Ethiopian Premier league Share company

የሐዘን መግለጫ ! በኢትዮጵያ እግር ኳስ ታሪክ ከታዩ ታላላቅ ተጫዋቾች አንዱ የሆኑት ፍስሐ ወልደአማኑኤል ዜና እረፍት ተሰምቷል። "ኳስ ፊደሉ" እና "ጠመንጃው" በሚል ቅጽል ስሞች የሚታወቁት ፍስሐ ወልደአማኑኤል በቅዱስ ጊዮርጊስ እና የኢትዮጵያ ብሔራዊ ቡድን ድንቅ ተጫዋች የነበሩ ሲሆን ከቅዱስ ጊዮርጊስ ጋር የኢትዮጵያ ሻምፒዮና እና የኢትዮጵያ ዋንጫዎችን አሸንፈዋል። ከአራተኛ እስከ ስድስተኛ የአፍሪካ ዋንጫዎች ላይም የኢትዮጵያ ብሔራዊ ቡድን ማልያን ለብሰው ተጫውተዋል። ለከፍተኛ ትምህርት ባመሩበት አሜሪካ ኑሯቸውን ካደረጉ በኋላ ለሀገሪቱ ክለቦች ከመጫወታቸው አልፎ በሰሜን አሜሪካ የኢትዮጵያ ስፖርት ፌዴሬሽን (ESFNA) መስራች አባል እና ፕሬዝዳንት በመሆን ጭምር ለእግርኳሱ ከፍተኛ አገልግሎት አበርክተዋል። የኢትዮጵያ ፕሪሚየር ሊግ አ.ማ በፍስሐ ወልደአማኑኤል ህልፈት የተሰማውን እጅግ ጥልቅ ሀዘን እየገለጸ ለቤተሰብ ፣ ለወዳጅ ዘመድ እና ለስፖርት ቤተሰቡ መጽናናትን ይመኛል።