тыныс

жүрекке тек газировка ғана емес, кей естеліктер де зиян.

бүгін өмірімде бірінші рет права оқу керек деген ойға келіп отырмын. осы ойымнан айнып қалмайын енді, пж

менің “адам тілімді” кейде адамдар түсінбейтін сияқты.

сағыну да қиын, ал сағынбай қалу тіптен.

бұл қала мені ақыр аяғы төзімді қып шығарады, білем.

түсімде Нұрсұлтан Әбішұлы Назарбаевты көрдім. кітабыма қолын қойып беріп жатыр, әне, айттым ғо сендерге, шын, бір күні ұлылау шығарма жазамын.

өмір сүруді үйренгім келеді.

алдын емханаға барған едім. кезекте отырсам, бір егде жастағы орыс апай келіп, қарама-қарсы есіктің ашық па екенін сұрады, ашық емес деп жауап бердім, жанында жазылған қағазға қарады да, орысшалап мұнда қазақша жазылған екен, түсінбедім, айтып бере аласыз ба деді, қарадым да үндемей отыра бердім. қасымда үлкендеу қазақ апай отырған, барып орысшаға аударып берді, аударып кеп ап, ашуға килікті, бізге күлгенде қандай, Маңғыстауға біз бірінші көшіп келдік, біз осы жердің тұрғылықты тұрғындарымыз дегенде қандай, неше жыл болды, қазақ тілін үйреніп алатын уақыттары, әлі күнге дейін көкіректерін кереді деп қойып әкетті. апам бетіне айта алмады, бірақ апам бірінші адамдықты алға қойды, сен түсінбесең, мен сенің тіліңде саған түсіндіріп берейін деді, ашуланып тұрса да, көмек қолын созды, құлдық сана емес, апамның кеңдігі деп түсіндім. соңғы болып жатқан оқиғаға байланысты да қоса айтқым келеді, тілді сізбен біз керек етпесек, құрметтемесек, ол тілде күнделікті тұрмыста сөйлемесек, сол тілде қызмет алуды талап ете алмасақ, тіл бізді керек етпейді() тіл мәселесіне байланысты қаншама оқиғалар орын алып жатқанын көрсе де, оның түбі не нәрсеге алып келгендігін білсе де, сабақ ала алмай жатқан сізге обал жоқ. сүйте тұра, қазір кәнсілдеу оңай кезеңдеміз, бұ бизнес, ал сіздікі критика емес, “травля” деуіңіз қаншалықты орынды( қатеден сабақ ала алмағанның жегені таяқ болады. жасағаны опат болады. (соңы жақсылық болсын)

Жармақты пойызда бастағанмын. 95 бетке келіп тоқтап қалдым. Өзі 360 беттей. Алғашқы 8-9 беттеріндегі сөздері еріксіз езуіме күлкі сыйлады. Адамды екіұдай сезімнің ортасында қалдырып қоятыны ұнайды. Сөзді дәл тауып жазатыны қандай. Ақтағың да, даттағың да кеп тұрады. Сонысымен құнды. Қараша жұрт Жармақты көп ұсынған соң бастаған едім. Құдай қайрат берсе, бітіретін шығармыз.

Мағауиннің самооценкасын берсе, Құдай бір күні ұлы болмаса да, ұлылау шығарма жазатыным анық.

туыстығы жоқ жаттың тілеулес болуы да Құдайдың берген ризығы іспетті. ал негізі (кейде) туысың жат болатыны жүректі ауыртып қояды.

Шафактың «Махаббаттың 40 қағидасы» кітабын оқып, Руми мен Шәмстің риясыз махаббатына ерекше тамсанып ем. Менің де ұлы ұстазым болса ғой деп тілеген ем. Құдайым, қабыл етті. Тілеулес болған ұстаздан.🫠🤍

«өмірде қай биік, қандай дәрежеде жүргеніңе қарамастан айнымайтын бір досың болса о да бақ.»

ертең АҚТӨБЕГЕ🥹✨

жазды ешқашан ұнатқан емеспін.

«взбодрись»-ті қайтадан көріп жатырмын, бұрын неге көрмей тастап кеткенмін деген ойға қалып отырмын. әлде универдегі өмірімді сағынғаннан өтіп жатыр ма)

қай-қайсымызда сұралмаған көңілге лайықпыз. тек бақытты болайықшы.

Ақтау маған ұнайды, тек мен одан алыс болғанда ғана.

оқытушым🥹🤍