Botirjon ERGASHEV | rasmiy

МЕНДА ҲАМ БОР Дардларинг-ла эзма, дўстим, сенда бор дард, менда ҳам бор, Иймонни суст айлагувчи сенда бор гард, менда ҳам бор. Қайғу-кулгу, шодлик-додлик, билурсан, мудом елкадош, Барчасини англагали сенда бор вақт, менда ҳам бор. ✍️ Ботиржон ЭРГАШЕВ 🎤Гулруҳ Эшонқулова

ХОТИРА Хотира — қалбимнинг тор ҳужрасида Мудраб ётган кекса, улуғ мўйсафид. Бир он кўзим юмсам хаёл сасида, Уйғониб, борлигин қилади таъкид. Ногаҳон нотаниш жойлардан чиқиб, Таниш қиёфалар учрайди гоҳо. Ҳурлик келар ёққа илҳақ, кўз тикиб, Интизор туради Қодирий бобо. Юрак типирчилар раҳмимни емас, Синиб кетгудайин кўксим қафаси. Шўх эсган шабода, шабода эмас, У Усмон Носирнинг ўксик нафаси. Хотира - ўтмишнинг қайтиши деган - Нафис ташбеҳлардан порлагувчи бахт. Хотира - тириклар улуғлайдиган, Ва руҳлар шод бўлар энг муборак вақт. ✍Ботиржон Эргашев @Botirjon_Ergashev

#Minnatdorlik Ёзёвонлик синглимиз Одинахон Абдукаримова "Ҳаёт муҳаббатдан иборат бўлсин" шеъримизни жудаям маромига етказиб айтибдилар. Шахсан менга жудаям ёқди, шу сабабли сизларга ҳам илингим келди. Ёқса, изоҳларда меҳрингизни изҳор қилиб қўясизлар. @Botirjon_Ergashev

#Shukronalik Истеъдодли шоир укамиз Шаҳриёр Шавкат Истамбулдан видео юборибди, кўриб, хурсанд бўлдим. Қадаминг етмаган жойларга қаламинг етиб боргани бошқача завқ бераркан одамга... @Botirjon_Ergashev

ТИЛАНЧИМАН Соғинчларнинг ноласи-ю оҳи бўлиб, Фақат исминг куйлаб юрган ўланчиман. Маликам, мен орзуларнинг шоҳи бўлиб, Дийдорингни тилаб юрган тиланчиман. Ҳижрон ёмон, бизни ғамга қўшган ўша, Иккимизнинг йўлимизни тўсган ўша, Булбулингман, эй, гулим, сен ўсган ўша – Гулзорингни тилаб юрган тиланчиман. Сени излаб топмадим гул юзлар ичра, Эй, дургинам, кетдингми ё музлар ичра? Қишлар ичра, ёзлар ичра, кузлар ичра, Баҳорингни тилаб юрган тиланчиман. Ёрни кутмоқ агар гўзал вақт саналса, Ёрнинг пойи кўкдан баланд тахт саналса, Ошиқларга қийноқлари бахт саналса, Озорингни тилаб юрган тиланчиман. Бўлди, синаб муродимга етдим, деган, Қўрқоқ эди, қийнаб Ботир этдим, деган, Етар энди, ёр ёнига кетдим, деган Қарорингни  тилаб юрган тиланчиман. @Botirjon_Ergashev

SHE'RIYAT IXLOSMANDLARI DIQQATIGA! 🏫 Qo‘qon universiteti telegram kanalida O‘zbekiston Respublikasida xizmat ko‘rsatgan madaniyat xodimi, iste'dodli shoir Botirjon Ergashev bilan jonli suhbat bo‘lib o‘tadi. 📖 Jonli muloqot davomida: ✨ She'riyat va ijod olami; ✨ Ilhom manbalari; ✨ Hayotiy tajribalar; ✨ Talabalarni qiziqtirgan savollarga javoblar. 🎓 Barcha she'riyatga oshno qalblarni ushbu unutilmas uchrashuvga taklif etamiz! 📅 Sana: 04.08.2026 🕒 Vaqt: 21:00 Savollaringizni izohlarda qoldiring va jonli efirni o'tkazib yubormang! @Botirjon_Ergashev

#Yangilik Serqirra ijodkor ukam Akmal Mirzo guruhi nomini o‘zgartirmoqchi ekani va qo‘yilajak yangi nom ostida dunyoga chiqmoqni maqsad qilganini aytib, ko‘mak so‘radi. O‘sha zahoti xayolimga besh-olti so‘z keldi va "Tasnim" degan nomda to‘xtadik. Tasnim so‘zining maʼnosi jannatdagi eng musaffo, tiniq va xushbo‘y chashma, buloq suvi. Bu borada sizlarning ham fikringiz muhim. @Botirjon_Ergashev

#ЭЪЛОН ДЎСТЛАР, ҲОЗИРОҚ МАДАНИЯТ ВА МАЪРИФАТ ТЕЛЕКАНАЛИГА ҚЎЙИНГЛАР. ҚАДРЛИ АКАМ БОБУР БОБОМУРОД ДЎСТЛАРИ ДАВРАСИДА. @Botirjon_Ergashev

#Xotira Оналар шундай, улар ҳеч қачон ўзларини ўйламайдилар. Оналаримиз Аллоҳга омонат. Жаннатларда бирга бўлайлик! @Botirjon_Ergashev

#Tavsiya       Адашмасам, уч йил аввал Ёшлар телеканалида эфирга узатилган "Тафаккур йўли" кўрсатувида яхши гаплар бўлган экан.      Сал кам ярим соат вақтингизни ажратиб, имкон бўлса, фарзанд, набираларингиз билан кўришни тавсия қиламан.      Кўриб бўлгач, ўз фикр-мулоҳазангизни изоҳлар саҳифасида ёзиб қолдиринг. Ўшанда дадам раҳматли ўтган пайтлар эди, роса озиб-тўзиб кетган эканман. @Botirjon_Ergashev

#Yashirin_kamera Болалигимда онам раҳматли ука-сингилларимга алла айтсалар, бекинволиб, йиғлаб ўтирардим. Онажоним синглимнинг қизи, ўша пайтда энг жажжи набиралари Фотимага алла айтаётганларида билдирмай видеога олгандим. Илоҳим охиратлари обод бўлсин! 2025 йил 18 февралда ёзиб олган эканман. Гўзал хотира, бебаҳо видео. @Botirjon_Ergashev

BIR SO‘Z... Bo‘yingni osmonga yetkazar bir so‘z, Umringni poyonga yetkazar bir so‘z, Bir so‘z seni dorning tagiga eltsa, Boshingni sirtmoqdan qutqazar bir so‘z. © Botirjon ERGASHEV @Botirjon_Ergashev

#Tanlov Қадрли шоир укам Алишер Сабрий томонидан бир шеъримдан парча эски ўзбек ёзувида берилган. Шуни ким биринчи бўлиб тўғри ёзса, янги китобимни совға қиламан. Марҳамат, омад тилайман! @Botirjon_Ergashev

#ретро МЕНДА ҲАМ БОР Дардларинг-ла эзма, дўстим, сенда бор дард, менда ҳам бор, Иймонни суст айлагувчи сенда бор гард, менда ҳам бор. Қайғу-кулгу, шодлик-додлик, билурсан, мудом елкадош, Барчасини англагали сенда бор вақт, менда ҳам бор. Туғилдик, кел, шукр дейлик, мусофирмиз бу дунёга, Қайтмоқ учун манглайдаги сенда бор шарт, менда ҳам бор. Кимга кеч-у кимга эрта келгай йигитлик шавкати, Бир-бировдан камимиз йўқ, сенда бор бахт, менда ҳам бор. Бир тупроқда қорилганмиз ер усти, осмон остида, Қонимиз бир Одамга хос, сенда бор шахд, менда ҳам бор. Ул ноумид шайтон эрур, мўл бўлса-да гуноҳимиз, Яратганнинг васли учун сенда бор аҳд, менда ҳам бор. Сенинг каби ҳис-туйғулар менга ҳам ёт эмас, дўстим, Инсонийлик номи битик сенда бор тахт, менда ҳам бор. Бу дунё бир улкан кема, сен-у мен шу кемадамиз, Унга бир ҳол бўлса, кулфат сенда бор нақд, менда ҳам бор. 1997 йил ✍️ Ботиржон ЭРГАШЕВ Бизни қуйидаги ижтимоий тармоқларда кузатиб боришингиз мумкин 👇👇👇👇👇👇👇👇👇👇👇 Telegram | Instagram | Facebook | Twitter

БОЛАЛИК Ўттиз саккиз йилим – ўттиз саккиз тоғ, Ортимда қолмоқда оқлик, қоралик. Кеча энг яқиним, бугун энг узоқ, Йилларим болалик, йўлим – болалик. Беташвиш боладан ғамга айландим, Балқиган ҳилолдан шамга айландим. Кечагина эдинг асалим, қандим – Ширалари босган қўлим – болалик. Остона хатласам – кўча бечора, Ҳамма ўзи билан ўзи овора. Бугун қурғоқ дала, кечаги бола, Ёмғирим болалик, дўлим – болалик. Йўқсан, узоқларга узо-о-о-қ термулиб, Излайман, хаёллар ичра кўмилиб. Бугун ғамларга ғарқ, кеча чўмилиб, Уст-боши шалоббо, хўлим – болалик. Аламлар суйкалар қучоғин очиб, Қуёш ҳам нур эмас қаҳрини сочиб. Офтобда қолдириб, кетдинг-а қочиб, Салқиним болалик, сўлим – болалик. Рости, ташвишлардан жудаям толдим, Узр, бирозгина вақтингни олдим. Кеча сойда эдим, саҳрода қолдим, Дарё болалигим, кўлим – болалик. Катта бўлмоқ завқи айлабон асир, Улғаймоққа шошиб, елибман зир-зир, Қадрингни билмаган Ботирни кечир. Эҳ, ўзимнинг содда, гўлим – болалик. @Botirjon_Ergashev