Oʻzbekistonlik

❗️Президент Администрацияси раҳбари Саида Мирзиёеванинг мурожаатномаси эълон қилинди Унда гиёҳвандлик моддалари инсон ҳаёти, оилалар ва болалар саломатлигини барбод қилиши, бу — мамлакат генофонди ҳамда унинг келажагига берилган тўғридан-тўғри зарба экани таъкидланди. “Янги қонунда наркотикларни тарқатишнинг замонавий усулларини жиловлаш кўзда тутилган, бундай жиноятлар учун жазо чоралари кучайтирилган ва вояга етмаганларни ҳимоя қилишга алоҳида эътибор қаратилган. Ушбу масалани шахсан ўз назоратимга олдим. Бу курашда четда томошабин бўлиб туришга ҳеч кимнинг ҳаққи йўқ. Зеро, жуда кўп нарса ўзимизга — ота-оналарга, мактаб ва маҳаллага ҳамда ён-атрофидаги ҳодисаларга бефарқ бўлмаган ҳар бир инсонга боғлиқ”, - деди Саида Мирзиёева.

Президент Шавкат Мирзиёев Владимир Путинни Россия куни билан табриклади “Ўзбекистон Республикасининг кўп миллатли халқи ва шахсан ўз номимдан Сизни ҳамда дўст Россия Федерацияси халқини миллий байрам – Россия куни билан самимий муборакбод этаман”, – дейилади мактубда. Давлат раҳбари ушбу қутлуғ сана Россия халқининг чуқур тарихий илдизлари, бой маънавий ва маданий мероси, салмоқли ютуқлари ҳамда давлатчиликни мустаҳкамлаш ва ҳар томонлама тараққиёт сари интилишини ўзида яққол акс эттиришини таъкидлади.

Уч кун ичида Туркияда 4 нафар ўзбекистонлик вафот этди ​11 июн куни Истанбулдаги Шимолий Мармара автомагистралида содир бўлган ЙТҲда 31 ёшли фуқаро ва унинг фарзанди ҳалок бўлган.

Очишга 5 дақиқа, ёпишга 5 ой: тадбиркорларни чарчатаётган учбурчак — ДХМ, банк ва cолиқ Якка тартибдги тадбиркорликни рўйхатдан ўтказиш бор-йўғи бир неча дақиқа ва саноқли тугмаларни босишни талаб қилса-да, уни тугатиш ҳақиқий бюрократик жараёнга айланиб улгурган. Бугунги кунда тадбиркорлик субъектини ёпишдаги мураккабликлар — иқтисодий ислоҳотлар тезлигига мос келмаётган энг оғриқли нуқталардан бири ҳисобланади. Мамлакатда бизнес муҳити жозибадорлигини ошириш мақсадида рақамлаштириш чораларига катта эътибор қаратилмоқда. Бироқ тадбиркорлик фаолиятини бошлашдаги замонавий технологиялар уни тугатиш босқичига келганда анъанавий қоғозбозлик ва архив қидирувларига айланиб кетади. Асосий муаммолар нималардан иборат? Якка тартибдаги тадбиркор (ЯТТ) фаолиятини тўхтатиш ҳақида ариза бериши билан солиқ органлари томонидан текширув жараёни бошланади. Қонунчиликда белгиланган муддатлар мавжуд бўлса-да, аксарият ҳолатларда текширувлар ойлаб давом этиши кузатилади. Давлат хизматлари марказлари, банк ва солиқ органлари ўртасида маълумот алмашинуви тўлиқ автоматлаштирилмаган. Натижада фуқаро битта давлат идорасидан олинган ҳужжатни бошқасига жисмонан кўтариб боришга мажбур бўлмоқда. Давлат хизматларига борса, банкка бориб, ҳисоб рақамни ёпиб келишни айтади, банкка борса, солиқдан қарзи йўқ, деган ҳужжат олиб келишни сўрайди. Солиққа борганда жараён қанча давом этиши номаълум. Агар ЯТТнинг давлат олдида солиқ мажбуриятлари бўлмаса ва унинг молиявий фаолияти хавфли гуруҳга кирмаса, жараённи инсон омилисиз, автоматик тарзда якунлашга нима тўсқинлик қилмоқда? Тизимни ислоҳ қилиш бўйича аниқ таклифлар: Бизнес муҳитини ҳақиқатда соғломлаштириш учун фақатгина бозорга киришни эмас, ундан эркин ва тўсиқларсиз чиқишни ҳам таъминлаш зарур. Бунинг учун қуйидаги тизимли қадамлар қўйилиши шарт: 1. “Яшил йўлакча” тизимини жорий этиш: агар ЯТТ охирги муайян давр мобайнида ҳеч қандай молиявий айланма амалга оширмаган, солиқ ҳисоботларини ўз вақтида топширган ва қарздорлиги бўлмаса, унинг фаолияти онлайн сўров юборилгач, 24 соат ичида, инсон омилисиз автоматик равишда тугатилиши лозим. 2. Текширув муддатларига қатъий чеклов қўйиш: cолиқ органларига ёпилаётган субъектни текшириш учун чекланган муддат (масалан, 10-15 кун) берилиши керак. Агар масъул ходимлар ушбу муддат ичида текширувни якунламаса, тизим ЯТТни автомат тарзда ўчириб юбориши шарт. Бу чора масъулиятни фуқародан солиқ идорасига юклайди. 3. Банк ҳисоб рақамларини масофавий ва марказлашган ҳолда ёпиш: Давлат хизматлари маркази ёки солиқ тизими орқали берилган буйруқ асосида тижорат банкларидаги ҳисоб рақамлар автоматик равишда тугатилиши зарур. Фуқаронинг банкма-банк саргардон бўлиш амалиётига чек қўйиш вақт келди. 4. Таваккалчиликни таҳлил қилиш моделини татбиқ этиш: барча ЯТТларни бир четдан текшириш амалиётидан воз кечиш лозим. Тизим тадбиркорнинг ўтмишдаги солиқ интизомини таҳлил қилиб, унга баҳо бериши керак. Қонунбузар бўлмаган, шубҳали айланмалар амалга оширмаган тадбиркорга ҳеч қандай текширувларсиз бизнесдан эркин чиқиш имкони берилиши зарур. Бизнес ҳар доим маълум даражадаги таваккалчилик билан боғлиқ. Фуқароларда “мабодо ишим ўхшамасачи, кейин ёпишда асаб ва вақт йўқотаман” деган қўрқув бўлмаслиги керак. Бундай хавотир инвестицион фаолликка ва янги ғояларнинг юзага чиқишига тўсқинлик қилади.

Маст ҳолатда машина бошқарганлик учун 15 суткагача маъмурий қамоқ жазоси жорий этилиши мумкин Йўл ҳаракати хавфсизлиги хизмати бошлиғи Шерзод Иброҳимов: ⁃ 5 та қўпол йўл қоидабузилиши бўйича автомобилни вақтинча олиб қўйиш маъмурий жавобгарлик чораси жорий этилади; ⁃ бир неча турдаги қоидабузарликлар учун маъмурий жавобгарлик жорий этилади; ⁃ транспортни бошқариш ҳуқуқига эга бўлмаган ёки маҳрум қилинган шахс томонидан содир этилган йўл безорилиги учун қўшимча равишда автомобилни мусодара қилиш ёки вақтинча олиб қўйиш жазоси жорий этилади; ⁃ транспортни маст ҳолда бошқарганлик учун 15 суткагача маъмурий қамоқ жазоси тайинланади; ⁃ қўпол қоидабузарлар учун жаримани чегирма билан тўлашга бир йиллик чеклов жорий этилади; ⁃ транспортни бошқаришга болаларга рухсат бериш, танага шикаст етказиш, ўлимга сабаб бўлганда жиноий жавобгарликка тортиш таклифи илгари сурилмоқда.

❗️Germaniyada o‘qish yoki ishlashni rejalashtirayotganlar uchun muhim yangilik Endi nemis tilidan xalqaro sertifikat olish uchun boshqa shaharlarga borishga hojat yo‘q. Profi Deutsch o‘quv va imtihon markazi TELC’ning O‘zbekistondagi rasmiy hamkori sifatida Samarqand shahrida ilk TELC tashqi imtihon markazini ochdi va B1 darajasi uchun imtihonlarni boshladi! TELC sertifikati Germaniya, Avstriya va Shveytsariyada to‘liq tan olinadi, universitetlarga o‘qishga kirishda qabul qilinadi, Ausbildung (dual kasbiy ta’lim) dasturlari uchun juda muhim, ishga joylashish jarayonida katta ustunlik beradi. @uzbekistonlikuz

Prezident Administratsiyasi rahbari Saida Mirziyoyevaning Venaga tashrifi bo‘yicha eksklyuziv video e’lon qilindi. @uzbekistonlikuz

O‘zbekiston global tashabbuslarni shakllantiruvchi va boshqaruvchi davlatga aylandi BMT Bosh kotibi o‘rinbosari, tashkilotning Giyohvand moddalar va jinoyatchilik bo‘yicha boshqarmasi ijrochi direktori etib yangi tayinlangan Monika Juma yangi maqomdagi ilk uchrashuvini Prezident Administratsiyasi rahbari Saida Mirziyoyeva bilan o‘tkazdi. Shuningdek, u ayollar, bolalar va yoshlar himoyasiga qaratilgan O‘zbekistonning sayd-iventida shaxsan ishtirok etdi. E’tiborlisi, sessiya doirasida jahonning turli davlatlari va xalqaro tashkilotlar tomonidan 100 ga yaqin parallel tadbirlar o‘tkazilishi rejalashtirilgan. Monika Juma esa ushbu yuzlab tadbirlar ichidan faqat O‘zbekiston tomonidan tashkil etilgan maxsus sessiyada qatnashdi. Venada kuzatilayotgan bunday yuksak ehtirom va tarixiy qadamlar Prezident Shavkat Mirziyoyev boshchiligida O‘zbekistonda so‘nggi yillarda qonun ustuvorligi, bolalar va xotin-qizlar huquqlarini himoya qilish hamda ijtimoiy adolatni ta’minlash borasida tashlangan qat’iy qadamlarning xalqaro miqyosdagi mevasidir. O‘zbekiston endilikda BMT platformalarida shunchaki tavsiyalarni qabul qiluvchi emas, balki global tashabbuslarni shakllantiruvchi va boshqaruvchi asosiy ishtirokchiga aylanib ulgurdi. @uzbekistonlikuz

Xurshid Rasulovga “O‘zbekiston Respublikasida xizmat ko‘rsatgan artist” unvoni berildi O‘zining betakror ijodi, ta’sirchan qo‘shiqlari va jonli ijrosi bilan millionlab muxlislar mehrini qozongan xonanda Xurshid Rasulov “O‘zbekiston Respublikasida xizmat ko‘rsatgan artist” faxriy unvoni bilan taqdirlandi. Xurshid Rasulov buning uchun Prezident Shavkat Mirziyoyevga o‘zining chuqur minnatdorchiligini bildirdi. @uzbekistonlikuz

Prezident Shavkat Mirziyoyev tashabbusi va e’tibori bilan Qurbon hayiti arafasida ehtiyojmand oilalar, bemor bolalar va yordamga muhtoj insonlarga ko‘mak ko‘rsatish ezgu an’anaga aylandi. Xususan, Prezident qaroriga muvofiq: — Og‘ir va nogironlikni keltirib chiqaruvchi kasalliklarga chalingan 10 ming nafar bolada jarrohlik amaliyoti o‘tkazilmoqda. — 2,3 ming nafar onkologik, gematologik va onkogematologik tashxisi qo‘yilgan bemorlarni tibbiy tekshiruvdan o‘tkazish, davolash va jarrohlik amaliyotlari, shuningdek, kamida 350 nafar bemorda jigar va buyrak transplantatsiyasi amaliyotlarini o‘tkazish xarajatlari qoplab berilmoqda. — 8 ming nafardan ziyod yetim va ota-ona qaramog‘idan mahrum bo‘lgan bolalar hamda Vatan sarhadlarini himoya qilish yo‘lida qurbon bo‘lgan ota-onalarning farzandlarining omonat hisobvaraqlariga 200 AQSH dollari miqdorida pul mablag‘lari o‘tkazib berilmoqda. — 500 ta masjidda aholi uchun qulay sharoitlar yaratish maqsadida zamonaviy tahoratxonalar qurish, rekonstruksiya qilish yoki ta’mirlash, shuningdek, joylardagi qabristonlarni obod qilish ishlari amalga oshirilmoqda. — Davlat ta’minotidagi oilalar, o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar oziq-ovqat to‘plamlari bilan ta’minlanmoqda. Mazkur chora-tadbirlarni amalga oshirish uchun “Vaqf” xayriya jamoat fondiga 690 milliard so‘m mablag‘ ajratildi. @uzbekistonlikuz

“Xotira nuri” kitobining ikkinchi jildi nashr etildi “Xotira nuri” — bu bizga tinch osmonni hadya etgan avlodga bo‘lgan chuqur minnatdorlik ramziga aylangan yirik milliy tashabbusdir. Loyiha O‘zbekiston Respublikasi Prezidenti huzuridagi Ijtimoiy himoya milliy agentligi tomonidan Shahnoza Shavkatovna Mirziyoyeva tashabbusi bilan amalga oshirildi. “Xotira nuri” — bugun ham oramizda yashab, o‘z jasorati bilan tinchlik qanday ulkan qurbonliklar evaziga qo‘lga kiritilganini eslatib turuvchi faxriylarning tirik xotiralari jamlangan kitobdir. Kitobning ikkinchi jildida Alisher Navoiy nomidagi Toshkent davlat o‘zbek tili va adabiyoti universiteti talabalari tomonidan butun mamlakat bo‘ylab to‘plangan yangi xotiralar jamlandi. Loyiha faqat kitob bilan cheklanib qolmadi. G‘alaba bog‘i hududida “Xotira nuri” memorial makoni barpo etildi. Onlayn platforma va QR-kodlar orqali faxriylar hikoyalari bugun har bir inson, ayniqsa yoshlar uchun yanada yaqin bo‘ldi. “Xotira nuri” bizga eng muhim haqiqatni eslatadi: tinch hayot, orzu qilish va kelajak qurish imkoniyati — avvalgi avlodlar jasoratining natijasidir. @uzbekistonlikuz

Самарқандда глобал наркотаҳдидларга қарши халқаро форум ўтказилади 20-21 апрель кунлари Самарқанд шаҳрида БМТ Наркотиклар ва жиноятчилик бўйича бошқармаси билан ҳамкорликда “Жамоат саломатлиги ва хавфсизлгини таъминлаш мақсадида трансмиллий наркотаҳдидларга қарши курашиш” мавзусида глобал форум бўлиб ўтади. Мазкур форумда БМТ, Интерпол, Европа Иттифоқи, Шанхай ҳамкорлик ташкилоти, МДҲ, Жаҳон божхона ташкилоти ҳамда шу каби бошқа 20 дан ортиқ нуфузли халқаро ташкилотлар, 50 га яқин давлатдан ҳуқуқни муҳофаза қилувчи органлар раҳбарлари, 500 га яқин халқаро экспертлар ва соҳа мутахассислари иштирок этиши кутилмоқда. Шунингдек, форум доирасида ёшлар саммити ташкил этилиб, унда ёшлар ўртасида гиёҳвандликнинг олдини олиш, соғлом турмуш тарзини кенг тарғиб этиш, ёшларнинг ижтимоий фаоллигини ошириш ҳамда уларнинг глобал муаммолар ечимида фаол иштирокини таъминлаш масалалари муҳокама қилинади. @uzbekistonlikuz

Эксклюзив кадрлар: Саида Мирзиёева Америка-Ўзбекистон ишбилармонлик ва инвестиция кенгаши фаолиятини расман бошлаб берди “Шуни мамнуният билан етказмоқчиманки, муҳтарам Президентимиз Шавкат Мирзиёев Кенгаш аъзоларига самимий салом йўллаб, ушбу ташаббусни тўлиқ қўллаб-қувватлашини билдирди. Бугунги учрашув шунчаки навбатдаги мулоқот эмас, бу — ниятларимиз тизимга солинадиган он. Бу — ишончимиз амалда бўй кўрсатадиган лаҳза”, деди Саида Шавкатовна. Президент администрацияси раҳбари Кенгаш йиғилишида тўлиқ инглиз тилида, мутлақо равон ва пухта нутқ сўзлади. Бу, аввало, халқаро мулоқот маданиятининг юксаклигини, шунингдек, Ўзбекистон вакилларининг глобал майдонда ўз позицияларини эркин ва ишончли ифода эта олишини кўрсатди. Мазкур чиқиш мамлакатнинг очиқлиги, ҳамкорликка тайёрлиги ва халқаро алоқаларни янада мустаҳкамлашга қаратилган изчил сиёсатини акс эттирди. @uzbekistonlikuz

Toshkentlik yoshlar Islom sivilizatsiyasi markazida tarixiy meros bilan tanishtirilmoqda @uzbekistonlikuz

🗣ЎЗБЕКИСТОН УЛАМОЛАРИНИНГ ЎЗБЕКИСТОН РЕСПУБЛИКАСИ ПРЕЗИДЕНТИ ШАВКАТ МИРОМОНОВИЧ МИРЗИЁЕВГА МАКТУБИ Муҳтарам Президент! Сиз Жаноби Олийларини ва Сиз орқали бутун халқимизни муқаддас Рамазон ойи кириб келгани муносабати билан Ўзбекистон мусулмонлари идораси Уламолар Кенгаши аъзолари ва таниқли уламолар номидан самимий муборакбод этамиз. Ватан равнақи, халқимиз фаровонлиги ва юрт ободлиги йўлида туну кун қилаётган фидокорона меҳнатларингизга Яратганнинг ўзи мададкор бўлсин, улкан зафарлар ато этсин! Бугун мамлакатимизда кечаётган ислоҳотлар жараёнида диний-маърифий соҳага, миллий қадриятларимизни тиклашга қаратилаётган алоҳида эътиборингиз юртдошларимиз қалбида шукроналик туйғусини мустаҳкамламоқда. Тажриба ва кузатишларимиздан маълумки, дунёнинг камдан-кам мамлакатларида Рамазон ойини муносиб ўтказиш бўйича Давлат Раҳбари даражасида алоҳида қарор қабул қилинади. Сизнинг ташаббусингиз билан қабул қилинаётган бундай ҳужжатлар мазкур ойни юксак инсоний фазилатлар, саховат ва меҳр-мурувват айёмига айлантирмоқда. «Инсон қадри учун!» тамойили асосида олиб борилаётган ишларингизнинг яққол тасдиғи сифатида, жорий йилнинг 16 февраль куни Рамазон ойида эҳтиёжманд аҳолини ижтимоий ҳимоя қилиш масалаларига бағишлаб ўтказилган йиғилишдаги тарихий қарорларингизни алоҳида эътироф этамиз. Рамазон ойи арафасида «Вақф» хайрия жамоат фондига 750 миллиард сўм ҳамда Ижтимоий ҳимоя миллий агентлиги орқали 300 миллиард сўм маблағ ажратилиши – давлатчилигимиз тарихида мисли кўрилмаган мурувват намунаси бўлди. Сизнинг ушбу тарихий қарорингиз замирида буюк муҳаддис бобомиз Имом Бухорий ривоят қилган: «Амаллар ниятларга қараб эътиборлидир», деган муборак ҳадиси шарифдаги холис ва соф ниятларнинг улуғ ҳикмати мужассамдир. Халқ манфаати йўлидаги бу ғамхўрлик туфайли минглаб оилаларнинг мушкули осон бўлиб, миллионлаб диллар қувончга тўлиши, қанча ногиронлиги, касаллиги бор кишиларнинг даволаниш ва жарроҳлик амалиёти харажати қоплаб берилиши, шубҳасиз, юртимизга файзу барака олиб келади. Сиз Жаноби Олийлари ташаббускори бўлаётган бундай хайрли амаллар халқаро ҳамжамият ва дунё уламолари томонидан ҳам юқори баҳоланмоқда. Муборак ҳадиси шарифларда келтирилишича, “Аллоҳ таоло учун энг мақбул амал – мўминнинг қалбига қувонч киритишдир”. Уламолар Аллоҳнинг назарида бўлган инсонлар қалбига фараҳ бағишлашни Яратганни рози қилиш билан қиёслаганлар ҳамда синиқ кўнгилларни кўтариш, маҳзун дилларга умид бериш ва инсонларнинг оғирини енгил қилиш илоҳий муҳаббатга сабаб бўлишини алоҳида таъкидлаганлар. Юртимиздаги 2000 дан зиёд масжидларда Хатми Қуръонларнинг тизимли ташкил этилиши, диний-маърифий соҳадаги кенг кўламли ислоҳотлар, жумладан, Имом Бухорий ёдгорлик мажмуаси ва Ислом цивилизацияси марказининг барпо этилиши Сизнинг ислом маърифатига қўшаётган бебаҳо ҳиссангиз ифодасидир. Муҳтарам Президент! Сиздек адолатли, халқпарвар ва юксак эътиқодли Юртбошини Аллоҳнинг Ўзи етказган. Сизни муборак ой билан яна бир бор қутлаб, Сизга мустаҳкам соғлик, оилавий бахт ва масъулиятли фаолиятингизда муваффақиятлар тилаймиз. Хонадонингиздан тинчлик-осойишталик, файзу барака аримасин. Аллоҳ таоло Сиздек ватанпарвар, эл-юрт дарди билан яшайдиган фарзандни тарбия қилган марҳум Миромон Ота ва Маърифатхон Оналаримизнинг охиратларини обод, қабрларини нурга тўлдирсин. Сизнинг раҳнамолигингизда амалга оширилаётган ҳар бир хайрли ва савобли амалларнинг ажру мукофотини уларнинг пок руҳларига еткaзсин. Аллоҳ таоло уларни Ўз раҳматига олсин, жаннатларини маскан қилсин, Сизга эса уларнинг дуолари соясида янада улкан хизматлар қилишни насиб этсин. Яратган ушбу муборак кунларда жонажон Ўзбекистонимизни ўз паноҳида асрасин, эзгу ниятларимиз ижобатини берсин. Юксак ҳурмат ва эҳтиром ила, Шайх Нуриддин Холиқназар, Шайх Абдулазиз Мансур, Раҳматулло қори Обидов, Ҳомиджон домла Ишматбеков, Зайниддин домла Эшонқулов, Шайх Раҳматулла Термизий, Раҳимберди домла Раҳмонов, Шайх Алижон қори Ҳайдаров, Исмоил Муҳаммад Содиқ, Муҳаммадаюбхон домла Ҳомидов, Ҳабибуллоҳ қори Абдураззоқов ва барча ҳудудлардаги бош имом-хатиблар... ➡️Батафсил ✅ ЎМИ Матбуот хизмати

Buyuk Britaniya hukumati tomonidan moliyalashtiriladigan Chevening dasturiga arizalar qabuli boshlandi. Bu dastur Britaniya universitetlarida magistraturani oʻqish uchun toʻliq grant taqdim etadi. Arizalar 7-oktabrgacha qabul qilinadi. Batafsil: https://www.chevening.org/scholarship/uzbekistan/ @uzbekistonlikuz