Зиёвуддин Раҳим китоблари

НАФСНИ ПОКЛАШ ФАЗИЛАТИ Аллоҳ таоло айтади: "------------------------------- Арабий матн -----------------------------------" “Остидан дарёлар оқадиган, улар абадий қоладиган мангу жаннатлар бўлади. Бу покланган кишиларнинг мукофотидир” (Тоҳа, 76-оят). Яъни, дарахтлари остидан дарёлар оқиб турадиган, у ерда мангу қолинадиган жаннат имон ва солиҳ амаллар билан нафсини иллатлардан поклаган, Ёлғиз Аллоҳга ибодат қилган, гуноҳлардан четланган, Раббига мўмин-мусулмон ҳолида йўлиққан инсонлар учун мукофотдир. Бошқа ўринда бундай дейилган: "------------------------------- Арабий матн -----------------------------------" “(Қиёмат куни) ҳеч бир кўтарувчи ўзга жоннинг юкини кўтармайди. Агар оғир (гуноҳ эгаси бировни) ўз юкига чорласа, яқин қариндоши бўлса ҳам ундан бирон нарса кўтарилмайди. Сиз фақат ғайбдаги Парвардигорларидан қўрқадиган ва намозни тўкис адо этадиганларни огоҳлантирасиз. Ким покланса, фақат ўзи учун покланади. Фақат Аллоҳга қайтилади” (Фотир сураси, 18-оят). Демак, ким нафсини риё, кибр, алдов, макр, нифоқ, ҳасад, бахилликдан покласа, уни ихлос, камтарлик, ростгўйлик, қалб поклиги, саховат билан зийнатласа, ўзига фойда. Агар руҳан покланмаса, ўзига зарар. Қиёматда бировнинг гуноҳига биров жавоб бермайди. Ҳар ким нима қилса, ўзи учун қилади. Шубҳасиз, ҳамма Аллоҳнинг ҳузурига қайтади. Ўшанда амалга қараб ҳисоб қилинади: яхшиликларига мукофот, гуноҳларига жазо олади. عَنْ أَبِي أُمَامَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: أَنَا زَعِيمٌ بِبَيْتٍ فِي رَبَضِ الْجَنَّةِ لِمَنْ تَرَكَ الْمِرَاءَ وَإِنْ كَانَ مُحِقًّا، وَبِبَيْتٍ فِي وَسَطِ الْجَنَّةِ لِمَنْ تَرَكَ الْكَذِبَ وَإِنْ كَانَ مَازِحًا، وَبِبَيْتٍ فِي أَعْلَى الْجَنَّةِ لِمَنْ حَسَّنَ خُلُقَهُ. رَوَاهُ أَبُو دَاوُدَ وَالْبَيْهَقِيُّ وَالطَّبَرَانِيُّ وَسَنَدُهُ حَسَنٌ. Абу Умома розияллоҳу анҳу Расулуллоҳ соллаллоҳу алайҳи ва салламдан ривоят қилади: “Гарчи ҳақ бўлса ҳам, жанжални тарк этган (банда) учун жаннат атрофидаги уйга кафилман. Гарчи ҳазиллашаётган бўлса ҳам, ёлғонни тарк этган (банда) учун жаннат ўртасидаги уйга (кафилман). Хулқини гўзал қилган (банда) учун жаннат юқорисидаги уйга (кафилман)” (Абу Довуд, Байҳақий, Табароний ривояти. Ҳадис санади ҳасан). Демак, хулқимизни гўзал қилсак, Расули акрам алайҳиссалом кафолат берган жаннатни қўлга киритамиз, иншааллоҳ. Бунинг учун амалда одобли бўлиш лозим. Қуруқ гап ёки орзу-истак билан ҳеч нарсага эришиб бўлмайди. Ziyovuddin Rahimning "Qalblar tabobati 1" kitobidan. #iqtibos #ZiyovuddinRahim #qalblartabobati TELEGRAM | YOU TOBE | FACEBOOK

“Вақт қотиллари” китобининг мантиқий давоми ҳисобланган “Экранга эгилган бошлар” китоби айни вақтда нашрга тайёрланмоқда. Аллоҳ насиб этса, яқин ойларда нашрдан чиқади. 👉 https://t.me/ziyovuddinrahimkitoblari

Нафсни поклаш зарурлигига мана бу ривоят ҳам далил бўлади. عَنْ عَائِشَةَ رَضِيَ اللهُ عَنْهَا قَالَتْ: قُلْتُ: يَا رَسُولَ اللهِ، ابْنُ جُدْعَانَ كَانَ فِي الْجَاهِلِيَّةِ يَصِلُ الرَّحِمَ، وَيُطْعِمُ الْمِسْكِينَ، فَهَلْ ذَاكَ نَافِعُهُ؟ قَالَ: لَا يَنْفَعُهُ، إِنَّهُ لَمْ يَقُلْ يَوْمًا: رَبِّ اغْفِرْ لِي خَطِيئَتِي يَوْمَ الدِّينِ. رَوَاهُ مُسْلِمٌ. Оиша розияллоҳу анҳодан ривоят қилинади: “Мен: “Эй Расулуллоҳ, Ибн Жудъон жоҳилият даврида силаи раҳм қиларди, мискинга таом улашарди. Ўша (иши) унга фойда берадими?” деб сўрадим. Шунда у зот: “Йўқ, фойда бермайди. Чунки у бирон кун: “Ё Раббим, ҳисоб куни гуноҳимни кечир”, деб айтмаган”, дедилар” (Муслим ривояти). Аллоҳга ва охират кунига имони йўқ кимсанинг қанча кўп яхши амаллари бўлса ҳам қиёматда наф бермайди. Чунки, амал қабул бўлиши, фазилатлар ҳисобга ўтиши учун имон керак. Шунинг учун руҳий тарбия имон-эътиқод дарсидан (яъни, “Куфр нима?”, “Ширк нима?”, “Нифоқ нима?”, деган мавзулардан) бошланади. Ақида ва руҳий тарбия бир-бири билан чамбарчас боғлиқ. عَنْ أَبِي الدَّرْدَاءِ رَضِيَ اللهُ عَنْهُ قَالَ: إِنَّمَا الْعِلْمُ بِالتَّعَلُّمِ، وَإِنَّمَا الْحِلْمُ بِالتَّحَلُّمِ، مَنْ يَتَحَرَّى الْخَيْرَ يُعْطَهُ، وَمَنْ يَتَّقِ الشَّرَّ يُوقَهُ... رَوَاهُ الْبَيْهَقِيُّ مَوْقُوفًا وَالطَبَرَانِيُّ مَرْفُوعًا. Абу Дардо розияллоҳу анҳудан ривоят қилинади: “Илм (таҳсили) ўқиб-ўрганиш билан бўлади. Вазминлик ўзини вазмин тутишга интилиш билан бўлади. Ким яхшилик талабида бўлса, ўша (нарса) унга берилади. Ким ёмонликдан сақланса, ўшандан сақланади...” (Ушбу ривоятни Байҳақий мавқуф, Табароний эса марфуъ тарзда келтирган ). Нафс шаҳватларга мойил, роҳат-фароғатга ўч, тоат-ибодатга дангасалик қилувчи, енгил-елпи нарсаларга хоҳиш билдирувчи бўлиши мумкин. Шунинг учун уни доим тоблаб, пишитиб, сайқаллаб бориш зарур. Агар ўз ҳолига қўйилса, нафс ёмонликка ўрганиб, яхшиликдан йироқлашади. Фарз амалларни бажаришдан кейинги энг афзал иш ҳусни хулқдир. Бу ҳам худди илм таҳсилига ўхшаб аста-секин бўлади. Қалбни поклаш, хулқни сайқаллаш босқичма-босқич амалга оширилади. Ниятни холис қилиб ишга киришилади. Ким яхшиликка эришаман, ёмонликларни ташлайман, гуноҳлардан узоқ юраман, деб қатъий ният билан олдинга интилса, Аллоҳ уни мақсадига етказади. Ziyovuddin Rahimning "Qalblar tabobati 1" kitobidan. #iqtibos #ZiyovuddinRahim #qalblartabobati TELEGRAM | YOU TOBE | FACEBOOK

НАФСНИ ПОКЛАШ ЗАРУРАТИ Жисмоний тарбия орқали танамизни тарбиялаганимиздек, руҳий тарбия орқали нафсимизни тарбиялаймиз. Гуноҳ-маъсият, нифоқ, кибр, васваса, ёлғон, ҳасад каби ёмонликлар туфайли нафс кирланади. Уни доим поклаб, тарбиялаб туриш лозим. Агар ўз ҳолига қўйилса, нопок нафсга айланади. Руҳий тарбиянинг аҳамияти шунда. Одам доим ўзини назорат қилиб, камчиликларини тузатиб турмаса, маънавий-руҳий жиҳатдан тубанлашиб кетади. Пайғамбаримиз соллаллоҳу алайҳи ва саллам Аллоҳ тарафидан юборилишларидан кўзланган асосий мақсадлардан бири одамлар хулқини сайқаллаш, уларни маънавий иллатлардан поклашдир. Қуръони каримда бундай дейилган: “(Эй инсонлар,) шунингдек, сизларга ўзларингиздан бўлган, оятларимизни тиловат қилиб берадиган, сизларни поклайдиган, сизларга Китоб ва ҳикматни ўргатадиган, билмаган нарсангизни таълим берадиган бир Пайғамбар юбордик” (Бақара сураси, 151-оят). Иброҳим алайҳиссалом Байтуллоҳ пойдеворини кўтараётганида аҳли байтдан уларга Қуръон ўқиб берадиган, Китоб ва ҳикматни ўргатадиган, маънан поклайдиган бир пайғамбар чиқаришини сўраган. Аллоҳ таоло у зот дуосини қабул қилди, фарзанди Исмоил алайҳиссалом наслидан Муҳаммад соллаллоҳу алайҳи ва салламни чиқарди. Расули акрам ўз қавмларига Қуръон оятларини ўқиб бердилар, мазмунини тушунтирдилар, шариат ҳукмларини баён қилдилар, одамларни маънавий иллатлардан: куфрдан, ширкдан, нифоқдан покладилар, жоҳилият зулматидан нурга чиқардилар, чиркин одатларни ташлаб, гўзал хулқ эгаси бўлишга даъват этдилар. “Поклайдиган” деганда сизларнинг хулқингиз ва нафсингизни тозалайдиган маъноси кўзда тутилади. Масалан, ширкдан тавҳидга, риёдан ихлосга, ёлғондан ростгўйликка, хиёнатдан омонатга, кибрдан камтарликка, кек-адоватдан меҳр-муҳаббатга чақиришдир. Қуръони каримда нафсни поклашга буюрилган, ўзини ислоҳ қилганларгина нажот топиши айтилган: “Ўзини поклаган , Парвардигори номини зикр қилиб, намоз ўқиган банда, албатта нажот топибди!” (Аъло сураси, 14-15-оятлар). “Ўзини поклаган” бирикмаси турлича изоҳланган: 1. Ширкдан покланса (Ибн Аббос); 2. Ким “Лаа илааҳа иллаллоҳ” деса (Ибн Аббос ва Икрима); 3. Ким имон келтирса (Ато); 4. Ким истиғфорни кўпайтирса (Ато); 5. Ким солиҳ амаллар билан покланса (Қатода ). Нафсини ширкдан, куфрдан, ёмон хулқлардан поклаган, Аллоҳга ҳақиқий имон келтирган, У Зотнинг сифатларини, улуғлигини доим ёд этган, беш вақт намозни тўкис адо этган банда муваффақият қозониши муқаррар. Бироқ ҳаммаям буни англаб етавермайди. Кўп одамлар дунёни охиратдан устун қўяди. Лекин соғлом ақл охират дунёдан афзаллигига, дунё ўткинчилигига далолат қилади. Ақлли одам ўткинчи нарсани боқий саодатдан устун қўймайди. Оқил мўмин абадий роҳатни фоний лаззатга алмашмайди. Аллоҳ таоло бундай деган: “Нафс ва уни тиклаган, унга маъсият ва тақвони билдирган (Зот)га қасамки, (нафсни) поклаган киши албатта нажот топибди! Уни (гуноҳ қилиш билан) хорлаган кимса аниқ зиён кўрибди!” (Шамс сураси, 7-10-оятлар). Аллоҳ таоло инсон нафсини, унинг руҳий оламини мукаммал қилиб яратган, Унга яхшилик қозониш, сезиш, идрок этиш, камолотга эришиш хислатларини сингдирган. Аллоҳ ҳар бир нафсни пок ҳолида, Исломга мансуб қилиб яратган, унга яхшилик ва ёмонлик йўлини билдирган . Унинг нафсида тақвога истак ҳам, маъсиятга мойиллик ҳам бор. Қайси бирини танлаш банданинг ўзига ҳавола. Ким нафсини Аллоҳга итоат этиш билан ёмон одатлардан покласа, хулқини гўзал қилса, албатта нажот топади. Кимда-ким нафсига эрк берса, уни гуноҳ-маъсият билан булғаса, ҳалок бўлади. Ziyovuddin Rahimning "Qalblar tabobati 1" kitobidan. #iqtibos #ZiyovuddinRahim #qalblartabobati TELEGRAM | YOU TOBE | FACEBOOK

Tarbiyadagi uslub. (Murabbiyalar uchun darsdan audio lavha. O'qituvchi: Ziyovuddin Rahim). ✍️ Bir nechta kitoblar muallifi, bolalar murabbiyi ustoz Ziyovuddin Rahim tomonidan o'tkaziladigan darslarda qatnashish uchun quyidagi guruhga a'zo bo'ling : https://t.me/farzandtarbiyasikursi

✍️ Бир нечта китоблар муаллифи, болалар мураббийи устоз Зиёвуддин Раҳим томонидан ўтиладиган одоб-ахлоқ дарсларида фарзандингиз қатнашишини истасангиз, қуйидаги линк орқали телеграм гуруҳга аъзо бўлиб, рўйхатдан ўтишингиз мумкин. Курсларга қабул давом этмоқда: https://t.me/farzandtarbiyasikursi

55000 сумга сотиб олдик чорсудан, айни ҳозирги замон учун ич ичмиздаги кундалик жавобсиз қолаётган энг катта йўқотишларимиз ҳақида китоб муаллифи томонидан ёритилибти. Бу китоб бундан қимматига ҳам арзиди, вақт қадрига етайлик. Аллоҳ рози бўлсин (Нодиржон). 👉 https://t.me/ziyovuddinrahimkitoblari

😍😍😍😍 Ziyovuddin Rahimning odob-axloq darslaridan olingan fikrlar. ✍️ Ro'yxatdan o'tish va batafsil ma'lumot uchun: @Ziyovuddin   Bu xabarni yaqinlaringizga ham ulashing: 👉 https://t.me/farzandtarbiyasikursi

https://youtu.be/sYEO2128NoY?si=IVw9p5SpRmCUVrLM

https://youtu.be/sYEO2128NoY?si=IVw9p5SpRmCUVrLM

@ZiyovuddinRahimkitoblari

IT yo'nalishi bo'lgan web dasturlash bo'yicha online darslarimizga qabul boshlandi. Darslarni shu soxada 4 yillik tajribaga ega ustoz Dilshod Bobobekov o'tadi.Darslar yopiq telegram kanalga joylangan video darslar orqali olib boriladi. Xaftada 2 marta zoom orqali savol javoblar va real kod yozish. Kurs narxi oyiga 300 000 so'm. Qatnashmoqchi bo'lganlar @bobobekovdilshod ga yozing.

Сунъий интеллект ёрдамида ишланаётган мултфилм орасида “Бола одоби билан азиз” китоби тавсияси ҳам берилибди. Аллоҳ таоло бу китобни халқимизга янада манфаатли қилсин! 👉 https://t.me/ziyovuddinrahimkitoblari

Одам тўғри бўлса, дунё ҳам тўғри бўлади. 👉 https://t.me/ziyovuddinrahimkitoblari