Allah is Near

துர்பாக்கியத்தின் (ஷகாவா) அடையாளங்கள். #ஒரு அடியான் அல்லாஹ்வின் அருளாலும் உதவியாலும் உயர்ந்த நிலையை அடையும் போது அவனுக்கு தற்பெருமையும் (கிப்ர்) ஆணவமும் அதிகரிப்பது. #ஒரு அடியானிடம்வணக்கவழிபாடுகள் அதிகரிக்கும் போது அவனுக்கு பெருமிதமும், மக்களை இகழும் மனப்பான்மையும், தன்னைப் பற்றிய உயர்ந்த எண்ணமும் அதிகரிப்பது. #ஒரு அடியான் வயது முதிரும் போதும், அவனுடைய பேராசை மேலும் அதிகரிப்பது. #ஒரு அடியானிற்கு செல்வம் பெருகும் போது, அவனுடைய கஞ்சத்தனமும் இறுக்கப் பிடித்துக் கொள்ளும் குணமும் அதிகரிப்பது. #ஒரு அடியானுக்கு பதவி, அதிகாரம் மற்றும் கௌரவம் பெறும் போது அதற்கேற்ப, அவனுடைய தற்பெருமையும் ஆணவமும் அதிகரிப்பது."** இவை அவனது துர்பாக்கியத்தின் அடையாளங்களாகும். இமாம் இப்னுல் கய்யிம் (ரஹ்), الفوائد (அல்-ஃபவாயித்). படிப்பினை: அல்லாஹ் வழங்கும் அருட்கொடைகள், செல்வம், வயது, பதவி, அறிவு போன்றவை ஒரு முஃமினின் பணிவு, நன்றியுணர்வு மற்றும் அல்லாஹ்வுக்கான கீழ்ப்படிதலை அதிகரிக்க வேண்டும். அவை தற்பெருமை, ஆணவம், பேராசை, கஞ்சத்தனம் போன்றவற்றை அதிகரித்தால், அது மனிதன் தனது உள்ளத்தை சீர்திருத்திக் கொள்ள வேண்டிய எச்சரிக்கையாகும். எஸ்.எச்.எம் இஸ்மாயில் (ஸலபி)

ஷெய்க் அப்துஸ்ஸலாம் பின் பர்ஜஸ் (ரஹிமஹுல்லாஹ்) அவர்கள் கூறினார்கள்: "சந்தேகமின்றி, மனிதன் பித்னாக்கள் ( குழப்பங்கள், பாவத்திற்குத் தூண்டும் சூழல்கள்) உள்ள இடங்களை விட்டு விலகி இருப்பது, உறுதியின் உச்சத்தின் வெளிப்பாடாகும்; அதுமட்டுமல்ல, அது மார்க்கப் பற்றின் முழுமையையும் வெளிப்படுத்துகிறது." நூல்: கத்உல் மிராஃ பக்கம்: 51.

ஜுனைத் (ரஹ்) அவர்கள் ஒரு மனிதருக்கு அறிவுரை கூறும்போது பின்வருமாறு கூறியதை நான் கேட்டேன்: > "நன்மைகள் அனைத்தும் மூன்று விஷயங்களில் அடங்கியுள்ளன: 1- உன்னுடைய பகல் பொழுதை உனக்கு (மறுமையில்) பயனளிக்கும் விஷயங்களில் நீ கழிக்கவில்லை என்றாலும், உனக்கு எதிராக (பாவமாக) மாறும் விஷயங்களில் அதைக் கழித்துவிடாதே. 2- நல்லவர்களுடன் உன்னால் தோழமை கொள்ள முடியாவிட்டாலும், தீயவர்களுடன் தோழமை கொண்டுவிடாதே. 3- உன்னுடைய செல்வத்தை இறைவனுக்கு உகந்த (பொருத்தமான) வழிகளில் உன்னால் செலவிட முடியாவிட்டாலும், இறைவனின் கோபத்திற்குரிய வழிகளில் அதைச் செலவழித்துவிடாதே." ஆதாரம்: அஸ்-ஸுஹ்துல் கபீர் - பைஹகீ / 290

இமாம் இப்னுல் கையிம் (ரஹ்) அவர்கள் கூறுகிறார்கள்: "உங்களுடைய நற்செயல்களின் பக்கம் உங்களை இழுத்துச் சென்றது உங்களுடைய நப்ஸ் (சுயம்) தான் என்று நீங்கள் எண்ணிவிடாதீர்கள். மாறாக, நீங்கள் அல்லாஹ்வின் நேசத்துக்குரிய ஓர் அடியாராக இருக்கின்றீர்கள். எனவே, இந்த நேசத்தை நீங்கள் வீணடித்து விடாதீர்கள்; அவ்வாறு செய்தால் அவன் உங்களை கைவிட்டுவிடுவான்."

ஒரு பெண் கேட்டார்: "மதிப்பிற்குரிய ஷேக் அவர்களே! இஸ்லாம் ஏன் எங்களை கணவனுக்குக் கட்டுப்பட்டு நடக்குமாறு கட்டாயப்படுத்துகிறது, ஆனால் கணவனை எங்களுக்குக் கட்டுப்பட்டு நடக்குமாறு அவ்வாறு கட்டாயப்படுத்துவதில்லையே, ஏன்?" ஷேக் கேட்டார்: "உங்களுக்கு எத்தனை பிள்ளைகள் இருக்கிறார்கள்?!" அப்பெண்: "மூன்று ஆண் பிள்ளைகள்" எனப் பதிலளித்தார். அதற்கு ஷேக் கூறினார்: "அல்லாஹ் உங்களை ஒரேயொரு மனிதருக்கு (கணவனுக்கு) கட்டுப்பட்டு நடக்குமாறு கட்டளையிட்டுள்ளான். ஆனால், மூன்று ஆடவர்களை (உங்கள் பிள்ளைகளை) உங்களுக்குக் கட்டுப்பட்டு நடக்குமாறு கட்டளையிட்டுள்ளான். மேலும், அவர்கள் உங்களுக்குக் கட்டுப்பட்டு, உங்களிடம் நன்முறையில் நடந்து கொள்ளாதவரை அவர்கள் சுவனத்தில் நுழையவும் முடியாது. இப்போது சொல்லுங்கள், யாருக்கு அதிக மதிப்பு கிடைத்துள்ளது?!" அப்போது அப்பெண் கூறினார்: "இஸ்லாம் எனும் பேரருளுக்காக அல்லாஹ்வுக்கே எல்லாப் புகழும்!"

கவனக்குறைவுடன் செய்யும் திக்ர்...!* இப்னுல் கய்யிம் (رحمه الله) அவர்கள் கூறுகிறார்கள்: "ஒருவர் நாவால் மட்டும் இறைவனை நினைவுகூர்ந்து, அவருடைய உள்ளம் கவனக்குறைவாக இருந்தாலும், அந்தத் திக்ருக்கு அல்லாஹ் கூலியை வீணாக்க மாட்டான். மாறாக, நாவால் திக்ர் செய்தவருக்கும் அல்லாஹ் நற்கூலியை வழங்குகிறான். ஆனால், உள்ளம் ஒன்றித் திக்ர் செய்பவருக்குக் கிடைக்கும் கூலியை விட இது குறைவானதே." (நூல்: ரவ்லத்துல் முஹிப்பீன்) ஷேக் இப்னு உதைமீன் (رحمه الله) அவர்கள் கூறுகிறார்கள்: "ஒருவர் உள்ளம் ஒன்றி வணக்கத்தை நிறைவேற்றினால் அதுவே சிறந்தது என்பதில் சந்தேகமில்லை. ஆனால், கவனக்குறைவுடன் (உள்ளம் வேறு எங்கோ இருக்க) ஒரு வணக்கத்தைச் செய்தாலும், அதற்கும் அவருக்குக் கூலி உண்டு. ஏனெனில், அவர் அந்த வணக்கத்தைச் செய்ததே அல்லாஹ்வை நெருங்க வேண்டும் என்ற எண்ணத்தில்தான் (நிய்யத்). அந்த எண்ணமே அவருக்குக் கூலி கிடைப்பதற்குப் போதுமானது. இருப்பினும், இத்தகைய வணக்கம் உள்ளம் ஒன்றிச் செய்யப்படும் வணக்கத்தை விடத் தரம் குறைவானது என்பதில் எந்தச் சந்தேகமும் இல்லை." (நூல்: லிகா அல்-பாப் அல்-மப்தூஹ்).

உங்கள் நடத்தைகளால் மக்களுக்கு நீங்கள் அறிவுரை கூறுங்கள். உங்கள் வார்த்தைகளால் அல்ல. ✍ இமாம் ஹஸன் அல்-பஸரி

இப்னுல் கைய்யிம்(ரஹி) கூறினார்கள்: "إضاعة الوقت أشد من الموت" "நேரத்தை வீணாக்குவது, மரணத்தை விட கடுமையானது." 📗الفوائد