Враги Иблиса

2368-гӀа Хаттар: Ассаламу Ӏалайкум. ЙоӀ маре йоьдуш кӀентан гергара стага арайоккхуш пхьарс лаьцча ламаз керара долий цуьнан? Жоп: ВаӀалайкумуссаламу варахьматуллахӀи ва баракатухӀ! Хийрачу стагах кхетча ламаз керара ца долу. Амма бакъо яц иштта куьйгаш Ӏиттийта я Ӏитта а, хьалххе барт бан беза цу хӀуманна, иза вайн гӀиллакхашца а я бусалба динца догӀуш Ӏадат дац, керста нахера юкъадеана Ӏадат ду, вайн Ӏадат дац иза, оьзда доцу хӀума ду! https://t.me/Vragi_iblisa

2367-гӀа Хаттар: Ассаламу Ӏалайкум. Масала: ас цхьаьнга юхалург 1000 ахча ло, нагахь цхьана баттахь схьа ца лахь кхин 500 тӀекхетар ду аьлча риба хуьлий и? Жоп: ВаӀалайкумуссаламу варахьматуллахӀи ва баракатухӀ! Хуьлу дера, и ду-кх риба, хьарам ду иштта дерг лелор! https://t.me/Vragi_iblisa

2366-гӀа Хаттар: Ассаламу Ӏалайкум. Декхар лучу хенахь шен хенна цо схьа ца лахь тӀедоккхур ду аьлла бехкам хӀотто йиш юй? Жоп: ВаӀалайкумуссаламу варахьматуллахӀи ва баракатухӀ! Йиш яц дера-кх, риба ма ду иза! Даккхийчех, боьхачех къа, цу рибан уггаре лахара барам а, шен нана дола яккхар санна ду аьлла долу Пайхамара (саллаллахӀу ӀалайхӀи ва саллам). https://t.me/Vragi_iblisa

2365-гӀа Хаттар: Ассаламу Ӏалайкум. Цхьа сайт ю, чу ахча диллича цхьа хан яьлча жимма тӀе хӀума луш схьало цара и, процент санна хуьлий и? Жоп: ВаӀалайкумуссаламу варахьматуллахӀи вабаракатухӀ! Санна ца хуьлу, мелхо а, и ду-кх и риба! https://t.me/Vragi_iblisa

2364-гӀа Хаттар: Ассаламу Ӏалайкум. Зератера нах муьлш хилла? Царна тӀе а оьхуш доӀанаш дар жима ширк дуй? Жоп: ВаӀалайкумуссаламу варахьматуллахӀи ва баракатухӀ! Зератехь болу нах тайп-тайпана бу, амма цигахь верг милла а велахь а, вайна мегаш дац зерате дан а, я цига яха а, я АллахӀ воцчуьнга деха а, я цу зерате вахана АллахӀе деха а дац мегаш. https://t.me/Vragi_iblisa