Eneho Books እነሆ መጻሕፍት

እናመሠግናለን! «ንባብ ለሕይወት» የመጻሕፍት አውደርዕይ፤ ዛሬ ሐምሌ 26 ቀን 2018 ዓ.ም. ደማቅ አሻራውን አሳርፎ፣ በክብር ተጠናቋአል። "ንባብ ለሕይወት" ያለ እናንተ ውበት አይኖረውም ነበርና፦ ለ@ክቡራን ደራሲያን ለአሳታሚና አታሚዎች ለአከፋፋዮች ለምርምር ተቋማት ከልብ የመነጨ የከበረ ምስጋናችን ይድረሳችሁ። የከርሞ ሰው ይበለን። ብዕራችሁ አይድረቅ፣ ዕውቀት አይንጠፍ! በሚቀጥለው ዓመት ይበልጥ በደመቀ የንባብ ድግስ፣ በአዲስ ተስፋ ለመገናኘት ያብቃን!

አዲስ መጽሐፍ ርእስ፦የቃል ፌርማታ ጸሐፊ፦ ቃልኪዳን ኃይሉ ንባብ ለሕይወት ያገኙታል። ልክ ሲሞት ከተናገረው ሁሉ ትዝ ያለኝ “…ይቺ ጽዋ ከእኔ ትለፍ” ያላት ነች። የቷ ጽዋ? የሞት ጽዋዋ ነች ወይስ የተሻለ ሕይወትና ኑሮ ጽዋ? አንዳንዴ ምን ጥለን ምን እንደምንመርጥ አናውቀውም። ሕይወት አጓጊ የሚያደርጋት ነገን አለማወቅ ብቻ ሳይሆን የምርጫ ውጤታችንንም አለማወቃችን ጭምር ነው። እኛ ማለት ምርጫችን ነን። ዛሬ በትናንት የሕይወት መንገዳችን ውስጥ የምናሳልፈው ውሳኔና ምርጫ ውጤት ነው።