Ahli Tawheed

Cümə Günü • Qüsl almaq • Ən təmiz və gözəl geyimlərini geyinmək • Ətir vurmaq • Misvakdan istifadə etmək • Kəhf surəsini oxumaq • Cümə namazına erkən getmək və xütbəni diqqətlə dinləmək • Səmimi qəlbdən dua etmək və duaların qəbul olunduğu saata yetişməyə çalışmaq • Zikri və istiğfarı artırmaq, sədəqə vermək • Peyğəmbərə (sallallahu aleyhi və səlləm) çoxlu salavat göndərmək اللَّهُمَّ صَلِّ عَلَىٰ مُحَمَّدٍ وَعَلَىٰ آلِ مُحَمَّدٍ

DUAYA HÖVSƏLƏ ÇATMIRSA. Bəzən dua edərkən insanın içində duanı tez bitirmək, qalxıb getmək kimi bir hiss yaranır. Xüsusilə xeyirli bir işə yönələrkən yaranan bu yayındırıcı hisslər vəsvəsə ola bilər. Belə anlarda təslim olmamaq, Allahdan yardım istəmək və duaya davam etmək lazımdır: “Allahım! Səni zikr etməyi, Sənə şükür etməyi və Sənə gözəl şəkildə ibadət etməyi mənim üçün asanlaşdır.” Unutma: Allahın ibadətinə müvəffəq olmaq da Onun lütfüdür. Öz gücünə deyil, Allahın yardımına güvən. “Biz yalnız Sənə ibadət edir və yalnız Səndən yardım diləyirik.”

☀️

Ənəs ibn Malik (radiallahu anh) rəvayət edir ki, Peyğəmbər (sallallahu aleyhi və səlləm) buyurmuşdur: “Kimin əsas qayğısı axirət olarsa, Allah onun işlərini qaydaya salar, qəlbinə qənaət və gözütoxluq yerləşdirər və dünya özü onun ayağına gələr. Kimin əsas məqsədi dünya olarsa, Allah onun işlərini pərən-pərən salar, ehtiyacını daim gözünün önündə edər. Dünyadan isə ona yalnız Allahın onun üçün təqdir etdiyi qədər çatar.” Tirmizi, 2465; Səhihə, 949

“Günlərin ən xeyirlisi Cümə günüdür.” — Sunan Abu Dawud, Jami’ at-Tirmidhi

GƏNC OĞLAN VƏ QIZLARIN HƏLAKININ SƏBƏBLƏRİNDƏN BİRİ ONLARIN SOSİAL ŞƏBƏKƏLƏRDƏ HƏR BİR DƏYƏRSİZ VƏ YARAMAZ İNSANLARI İZLƏMƏLƏRİDİR.

daha keyfiyyətli yükləmək üçün

📌Məndən hansısa video, şəkil və ya yazını götürmək üçün icazə və yaxud halallıq istəyənlər olur. Kim hansı videonu, şəkili və ya yazını götürmək istəyirsə, götürə bilər. Soruşmağa ehtiyac yoxdur.

Gənclik dövrü həyatın ən gözəl dövrlərindən biridir. Amma çox vaxt heç kim onun nə qədər çətin olduğundan danışmır. Hər gün bir seçim qarşısındayıq. Bir tərəfdə nəfs, müasir dövr, insanların fikri. Digər tərəfdə isə Allahın razılığı. Bəzən yaxşı qalmağa çalışmaq çətin gəlir. Bəzən elə hiss edirsən ki, hamı bir tərəfə gedir, sən isə tək qalmısan. Məncə ən çətin mübarizə insanın özü ilə etdiyi mübarizədir. O mübarizədə Allahı yanında hiss edən isə heç vaxt tək olmur. Əgər biz bu yolda mübarizə aparırıqsa, sonuna qədər davam etməliyik. Çünki Allah kimin nə qədər çətinlik çəkdiyini bilir. Bəlkə də bu gün səbir etdiyimiz bir günah, sabah bizi Allahın rəhmətinə daha da yaxınlaşdıracaq.