WarsawŠpacyr (гід Варшава)

ДАТЫ Й ПАДЗЕІ: ПАЧАТАК НАЙБУЙНЕЙШАГА СТРАЙКУ Ў КАМУНІСТЫЧНАЙ ПОЛЬШЧЫ 14 жніўня 1980 года на Гданьскай суднавэрфі пачалася стачка. Гэта прывяло да падпісаньня 31 жніўня пагадненьня паміж урадавай камісіяй і страйкамам і стварэньня незалежнага прафсаюзу «Салідарнасьць». Гданьскае пагадненьне было дасягнута ў выніку двухтыднёвай стачкі на Вэрфі ім. Леніна, якая пачалася 14 жніўня. Пратэсту папярэднічаў масавы распаўсюд улётак з патрабаваньнем аднавіць на працы звольненую з заводу актывістку Свабодных прафсаюзаў Ганну Валентыновіч. Быў створаны страйкам, які сфармуляваў знакамітае "21 патрабаваньне." Галоўным з іх было патрабаваньне стварэньня незалежных ад уладаў прафэсійных зьвязаў. Падзеі ў Гданьску паклалі пачатак страйкам па ўсёй краіне, што ў выніку прывяло да зьмены палітычнага рэжыму ў Польшчы.

Mnostva ružaŭ i freski pamiaci słavutych polskich kabiet

НАЙВЯДОМЕЙШЫ ПІСЬМЕНЬНІК МІЖВАЕННАЙ ПОЛЬШЧЫ РОДАМ З ГЛЫБОКАГА 10 жніўня 1898 г. у мястэчку Глыбокае нарадзіўся вядомы пісьменьнік ,сцэнарыст і журналіст, самы чытаны польскі пісьменьнік міжваеннага часу - Тадэвуш Далэнга-Мастовіч. Ён набыў папулярнасьць такімі раманамі, як « Кар'ера Нікадэма Дызмы» , «Знахар» , «Доктар Мурэк » або «Дзёньнік спадарыні Ганкі», на аснове якога ствараліся папулярныя фільмы і сэрыялы. У Глыбокім сям’я Мастовічаў жыла ў доме па вул. Кракаўскай (цяпер вул. Савецкая, 2). Бацька быў юрыстам, а маці настаўніцай. Магілы бацькоў пісьменьніка знаходзяцца на каталіцкай частцы могілак у Глыбокім. У доме Мастовічаў заўсёды была польская літаратура (будучы пісьменнік ведаў на памяць усяго "Пана Тадэвуша"). Пасьля Першай сусьветнай Мастовіч перабраўся ў Варшаву, стаў працаваць у гарадзкіх газэтах. Пасьля Травеньскага перавароту ў сваіх артыкулах крытыкаваў улады, за што быў выкрадзены і жорстка зьбіты. У 1930 гг. паглыбіўся ў мастацкую літаратуру і кінематограф, асабіста займаўся сцэнарамі да экранізацыі сваіх твораў. Фільм «Знахар» 1937 г., па аднайменнаму раману Мастовіча, стаў самым вялікім кінагітом даваеннай Польшчы. Загінуў Мастовіч у пачатку Другой сусьветнай вайны, на тэрыторыі Румыніі. Меў званьне капрала Войска Польскага.

Гісторыя брэнду, каторы вырабляе дужа смачнае марозіва!

WarsawŠpacyr (гід Варшава) pinned a photo

15.08 - СТАРЫ МАКОТАЎ Сябры, запрашаю на экскурсію па Старым Макотаве! ​Адкрыйце для сябе адзін з найатмасфэрнейшых, гістарычных і зялёных раёнаў Варшавы! Стары Макотаў спалучае ў сабе цішыню старых алеяў, цудоўную архітэктуру пачатку XX стагодзьдзя і захапляльныя гісторыі зь мясцовай мінуўшчыны. ​ На шпацыры вас чакаюць​архітэктурныя пэрліны: унікальныя дамы ў стылі мадэрн і функцыяналізму, а таксама маляўнічыя вілы. Гісторыі пра вядомых пісьменьнікаў, мастакоў і паэтаў, якія абралі Макотаў сваім домам. ​Прагулка па зацішных вуліцах і завулках, дзе адчуваецца атмасфэра старой Варшавы. ​Вы ўбачыце найстарэйшы слуп для афішаў, найстарэйшую камяніцу Макотава, унікальныя архітэктурныя і гістырычныя адсылкі на фасадах дамоў, скандальную гісторыю зьяўленьня помніка Тараса Шаўчэнкі. ​ 📅 Дата:15.08 📍​Месца збору: plac Unii Lubelskiej, каля Green Cafe Nero ( Polna 1, 00-622 Warszawa) 🕒Пачатак: 12:30 💶Кошт: гасьцінец (данат) ​@spacyrujma Запіс праз асабістыя (Стары Макотаў, колькасьць удзельнікаў) Да сустрэчы!

Mehafajny budynak Akademii mastactvaŭ, 1880ch hadoŭ. Praz cikavy kupał na zadnim fonie, miascovyja nazyvajuć jaho "Zitronenpresse"- "apelsinavaja vyciskałka"

Saksonskaie Ministerstva finansaŭ, budynak 1894 hodu. U frantonie pryhožaja vyjava kabiety, što jość alehoryjaj na Saksoniju, u atačeńni cnotaŭ