Ålem poêⓂs🎀🌎(ስነ-ግጥም)

፨፨፨፨፨፨፨፨፨፨፨፨፨፨፨፨፨፨፨፨፨፨፨፨ እኔ ያንቺን ውበት በቋሚነት ማደንቅ፣ ብዙ ሰው አየሁኝ እውነትን ሲደብቅ፡፡ እኔስ አያስችለኝ፧ መኳል ነው ማስሸብረቅ ባለቀው ማማርሽ፣ አይቶ ዝም ሲል ግን ስንቱን ታዘብኩልሽ?! ይቺ ጠባብ ቤቱ ትዕቢቱ ከልክላው እንጂ የማይስልሽ፧ ዝምታ ሲያበዛ መልስ ያጣ እንዳይመስልሽ፨ //ክብሬን ክሬን ሲል ነው የማያወድስሽ// (ወትሮም በዚ አገር    አብሰልሳይ ይቀድማል፧ ከሚያቆላጵስሽ!) (ለ~ውቢቱ) <°!°> ጻፊ ጻፊ አለኛ :),ለልደትሽ ይቀመጥ እንዴ😁 [ዓለም]

እልፍ ስሜቶች በጥቂት ስንኞች ተቋጠሩልኝ!🙌🏿👣 𝙞𝙣𝙨𝙥𝙞𝙧𝙚𝙙 𝙗𝙮//አያሙሌ'𝙨 𝙥𝙤𝙚𝙢//

https://t.me/senoriah

∞∞  ∞∞  ∞∞  ∞∞  ∞∞ ታምርህን ሰምቶ እንዳላመነህ፣ አብርሖትህን እንዳልለመነህ፣ ከጅህ በረከት እንዳልጠገበ፣ ባንተ ሲጎበኝ፧ ቤትና 'ደጁ እንዳልጠበበ፣ ° በክንድህ ስንቱን እንዳላለፈ፣ ጽልም እና ሞቱን እንዳልገፈፈ፣ ሃይልህን አይቶ እንዳልሰከነ፣ ከግሮችህ ትቢያ እንዳልመነነ፤ ° እንደተረሳ እንደማይጠቅም፣ ድንገት አብርቶ በሚጠፋ አቅም፤ ዘብ እንደሌለው እንደባይተዋር፣ አውታሩ ጎድሎ እንዳለ ክራር፥ ° በኑሮ ቅኝት እያቀለለህ፣ ሸርተት እያለ የተላቀቀህ፣ እንዲህ ያለ ሰው አይተ ታውቃለህ?! #እንደኔ_ያለ! [ ዓለም ]

#እኔም_እንደዚ_አንችም_እንደዚያ_! ያንችው ጋ ንፋስ እኔጋ አይነፍስም ያገርሽ ሰንደቅ ካገሬ አይገጥምም ያይንሽን እምባ ከንግዲ አልጠርግም፣ ጉንጉን ፀጉርሽን አልደባብስም። በይ አታማሪ ይሁን የሆነው፣ አንችም ተቀበይ እኔም ልቻለው! የተከልነውም የሚያድግ አይመስልም፣ እንኳን ዛፍ ሊሆን፧ የሚያቆጠቁጥ ዘር አይታይም! ተመልከች'ማ... በሚሰባብር በሽኝት ዜማ፥ የጠራች ፀሐይ ማምሻ ስትደማ፣ ስታለከልክ በቀኑ መዝጊያ፣ አስታወሰችኝ፧ የኔና ያንችን አራራይ ማብቂያ። መሸ ልግባበት እንደልማዴ አንችም እንዳሻሽ እኔም እንደሆዴ። በር መስኮቴን ከረቻችሜ፣ እናፍቃለሁ ላይሽ በህልሜ። እንጃልኝ.. ሃምሌ መባቻው ቅር ቅር ይላል፣ ሳስበው... የኔና ያንቺ ነሀሴ ደርሷል። ይሄ ከሆነስ የመኖር ጣዕሙ፣ ሌትናቀኔ ሲያጉረመርሙ፣ ምን ተስፋ አለን ችለን ልንሽራት፣ ሕይወት እንዲ ነች በቃ እንተዋት! በይ እንተወው፧ እምባና ኩርፊያ ይቅርብንማ፣ ማን ይሰማናል ብንጮኽ ብናማ?! ይልቅ.. መኖር እንቀጥል ከንግዲም ወዲያ፣ እኔም እንደዚ...አንቺም እንደዚያ! እንቀበለው አዲሱን መግቢያ... እኔም ከወዲህ..አንችም ከወዲያ!🥀 [ ዓለም ]

...🥀🥀..🥀..🥀..?¡

በልክ መሸፈን በልክ መገኘት፡ በልክ ጮሌነት በልክ መሞኘት፤ አቤት ስትችይበት! በልክ ማወደስ በልክ መፎገር፡ መስመር ያልዘለለ ጨዋታና ነገር፤ በ ል ክ መቀበል በልክ መሸኘት፡ እ ኩ ል ሕብርና እኩል ብቸኝነት፤ አቤት ስትችይበት! ኑሮና ቀለምሽ ወይነ~ደጋ መንደር፣ ለሰው አታሳዪ ካንድ ስምሽ በቀር። ሳይሽቀረቀሩ ሳይሉ ወጣ ወረድ፣ ይገርማል ግን እኮ ደብዝዞ መወደድ! አልተገኘሽም ስታሽካኪበት በየ በዓሉ እንዲህም ሆነሽ~ታምሪያለሽ አሉ! እቴ.. ሳትሽቀረቀሪ ሳትይ ክርትት ሰደድ፣ ማነው ያስተማረሽ? ደብዝዞ መወደድ! አቤት ስትችይበት! [ዓለም]

አገር ንቆ..ሰው አይፀድቅም!

~ ~ ~ ~ ~ ~ ~ ~ ~ ~ ~ ~ ~ ° ብሸፍትም ሰው ስገድል.. ስትጠራኝ ሳትሸነግል.. ቀስቴን ጥዬ ተሸነፍኩኝ አንተን ሳይህ 'ረገፍኩኝ፨ ድንገት ራደች ሰዉነቴ፣ ተፈታልኝ ሰንሰለቴ፨ ° ለካ እንዲ ነህ ሰው ስትለውጥ ለካ እንዲ ነህ ሰው ስትጠራ፣ ጨካኙን ልብ ደግ ያልሰራ፣ ታኖራለህ ስታራራ፨፨ ° ለካ እንዲ ነህ ስታንኳኳ፣ ጻዲቅ ሆነ ገዳዩ እንኳ፨! [ዓለም]

#ዮም_ኤልያስ ! እነሆ ውብ ግጥም፥ ረካ የነፍስ ጥም፨ እነሆ አጀብ ቃል፥ ካንተ ጋር ይደንቃል! እነሆ ጠብታ፥ ከጥበብ አንድምታ፨ እነሆ ኪን-ዜማ፣ ልቡናችን ሰማ! /ቤቱን ስታስማማ!/ እነሆ አዲስ ድል፣ ስሜት የሚነድል፤ እነሆ ሰናይ ምት፣ ሕይወት የሚሸምት! /ያንደበትህ ቅኝት!/ ወረደልህ ቅኔ~ደሙ፥ ሰረፀብን እም~ጠአሙ ፤ ጥሪህ ደርሶን ብንቋደስ፥ እንዴት ችለን እንመለስ! [ዓለም]

ለፀሐይ ፍካት ማን ይፈግጋል? ለሰማይ ንጣት ማን ይደግሳል? ማን ግድ ብሎት ማን ስሜት ሰጥቶት? ከምድር አልፎ ሰማዩን አይቶት?¡ ዘልቋል ከውስጥኽ?ገብቶሃል ቅኔው? ምን ብትነጠፍ ሰማይ ብትሆነው የያዘው እክል እስካልለቀቀው፧ ከኑሮ አሻግሮ ግትር አንገቱን እስካላዞረው፧ መቼም አያይህ ያልቀናለት ሰው! //ከቀን የተቀዳ// [ዓለም]

ይቅር በላቸው[ፀሎት] የሞገቱኝን ሽራፊ ቀኖች ያስጀነኑኝን ጎዶሎ ሀብቶች... _ _ _ ሸንበቆ ድግፍ እፍኝ ትምክህቶች መውደቂያ ያጡ ድፍን ተምኔቶች! ይቅር በላቸው... የተጣደፉ ፈራጅ ከንፈሮች ያልተማከሩ ልብና አፎች! ያልደነገጡ ድንድን ስሜቶች ያልተረጋጉ ሰንካላ እምነቶች! ይቅር በላቸው! ይበልጥም... የሞገቱኝን ሽራፊ ቀኖች! ያስጀነኑኝን ጎዶሎ ሃብቶች! _ _ _ ያስመከቱኝን ውዥቅ ቀለማት ያስፎከሩኝን ግንጥል ድምቀታት! ይቅር በላቸው! አልደበቁኝም ልሽሽው ካልኩት አላስጣሉኝም ከተሯሯጥኩት አላወጡኝም ከሰው ትከሻ ወይ አልሰጡኝም ዝና ሙገሳ፨ ይቅር በላቸው! ማራቸው ያለህ ልቤ አስታኮ፧ አብረህ አስበኝ ሊልህ ነው እኮ፧፧ [ዓለም]

https://t.me/NEKU_TEWLD10 እነሆ ብዕር🙌🏿

እድሜ ለጊዜ! ዘመን ደግ ነው... ጊዜ ደግ ነው አይደለም ክፉ ይኸው ተረስቷል አለንጋ ግፉ! መራቅ ደግ ነው አመት መንጎዱ እኛናእኛችን እንዲዋደዱ [እኛናእኛችን እንዲላመዱ] በጊዜ ፍጥነት... በቀኑ ክንፈት... ያ ሁሉ 'እዬ'ታ፣ ሆነ ትዝታ! [እድሜ ለጊዜ] ሲያልፍ ሲተካ ልብም ቀዝቅዟል፣ እንጂማ ባይሆን.... ያ ሁሉ እሮሮ በምን ይረሳል?! [ያ ሁሉ እምባ በምን ይደርቃል] [ዓለም]

የራስ ገድል! ^^ ^^ ^^ ^^ ^^ ^^ ^^ ^^ ^^ ደፈጣ ነው ውጊያ ብቻ፥ መገዳደር  ያለ መርቻ፣ ላለመርገፍ ተቀርጥፎ፥ ላለመውደቅ ተዝለፍልፎ! የማልጣል ተንጠልጥዬ፥ የማልወድቀው ተፈንቅዬ፥ ይሄው  ምርኮ ከ'ግሬ በታች፣ በረሃዬን በእምባ ሸማች።! ቀራንዮ በኮረብታ፣ የብቻዬን ጎለጎታ፣  ...  ...  .. ችንካር አለው ደግሞ ስቅል፣... የራስ ምርኮ የራስ ገድል።፨! [ዓለም]

እውነትም ሰገነት! ውሸት አልነበረም ያ ሁሉ ሙገሳ፥ ሰማይ ታህል ነበር ጨረቃ አንችን ለብሳ። አድማስና ማማ ማጋነን ቢመስል፥ ወንዝ እንኳ ሚረጋው ሲቃኝ ያንችን ምስል፤ እውነት? ያባይ ጅረት ሳቅሽን ይበልጣል? የጢሱ ርግብታ? ከርጋታሽ ይሰክናል? እስቲ ጽጌሬዳ?ይመ--ስልሻል ወይ፣ ይቅርና በበጋ እርሙንስ በጸደይ?! ንግግርሽ ሃገር አርምሞሽ አሃጉር አንቺ ላይ ከረመ ውበት ሲያንጎራጉር!። ሃሳብሽ ገራገር መርኅሽ ዝምታ፣፨ . . . እውነትም ሰገነት ፣ እውነትም ከፍታ!።🙌🏿 [ዓለም]

ዝም በላቸው! <ሰላም ስጣቸው ~ሰላም ለነሱህ ድምጽ ሁናቸው ~ድምጽ ላሳጡህ የነቀፉህን ~አለው በላቸው የሰደቡህን ~አትርገማቸው! ትሁት ህሊና ~አፍስስላቸው ዝም በላቸው፣ተገፋላቸው፣ ... ያኔ ስትሄድ ~እምባ እንዲያጥራቸው!> //አንበሳ!ያሆ በል ተነሳ!🙌🏿// <ዓለም>