигоҳлари оловдек, Ёндириб, куйдиради. Сўзлари ёқар болдек, Ёр мени суйдиради. Лаблари қирмиз ғунча, Юзлари ширмон кулча, Кўрсам қувонар кўзим, Бунча чиройли, бунча. Бунча чиройли, бунча, Ойдек париваш, ҳурча, Сенга шайдоман эй, гул, Зор айлама мени бунча. Кўзлари жайронгинам, Асир этди чиндан ҳам. Ҳаловатим олган қиз, Чиройи тенгсизгинам. Узун сочларин ўриб, Ифорлари ҳуш бўлиб, Ярашган нози билан, Келар чиройга тўлиб. ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408 @Sheriyat

БОЙ ҚИЗИНИ СЕВГИСИДАН ЎРГИЛДИМ Дил бериб ман дилгинамни тилдирдим, Ишқ тўрига кўнгилгинам илдирдим. Қиз танлашда адашдим-а, мен қурғур, Бой қизини севгисидан ўргилдим. Ишқ майини билиб-билмай ичибман, Ақлим олди чиройига учибман. Осмондаги ойни билмай қучибман, Бой қизини севгисидан ўргилдим. Ўйин билиб туйғуларни топтаган, Юрагида севги илдиз отмаган. Ошиқмиз-ку, бизга кўнгли чопмаган, Бой қизини севгисидан ўргилдим. Сулувларга алишмай соч толасини, «Гулим», дея кездим тикан орасини. Менсимаган бир эр йигит сарасини, Бой қизини севгисидан ўргилдим. Осмонларга тегиб турган димоғлари, Бизга келса ёнмас яшил чироқлари. Бўлди энди, тошди сабрим қирғоқлари, Бой қизини севгисидан ўргилдим. Сойлар сойга қараб аста оқаркан-да, Бой боласи бой қизларга ёқаркан-да. Бизни севиб ўлибтими, бой турганда, Бой қизини севгисидан ўргилдим. ✍️ Абдумуталиб Эргашалиев 🎵 Тайёр қўшиқ сотилади 📩 Мурожаат учун: @abdumutalib9408 📖 Ижод канали:@Sheriyat

«ОТА ОНАМ ДУОЛАРИ» Бошлаган ҳар ишим юрар, Қайда бўлмай ризқим унар, Мени пинҳон қўллаб турар , Ота-онам дуолари. Чўчимайман синовлардан, Яхши-ёмон сийловлардан. Асрар мени балолардан, Ота-онам дуолари. Дард йўлиқмас зинҳор менга, Ҳамроҳ доим иқбол менга, Энг ишончли тумор менга Ота-онам дуолари. Шарафу шоним, шавкатим, Суянган тоғим, давлатим, Салобатим ва савлатим, Ота-онам дуолари. Ўзинг қўлла, ё Худойим , Асра ота-онам доим, Аллоҳ, дейди, дер илоҳим, Ота-онам дулолари. Не бўлса ҳам, сабр қилинг, Фарзандликнинг фарзин билинг, Борлигида қадринг билинг, Оата-она дуоларин. ✍Абдумуталиб Эргашалиев 🎵 Тайёр қўшиқ сотилади. 📩 Мурожаат учун:@abdumutalib9408 📖 Ижод канали:@Sheriyat

Sochlaringiz tolasini o'ray dedim, Davringizda davronimni so'ray dedim. Yoningizda madad bo'lib turay dedim, Mehringizdan yaralganman jonajonim, Mening uchun kulib yashang Onajonim. Bemor bo'lsam bolam deya kuyingansiz, Omad quchsam mendan ortiq suyingansiz. Yaxshi yomon kunimda ham ko'rganimsiz, Mehringizdan yaralganman jonajonim, Mening uchun kulib yashang Onajonim. Xaqiqatni yuragimga ekandingiz, Tuylarimga bor yug'ingiz yiqqandingiz. Meni shunday dono qilib to'qqandingiz, Mehringizdan yaralganman jonajonim, Mening uchun kulib yashang Onajonim. Yetmishda ham yonimdagi tog'im bo'ling, Ayoz qishda gullab turgan bog'im bo'ling. Hayotimda do'st-sirdosh o'rtogim bo'ling, Mehringizdan yaralganman jonajonim, Mening uchun kulib yashang Onajonim. Yuragimni shodliklarga to'ldirgansiz, G'amlarimni kulib-kulib o'ldirgansiz. Shuhratimni bor olamga bildirgansiz, Mehringizdan yaralganman jonajonim, Mening uchun kulib yashang Onajonim. Baymirzayev Eshmamat @Sheriyat

*ДАРДИНГ ОЛАЙ ОҒРИМА ЭРКАМ* Қулаб кетар кўксимга тоғлар, Сенга тикон кирар бўлса ҳам. Кел, азизам сени қучоқлаб, Дардинг олай, оғрима эркам. Гул юзларинг сўлмасин асло, Сенсиз менга ҳаёт бемаъно, Хаста бўлиб қолмагин илло, Дардинг олай, оғрима эркам. Тушларимга кирар малагим, Менга мендан, кўпроқ керагим, Сен оғрисанг, оғрир юрагим, Дардинг олай, оғрима эркам. Муз қопласин дарё юзини, Қор келтирсин қишнинг исини, Қалам тўкар мехрим ҳиссини, Дардинг олай, оғрима эркам. Суйганига дард берган Роббим! Майли берсин шифоси билан. Ҳақ йўлдаги чин мухаббатим, Ёнингдаман доим сен билан. Энг гўзал дуоларим безагисан сен, Қалбим соҳибаси, эгасисан сен, Бир елка, тоғ ўзим, суянчингман мен, Дардинг олай, оғрима эркам. Чекканинг ширин дард бўлсин илохим... Премьера! 🎙Jaloliddin Ahmadaliyev ✍Абдумуталиб Эргашалиев @Sheriyat

*СИЗНИ СЕВАМАН* Сизни фақат сизни севаман, Чиройда тенгсизни севаман. Ой дейинми, қани қўл етса, Мисоли юлдузни севаман. Дилда гўзал ҳисларим тошар, Ҳаёлларим сиз томон шошар, Кўрай дея, қўймас тушмагур, Соғинчларим ҳаддидан ошар. Гулга тўлиб кетгудек олам, Мен томонга ташласа қадам, Бир кўришда урди юракдан, Парийми бу, ва ёки одам?! Таърифини ёзаман жўшиб, Севги тўла ҳисларим қўшиб, Айтолмаган сўзларим мана, Бугун бўлди чиройли қўшиқ. Сизни фақат сизни севаман, Чеҳраси гулюзни севаман, Ўхшамайди бирорта қизга, Ўзгача бир қизни севаман... ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган ижодлар қонунан жавобгарликка тортилади) ➡️@abdumutalib9408 @Sheriyat

*АЙСУЛУВ* Ҳаёлимни ўғирлаб, Ақлим олди бир сулув. Гўё мени сеҳрлаб, Кўнглимга солди ғулув. Кун алмашиб тун бўлди, Тун алмашиб кун бўлди. Мени шайдо қилган қиз, Ойдек Айсулув бўлди. Айсулув! Айсулув! Айтчи сен бунча сулув? Айсулув! Айсулув! Ҳусн-у, жамолинг дув-дув. Ўрим сочлари узун, Белда товланиб турар. Кўрганни қилиб мафтун, Бирам нозланиб юрар. Қирмиз лаблари ғунча, Ёқар ширин шеваси. Оҳ, сулув экан бунча, Бўлдим шинавандаси. Ҳаёлимни ўғирлаб, Олган мана шу сулув. Қалбга исмин мухрлаб, Кетди қайга Айсулув? ✍Абдумуталиб Эргашалиев Тайёр қўшиқ сотилади мурожат учун ➡️@abdumutalib9408 @Sheriyat

*ЖОНЛИ ҚЎШИҚ* Тинглаганда юракдаги дардлар кетсин, Мудраган бу кўзлардан эй уйқу кетсин, Қўшиқ айтиб, ўзин ҳофиз деб билганлар, Жонли қўшиқ куйлаганга нима етсин! Жонни қийнаб куйлаганга нима етсин! Қўлда тори бўлсин чертса тинглайдиган, Овозига минглаб олқиш тинмайдиган, Машҳур бўлса кибр отин минмайдиган, Жонли қўшиқ куйлаганга нима етсин! Жонни қийнаб куйлаганга нима етсин! Урф бўлдими суний қўшиқ деган бало, Ҳофиз бўлди, ёддан айтилса алифбо, Оғиз қимирлатиб, элдан олмай дуо, Жонли қўшиқ куйлаганга нима етсин! Жонни қийнаб куйлаганга нима етсин! Файзли қилиб саҳна ёки тўйхонани, Лол қолдириб муҳлис тўла кошонани, Қувончига шерик бўлиб ҳар оилани, Жонли қўшиқ куйлаганга нима етсин! Жонни қийнаб куйлаганга нима етсин! Ҳалолидан топсин ҳар бурда нонини, Пулга сотмай иймонини, виждонини, Санъат учун фидо қилиб ўз жонини, Жонли қўшиқ куйлаганга нима етсин! Жонни қийнаб куйлаганга нима етсин! ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408 @Sheriyat

🎵 Тайёр қўшиқ сотилади. 📩 Мурожаат учун:+998903040075 AkramjonTo‘ychiyev @abdumutalib9408 @Sheriyat

«ЁЛҒОНЧИНИ СЕВМАЙИН» Сўранг не сўрасангиз, Борлиғимни берайин. Фақат, мени алдаманг, Ёлғончини севмайин. Яралаб рост сўзингиз, Алдамасин кўзингиз, Пок тутинг сиз ўзингиз, Ёлғончини севмайин. Сизни севиб куймайин, Суйманг майли суймайин, Пушаймонлар бўлмайин, Ёлғончини севмайин. Ишқнинг уволи ёмон, Қайтар дунё, бегумон, Душман, сўнги пушаймон, Ёлғончини севмайин. Сизга фойдам тегмаса, Эсламайсиз бўлмаса, Эрмак бўлмайин росса, Ёлғончини севмайин. Севдим, бўлманг хатойим, Кўриб турар Худойим! Қабул бўлиб дуойим, Ёлғончини севмайин. Кўнглим оғрисин майли, Рост сўзингиз туфайли, Армоним бўлинг майли, Ёлғончини севмайин. Ёлғоннинг умри қисқа, Учманг, ўткинчи хисга... ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408 @Sheriyat

📝 ЭРКАК Ўртадан қочдими ҳаё пардаси? Фарзандлар отасин қилар эрмаклар. Она кўнглин парча қилар зардаси, Эркак бўлмай қолди баъзи эркаклар. Кўча-кўйда юрар мисоли шеърдек, Кайф-у сафо учун югурар елдек. Аҳли аёлига қарамас эрдек, Эркак бўлмай қолди баъзи эркаклар. Уймалаб ўтирар уй бекасидек, Хотин пул топади гўё эридек. Юзига солса жим тураверар тек, Эркак бўлмай қолди баъзи эркаклар. Уйда аёлига ўтмайди сўзи, Одоб-андишадан йироқдир қизи. Отасига тортган ўғли ғирт ўзи, Эркак бўлмай қолди баъзи эркаклар. Юрганда савлати, ҳайбати бўлсин, Номус-у ор деган давлати бўлсин. Аёлсифат бўлган эркаклар ўлсин, Эркак бўлмай қолди баъзи эркаклар. Кўрганда фахр этсин — эрмисан эрдек, Салобати босиб кетсин юраклар. Хотинчалиш бўлмай яшасин шердек, Эркакдек яшасин ҳамма эркаклар! ✍ Абдумуталиб Эргашалиев 🎵 Тайёр қўшиқ сотилади. 📩 Мурожаат учун: @abdumutalib9408 @Sheriyat

*ДАРДИНГ ОЛАЙ ОҒРИМА ЭРКАМ* Қулаб кетар кўксимга тоғлар, Сенга тикон кирар бўлса ҳам. Кел, азизам сени қучоқлаб, Дардинг олай, оғрима эркам. Гул юзларинг сўлмасин асло, Сенсиз менга ҳаёт бемаъно, Хаста бўлиб қолмагин илло, Дардинг олай, оғрима эркам. Тушларимга кирар малагим, Менга мендан, кўпроқ керагим, Сен оғрисанг, оғрир юрагим, Дардинг олай, оғрима эркам. Муз қопласин дарё юзини, Қор келтирсин қишнинг исини, Қалам тўкар мехрим ҳиссини, Дардинг олай, оғрима эркам. Суйганига дард берган Роббим! Майли берсин шифоси билан. Ҳақ йўлдаги чин мухаббатим, Ёнингдаман доим сен билан. Энг гўзал дуоларим безагисан сен, Қалбим соҳибаси, эгасисан сен, Бир елка, тоғ ўзим, суянчингман мен, Дардинг олай, оғрима эркам. Чекканинг ширин дард бўлсин илохим... Тез кунда премьера! 🎙Jaloliddin Ahmadaliyev ✍Абдумуталиб Эргашалиев @Sheriyat

*ТОЖИК ҚИЗ* Лаблари шаккарми, ё боли бор? Ой каби юзларида ҳоли бор, Сўзлари ширин тожик қизларин, Сочлари узун, зар рўмоли бор. Қоп қора қошлари қалингина, Салом берар кулиб майингина, Юракдан уради бир кўришда, Аҳволим бўлдику тайингина. Чиройли, чиройли бунча чиройли? Кетворган қомати, юзлари ойли. Ўзбекча гапирса шеваси гўзал, Оҳ, тожик қизлари бунча чиройли. Ярашган дўппию, атлас-у, адрас, Ҳуснига сулувлар қилишар ҳавас, Одоби ҳуснидан чиройли бўлган, Тожик қизларига таърифлар етмас. Дил бердим ақл-у, ҳушимни олди, Кун-у, тун-у, хатто тушимни олди, Кулиб қараб бир нималар дея, Тожик қиз мендан балога қолди. Чиройли, чиройли бунча чиройли? Кетворган қомати, юзлари ойли. Ўзбекча гапирса шеваси гўзал, Оҳ, тожик қизлари бунча чиройли. ✍️Абдумуталиб Эргашалиев Тайёр қўшиқ сотилади мурожат учун ➡️@abdumutalib9408 @Sheriyat

*БИЗ ТОМОН БИР ҚИЗ КЕЛАР* Ойни кўрдикми ерда? Сафоли насим елар. Қай макондан, қайердан? Биз томон бир қиз келар. Нурга тўлиб кўчалар, Гул тутмоқда нечалар, Гулга гул бериб бўлмас, Лола-ю наргиз келар. Хаёлимиз олдику, Юракка ўт солдику, Яқинлашиб қолдику, Нотаниш бир ҳис келар. Чиройи қилиб найранг, Ҳушларни еғдик аранг, Кўз тегмасин қараманг, Билиб ё, бежиз келар. Ўрим сочлари дорми? Балки суйгани борми? Шунчалар улуғворми?! Мисоли Билқис келар. Гул бўйларин таратиб, Қарамасак, қаратиб, Бир манзара яратиб, Биз томон бир қиз келар. Ой келар, юлдуз келар, Гулми, ё гулюз  келар! Шайдо этиб, лол этиб, Биз томон бир қиз келар. ✍Абдумуталиб Эргашалиев Тайёр қўшиқ сотилади мурожат учун ➡️@abdumutalib9408 @Sheriyat

*СЕВМАЙ МЕНИ СЕВДИРГАНИНГ РОСТ* Ўйлаб ўйга толдирганинг рост, Мени ўтда қолдирганинг рост, Суйиб куйган мен бўлдим оҳир, Севмай мени, севдирганинг рост. Соя болдим ортингдан қолмай, Куйдирдинг-а, гулларим олмай, Ишқингда мен қанчалар ёнмай, Севмай мени, севдирганинг рост. Севмай мени, севдирганинг рост, Ёр ишқинда куйдирганинг рост, Сени мендек севолмас ҳеч ким, Буни ўзинг билдирганинг рост. Излаб бордим кўчанг оралаб, Деворингдан боқдим мўралаб, Парво қилмай бағрим яралаб, Севмай мени, севдирганинг рост. Дил бердим-а, қандай, билмасам? Туролмайман сени кўрмасам, Бўлмасмиди сени севмасам, Севмай, мени севдирганинг рост. Нозингми бу, синовингми бу? Кўнгилгинанг очақол сулув, Сени севиб бўлдим-ку шов-шув, Севмай мени, севдирганинг рост. ✍Абдумуталиб Эргашалиев Қўшиқ ва идея учун муаллиф рухсатини олинг(руҳсатсиз қилинган қўшиқлар қонунан жавобгарликка тортилади) ➡️@abdumutalib9408 @Sheriyat

БИЗНИНГ КЎЧАЛАР ✍️Абдумуталиб Эргашалиев🎙 Ижро: Ogʻabek Nazarov https:/... https://youtube.com/watch?v=tJTh_hMEA6w&si=_UkLc4dMnEqqBt6Q @Sheriyat

🎙Dilshodbek Valiyev "Ota rizosi" «ОТА РИЗОЛИГИ» Отанг бўлса қилгин хурмат, Мадор кетса бўлгин қувват. Бу дунёда билгин фарзанд, Хаётинг хам нурга тўлар, Отанг сендан рози бўлса. Бўлмаганинг бўлдиради, Армонларинг ўлдиради, Бахт кўзларинг тўлдиради, Обод уйинг файзга тўлар, Отанг сендан рози бўлса. Яшнаб турсин кўнгил боғи, Бўлгин унинг суянч тоғи, Дуосин ол хаёт чоғи, Чин дунёда қийналмайсан, Отанг сендан рози бўлса. Кўзингга сурт босган изин, Хикмат билгин айтган сўзин, Оқла берган нон-у тузин, Топганинг хам халол бўлар, Отанг сендан рози бўлса. Бор умиди сендан ахир, Бўлма нокас, бўлмаа бахил, Қайтар дунё қайтар охир, Фарзандларинг бахти кулар, Отанг сендан рози бўлса. Тўйлар қилсанг кўрки отанг, Уйлар қурсанг кўрки отанг, Ғаниматдир қилма аттанг, Билгин, Аллох рози бўлар, Отанг сендан рози бўлса.... 🎙Қўшиқ учун Dilshodbek Valiyev га берилди! ✍Абдумуталиб Эргашалиев @Sheriyat

*МУСОФИРГА ТУТМАНГЛАР ОСОН * Соғинч эзар дилини ёмон, Ризқин териб кезмоқда жаҳон, Пулга тўлиб борса-да ҳамён, Мусофирга тутманглар осон. Еган нони қотган бир бурда, Тиним билмай ишлайди кунда, Рўзғорни бут қилиш мушкулда, Мусофирга тутманглар осон. Жазирама ёзми, фарқи йўқ, Ишлар, қишнинг қахратони жўғ, Кел, исиниб ол, дегувчи йўқ, Мусофирга тутманглар осон. Сиз ухлайсиз, хотиржам тунда, Ҳаловат йўқ, бедорлик унда, Қийин, қийин, шунга қийин-да, Мусофирга тутманглар осон. Куйса жони куяр онаси, Дуо қилар доим отаси, Йўлин пойлаб кутар оиласи, Мусофирга тутманглар осон. Хавас эмас унга ҳам ахир, Ҳаёт мажбур қиларкан ахир, Синовларга жим қилар сабр, Мусофирга тутманглар осон. Неки топса, ҳалоли бўлсин, Меҳнат қилиб роҳатин кўрсин, Соғ-саломат уйига келсин, Мусофирга тутманглар осон. ✍Абдумуталиб Эргашалиев Қўшиқ сотилади мурожат учун➡️@abdumutalib9408 @Sheriyat

*СИЗНИ КЎРГАНИМДА ЁР* Дилгинам шавққа тўлар, Кўзларим завққа тўлар, Севгига ман ғарқ бўлар, Сизни кўрганимда ёр. Ўнг бўлиб кўрган тушим, Бошга қўниб бахт қушим, Йиғолмайман эс-ҳушим, Сизни кўрганимда ёр. Сизни кўрганимда ёр, Завққа тўлганимда ёр, Ошиқ бўламан такрор, Сизни кўрганимда ёр. Нурга тўлар ҳар таъраф, Гулга тўлар ҳар таъраф, Ғамлар бўлар бартаъраф, Сизни кўрганимда ёр. Сиз чиройда беқиёс, Қандай бўлмай ишқибоз? Ортар дилда эҳтирос, Сизни кўрганимда ёр. Лов-лов бўлиб ёнаман, Ҳа, чиндан ҳам севаман, Ҳаммадан қизғонаман, Сизни кўрганимда ёр. Меҳрингизни сезаман, Бахтдан сармаст кезаман, Қалбга сизни чизаман, Сизни кўрганимда ёр. 🎙Сизни кўрганимда ёр ✍Абдумуталиб Эргашалиев Қўшиқ сотилади мурожат учун➡️@abdumutalib9408 @Sheriyat