ብሒላተ አበው ወእመት ዘኦርቶዶክስ ተዋሕዶ

"ሳይወሰን በማኅፀን ተወሰነ ሳይሰበሰብ በማኅፀን አደረ ሥጋዊ ፍጥረትን ሁሉ የፈጠረ እርሱ በማኅፀን ኖረ፡፡ በኪሩቤል ላይ የሚኖር እርሱ በሥጋ ወተት አደረ፡፡ የሚያቃጥል እሳት እርሱ ሥጋን ተዋሐደ ከሥውር በግልጽ ተወለደ በማኅፀንም ሕፃናትን የሚፈጥራቸው እርሱ ሕፃን ሆነ ብርሃንን የሚጐናጸፍ እርሱን በጨርቅ ጠቀለሉት፡፡ እንደ ምስኪን በድሃ ቤት አደረ እንደ ንጉሥ እጅ መንሻን ከርቀት ያመጡለት ዘንድ ሐዋርያትን ላከ፡፡ ላህም ጌታውን እንዲያውቅ የሚያደርገው እርሱ በበረት ተኛው፡፡ እንደ ሕፃን አደገ የሁሉ ጌታ እንደ መሆኑ ሰገዱለት፡፡ እንደ እግዚአብሔርነቱ እየሠራ እንደ ሰው ተመላለሰ፡፡"    ቅዳሴ ዮሐንስ ወልደ ነጎድጓድ

​"ክርስቶስን መከተል ማለት መስቀሉን ተሸክሞ መጓዝ ነው፤ መስቀሉ ደግሞ የራስን ፈቃድ ለእግዚአብሔር ፈቃድ ማስገዛት ነው።" — አባ መቃርስ

ጽንዕት በድንግልና ስርጉት በቅድስና እመቤታችንጸጋውን ክብሩን እንዳይነሳን ለምኝልን አእምሮዉን ለብዎዉን ሳይብን አሳድርቢን፡፡ ለቅዱስ ኤፍሬም ለአባ ሕርያቆስ የተለመነች እመቤታችን ዘወትር ትለመነን፤ የልጇ ቸርነት የእርሷ አማላጅነት ዘወትር አይለየን አሜን፡፡ 🙏🙏🙏 ሰባኤውን የበረከት የረድኤት የቸርነት የበጎ ነገሮች ሁሉ ፍጻሜ ታድርግልን አሜን 🙏🙏🙏

​"ጠላቶቻችን ንብረታችንን ሊዘርፉን ይችላሉ፣ ከአገር ሊያሰድዱን ይችላሉ፣ ሥጋችንንም ሊያሰቃዩት ይችላሉ። ነገር ግን በልባችን ውስጥ ያለውንና የሕይወታችን ምንጭ የሆነውን ክርስቶስን ሊነጥቁን የሚችል አንድም ምድራዊ ኃይል የለም።" ቅዱስ አትናቴዎስ ሐዋርያዊ ​"ልብህን ከመልካም ሐሳብና ከእግዚአብሔር ፍቅር በቀር ሌላ ነገር እንዳይገባበት በጥንቃቄ ጠብቀው። ክርስቶስ በልብህ ውስጥ የነገሠ ዕለት፣ ውጫዊው ዓለም ቢናወጥ እንኳ አንተ በውስጥህ የሚጸና መንግሥት ይኖርሃል።" ቅዱስ ባስልዮስ ዘቂሳሪያ አምላኬ ሆይ! ልቤን ለአንተ ሰጥቻለሁ፤ ምክንያቱም አንተ ለእኔ ስትል ራስህን ሰጥተሃልና። ልቤ ከአንተ በቀር ሌላ ማረፊያ እንዳያገኝ ፍቅርህን በውስጡ አውርድበት።" አውግስጢኖስ

​"የምወደው ኢየሱስ፣ አዳኜ፣ በልቤ ውስጥ እጅግ በጥልቀት ተጽፏል፤ ልቤ ተከፍቶ በየቁርጥራጩ ቢከተከት እንኳ፣ በእያንዳንዱ ቁራጭ ላይ የኢየሱስ ስም ተጽፎ እንደሚገኝ ሙሉ በሙሉ እርግጠኛ ነኝ።" ቅዱስ ኢግናጥዮስ ​"በልብህ ውስጥ የክርስቶስን ስም እንደ ማኅተም አኑረው፤ በሄድክበት ሁሉ እርሱ ከአንተ ጋር ይኖራል። ፍቅሩ በልብህ ከቀረጸ፣ መከራና ስቃይም ቢሆን ከዚያ ፍቅር ሊለይህ አይችልም።" ቅዱስ ዮሐንስ አፈወርቅ ​"ሥጋዬን ሊገድሉት ይችላሉ፤ በልቤ ውስጥ ያለውን ክርስቶስን ግን ሊነጥቁኝ አይችሉም። እኔ የምኖረው ለራሴ አይደለም፣ በውስጤ ለሚኖረው ለክርስቶስ ነውና።" ቅዱስ ቆጵሪያኖስ ​"ከእግዚአብሔር በቀር ሌላ ምንም ነገር እንዳይሞላው ልብህን ጠብቀው። ልብህ በክርስቶስ ፍቅር ከተሞላ፣ ዓለም ሙሉ በሙሉ ብትቃወምህ እንኳ አንተ ፍጹም ሰላም ይኖርሃል።" ቅዱስ መቃርስ

‛‛የእግዚአብሔር ምሕረቱ እንጂ ቁጣው እንዳያገኛችሁ በበጎነት እራሳችሁን አስጊጡ።’’ ቅዱስ ዮሐንስ አፈወርቅ

''ኦ ሚካኤል ኦ ሚካኤል ኦ መተንብል፣ ካህነ አርያም ትሰመይ ቢጸ ሱራፌል፣ ዘእምርኡሳን ርኡስ ወዘእምልዑላን ልዑል፣ ጊዜ ጸዋዕኩከ ቅረበኒ በምሕረት ወሣህል፡፡                    ''ትርጉም''' #አማላጃችን ሚካኤል ሆይ ፈጥኖ ደራሻችን ሚካኤል ሆይ የጌታን ዙፋን ከሚያጥኑ ሱራፌል ካህናት አንዱ ሰማያዊ ካህን አንተ ነህ እኮን። የሰማያውያን ሊቃነ መላእክት ሁሉ አንተ አለቃቸው ነህ እኮን። ይልቁንም የልዑላንም ልዑል አንተ ነህና በጠራሁህ ጊዜ ሁሉ በይቅርታና በቸርነት ድረስልኝ አትራቀኝ።              ( መልክአ ሚካኤል) እንኳን ለሊቀ መላእክት  ቅዱስ ሚካኤል ዓመታዊ  ክብረ በዓል በሰላም አደረሳችሁ አደረሰን።

“ስለ ሁሉ ነገር እግዚአብሔር ይመስገን።’’ ቅዱስ ዮሐንስ አፈወርቅ

“የተዘጋውን በር ሁሉ የሚከፍት ቁልፍ እግዚአብሔር ነው።’’            አቡነ ሺኖዳ ሣልሳዊ

“ጸሎት ገንዘብ ሊያስገኝ ይችላል፤ ገንዘብ ግን ጸሎትን ሊያመጣ አይችልም።’’ ቅዱስ ኤፍሬም ሶርያዊ “ጸሎት የማያፈቅር ሰው ብታይ ምንም ዓይነት በጎ ነገር በውስጡ እንደሌለ ትረዳለህ፤ ወደ እግዚአብሔር የማይጸልይ ከሆነ በመንፈሳዊነቱ ሞቷል ህይወትም የለውም።’’ ቅዱስ ዮሐንስ አፈወርቅ “ጸሎት የኛን ፍቃድ ከእግዚአብሔር ፍቃድ ጋር አስማምተን የምንመራበት ነው።’’ ቅዱስ ኤፍሬም ሶርያዊ

#ስለ #ዓለማዊ #ግርግርና #ስለ #ነፍስ>>_* "ነፍስህ ከሥጋህ እንደምትበልጥ ሁሉ፣ ለነፍስህ የምታደርገው ጥንቃቄም ለሥጋህ ከምታደርገው መብለጥ አለበት። ለሰውነትህ ምግብ ትፈልጋለህ፣ ለነፍስህስ ቃለ እግዚአብሔርን ትመግባታለህ? ለሰውነትህ ልብስ ትገዛለህ፣ ነፍስህንስ በምግባርና በሃይማኖት ታስጌጣታለህ? ይህ ዓለም እንደ ሆቴል ነው፤ ጥቂት ቆይተህ ትወጣዋለህ። *እንደ እንግዳ እንጂ እንደ ባለቤት* አትኑር። ንብረትህንም ቢሆን እንደ አደራ እንጂ እንደ ቋሚ ሀብት አትቁጠረው፤ ምክንያቱም ስትሄድ ይዘኸው የምትሄደው *በልብህ የሰነቅከውን ፍቅር ብቻ ነው።"* ቅዱስ ባሲልዮስ

‛‛በኃጢአትህ ብዛት አትደንግጥ፣ የእግዚአብሔር ምህረት ከባህር የሰፋ ነውና።’’           ቅዱስ ኤፍሬም ሶርያዊ

‛‛እግዚአብሔር በሁሉ ቦታ አለ፤ ነገር ግን ትሑት በሆኑት ልብ ውስጥ ያድራል።’’ ቅዱስ አትናቴዎስ

«ጌታ ሆይ! አንተ በመስቀል ላይ ሆነህ የሰቀሉህን ሰዎች በይቅርታ ተመለከትካቸው፤ እኔ ግን ከእኔ የተሻለውን ሰው እንኳ በቅናት እመለከታለሁ። አንተ ለእኔ ስትል የሞት ፍርድን በጸጥታ ተቀበልክ፤ እኔ ግን ጥቂት ስድብን እንኳ ችዬ ማሳለፍ አቃተኝ። አቤቱ የተሰቀልከው ስለ እኔ፣ የሞትከው ስለ እኔ ነውና፣ ይህን ደንዳና ልቤን በፍቅርህ ችንካር ውጋው፤ ከዓለም ፍቅር ለይተህ፣ ከመስቀልህ ሥር አስጠጋኝ» ቅዱስ ኤፍሬም ሶርያዊ