ВЯЧОРКА

Яшчэ адзін вясёла-сумны ўспамін з 2006. Калі беларускія дэмакратычныя сілы аб’ядналіся, і вылучылі адзіным кандыдатам Аляксандра Мілінкевіча, Міхал Анемпадзістаў распрацоўваў першыя лягатыпы для яго кампаніі ў 2006 годзе. Ён казаў: «Ну чым пазнавальны Мілінкевіч? Барадой! На лягатыпе мусіць барада!» Барада на лягатыпе так і не зьявілася, але з лёгкай рукі Анемпадзістава зьявілася лагоднае скарачэньне Мі (ад МІЛІНКЕВІЧ) з сардэчкам на «і». І яно было такое цудоўнае, і ўсе ім карысталіся пэўны час. Пакуль «Мілавіца» не даслала афіцыйнае папярэджаньне, маўляў, яны таксама выкарыстоўваюць «Мі» у сваім маркетынгу, і ня хочуць, каб іх прадукцыя асацыявалася з Мілінкевічам. А яшчэ памятаю рабілі сайт Мілінкевічу. Тэхналёгіі былі так сабе. Запусьцілі форму зваротнай сувязі: ну раптам нехта вырашыць напісаць, дапамогу прапанаваць. Хаця скепсіс быў, навошта, ёсьць жа тэлефон, штаб. Мілінкевіч даў зялёнае сьвятло. У форму павалілі паведамленьні - што і паштовы сэрвіс паваліўся, і сайт. Пісалі ўсе - ад чыноўнікаў да рабацяг зь вёсак. Мы часта недаацэньваем беларусаў і нашу здольнасьць хутка змабілізавацца

Аляксандар Мілінкевіч. Сьветлая памяць. Вельмі будзе Вас не хапаць. Вашай мудрасьці, вашага аптымізму, вашых парадаў і вашай энэргіі. Пра такіх, як Мілінкевіч, кажуць: усё жыцьцё — для Беларусі. У 2006-м яго выбарчая кампанія дала надзею сотням тысяч беларусаў. Многія менавіта дзякуючы яму прыйшлі ў беларускую справу і засталіся ў грамадзкім жыцьці. Калі б ён тады стаў прэзыдэнтам, Беларусь была б зусім іншай краінай — свабоднай, незалежнай і сапраўды эўрапейскай. У 2020-м, калі Сьвятлана Ціханоўская прапанавала Мілінкевічу далучыцца да каманды ў якасьці дарадцы, ён доўга не вагаўся: «Дапамагу чым змагу». І такім ён быў ва ўсіх справах. Ніколі не адмаўляў і заўсёды думаў пра іншых.

Пра еўрапейскую пазіцыю, санкцыі, падтрымку медыя і грамадзянскай супольнасці: — Пазіцыя Еўразвязу ў дачыненні да рэжыму Лукашэнкі застаецца нязменнай: яго не прызнаюць легітымным, і нармалізацыі не будзе пакуль не будзе сістэмных змен. — Тэхнічны дыялог паміж Мінскам і Еўразвязам існаваў заўсёды і працягваецца. Праблема не ў Еўразвязе, а ў тым, што рэжым не гатовы ісці насустрач, працягвае ўзмацняць рэпрэсіі і паглыбляе свой удзел у вайне. — Дэмакратычныя сілы заклікаюць Еўразвяз захаваць падтрымку незалежных медыя і грамадзянскай супольнасці як мінімум на ўзроўні апошніх гадоў. — Колькасць візаў для беларусаў на працягу апошніх гадоў застаецца прыкладна на тым жа ўзроўні і набліжаецца да максімуму магчымасцяў консульскіх службаў. Выдаецца вялікая колькасць шматразовых візаў, а ўзровень адмоваў застаецца адным з найніжэйшых. Планаў па скарачэнні колькасці візаў або абмежаванні іх выдачы няма. — Еўразвяз працягвае падтрымліваць палітычных зняволеных праз праваабарончыя арганізацыі. Адначасова дзейнічае Міжнародны гуманітарны фонд, да якога ўжо далучыліся 12 дзяржаў. Улічваючы маштабы рэпрэсій і патрэбаў, гэтай падтрымкі недастаткова, але яна застаецца крытычна важнай. https://news.zerkalo.io/economics/128403.html

21–22 траўня ў Вільні мы рыхтуем ужо Трэці Кангрэс па палітвязняволеных Беларусі #WithoutJustCause. Гэта форум асаблівы. Ён адрозніваецца ад іншых мерапрыемстваў тым, што тут галоўнае слова — за самімі палітвязнямі. Мы гаворым не толькі пра іх, але і з імі: пра іх думкі, іх чаканні, іх патрэбы, іх бачанне будучыні. Сёння важна падтрымліваць тэму палітвязняў у публічным дыскурсе. Мы бачым, што пачаўся і працягваецца працэс вызвалення людзей. Мы павінны нагадваць, што за кратамі застаюцца людзі, з'яўляюцца новыя палітвязні. На Кангрэсе збяруцца праваабаронцы, палітыкі, дыпламаты, прадстаўнікі беларускай грамадзянскай супольнасці і дыяспары. Удзел возьме і Святлана Ціханоўская Запрашаем вас далучыцца. Важна: жывой трансляцыі не будзе, таму просім загадзя рэгістравацца. 🕒 21–22 траўня 📍 Вільня, Літва ℹ️ Праграма: https://tsikhanouskaya.org/be/event/iii-kanhres-pa-palityaznyavolenykh-u-belarusi ✅ Рэгістрацыя: https://docs.google.com/forms/d/e/1FAIpQLScMi9aqhJ6ZOdT3T5DSbaUJnNOKD9fujjDeQDVKw3-DU1P4lQ/viewform

Сёньня прэзыдэнт Польшчы Караль Наўроцкі ганараваў Анджэя Пачобута ордэнам Белага Арла. Гэта адна з найстарэйшых і найвышэйшая дзяржаўная ўзнагарода Польшчы, якую ў розныя гады атрымлівалі многія асобы, зьвязаныя з Беларусьсю — Шушкевіч, Кандрусевіч, Сьвёнтэк, Латышонак, Міцкевіч, Пілсудзкі, Касьцюшка і Агінскі. Пра Анджэя Пачобута магу сказаць толькі адно слова — НЯЗЛОМНАСЬЦЬ. Мужны, няскораны, сымбаль беларуска-польскага сяброўства.