JECHOOTA GAMNAA

Addunyaa kanarraa namni miidhaman nama of keessatti hafeedha. Bahi muldhadhu! Ykn baasii muldhisi. Irra caalaan dhala namaa kan miidhamee tarree namootaatti ba'uuf waan keessoo isaa jiru kallatti itti baasee fayyadamu ykn Addunyaa fayyadu gaafa dhabuudha. Kennaan keessoo kee jiru yoo sirraa bahee hafuura nagaa ykn boqonnaa siif laata. Yoo si keessa ture ykn ukkamamee si keessa taa'ee akka bakteeriyaatti qaaama kee nyaatee si fixa. Kanaaf namaaf qofa utuu hin taane ofii keef jecha baasii muldhisi ykn bahii muldhadhu. Addunyaa keessatti dhokatu malee of keessatti of dhokachuun hin danda'amu! @JechootaGamnaa

Jechoota Beektotaa 10 Kan Daandii Milkaa'inaa Irra Nama Buusan: ▬▬▬▬▬▬▬▬ ➊. Injifachuuf keessa jiraachuu qabda. - Tony Robbins ➋. "Milkaa'inni quuqama tokko malee kufaatii irraa gara kufaatiitti gufachuudha." - Winston Churchill ➌. "Namoonni yeroo baay'ee kaka'umsi hin turu jedhu. Kanaafidha guyyaa guyyaan akka jajjabaataniif kan gorsuuf!" - Zig Ziglar ➍. Abjuu kee dhugoomsuu yoo barbaadde wanti jalqaba gochuu qabdu dammaquudha. - J.M. ➎. Aangoo boruu dhugoomsuu dhaaf daangaa shakkii keenya har'aa qofa ta'a. - Franklin D. Roosevelt ➏. Mo'amuun hedduu nu mudachuu danda'a garuu mo'amuu hin qabnu. - Maya Angelou ➐. Jiladhu (waliin adeemi) malee abdii gonkumaa hin dhiisin! - Joorji Luukaas ➑. "Daandiin milkaa'inaa yeroo hunda ijaaramaa jira." - Lily Tomlin ➒. "Ani nama of tolche miti. Gargaarsa baay'ee argadheera." - Stan Lee ➓. "Abjuu kee yoo hin ijaarre namni biraa akka isaan kan isaanii sin ijaaran gargaara." - Tony Gaskins @JechootaGamnaa

Amma Murteessi, Jireenya Kee Jijjiiradhu! 1. Amma qofa of harkaa qabdu fayyadami Addunyaa kana irratti qabeenyi ilmi namaa wal qixa miti; yeroo callaan waan qabdu hin fayyadamne, carraan kee darbee deema. Kanaafuu, waan qabdu ammas itti fayyadami. Waanan danda’u hunda har’a irraa eegaluun raawwachiisi. Murtee tokko yoo fudhatte, jireenya kee guutuu jijjiiruu dandeetta. 2. Kaleessaa yaaduu dhiisi, ammaa irratti xiyyeeffadhu Yeroon darbe deebi’ee hin dhufu. Dubbii kaleessaa yaaduun si hin gargaarru. Amma murteessi; murtoon kee yeroo ammaa fi gara fuulduraa jireenya keetiif murteessaadha. Murannoo fi gocha ammaa si fooyyessa. 3. Kutannoo fi cimina qabaadhu Namni kutannoo hin qabne nama barbaadu hin jiru. Kutannoo yoo dhabde, ofiifis, warra si jaallatanifis bu’aa fiduu hin dandeessu. Wantoonni ati barbaaddu hundi sodaa fi shakkii keessaa dhufa; garuu kutannoo fi murannoo qabaachuun si tajaajila. Duubatti hin deebi’in. 4. Duubatti deebitee homaa hin jijjiirtu; amma jalqabi Yeroon darbe hin jijjiiramu; garuu amma yoo jalqabde, xumurri kee bareedaa fi bu’a qabeessa ta’uu danda’a. Amma murteessi, wanta murteessite keessatti hojii fi gocha kee itti fufi. Fooyya’iinsa fi guddinaaf of qopheessi. 5. Murteessi fi hojii irra oolchi Murtee yoo fudhatte, hojii irra oolchuu irra darbee hin jiraatu. Amma irraa eegaluun waan dandeessu hunda raawwachiisuun, jireenya keetiif bu’aa fi milkaa’ina fiduu danda’a. Waan murteessite keessa jiraatta; kanaafuu, qalbii guutuu fi kutannoo qabaadhu. Barruu kana akkana gochuun, dubbistuun hubannoo, kaka’umsa fi murannoo har’a irraa eegaluuf ni argata. @JechootaGamnaa

Amala Gaggeessummaa Dhugaa @JechootaGamnaa • Hojjetee itti agarsiisee, hojjechiisa. Jechaan osoo hin taane, Gochaan agarsiisa. • Karaa kana deemaa jedhee taa'a osoo hin taane, imalee kallattii itti agarsiisa. • Gaggeessaan dhugaa, hinaaffaa qajeelaa isaaniif qaba: kunis jijjiirama  karaa hunda galeessaan kan dhufu dha. • Gaggeessaan dhugaa fi milkaa'oon, warra isaan caalaa sabaaf ta'uu danda'an oomisha. • Karaatti abjuu isaanii dhugoomsuu danda’an irratti isaan utubee, gara milkaa'inaatti isaan geessa. • Na caaluu laata? jedhee yaadda'aa osoo hin taane, akka isa caalaniif waan danda'u hundaan isaan gaggeessa, isaan gorsa. • Mul'ata namaa "Copy" godhee itti kenna osoo hin taane, mul'ata akka qabaataniif, karaa mul’ata isaanii itti argachuu danda’an itti agarsiisa • Waanan jedhu fudhadhaa jechuu qofa osoo hin taane, irra caalaa waan bu'aa fiduu danda’u irratti fuulleffata. • Waan xiqqoo isaan hojjetaniif, beekamtii onnachiisoo kennaafi. • Tokko olkaasee, tokko gad buusuun amala gaggeessaa hubatoo fi bilchaatoo miti. • Gaggeessaa dhugaa fi milkaa'aan, of jaja, of faarsa osoo hin taane, hojjettoota gaggeessuun of jaja. • Jechaan arbaa'ee, qabatamaan yoo hin jiraanne, shimala qiinqanii nyaattee fixxe ta'a. • Gaggeessummaa dhugaan bu'aa dhuunfaa isaa caalaa, bu'aa hojjettoota gaggeessuu irratti xiyyeeffata. • Gaggeessaan ga'uumsa gaggeessummaa qabu, waan hojjetaan isaa barbaadu hubata. • Ogummaa fi hubannaadhaan ijaaramee, qarruu beekumaaan masakama. • Gaggeessaa dhugaan, hariiroo fayyaaleessa hojjettoota gaggeessuu wajjin uumuun, amala madaqfamaa isaan barbaadanii fi galmichi barbaadu walitti kan hidhudha. • Gaggeessummaa dhugaan, hiikaa fi ergaalee dhokatoo hedduu qaba. • Gaggeessummaan amalaa fi adeemsa guutuu, karaa of danda’een kan ijaaramu dha. @JechootaGamnaa

Rakkoo Hunda Altokkotti Hin Furin: Dandeettii Keetiin Tartiibaan Milkaa’i 1. Rakkoo hubachuun jalqaba furmaataa ti Rakkoo kamiyyuu furuuf dura, maal akka ta’e sirriitti hubachuun murteessaadha. Namoonni hedduun rakkoo isaanii osoo hin hubatin saffisaan furuuf yaalu, garuu kun yeroo baay’ee dogoggora fida. Rakkoo adda baafachuun, sababaa isaa qorachuun, akkasumas bu’aa isaa hubachuun tarkaanfii jalqabaa cimaadha. Kunis furmaata sirrii fi bu’a qabeessa akka argattu si gargaara. 2. Rakkoo hunda altokkotti furuuf yaaluu irraa of qusadhu Rakkoo hedduu yeroo tokkootti furuuf yaaluun sammuu fi qaama namaa ni dadhabsiisa. Akkuma dhagaa hedduu ofirra kaa’anii baatan, humna namaa ol ta’a. Kanaafuu, rakkoo adda addaan qooduun, tokko tokkoon irratti hojjechuun salphina uuma. Kunis dadhabbii hir’isee milkaa’ina dabala. 3. Waan dandeessu irraa jalqabi Namni tokko waan hunda yeroo tokkootti hin danda’u. Garuu waan xiqqaa ta’ellee jalqabuu danda’a. Waan salphaa fi siif mijataa ta’e irraa jalqabuun ofitti amanamummaa uuma. Tarkaanfiin xiqqaan jalqabame gara hojii guddaatti si geessa. 4. Dursa kennuu (priority) sirnaan filadhu Rakkoolee keessaa kamtu siif ariifachiisaa akka ta’e murteessuun barbaachisaadha. Hunduu walqixa miti; tokko tokko saffisaan furamuu qabu, kaan ammoo turuu danda’u. Dursa sirriitti kennuun yeroo kee fi humna kee bakka sirriitti akka itti fayyadamtu si gargaara. 5. Obsaa fi tartiiba qabaadhu Rakkoon hundi yeroo gabaabaa keessatti hin furamu. Yeroo tokko tokko obsaan eeguu fi tartiibaan deemuun barbaachisaadha. Tartiibni hojii kee sirreessa, dogoggora hir’isa, akkasumas bu’aa gaarii siif fida. 6. Gargaarsa gaafachuun dadhabina miti Rakkoon tokko tokko nama tokko qofaaf ulfaataa ta’uu danda’a. Yeroo akkasii keessatti namoota biraa irraa gorsa yookaan gargaarsa gaafachuun barbaachisaadha. Kun dadhabina osoo hin taane ogummaa fi hubannoo agarsiisa. 7. Ofitti amanamummaa fi abdii hin dhabinaa Yeroo rakkoon si mudatu abdii kutachuun salphaa dha. Garuu ofitti amanamummaa qabaachuun murteessaadha. Yoo of irratti amantaa qabdu, rakkoo kamiyyuu furuuf humna keessaa argatta. Abdii fi kutannoon si jabeessa. Walumaagalatti rakkoon jireenya keessaa hin hafne. Garuu akkaataa itti ilaallu fi itti furre murteessaadha. Haa xinnaattu malee waan dandeenyu irraa jalqabnee, tartiibaan hojjechuun gara milkaa’inaatti nu geessa. @JechootaGamnaa

"Kana akka kufaatiitti hin fudhadhu, akka barnootaatti malee. Karaalee hin hojjenne kuma kudhanin irraa baradhe.”Toomaas Eedisan "Abdii kutannaan karaa kufaatiitti geessu Isa amansiisaadha!" Genaa Showaalter "Rakkattee osoo hin milkaa'in hafte yoo ta'e, kan si booda milkaa'u dhaloota tokkotu jira; osoo hin rakkatin milkoofte yoo ta'e garuu si dura nama rakkatetu ture." Waan yaallee hin milkoofnerraa beekumsaa fi hubannoo gara galma keenyaatti tarkaanfachuuf nu gargaaru arganna. Diinni milkaa'inaa inni guddaan abdii kutuu dha. Waan hojjettu kamiyyuu hamma du'aatti yoo ta'e iyyuu cichii jabeessii itti fufi! Bor yoo duute iyyuu dhaloota boriif eebba taate duuta. Dhaloonni si boodaa "rakkina inni rakkachaa ture nuti immoo har'a bu'aa isaa jiraata ■ Hammuma kufaatiin sitti baay'atu milkaa'ina keetti dhiyaachaa akka deemtu beeki! ■ Kanaaf kufaatii hin jibbiin kufaatiin daandii milkaa'inaa ti.   • Jireenya kee jijjiruuf sammuu jijjiiramaan har'a jijjiirama eegali!   @JechootaGamnaa

EID MUBARAK : WARRA BARANAA KAN BARA HEGEREE ••••••••••••••••••••••••••••••••••••••••••••••••••••••••• Obboleeyyan kiyya kan Islaamaa kan Xiqqaa fii Guddaa Kan Dhiiraa fii Dhalaa Kan Biyya Keessaa fii Biyya alaa Jirtan Hundi keessannuu warri guyyaa arraa geessanii iida Fixrii godhaa jirtan baga rabbiin Guyyaa iidaa kanaan isin gaheen isiniin jachuun barbaada. iidni kun iida gammachuu iida milkii kan badhaadhinaa kan yaadaa fii muraadni keenya hundi keessa nuuf guutamu rabbiin nuuf haa Godhuu. Soomana Ji’a Guutuu soomanaa baanee fii Ibaadaa dalagaa baane hunda isii rabbiin nurraa qeebalee addunyaa fii aakhiratti ittiin nu Haa qananiisuu. Warra barana Hamdii kan bara Dhufu abdii Warra Baranaa kan bara hedduu rabbiin nu haa godhuu Warra amatuu soomanee akkanatti iidu rabbiin nu haa taasisuu. عيدكم مبارك تقبل الله منا ومنكم صالح الاعمال وكل عام وانتم بخير Eid Al-Fitr 2026 @JechootaGamnaa

Namni kamiyyuu jireenya isaa keessatti ergama mataa isaa ni qaba. uumaan tokko tokko keenyatti dirqama adda addaa kenneera. dirqama siif kenname namni biraan hojjechuu hin danda'u. kanaaf waanti nurraa eegamu kaayyoo uumamneef adda baafnee beekuufi of taanee jiraachuudha. Akkaataa ati ofiikee itti ilaaltu akkaata ati itti tarkaanfaattu murteessa.kanaaf dandeettiikootti nan amanaa? jedhii of gaafadhu. Humna si keessa jirutti hin amantu taanaan milkaa’ina gonfachuu hin dandeessu. Bakkuma jirtutti waanuma of harkaa qabdu fayyadamiitii waan dandeessu hojjedhu. Kaayyookee irratti xiyyeeffattee waan hojjechuu dandeessu hojjennaan kanbiraa maaltu sirraa eegamaree? Yoom akka hojjettu, maal akka hojjettu, akkamitti akka hojjettu qajeelfama nama biraa hin eeggatiin. Waan dandeessuu hojjechuudhaaf har’a siif guyyaa addaati. Kanaaf ganamaan ka’ii deemsakee eegali. Amma yoo imala eegalte karaa dhiyeeffattee bulta waan ta’eef. Namoonni baay’een kaayyoo ofiisaanii ni beekuu, hojjechuuf garuu tarkaanfii hin fudhatan. Haala mijataa ykn nama si gargaaruu teessee eeguu irra kaayyoo uumaamteef jiraachuuf of qopheessi. Akka nama bidiruudhaan galaana irra naanna’uudhaan bashannanuu bakkuma tokko marsaa hin ooliin. Kaayyoo uumaamteef bakka gahuu qabdu gahuudhaaf ofiikee irratti murtoo fudhadhu. Milkaa’inni waan barbaadan argachuu osoo hin taanee imala jireenyaa eegaluudha. Milkaa’inni walitti fufinsaan daandii milkaa’inaa irra imaluudha malee bakka yaadaan gahuu qofaa miti. Kaayyoon jireenya dhala namaa tokko namoota biroof taajajila kennuu, waan gaarii yaaduufi gargaaruudha. @JechootaGamnaa

Wantoota jireenya kee keessatti murtoo barbaadaniif irra deddeebi'ii yaadii murteesssi! Waan itti amantee murteessite garuu deebitee hin shakkin! @JechootaGamnaa

Jιrєєиуα ▷ Ʀakkina qaba. ▷ Baldhina qaba. ▷ Salphina qaba. ▷ Ulfina qaba. Isaan kanatu walitti dabalamee Jireenya hiika qabu nuu fida. ➛ Nan kufe jettee abdii hin kutin! Kufuun dhuma jireenyaa miti. ➛ Ulfina argadhe jettee hin boonin! Ofiin boonuun galma jireenyaa miti. ➛ Kufaatiin isa ta'uuf dhalatte osoo hin ta'in hafuudha. Isa ta'uuf dhalatte ta'uuf immoo rakkina keessa darbuun dirqama. ➥ Mee namoottan addunyaa beekamoo ta'an hunda isaanii qoradhu! Hundi isaanii rakkina hammana hin jedhamne keessa darbanii kan mul'ata argatan. RAKKINNI YAADNI HAARAAN KEESSA KEETII AKKA BURQU GODHA! ● Eenyummaan kee rakkinaan yoo dabalame of argita. Ofitti akka deebitu si godha. Si malee namni si ta'uu danda'u akka hin jirre sitti hima. ● Namoonni baay'een yoo waa rakkatan waanuma akkasitti hafan of se'uudhaan milkaa'ina cina isaanii jirutti aggaamuu of dhoowwu. Lakki akkas miti eenyuyyuu rakkina baatee kan hafu hin jiru. ● Namni mul'ataa milkaa'uudhaaf rakkina keessa darbuun waanuma jiru.   @JechootaGamnaa

Of guddisuu jechuun guddina dhuunfaa dammaqinaan hordofuu, of beekuu, dandeettii ofii babal’isuu fi ciminaa fi amaloota ofii keetii isa hunda caalu ta’uuf si gargaaran fooyyessuudha.  Jijjiirama fudhachuu fi guddina mataa keetii irratti invast gochuudha. Kunis yaadolee gadii hammata: 1. Of-ijaaruu 2. Barnoota umurii guutuu barachuu 3. Galma ifa ta'e kaa'achuu 4. Sodaa ofitti fudhachuu 5. Yaada barbaaduu 6. Nageenya kunuunfachuu 7. Itti cichuu   @JechootaGamnaa

(Of Guddisuu)🌱 ▬▬▬▬▬▬▬▬▬ 💡 Of guddisuu jechuun guddina dhuunfaa dammaqinaan hordofuu, of beekuu, dandeettii ofii babal’isuu fi ciminaa fi amaloota ofii keetii isa hunda caalu ta’uuf si gargaaran fooyyessuudha. Jijjiirama fudhachuu fi guddina mataa keetii irratti invast gochuudha. 💬 Of-ijaari: Ciminaa fi hanqina kee qorachuudhaan jalqabi. Kaayyoo, gatii fi fedhii kee irratti xiinxali. Of beekuun bu’uura guddina dhuunfaa ti. 💬 Barnoota umurii guutuu baradhu: Barumsi gonkumaa hin dhaabbatu! Beekumsaa fi dandeettii haaraa horachuuf qormaata keessa darbitu jira. Kitaabota, koorsii onlaayinii yookiin workshopii haa ta'u, hammuma barattu guddatta. 💬 Galma ifa ta'e kaa'i: Galma kaa’uun imala keetiif kallattii ifa ta’e kenna. Kaka’umsaa fi xiyyeeffannoo siif cimsa. Yaadadhu, galmi kee SMART ta'uu qaba - Adda, safaramuu danda'u, galma ga'uu danda'u, barbaachisaa fi yeroodhaan kan murtaa'e ta'uu qaba. 💬 Sodaa kee ofitti fudhadhu: Guddinni yeroo baay’ee naannoo mijataa keessa jirtu keessaa ba’uu gaafata. Sodaa kee fudhachuu fi muuxannoo haaraa gonfachuu gonkumaa hin sodaatin! Jijjiiramni dhugaa bakka sanatti ta'a. 💬 Yaada barbaadi: Duub-deebii kennuun guddinaaf meeshaa gatii guddaa qabudha. Hiriyoonni, gorsitoonni fi gareen hojii yaada ijaarsaa akka kennan jajjabeessi. Karaa kee sirreessuuf itti fayyadami! 💬 Nageenya kee kunuunsi: Fayyaan qaamaa fi sammuu murteessaadha. Sochii qaamaa, soorataa fi boqonnaaf dursa kenni! Qaamni fi sammuun fayyaa qabu guddina dhuunfaaf barbaachisaa dha. 💬 Itti cichuu: Of guddisuun imala malee bakka gahuumsaa xumurame miti. Guddina keetif yeroo gufuun si mudatellee of kennii jiraadhu. Ciminni furtuudha.   @JechootaGamnaa

"The poor wait for the ‘right time’ to invest. The rich create the right time by learning and acting."       - Robert T Kiyosaki        (Rich Dad Poor Dad) Waa'ee kaleessaa yaaduu dhiisi!  Amma murteessi!  Murtoon tokko jireenya kee bara baraan jijjiiruu dandaʼa!  Saatii  kana irraa eegaluun  waanan danda'u hunda nan raawwadha(godha) jedhii murteessi! Nama kutannoo hin qabne namni  barbaadu hin jiru!  Kutannoo hin qabdu taanaan  ofiifis  warra jaallattuufis humaa gochuu hin dandeessu.  Namni duubatti deebi'u ni qisaasama!  Wantoonni ati barbaaddu hundi sodaa kee duuba ta'uu isaa beekuun murannoo qabaachuu qabda! Duubatti deebitee homaa jijjiiruu hin dandeessu;  Amma yoo jalqabde garuu xumura kee miidhagsuu dandeessa; Nama fooyya'aa ta'uu qabda!  Ammuma murteeffadhu Waanuma murteeffatte keessa jiraatta waan ta'eef!   @JechootaGamnaa

Wantoota yaadachuu qabnu 12: 🔍 Kan darbe jijjiiramuu hin danda'u. 🔍 Yaadni dhugaa kee hin ibsu. 🔍 Imalli nama hundaa adda. 🔍 Murtiin waa'ee kee miti. 🔍 Garmalee yaaduun gaddatti nama geessa. 🔍 Gammachuun keessaa argama. 🔍 Yaadni kee miira kee irratti dhiibbaa qaba. 🔍 Kolfi nama daddarba. 🔍 Gaarummaan bilisa. 🔍 Dhiifnee itti fufuun homaa miti. 🔍 Wanti naanna'u, naanna'ee dhufa. 🔍 Yeroo hundumaa wantootni yeroo wajjin ni bareeda. @JechootaGamnaa

This Habits Kill You development without sustainability power without accountability science without humanity business without morality knowledge without character wealth without work 👇Thats also kill everything 👾 Laziness kills ambition Anger kills wisdom Fear kills dreams Ego kills growth Jealousy kills peace Doubt kills confidence Insecurity kills potential Procrastination kills progress Negativity kills happiness Comparision kills joy Impatience kills perservence Dishonesty kills trust Overthinking kills action Pride kills relationships @JechootaGamnaa

.

Callisuun miira bilchina gadi fagooti. Dudubbachuun barbaachisaa ta’us beekumsa hin ibsu. bakka hundatti waa'ee waan hundumaa haasa'uu fi waan naannoo kee, hawaasa kee fi maatii kee keessatti ta'u hundaaf deebii hin kennin. Yeroon itti haasofnuu fi yeroon guutummaatti callisnu jira. Miira callisaa yeroo guddifattu qalbii namootaa keessatti dallaa tasgabbii dhabuu ijaarta. Dhimmi tokko tokko ammuma haasa’ame salphata. Namni dudubbatu ammuma dubbate barama. Namni miira callisuu guddifate akka tulluuti; Ni sodaatama. Tilmaamamuu waan hin dandeenyeef ni kabajama, ni sodaatama, ni jaallatamas. Yeroo akka salphaatti yaada maddisiistuu fi baay'ee dubbattu salphaatti tilmaamamuu dandeessa. Yeroo hunda waan barbaachisu irraa hir’isii dubbadhu. Yokaan baay'ina yaada kee jecha gabaabaan ibsii bira darbi. Yoo dubbatte;waan hunda qola baastee hin dubbatiini. Geggeessummaarra yoo jiraatte si gargaara. Aangoofi iccitii eeguuf xiqqoo dubbadhu. Miira callisuu yeroo guddifattu, namoonni waan keessa kee jiru beekuuf hawwu. Jechi callisuu booda dubbatamu hundi gonkumaa akka waan salphaatti hin ilaalamu. Yeros jechoonni hundi kan hiika qabaniif ulfaatoo ta’u. Callisuun gaariidha, yoo dubbatte dhimma si ilaallatu dubbadhu, waan qulqulleeffatte dubbadhu. Xiqqeessiitee dubbachuu baradhu. Warra miira callisuu hin gabbifatiiniif dursa kenni. Jechoota hiika qaban itti fufii dubbadhu. Callisuun bilchina gadi fagoo ibsa malee wallaalummaa hin ibsu. @JechootaGamnaa

【1】. Namni utuu kitaaba dubbisuu danda'uu kitaaba hin dubbifne, nama dubbisuu hin dandeenyerra hin caalu. 【2】. Namoonni hedduun hamma maqaa isaanii hin ga'an. Maqaa isaaniitu isaan caala. 【3】. Milkaa'inni wanta namoonni hin argin arguu danda'uudha. 【4】. Dandeettii / ga'uumsa keessa kee jiru qofaan dorgomi! 【5】. Beekumsa qaban irratti hundaa'ee namoota gosa 4 tu jira. Isaaniis: 1. Nama hin beekne , akka hin beekne, kan hin beekne. 2. Nama hin beekne, akka hin beekne, kan beeku. 3. Nama beeku, akka beeku kan hin beekne. 4. Nama beeku, akka beeku kan beeku. 【6】. Yeroo hubachuu ilaalchisee namoota gosa 3 tu jira. ➊. Har'a keessa ta'anii kaleessaaf warra jiraatan. ➋. Har'a keessa ta'anii boriif warra jiraatan. ➌. Har'a warra jiraatan. 【7】. Kaleessi dabreera, bor hin dhalanne, yeroon qabnu har'a qofa. 【8】. Eessa akka jirtu beekuu caalaa eenyu akka taate beekuutu si fayyada. 【9】. Diinni milkaa'inaa inni guddaan milkaa'ina mataa isaati. 【10】. Rakkinni namoota baay'ee humna dhabuu utuu hin ta'in akka humna qaban wallaaluudha. 【11】. Eenyuyyuu qofaa isaa jiraatee kan fiixaan baafate hin jiru. 【12】. Namni baay'ees si miidha baay'ees si fayyada. 【13】. Bilchinaaf karaan qaxxaamuraa hin jiru. 【14】. Milkaa'inni 99% kufaatiidha. 【15】. Yaalii dadhabi malee yaaluu hin dadhabin! 【16】. Carraatti utuu hin ta'in hojiitti amani! @JechootaGamnaa

Wanti ati qabdu qabaa barbaada!!! 📌 Ilaalchi gaariin dhalootaaf riqicha ta'u, namoota gaarii qabaa qabeenya isaanii eeggatan keessa jira. 📌 Qabeenyi guddaan kan mootummaan hin beekne ati duwwaan beekuu qabdu si keessa jira. 📌 Bara namni jireenya dhiisee bara lakkaa'aa jiru kanaatti amala qabeenya keef eegdu ta'u kudhaammattee kaayyoo uumamteef jiraachuun gatii jabeessa guddaadha. 📌 Amalli ati qabdu qabeenya keef orma ta'uu danda'a. Amala qabeenya keef orma ta'e keessaa ba'i! 📌 Bara namni waan qabu miti ofiisaa of qabu dadhabe kanatti atimmoo of qabii waan gaarii si keessa dhokatee jiru achi baafadhu! 📌 Yoo qabaa isaa beekteef albuudni guddaan karaa kee duwwaa gara addunyaatti bahuuf qophaa'e tokko sii keessa jira; innis eeyyaama kee malee gara dhalootaatti achi bahuu hin danda'u. 📌 Beekumsa si keessa jiru gara hojiitti fiduuf bilchinni ati eenyummaa qabeenya kee baachuu danda'uuf aarsaa ta'uuf qabdu murtessaadha. 📌 Qabeenya guddaa si keessa jiru qabachuu dadhabuu keetiin ajjeessuu keerraa ofii kee lubbuun darbuu wayya. 📌 Jiraa du'aa baatee deemu hin ta'iin! Akka awwaalcha keessa isaatti du'aa baatu, alaan bifa qabu hin ta'in. waan qabdu sirriitti qabaachuu dadhabuun salphina. 📌 Karaa namni hunduu deemu irra nan deema yoo jette waan gaarii si keessa jiru ajjeessuu dandeessa. 📌 Jireenyaa fi adeemsa albuuda si keessa jiruuf karaa ta'u qabaadhu! 📌 Namoonni baay'een jireenya namaa akkeessuuf jedhanii harka duwwaatti hafan, baay'een immoo utuu hin bilchaatiin eenyummaa isaanii agarsiisuuf jedhanii namummaa isaanii gatan. 📌 Namni miira isaaf garbicha ta'e qabeenya keessa isaa jiru eeggachuu hin danda'u. 📌 Egaa ati qabeenya guddaa duuka uumamte. Qabeenya guddaa kana qabattee immoo maasii qabeenya kee balleessuu keessa hin taa'in. 📌 Addunyaa kana irratti namni qofaa isaa bakka guddaa gahe hin jiru. kanaafuu nama duukaa jiraachuu bari! Kunis ati mataan kee qabeenya dha. 📌 Amala waan qabdu siif qabu qabaadhu!! @JechootaGamnaa

#Leenca fi #Kuruphee Kurupheen Ganama Yeroo kaatu leenca ishee Nyaachuuf Adamsu Caalaa Fiigdee Lubbuu ishee Oolfachuuf of Qopheessiti Ta'uu Baannaan Akka nyaatamtu beekti... Leencis Ganama yeroo Ka'u Kuruphee Caalaa Fiiguu Akka Qabuu fi qabee hin Nyaatu Taanaan Akka beelaan du'u beeka. Ati Kuruphees Taatu Leenca Ganama Yeroo Kaatuu Jiruu kee jijjiiruuf Fiiguu Akka Qabdu Hin dagatiin.... Haala Rakkisaa Kam iyyuu keessa yoo Jiraatte Abdii hin kutiin Nagaa sammuu kee qofa eeggadhuu Boriif of qopheessi rabbii abdadhuu hojjachuun dirqama. @JechootaGamnaa