أبو شِحَتّو

8. أبو تريكة ووجوده في قطر لسنين مطرود ومصادر أمواله في بلده مش هيخسر أي شيء على الإطلاق لو جهر بموقف سياسي ما ينحاز فيه للرؤية القطرية أو الإخوانية .. مش هيخسر أي حاجة أكتر من اللي خسره .. وهيكسب بالتأكيد من ده كونه مقيم في قطر .. لكنه معملش كده ___ 9. ليه معملش كده؟ لأنه الحقيقة أبو تريكة عضو نشط في الحزب السياسي اللي اسمه النادي الأهلي .. انتماؤه الأول له .. له أجندة محافظة وينحاز لمرشحي التيار الإسلامي لما بيكون فيه انتخابات في مصر زي ما قال في 2012 فعلًا لكنه لا ينتمي .. ومحدش في العالم قدر يثبت انتماءه طول الـ12 سنة الماضية .. انتماء أبو تريكة للأهلي ولما بيتعارض انتماء أبو تريكة للأهلي مع ميوله المحافظة للإسلاميين بيتغلب انتماءه للأهلي ___ 10. بالنسبة للمقارنة مع أحمد عبد الظاهر في واقعة رفع ظاهر لعلامة رابعة .. فتعامل نظام الحكم مع الاتنين اختلف وكان أكثر شراسة مع أبو تريكة سببه الأهم في رأينا هو كونه (ممثل لحزب سياسي) هو مش الإخوان المسلمين لكنه الحزب السياسي الأكثر أعضاءً في تاريخ مصر والاطول تاريخًا والأوسع قاعدة جماهيرية .. النادي الأهلي اللي كان مطلوب في الفترة التاريخية دي من تاريخ مصر إنه بقاعدته الشعبية يتفقوا مع نظام الحكم ومش مسموح رمز الاهلي الأبرز إنه يستغل قدراته الكاريزمية لأخذ موقف لا توافق عليه الدولة (حتى لو لم يصدر منه ده بشكل صريح) .. وده سر استعداء النظام له .. النظام رأى في اللاعب المنتمي للأهلي السياسي المعارض في الوقت اللي كل جمهور الكورة مكانوش قادرين يشوفوا ده ___ 11. السؤال التالي .. هل يرى أبو تريكة المعنى السياسي ده بالتأكيد أبو تريكة لا يفهم تحليلنا السياسي ده ولا يؤطره .. لكنه وبلا شك يحافظ على مواقفه تجاه الأهلي واضحة وانتماءاته وانحيازاته مطلقة ورافض يتخذ أي موقف ضد مواقف الأهلي المعلنة إلا بحسابات كثيرة بل رافض المشاركة في استوديوهات تحليل مباريات الأهلي عشان لا ينتقد لاعبيه لأنه بطبيعة الحال نجزم أنه يرى نفسه في الطموح المشروع الطبيعي اللي بيحمله أي منتمي لحزب سياسي في الدنيا .. في حالتنا ده الحزب هو الأهلي والمنتمي هو تريكة والطموح هو إنه يكون رئيس الحزب .. أبو تريكة يجهز نفسه بمنتهى الحرص والذكاء والبراجماتية لأن يكون رئيسًا للأهلي بطبيعة الحال عوائق ده كثيرة أهمها وأبرزها عداوة النظام المصري له وبعد ابو تريكة عن الأهلي لسنين لكن في حالة حدث أي تغير سياسي في مصر في السنين القادمة فالمؤكد إنه وصول اللاعب صاحب الشعبية الجارفة للنادي الأعلى عبر تاريخه مكانه الطبيعي هو مقعد رئاسة النادي .. هو الكادر الجاهز لده واللي ظهوره الإعلامي واضح جدًا إنه مظبوط على ده تمامًا ___ 12. نسيت أوضح نقطة مهمة وهي المرة الوحيدة اللي خرج أبو تريكة على تقاليد حزبه السياسية في رفضه لعب مباراة السوبر في سنة 2012 .. مش اتساقًا مع موقف سياسي خارج منظومة الحزب .. لكنه استماعًا للنداء الشعبوي لرابطة جماهير النادي الألتراس (القاعدة الحزبية الأوسع والأدنى) .. واتساق معها .. اللي هو فعل سياسي بيحصل داخل الأحزاب السياسية التاريخية طول الوقت ___ 13. تشابه موقف أبو تريكة يأتي مع منطلقات أخلاقية هي توقيره لدماء شهداء الألتراس واحترامه لأهاليهم .. الموقف الأخلاقي اللي الجماهير تثمنه لأبو تريكة تمامًا .. واللي للقدر يعني تتشابه مع الموقف التاريخي لرئيس الأهلي التاريخي المسمى ملعب الأهلي في جزيرة الزمالك باسمه (محمود مختار التتش) في سنة 1942 لما اتسق مع الموقف الجماهيري بالمخالفة للقرار السياسي العلوي من الدولة والنادي وسافر لفلسطين ونتج عن ده إيقافه وزملاؤه اللي تسبب في هزيمة الزمالك التاريخية 6-0 اللي بتسميها أهازيج الألتراس (شرف ليوم الدين) ___ 14. أبو تريكة رئيس الأهلي القادم .. الأهلي النادي .. والأهلي الجماهيري .. والأهلي الحزب السياسي ورئيس أكبر حزب سياسي في البلد ربما .. يومًا ما يكون منافس على المقعد اللي رؤساء الأحزاب السياسية بينافسوا عليه عادةً .. رأس السلطة التنفيذية في البلد .. مش بعيد

1. طبيعة المجتمع المصري بوصفه مجتمع (لا سياسي) لأسباب بنيوية في تشكيله اللي مفيهوش عشائر أو أقليات إثنية أو دينية ونسيجه الواحد ومساحته المبسوطة (أطروحات كتير تناولت ده) أو لأسباب سياسية مباشرة ليها علاقة بالقمع وغلق المجال العام ___ 2. إزاي كان مهرب المصريين لسنين من غلق المجال العام السياسي هو الممارسة السياسية اليومية في الحياة اليومية كتعويض عن الممارسة السياسية (أطروحة عاصف بيات في كتاب العيش كسياسي) ___ 3. إزاي التشكل الأكبر لده عبر تاريخ مصر في رأيي هو النادي الأهلي بوصفه كيان سياسي بالكامل من لحظة تشكله والتصاقه بالقضية الوطنية في حالة التأسيس ثم في لحظة مباراة 6-0 التاريخية والأساطير المؤسسة لكلمة (نادي الوطنية) فيها ثم في عهد الحروب الناصرية والساداتية انتهاءً بكونه المؤسسة الوحيدة الناجحة في مصر في آخر عهد حسني مبارك ___ 4. إزاي الأهلي هو المؤسسة اللي بتجري فيها انتخابات وممارسة سياسية منتظمة .. وإزاي الرأي العام وتشكله اليومي والأسبوعي والشهري بسبب أداء فريق الكرة بتشكل ما يعرف باسم (رأي عام) بيأثر على قرارات الإدارة وبيحسم الانتخابات لأسباب غير مادية زي (مبادئ النادي) بشكل يؤطر تأثير القاعدة على القمة (الشعبوية السياسية) لكن بشكل مش شعبوي فالأهلي يظل نادي (نخبة سياسية حاكمة) ونخبته المثالية مكونة من قدامى عائلات الأعضاء (عائلة العامري وعائلة المشير مرتجي وعائلة الجارحي وعائلة سراج الدين) وكذلك أساطير النادي من لاعبي الكرة (صالح وطارق سليم ومحمود الخطيب وحسن حمدي وأبو تريكة وحسام غالي وسيد عبد الحفيظ) ___ 5. إزاي النادي الأهلي نجح في صياغة أساطير مؤسسة للأيديولوجيا الأهلاوية بخصوص نظم الإدارة وطريقتها وهوية الفريق الكروية (الالتزام والجدية على حساب حتى الفن والإمتاع والهندسة اللي مدرسة الزمالك المنافس بتفضله) والتعامل مع الخصوم خارج النادي والأبناء المارقين داخله (مثال مصطفى عبده ومجدي عبد الغني وغيرهم) شكل هوية يعرفها الجمهور باسم (مبادئ الأهلي) أو (مبادئ صالح سليم) أو (نادي القيم والمبادئ) أو (الأهلي فوق الجميع) وإزاي المنظومة القيمية دي هي تشكل تام لكل ما يمكن أن تقدمه أيديولوجيا الحزب السياسي بكل تشكلاتها بشكل يصل للتطابق ___ 6. إزاي طبيعة مشجعين النادي وكونهم موجودين في كل المدن بتخلي الأهلي نموذج فريق للفرق الجماهيرية لا هو نادي شركات ولا هو نادي مدينة .. مصر فيها نماذج لأندية المدن موجودة في القناة (المصري البورسعيدي والاسماعيلي والقناة ومنتخب السويس) أو الصعيد أو الدلتا (غزل المحلة والمنصورة) أو الصعيد (المنيا وأسوان وسوهاج) لكن فكرة إن جماهيرية وشعبية الأهلي في كل مدينة من هذه المدن أضعاف شعبية جمهور أندية المدن .. بل إنه جمهور المدينة نفسه بيشجع فريق مدينته طول الوقت لحد ما يلاعب الأهلي وإزاي ده ارتبط في رأيي بلحظة التأسيس كونه نادي (ضد الانجليز) وحمل هم المشروع الوطني التحرري ثم النضالي في العهد الناصري وجولاته عبر أنحاء الجمهورية أو خارج مصر إلى القطر العربي (وده بيظهر في كم الأندية اللي استلهمت الاسم واتسمت بالأهلي في كل أنحاء الوطن العربي) خلقتله الشعبية الجارفة اللي خلت معظم جمهور الكورة المصري أهلاوية بشكل ضخم (وهو نموذج غير موجود في العالم كله تقريبًا) ___ 7. إزاي آخر نقطة دي تحديدًا هي اللي بتمثل قد إيه الأهلي أقرب للحزب السياسي من كونه نادي كورة .. هنا بنتكلم عن فكرة الحزب السياسي في إطار كونها بتعقد المجتمعات البسيطة المجتمعات البسيطة زي مصر اللي بنيويتها مش بتسمح بوجود أطياف عرقية أو دينية أو قبلية أو إقليمية .. بتلجأ لتشكيل النقابات المهنية وأحزاب المشروع الوطني السياسية .. في حالة مصر المحاولات دي تمت في عصر مبكر لكن محاولة النادي الرياضي سبقتهم سنة 1907 وعاشت واستمرت وفضلت عابرة للعصور في حالة الأهلي في وقت ماتت كل المشاريع السياسية زي تجربة الوفد أو غيرها من التجارب السياسية ___ 8. في هذا الإطار بقى وبعد شرح كل ما سبق بييجي نموذج أبو تريكة اللي فشل محبوه ومبغضوه في وضعه داخل الإطار ده وسحبوه سحبًا للإطار السياسي بوصفه بالانتماء لتيار الإخوان المسلمين أو الانحياز لدولة قطر ومواقفها في حين انتماءه للأهلي (اللي هو أقرب للحزب السياسي) اكثر تفسيرية لمواقفه فمثلًا لو كان أبو تريكة إخواني لكان أولى برفع شارة رابعة في سنة 2013 من أحمد عبد الظاهر اللي بعد ما عمل كده تنقل بين الأندية المصرية منهم نادي طلائع الجيش شخصيًا ولو كان ينتمي لقطر فده يكذبه احتفاءه الدائم بالتجربة الكروية السعودية وحرصه على تهنئة المملكة في كل استحقاق كروي ناجح في عز سنين المقاطعة وكذلك مساعدته لمصر في ملف استضافة أمم أفريقيا 2019 وهتاف الجمهور باسمه

مقالتي في العدد الأول من ما بعد الطوفان أصبحت متاحة على موقع منصة (مدارك) لمن أراد قراءتها بشكل أفضل أحب أسمع اقتراحات وتعليقات الأصدقاء دائمًا https://app.madarikcenter.com/post/%D8%A7%D9%84%D8%A5%D8%B3%D9%84%D8%A7%D9%85%D9%88%D9%81%D9%88%D8%A8%D9%8A%D8%A7-%D9%88%D8%A7%D9%84%D9%85%D8%B3%D8%A3%D9%84%D8%A9-%D8%A7%D9%84%D9%8A%D9%87%D9%88%D8%AF%D9%8A%D8%A9-%D9%83%D9%8A%D9%81

تحميل العدد الثاني

تقرؤون في هذا العدد الذي تحت عنوان "طوفان الأقصى: أسئلة المقاومة والثورة (2)": - الافتتاحية طوفان الأقصى: أسئلة البدايات في أزمنة النهايات - أ.د. سيف الدين عبد الفتاح أمة النهوض وعيونها الحارسة وفواعل الانبعاث الحضاري - أ. محمد المرواني نازلة طوفان الأقصى: نظرٌ في المسائل، واستشرافٌ للمآلات - ضياء هاشم هذا هو الطريق: من الجهاد العالمي إلى الجهاد من أجل المستضعفين في غزة - د.علي حسين ثورة الهوية التوحيدية: من قوة الفطرة إلى تجسيد الولاية الشعبية - يحيى صلاح ما وراء طوفان الأقصى: قراءات فلسفية في الحدث - هدية الله العمري متطلبات النضال (2): التعليم للنضال رؤية فلسفية - أسامة المنصوري فلسطين والكتل الإسلامية الكبرى: فرصة تاريخية لإعادة بناء المشروع الحضاري #مابعد_الطوفان_طوفان

تم تنسيق تلخيص الكتاب في ملف PDF بمساعدة أخ كريم بشكل أفضل تنظيما من رسائل تليجرام المتفرقة

‎رحلة الحج هي الشيء الوحيد تقريبًا اللي جمع جمال عبد الناصر وأنور السادات ومرسي والسيسي .. هي الحاجة اللي بتشهد إننا كلنا نفس الديانة ‎احنا العرب والمسلمين اختلفنا واختلفت قلوبنا .. بس لسة فيه شعرة رقيقة بتجمعنا ‎مصحف .. وقبلة .. ورحلة سنوية اسمها الحج ‎والتاريخ هيذكر باللعنات أول أحمق حمل المعول على الثالثة عشان ينتصر في خلافاته السياسية مع من جار عليه من أئمة المسلمين ‎اقرأ عن رحلة ريتشارد فرانسيس بيرتون لمكة في القرن التسعتاشر ‎اقرأ عن رحلة شارليز دوتي أو إيفلين كوبولد "أول امرأة مسلمة بريطانية تحج إلى مكة" ‎رحلة الحج كانت ولا زالت عبر التاريخ الحديث كله هي السد الأمنع ضد أكتر تيارين بيفتوا في عضد الأمة .. القومية القطرية الضيقة والعلمانية .. ‎وعبر كل التاريخ الحديث ده كله مكانتش بتغيظ غير الناس دي ‎الموضوع بس محتاج إن الإنسان يطبق نصيحة الشيخ الحويني و(يخلع نياشينه) عشان يمتلئ بالانبهار والإكبار لهذا المشهد الجليل .. لو مصمم تشوفه بمعايير دنيوية حتى هتشوفه ممكنات عظيمة تحب تستثمر فيها .. مش تبور أرضها ‎لا يحملنك شعورك بالعجز السياسي عن نصرة إخوانك على أن تطلق النار على قدميك .. شعور الإطلاق وشعور الألم هيحسسوك إنك عملت حاجة .. بس لما نحتاجك بعدها هنلاقيك أعرج وطبنجتك فاضية ‎لا يحملنك غضبك ممن وسدوا أمرك ولم يكونوا أهله على أن تظهر شجاعاتك تجاه ولي أمرك ووليهم .. فتنازعه سلطانه على الناس والكون ‎هو إله لا يُسأَل عما يفعل .. ‎وانت عبد عاجز .. ومش هتعرف ترتاح غير لما تعترف بعجزك ده وتدور على الحاجات البسيطة اللي في إيدك تعملها وتوجهها في اتجاهها الصحيح .. مش عشان الحاجات دي بذاتها هتفرق في حاجة انت كده كده عاجز عن التحكم في تنفسك أصلًا .. لكن عشان توريه إنك آخذ بالأسباب اللي أتاحها لك. ‎بس .. هو ده جوهر الراحة ‎إنما مش هننظر على ربنا

من الناحية السياسية لم ينظر أي شخص إسلامي كان أو حداثي، متدين كان أو قليل التدين للحج إلا وانبهر وخلع عليه أوصاف سياسية مختلفة (لا ننفيها طبعًا، لكن نكره تكاثرها حتى تنسينا الجانب الشرعي الإيماني للحج) سواء اللي يقول عليه (مؤتمر أممي) أو (أعظم شاهد على ديموقراطية الإسلام) أو اللي يقول عليه (آلة الشحذ النهائية) أو (أداة الإسلام الأقوى في صنع هوية مشتركة لمعتنقيه عبر القوميات) أو (رأس حربة اللغة العربية الأهم) مفيش إصلاحي في آخر قرنين مبصش لرحلة الحج دي نظرة إكبار بالعكس معظم قصص الإصلاح المذهلة بدأت برحلة حج .. ومن قبل التاريخ الحديث على فكرة دولة المرابطين بدأت بشخص شد الرحال حاجًا بيت الله مالكوم إكس بدأت رحلته العظيم بحج مالك بن نبي .. ممكن تقرؤوا روايته عن الحج فيه قصص كتير بدأت بشخص توجه تلقاء بيت الله حاجًا وانتهت بحفظ بيضة الإسلام في ديار بعيدة في مشارق الأرض ومغاربها الإصلاحيين العرب كانوا شايفين (أم القرى) هي أجندة الوحدة والإحياء السياسي الإسلامي الحديث بعد أفول شمس العثمانيين كام إمام مسلم قابل ملهمي حياته في رحلة الحج وحياته خدت منحى آخر هناك؟

بس هو اختار مينفيش إن جزء مهم من تكوينه وهويته إنه إنسان أمريكي عايش على أرضها وتحت سماها وإن ما يجعله أمريكيًا مش ورق ووثائق حتى لو ممتدة في القدم لكن سنين من عمره قضاها في أمريكا بيتناول فيها فطاره ويروح الجامعة يوميًا شايف إن ده كافي إنه يكون (أمريكي) بشكل يدعوه انه يستغرب الاتهام ده وميمنعهوش من ارتباطه بالأرض دي كون سكانها خصومه اللي بيعتدوا على أرض أجداده وبيلوثوها وبيزيفوا تاريخهم وصورتهم وإنه هو أصلًا بيحارب ده ارتباط الإنسان بالأرض ارتباط مقدس جدًا وعميق جدًا جدًا الأرض اللي تكرمك وتسعك وتقلك وتؤييك بترتبط بيها حتى لو مش مرتبط بأهلها حتى لو أهلها أخرجوك منها عنوةً وهو ارتباط ملهوش معيار ديني ولا وراثي الكلام ده عن إدوارد سعيد لما يتقال في حق لعيب اسكواش ولا مصارعة ولا عالم كيميا ولا طبيب هو أوجب أرضك التي تقلك وتكرمك وتعبد فيها ربك من غير خوف على نفسك أو أولادك

العلامة الفلسطيني الأمريكي إدوارد سعيد مؤسس علم الاستشراق الحديث وواحد من أهم ٥ في الكوكب اتكلموا في العلوم الإنسانية آخر ٥٠ سنة مثلًا واللي وصفته باحث إيراني مش فاكر اسمه إنه بسبب جهوده في قضايا العرب والمسلمين والقضية الفلسطينية باسم (صلاح الدين في العلوم الإنسانية) ولما نقول علم الاستشراق فاحنا بنتكلم عن العلم اللي كشف القناع الخبيث للغرب في نعت نفسه بكل أوصاف الحضارة والتقدم في مقابل الشرق المتخلف الرجعي حد على هذه الدرجة من العلم بخطورة مسألة الهوية لما اتهمه خصومه في الإعلام الأمريكي بإنه أستاذ في جامعة أمريكية رغم أنه ليس أمريكيًا رد إدوارد سعيد الغاضب وقتها كان "أنا عشت في نيويورك من سن ١٥ عامًا" رد الفعل بالنسبالي كان غريب جدًا أنا بفترض إن (صلاح الدين) المعاصر لما يناله اتهام مثل هذا هيعمل حاجة من ٢ يا إما .. آه انا مش أمريكي يا ولاد كذا أنا عربي فلسطيني على عهدي على ديني ويشغل الدربكة يا إما .. أنا أمريكي وحامل للجنسية الأمريكية أنا وأبويا وأمي واخواتي من أكتر من ١٠٠ سنة

ترجمتي لمقالة برنارد لويس (عودة الإسلام) اللي كتبها في يناير ٧٦ وتنبأ فيها بعودة الإسلام السياسي .. المقالة لا تخلو من انحيازاته وتدليسه فراجعت كل المعلومات اللي قالها وراه وعلقت عليه في الهامش .. لكن ميزتها في رؤيته -اللعين- التحليلية القوية جدًا لطبيعة الدين الإسلامي السياسية ورؤيته الشمولية اللي لا تنفك عنه وإنه الحكام في الدول الإسلامية مقدروش يخلعوا عبائته مهما ادعوا ذلك .. انا ضفت في الهامش فوق ٤٠ ملاحظة احيانا استغرقت مني الملاحظة الواحدة ساعات .. لكن أظن هتهتموا يعني تقرؤوها .. قراءة ممتعة ..

المنبهرين بـ(اسلام بحيري) و(القمني) و(الدحيح) هما كمان بروتستانتيين قدملي مادة (تبدو) وكأنها تهدم المخالف وخليك شيك كفاية عشان احس ان محدش هيقدر يرد عليك .. انا محتاج اشوفك كده عشان اعرف انام دايما عندنا درجة التحري المتساهلة اللي بس هتتوقف عن الشك المنهجي في اللحظة اللي هحس فيها إن الشخص اللي هنبهر بيه (مبهر) و(موسوعي) مبهر كفاية انه (يشعرنا) بالتفوق على المدارس المستقرة الثابتة الممتدة لأجيال .. حتى لو مش هنتتبع الشعور ده عشات نتحقق من صدقه هو يكفي بس الشعور ده يمنحنا شعور التفوق النقاوي بتاع (الحياة سهلة والعالم دول عقدوها عشان يتفزلكوا علينا) بمجرد وصولنا للنيرفانا بتاعت الشعور ده هنعرف ننام واحنا حاسين بعدم الهم لأننا لسنا مطالبين بدراسة الحاجات المعقدة دي اللي هدمها (ابناء تيمية) لنا وهنصحى تاني يوم على عالم مفيهوش مذاهب مفيهوش علم كلام مفيهوش علم نفس مفيهوش إسلاميين مفيهوش حضارة غربية مفيهوش فقهاء ظلموا المرأة مفيهوش مستشرقين موضوعيين وشطار او مفيهوش شيخ شعراوي ومفيهوش اسلام ومفيهوش غيب ومفيهوش تصميم عظيم او ضبط دقيق للكون عالم مريح لطبيعتنا الكارهة للتعقيد .. طبيعتنا السلفية النقاوية المايلة للبروتستانتية

جوهر فكرة (السلفية) خارج الإطار التزييني للكلمة وإكسابها حصانة شرعية متعلق بالأساس بالانقضاض على تراث الأمةالشرعي: - فقه المذاهب المازج بين الحديث والرأي) - والعقدي (بمضامينه الكلامية) - والروحاني (إكساب التصوف مكانة عالية شرعية واعتماد المجربات في الذكر والتبرك بسلاسل مشيخة علوم الحقيقة) والكلام هنا مش محاولة مني لحسم الخلاف حول أي من المضامين التلاتة دي .. الخلاف حولها وقع داخل البيت التراثي نفسه (جوا المدارس العلمية التراثية ما قبل الوهابية زي الأزهر والزيتونة والقرويين) لكنه لوصف ازاي ظهرت السلفية كفكرة بتتبنى الرأي السلبي تجاه الأفكار التلاتة دي من منطلق تاريخي أصلًا مش اجتهادي يعني ايه منطلق تاريخي ويعني ايه منطلق اجتهادي؟ اجتهادي يعني أن تعمل جهد بحثي علمي في القضايا الخلافية ويؤديك اجتهادك البحثي ده لتبني رأي في كل مسألة من التلاتة .. وده ممكن بدرجة كبيرة يكون الشيء اللي عمله ابن تيمية مثلًا .. الراجل دي آراءه لأن ده جهده البحثي العلمي أما المنطلق التاريخي .. فده مش داخل المعمل يعمل البحث وهو موضوعي .. هو داخل معاه نظرة للتاريخ مخلياه عايز يخرج بنتيجة معينة .. وبالتالي ده أثر على موضوعية إنتاجه البحثي .. حكم بما يتمناه مش ما يراه وده يفسرلك ازاي الآباء المؤسسين للسلفية المعاصرة كانوا ناس هم نقيض السلفية بشكل قد يضحكك وهم أقرب للعلمانية منهم للإسلاموية بل ومتهمين بالإلحاد عند كتير من علماء المسلمين ناس زي الأفغاني ومحمد عبده من خلال تلميذهما رشيد رضا اللي تقاطع تلاميذه مع خط المملكة وكانوا علماء الجيل الأول من الوهابية وانتهى الأمر ببعضهم برمي شيخهم ذاته بالابتداع ايه اللي ممكن يلم الشامي على المغربي؟ مستحيل يكون سبب اجتهادي علمي السبب (المنطلق التاريخي) الدافع التاريخي كان لحظة إخفاق الأمة سياسيًا وبالتالي اجتماعيًا واقتصاديًا مع حالة عجز شامل في أحسن الأحوال من (علماء الدين التراثيين) أو تواطؤ وعمالة في أسوأ الأحوال مع هذا الإخفاق الأمر اللي دعا التجديديين إلى نظرة تشكك في تراث الأمة برمته عشان مش شغال ومش بيحل مشاكلنا مش هتفرق بقى بعد التشكك ده هنقدم بديل عامل ازاي .. أكثر سيولة وتصالحًا مع الغرب وقيمه زي محمد عبده ولا أكثر خشونة وبداوة وعداوة للروحانيات زي النسخة الوهابية والحقيقة لا تكاد تخلو حركة إصلاح أو تجديد في التاريخ البشري من الدافع التاريخي ده .. بما فيها ظروف نشأة المذاهب الإسلامية الكبرى زي السنة والشيعة والإباضية ولكن اللي ميز السلفية إنه الاستثمار فيها كان بروتسانتي جدًا أعني الأصل اللاتيني للكلمة .. بروتست احتجاجي وبالتالي تعامله مع التراث الكلامي والعقلاني دائمًا تراث فاجومي هدمي .. معني بهدم اي منافس اكثر من عنايته ببناء نفسه ابو الحسن الأشعري مثلًا على النقيض .. بدأ حركته الكلامية بروتستانتي على التراث الكلامي الاعتزالي بس موقفش هنا .. بنى مذهب بديل ولم يكد ينشأ الجيل التاني من تلاميذه إلا وبناية المذهب بقت هم أولى من هدم الخصوم ومشكلة التراث البروتستانتي ده إنه زي أي ظاهرة بروتستانتي .. فقير في تقديم البدائل نفسه قصير في بناء الأفكار وايده طويلة قوي في الهدم وده ياخدنا للي عايز اقوله في البوست اصلا جانت وستظل آفة التيار السلفي هي عقدة ابن تيمية والعقدة هنا مرتبطة بتصور السلفيين عن ابن تيمية اكتر من صورته الحقيقية الشخص الشاطر جدًا الذكي اللماح اللي أتقن كل علوم المبتدعة والمخالفين عشان يهدم مذهبهم من الداخل ويرد عليهم والشخص اللي بيتقن فنون عدة ويسهم برأيه في مذاهب شتى ويناظر أهل كل علم في علومهم لدرجة أنه يخطئ سيبويه في الكتاب نفسه والنموذج المفتتن بيه هنا ده هيعيش في المخيال السلفي وهيسافر معاهم عبر الزمن بل وهينتقل بالعدوى لكل اللي مش سلفيين. لا شكلًا ولا أفكارًا الافتتان بالنموذج ده النموذج ده هيبقى مرة أحمد سالم مثلًا اللي بيتكلم في كل حاجة في الدنيا وقرا كل الكتب اللي اتكتبت في اول ط٣ قرون او هيبقى عمرو عبد العزيز اللي انطباعاته بتسبق معلوماته في الحكم على اي مخالف .. خصوصا لو ينظر له الناس بالبنان هيبقى اسماعيل هرفة الصيدلي اللي قرر يهدم علم النفس أو طارق سويدان اللي هيتكلم في الاقتصاد والسياسة والإدارة كأنه منظر من أهل المجال النموذج ده هيبقى عبد الوهاب المسيري مثلًا اللي نماذجه المفسرة لا تتخلف أو هبة رؤوف عزت اللي رأيها في الفقهاء لا يُنتَقَد أو محمود شاكر ورأيه في الاستشراق مثلًا اللي بيرسم ملامح قصة متكاملة تكاد تكون أسطورية النظرة دي هتمتد لنظرتهم للمهندس أيمن عبد الرحيم مثلا .. هيحبوا يشوفوه في المكانة دي .. وانا اشهد انه عمره ما ادعاها او طلبها والمسوخ المقلدة برداءة منه كذلك هتتكلم في كل واي حاجة بلا ضابط او رابط حتى اللي كفر بالسلفيةوربما ألحد كمان هيحب دايما يدور على النقد الهدام للإسلام بالشكل اللي يبدو موسوعي ده

https://aja.me/cm4c4t https://arabi21.com/story/1677303/ يراجع في شأن هذه الفكرة: الأيديولوجيا واليوتوبيا - قرلة مَنهَيم دفاتر السجن: مختارات - أنطوَن غرَمشي خسوف العقل - مقص حرقحمير

لآيديولوجيا كلمة لها مدلولات سيئة لما تتعلق بالانتماء الأعمى وتبرير الأخطاء بشكل آلي واعتماد مبادئ تمييز بين البشر حسب إثنيات أو مذاهب (والإسلام ضد التمييز لأن المسلمين مش جماعة بشرية جامدة .. الإسلام بالأساس فكرة دعوية لو قبلها منك عدوك ممكن يكون أقرب لك من أخيك الأقل انتماءً لها) لكن .. الآيديولوجيا كمان كلمة لها سياقات إيجابية بتتعلق بالمعنى (النضالي) مكانتش الشعوب اللي تحررت من الاستعمار في القرن العشرين مثلًا هتتحرر لولا آيديولوجيات شعوبها التحررية مكانتش أوروبا في القرون الوسطى هتنال هامش حريات كبير لولا الآيديولوجيا النهضوية الولايات المتحدة مكانتش هتمثل نموذج عملاق للخلافة المتخيلة لولا تبني الآباء المؤسسين لآيديولوجيا الفيدرالية الجمهورية ضد ممالك أوروبا والعصور الوسطى بصلها كأنها هلب السفينة الثقيل جدًا لكن ثقله محسوب لأنه لو تقيل زيادة عن اللزوم هيخلي السفينة ثقيلة الحركة وتايهة في قلب البحر ومعرضة للغرق لكن وجوده بالثقل المناسب قرب السواحل هو ضمانة إن السفينة ترسو على شط وتوصله ومتبعدش عنه في الحقيقة الفكرة (الإسلاموية) مش استثناء من القاعدة دي وبقول إسلاموية لأنها الطريقة الوحيدة اللي أعرفها للتمييز بشكل واعي بين الانتماء للإسلام دينًا وعقيدةً والانتماء للفكرة المعاصرة (الأيديولوجية) اللي اسمها الإسلاموية الإسلاموية لسنين عطلت معتنقيها عن رؤى شديدة الوضوح وعمتهم عن أفكار شديدة الرقة والاحترام وضيعت عليهم فرص كثيرة جدًا للتجديد الحقيقي المستنير غير المعادي للدين ليه كل دعاة التجديد انهاردة من عينة خالد منتصر وإسلام بحيري؟ لأنه وعلى عكس ما يبدو .. ده نوع الخصوم المفضل للمؤدلجين عدو غبي وواضح ومش موضوعي وجوده دايمًا بيدينا فرصة للخطاب التعبوي والحشدي .. بيسهل جمع أنصار من الحمقى وأنصاف العقلاء والعقلاء المتسرعين خصوم أمثال نصر حامد أبو زيد أو حسن حنفي أو فؤاد زكريا مثلًا خصوم صعب ممارسة التعبئة دي ضدهم برضو في كوميكس باتمان حصل في عدد ما إن بروس وين قرر يقلع ماسك باتمان ويبطل يقوم بأدوار الحماية في جوثام لأسباب شخصية الجوكر ..لأنه معندهوش مبررات لوجوده غير إنه باتمان موجود هو كمان اعتزل وبطل ولما باتمان رجع الجوكر رجع على صعيد آخر الآيديولوجيا الإسلاموية مستحيل تختفي فجأة لو قلنا إن عمرها قرب على الـ100 سنة (وهي طبعًا عمرها أكبر من كده بكتير) فهي بتتعرض للاضطهاد وكل محاولات الاستئصال الناعمة والخشنة في كل حتة في الكوكب على الأقل 70 سنة من الـ100 دول ليه مش بتختفي؟ لأنها صلبة كفاية إنها متتكسرش صلابتها بيخلقها إنه مبررات وجودها لا تختفي ومبررات وجودها إن المسلمين أمة مفككة مضطهدة ودينهم بيتعرض للازدراء وبيثير رعب ناس كتير في الكوكب فعلًا واللي مستعدين يتقبلوه بيمارسوا قدر لا بأس بيه من الابتزاز عشان ينزعوا الدين ده من مضمونه ويتحول لمذهب حداثي محافظ فيه شوية شعائر دينية زي الصلاة والصيام والحج وخلاص ولأنه في قلب العالم الإسلامي مزروع كيان استيطاني إحلالي ضد مجرى التاريخ والجغرافيا والديموغرافيا والعالم كله بيمارس قدر لا بأس بيه من التعريص وبيخالف قواعد إنسانية ادعوا إنها صلبة لقرون دي مبررات وجود لآيديولوجيا الإسلاموية لن تنتهي إلا باستئصال شأفة 2 مليار من سكان العالم اللي بيقروا الكتاب اللي اسمه القرآن دول وده أمر مستحيل طبعًا خصوصًا وهما منتشرين في قارات العالم الستة (أو على أقل تقدير الأربعة الكبار منهم) آيديولوجيا الإسلاموية وفي القلب منها عقيدة المواجهة اللي راس حربتها بتخوض أشرف حدث في القرن الحادي والعشرين على قرب مننا حاليًا وكل محاولات (غير الإسلامويين) للتمسح في التجربة النضالية للحركة دي وسلبها جانبها الآيديولوجي الواضح مش هينتصر على مجرى التاريخ ومش هينتصر على مبررات وجود الحركة دي والوقود اللي بيخلقها .. القرآن في أيدي حاضنتها الشعبية .. والعهد القديم في يد خصومها والكلام ده في عصرنا الحالي مش مختص بالأراضي المقدسة وحدها حدث بالضخامة لأنه يتسبب في تغيير مسار انتخابات أكبر دولتين في العالم القديم والجديد على التوالي .. بالتأكيد هيأثر في جيرانها فـــ الإسلامويين موجودين .. في كل مكان حوالينا مفيش مجال لتجاهل وجودهم أو توطين إنه انتهى بالتأكيد نسخه القديمة انتهت لكن فيه نسخة قادمة جاية جاية قد تكون أكثر تطرفًا أو أقل دي حاجة هيحددها ازاي الناس هتتعامل مع ده قد تكون منتهجة لنهج التنظيمات الهرمية زي النموذج اللي تهدم مؤخرًا وقد لا تتبناه أيها الشخص المنتظر لانتهاء وجود هذه الأفكار في عالمنا .. دور على عالم تاني مفيهوش مبررات وجود الأفكار دي في كل لمحة ونفس حوالينا أو تقبل إنهم مخ البلد وملح الأرض والسواد الأعظم من الناس .. غصب عن الناس أكتر ناس بينتموا للأفكار دي هما خصومها اللي بيتمددوا في الفراغ بشكل مؤدلج إسلاموي رغم أنوفهم .. ولما بينقلبوا على الفكرة وبيتمردوا عليها بيعملوا ده بنفس أدوات الإسلامويين

مما يؤثر عن الفاروق صلى الله على صاحبه وعليه وسلم أنه قال "من لم يعرف الجاهلية لم يعرف الإسلام" والنص ده مركزي لكون جزء لا يتجزأ من استيعابه يعود على فهمك لطبيعة الدين اللي بتعبد ربنا بيه العرب قبل الإسلام كانوا في جاهلية .. لأنهم غابوا عن حقيقة التوحيد لكن مكانوش في جهل تام .. بل يؤثر عنهم من مكارم الأخلاق وكمال المزاج ما يجعلهم أحسن من معظم الناس اليوم (فيما خلا حقيقة التوحيد طبعًا وإلا فشر الموحدين أحسن من خير الجاهليين) النبي صلى الله عليه وسلم ربنا بعثه (يتمم) مكارم الأخلاق .. مش (ينشئها) من عدم مكارم الأخلاق كانت موجودة وفي نظر كثرة من أهل العلم كانت المكارم دي أصلًا من آثار النبوات اللي نزلت في العرب لم ينسوها .. وعشان كده كان في الحديث النبي صلى الله عليه وسلم موضع لبنة تتمم عمل النبيين من قبله .. البنيان العظيم الجميل اللي الناس كانت بتدخله وتقول (ما أعظمه لولا موضع اللبنة) كان موجود من قبل النبي صلى الله عليه وسلم .. وجل البناء ده كان في أخلاق القوم .. واكتمال رجولتهم وفهمهم لها الرعيل الأول من المسلمين كانوا خيار الناس في الجاهلية مكانوش شراذم كانوا رجال مكتملي الرجولة والذكاء والفطنة .. الإسلام أعاد توجيه ممكناتهم مخلقهاش خالد قبل الإسلام في الاستراتيجيات هو هو خالد بعد الإسلام بس مصلت على الروم وفارس كذلك عمرو كذلك أبو سفيان ومن باب أولى الصديقان كانا كذلك --- إذا فهمت الأصل ده فهمت إنه نصوص الإسلام من قرآن وسنة اعتنت أيما عناية بضبط (البوصلة) دي .. مش خلقها وإنه الحمولات المسبقة اللي تنضبط بها (الطبيعة البشرية) لها سبق (زمني) على الإسلام لو دورت في الإسلام على نص يقولك إنك (حرام) تنزل صورة لحادثة وتكلم الناس فيها عن إنهم انشغلوا (بالتعليم النظامي) اللي طلبه من الإسلام عن (العبادة) مش هتلاقي ولو الصواب والخطأ عندك يتوقف على معاني الحلال والحرام العامة دي .. فانت مهدور الإنسانية وأعني بالإنسانية هنا المصدر الصناعي من كلمة (إنسان) .. يعني أنت أقرب للبهائم في الطبع من الإنسان .. لا أعني بها المذهب الإنساني اللي كاد يقلبه الناس ديانة --- رسالة الإسلام كانت رسالة حرص على الناس من العنت .. دي الأوصاف اللي القرآن الكريم وصف بها النبي صلى الله عليه وسلم رسالة استنقاذ للنفوس من السعير وكل (البشر) بل وغير البشر من المخلوقات المكلفة متساوون في الحق في فرصة الإنقاذ دي انت مش مميز بانتماءك لجماعة سياسية واجتماعية اسمها المسلمين انت مميز لأنك (بحفظ الله) أدركت حقيقة الدنيا وأنه بعد الدنيا بعث وحساب فاستنقذت نفسك بالتوحيد ولأنك لا فضل لك على غيرك بل الفضل كله لله ينبغي أن ينصرف همك كما انصرف هم نبيك ثم خلفاء نبيك ثم خلفاء خلفاء نبيك ثم ورثة نبيك من كل جيل من الأجيال .. انصرف همهم لعملية الاستنقاذ دي وانصقلت نفوسهم على الإشفاق العالمي على العالمين وجوا المنظومة دي اللي أساسها الرحمة مش أي شيء تاني بييجي مفهوم (المدافعة) اللي بالأساس بيحفظ أصل الرحمة من الاستئصال والاستهانة والاستضعاف الحق هو الرحمة دي .. والقوة بتحمي الحق ده .. بتمنع هدم صوامع وبيع وصلوات ومساجد لذلك منظومة (القوة) و(القسوة) دي بتتفرمل تمامًا بمجرد ما يتلفظ الخصم لكلمة (لا إله إلا الله محمد رسول الله) ولا تملك إنك تلمسه بعدها ولو كنت نبي مرسل (النبي في الحديث أشار لنفسه بالبناء للمجهول أُمِرتُ) --- الأصل في الدنيا دي مش الصراع .. الصراع بطبيعته فكرة بنت (الإخلاد إلى الأرض) بمجرد ما ينطبع في الذهن إننا كلنا عمرنا محدود ومآلنا في الآخرة إلى جنة ونار بنتخلى عن طبيعة فكرة الصراع .. دي مش دعوة للسلبية .. لكنها دعوة لاستكناه الصورة العامة .. الصورة اللي لا تتأتى لصاحبها بتدبر آحاد النصوص قد ما تنطبع بدوام المراجعة للمعاني الكلية للوحي .. بأنك تفرك النصوص دي وتجاهد نفسك فيها --- كل ما سبق أمر معزول تمامًا عن الممارسة المعاصرة المعهودة في الطائفة المارقة اللي اسمها (السلفية) اللي الدين عندهم نصوصي بشكل معزول عن جوهره .. يحملونه أسفارًا واللي جوهر وحقيقة الرسالة عندهم معزول هؤلاء ما تدينوا أصلًا إلا لابتلاء الناس وامتحانهم والتنظير عليهم قضية العمل لما بعد الموت بذاتها معزولة السلفي ميعرفش يعيش من غير عداوة .. من غير نكد .. من غير خناقة مع آخر الآخر ده هيصحى في يوم فهيكون مذهب عقدي عليه أكابر علماء المسلمين عبر التاريخ .. في يوم تاني هتكون مؤسسة دينية معاصرة .. في يوم تالت هتكون جماعة على غير مذهب الحق عقديًا لكن قطعًا على مذهب الحق في نصرة المظلوم وإغاثة الملهوف .. حتى الفريق المعادي للحكام فيهم .. بيعاديهم بنفس النفسية المارقة اللي بتستمتع بوجود (آخر سيء) هذا الإنسان يجزع إن تأمل للحظات في نفسه واتهمها بالقصور .. لذلك هو عنده جوع لا يتناهى إلى إيجاد آخر أسوأ منه يعرف يرميه بالضلال .. لأن دي طريقته إلى تسكين احتياج نفسه

كتاب الحرب لبوب وودوارد وفيه ذكر لحرب غزة واللقاءات والمحادثات بخصوصها بين أميركا وإسرائيل والدول العربية وآلية اتخاذ القرار في واشنطن الكتاب مترجم للعربية بمجهود شخصي لأخ كريم يرجى الدعاء لجدته بالرحمة والمغفرة