تراث القصائد الحسينية

#تـراث في رجوع السيدة الى المدينة يبن أمي انفطر گلبي اوچبدي ذاب لوله الآه صارت سلوتي الونه عليك اوراحتي الويلاه ــــــــــــــــــــــــــــــــــــــ لوله الآه والويلاه گلبى فطرته الونه عملة كربله ما چان خلت يلتگه منه تگول الناس صبر أيوب لا دونه ولا عنه اهو بلوه فرد بلوه وأنه عشره مثل بلواه ــــــــــــــــــــــــــــــــــــــ انه بلواي عن عشره اوکل بلوه ابعشر عشرات حزن يعكوب واحد غاب والواحد عدل ما مات اخوه اهدعش تم عـنده والغايب يرد ما فات وانه اسبوطعش مفگود حَفّت محملي منّاه ــــــــــــــــــــــــــــــــــــــ حَفّت محملي مناه شنسه امن أخوتي شنسه تگول العرب بـالخنسه اوعني تگصر الخنسه اهي فكدت صخر وأنه فگدي خامس الخمسه فگدي اشبول أبو طالب أخوته اوصحبته الوياه ــــــــــــــــــــــــــــــــــــــ أخوى اشلون خليته وَحش البيد اله زوار هاي الدار وأهل الدار ما هم ويه شلي بالدار وين الظِل وذاك الطول والوفّاد والخطار وين اليامر اوينهه والمظيوم يتعناه ــــــــــــــــــــــــــــــــــــــ الخايف ليك يتعنه يامن من يطب دارك ابوادي الطف رحت حليت ذاك الوادي المبارك ابگلبي چان چم بسمار عليهن زاد بسمارك اليا بلوه صبر عندي فكري امن المصايب تاه ــــــــــــــــــــــــــــــــــــــ فكري من المصايب تاه یچود العدو ما چادك وين المجلس العاجد اونواخ اضيوفك اوزادك شگلها التوجب اعله الباب خويه احسين وفادك اگول اشلون يلوفاد ردّو حسين ماهو اهناه ــــــــــــــــــــــــــــــــــــــ اگول احسین ماهو احسين اشو وفادك أهل البيد تجي للدار لنها الدار قفره والمزار ابعيد چانت عيد لا بالعيد كل يوم المسمّه عيد المـودّع يشيعه احسين والمجبل وفد حياه ــــــــــــــــــــــــــــــــــــــ يحيي احسين بالمجبل باسم ما خفه سِنه المودّع يكوم اوياه يسره اويعتذر منه للشارد اوللوارد أخوي الينّشد عنه روض الضيف منوه الضيف حاشه الضيف يتعداه ــــــــــــــــــــــــــــــــــــــ اجه چم وافد ابوافد متعني اويدگ الباب اگله گول شنهو إنته يگلي معتني طلاب گتله انچانك لحسين وین احسين ظنك خاب رد الهلك يلوافد ونصبلك عزه وإنعاه ــــــــــــــــــــــــــــــــــــــ سمعني اودگ اعله راسه يكلي مات يو غايب گتله ابكربله مذبوح هوه اونسل أبو طالب أخوى الكل عدو غالب اوكل غالب عليه غالب أخـوي امتثل حكم الله أخوي الموت من يدناه ــــــــــــــــــــــــــــــــــــــ أخوي الموت من يدناه لاچن يسّره عهده الباري اغضب وإهو صابر للحگ ما جزه وعده ابزي طلاب إجاه الموت لاقبله ولا بعده مد چفه اوطلب روحه استحه يتعذره واطاه ــــــــــــــــــــــــــــــــــــــ رد إلهلك يوافد أعزي الضيف يو عزيك راح الجان من تجبل المحيّي اويرحب بيك گل للضيف راح احسين المعزب الذي ايفديك گل للخايف المأمون لا (يامن) غده منجاه ــــــــــــــــــــــــــــــــــــــ رد الهلك يلوافد لاچن تخبر الوفاد گلهم يبس وادي السيل منهم لا تجي رواد گلهم صـيّف المرباع محله اوشحت امـن الزاد چف الجان غاطيكم (ضمّه) اترابها اوغطاه ــــــــــــــــــــــــــــــــــــــ رد الهلك يلوافد رد الهلك رد اردود یاديونها العاجد يا مجدامها المفكود مات حسين مات وياه مات الكرم مات الجود اميه امهلهله وانه فنّي عَجّة الييهاه الشاعر المرحوم الشيخ عبدالامير الفتلاوي #اللهم_عجل_لوليك_الفرج

الحمدُ للهِ الّذي استنقذنا بكَ مِن الهَلكّة وهدانا بكَ مِن الضلالة ونوّرنا بكَ مِن الظلمة . فجزاكَ الله يا رسول مِن مبعوثٍ أفضلَ ما جازى نبياً عَن أمته ورسولاً عمن أرسلَ إليه .

عائشة قتلت رسول الله

#تـراث یا رسول الله امتّك بعمالها نالها امن اهل الظلم مانالها ما على وجه الارض صالح نره غير ابوصالح اوصفوه النيّره والبگت كلها ابكتابك كافره اوسنتّك كل اثر عدهم مالها غزو امن اركان الوسيعه الاربعه زحف لمتك والنصر يزحف معه شافها متخاذله اومتصكعه طمع بيها…

#تـراث یا رسول الله امتّك بعمالها نالها امن اهل الظلم مانالها ما على وجه الارض صالح نره غير ابوصالح اوصفوه النيّره والبگت كلها ابكتابك كافره اوسنتّك كل اثر عدهم مالها غزو امن اركان الوسيعه الاربعه زحف لمتك والنصر يزحف معه شافها متخاذله اومتصكعه طمع بيها او چتّفتها احبالها ابحجّة الحراس من شرگ اوغرب غزوا هالامّه ابحيّلهم والشَغَب چم وچم ناطور ویبوگ العنب اوأذَل امّه الصدّگت فوّالها اوأهل الاوهام الذي اتحس بالولم تدري بي هذا العسل ممزوج سم يكتب اشما راد من بيده القلم والصدگ خذ فالها امن اطفالها لاچن اليوم القلم بيد الاصنام حطّموا اسلامنه بسم الاسلام عدهم اليوم الحلال اصبح حرام والحرام امحلّل ابأقوالها ليش عصر الجاهلي من ينذكر انذمّه لاچن بالمحاسن ينّكر اوما نگول اليوم اصبحنه ابعصر للمحاسن فاگدين اشكالها حيث عصر الجاهلي گبل الرسول ابغير دين اوشرع محفوظه الأصول والعرض مستور وبحلف الفضول للظلامات العصه بفعالها واحنه دين اوشرع عدنه اونتّبع سنّة الإلحاد وانعوف الشرع نعبد الماضرر بيه اولا نفع اولا یگرّب للنفوس آجالها یا رسول الله الميخفه اعليك حال اصبحت امتّك اشباه الرجال بالتمنّي اوبالاحلام اوبالخيال نكرت الرب اتعبد تمثالها الف وسفه اعله امتّك هذا المصير عگب ما چانت الهالعالم تدير اصبحت بالذل تخاف امن الصفير اوتخترع ياسيّدي امن اخيالها يا رسول الله الوعظ فات اوجِزَه اوعسكر الكافر نجح لمتك غزه دعوتك تنجح ابسيف او معجزه انچان الك بالدين حاجه اتنالها للوعظ يا سيّدي فات الأوان اغلب امتك اصبحت تعبد اوثان نعم انته الأخبرت تالي الزمان الوكت يبدي ابأمّتك غربالها أي وحگ تعبك اوفضلك يانصيح من تغربل امتك الاغلب يطيح بالألف واحد تجد مسلم صحيح والبگت غاوي البشر نشّالها غير واحد ما بهالعالم وجيه گلّه للرحمان خل يرفع اديه يطلب امن الله الفرج يلتفت ليه اودعوته آيات الفرج تبرالها چانت امتك چالضواري الماتهاب عسكر الكفّار والذل والصعاب اصبحت مثل الثعالب والذياب خير ما بيها ولا بشبالها اتريد منها الخير يالهادي الامين الهشمت بخيولها صدر الحسين اوحرگوا اخيامه اوسبوا عترة الدين او علّگوا راسه ابطرف ميّالها لون حاضر یا رسول الله العيال اتشوفها من چتفوها بالحبال اوتنظر الحال الفواطم والاطفال للصخر يشجي اويهد اجبالها اتلوذ وحده ابثانيه اووحده اتعدي اشحال زینب سمعت الحادي ايحدي احتارت ابرچب النسه واطفالها صوتها انبح ركبّتهن بالومي اوبگت تاليهن اودمعتها اتهمي صرخت اوصدّت النهر العلگمي یگصر الساني امن اوصّف حالها نادته والگلب من عدها استعار بالعتب وعيونها تذرف شرار منهو غيرك جابني الهاي الاخطار يالچفيل اميسرّه اويه انذالها غيرتك تسمح ببن داحي الباب اتكلّفتني اتصون خدري والحجاب اوتترك اختك باليسر ويّه الاجناب زينب المحّد نظر لخيالها اولن اجاهه الصوت من راعي العلم اشبيدي يختي اونابت ابعيني السهم والچفوف امگطعه اوراسي انهشم والعمد مخّي اومهجتي سالها الشاعر المرحوم الشيخ عبود غفلة (442) #اللهم_عجل_لوليك_الفرج

#تـراث ياحبيب الباري يامن ختم بيك المرسلين بيك وبسيف ابن عمك ثبت للإسلام دين ــــــــــــــــــــــــــــــــــــــ دوحة الدين اغرستها وافرعت منها الأحكام ابمهجتك ساقتها او شيدت من عدها القوام وابذلت جهدك او همتك واجمعت شمل الإسلام ملة اللي بيها اتعبت وآلفت بيها او حدت من يارسول الله غبت اتفرقت وحدة المله وشتت صاب المسلمين ــــــــــــــــــــــــــــــــــــــ تشتت من عگب عينك يبوالقاسم امتك ابعكس ما وصيت عملوا يالرسول ابعترتك هجموا او كسروا ضلع من الزچيه بضعتك وجّواعلى الباب الحطب تعلم ابياحق انعصب ويامتن بالوسط انضرب وثدي البسمار صابه اوسگط بالعصره الجنين ــــــــــــــــــــــــــــــــــــــ يارسول الله او حامل راية الدين الضرب بين ايديك ابصارمه المحني خراطيم العرب چان مچتوف ابو صيتك عگبك وحگه انغصب لوله الوصيه من يصل دارك وابوالحمله عدل ما سگط للزهره حمل وچان ما( بنبود) سيفه انگاد أمير المؤمنين ــــــــــــــــــــــــــــــــــــــ ودعت عدهم وديعه الحسن عگبك لوعوه وما رعوا ليك الوديعه إبسم دليله گطعوه وبالچفن سبعين زانه يارسول الله رموه وذبحوا حسين بكربلا ويسروا عگبه العايله وگيدوا عليله بسلسله واضمحل الدين لاچنه إحتيه بدم الحسين ــــــــــــــــــــــــــــــــــــــ من بنيت الدين ساسه او شلت صيوانه ابعمد ابعكس گوم أهل الضلاله المكر سنوه والحسد والفتن ثارت وصارت ورث والد للولد وظلت تشب وتنطفي ويظهر حقدها ويختفي رادتها للدين النفي وكل زمان اتشوف ثاير ثار من الناكثين ــــــــــــــــــــــــــــــــــــــ وكل زمان ايثور ثاير منها ويجمع جمع غايته يمحي الدين ويطفي أنواره التشع اشما يشاغب بالديانه الدين شانه يرتفع والثاير يرد منكسر وينهتك حجبه وينشهر يالعالم اعلم واختبر لوظهر صاحب الغيبه يمحي نسل القاسطين ــــــــــــــــــــــــــــــــــــــ لوظهر صاحب الغيبه وبالغري ينصب سرير والخضريلفيه وعيسى من السمه ينزل وزير والثلث مايه وثلاثه او عشر وتحف بالأمير ويطلب ابضلع ام الحسن ويأخذ ابثارات المضن ويطفي نيران الفتن إبنوره وبشفرة الصارم يمحي نسل المارقين الشاعر المرحوم الشيخ كاظم المنظور الكربلائي (441) #اللهم_عجل_لوليك_الفرج

#تـراث الأمه أدتلك عوض تعبك أجر يبو الزهرة بيوم عاشور الظهر ــــــــــــــــــــــــــــــــــــــ الأمه أدتلك عوض تعبك أجور عاشر بعاشور لعبة خوش دور خيل تسحك عاليتامه وعالصدور وخيل تهجم عالخدر بالحجي المر ــــــــــــــــــــــــــــــــــــــ وانت حاضر يالنبي بوادي الطفوف وتدري بالصار وجره وعيك نشوف خيل وسياط وحريج وضمه وخوف والحريم تـجول من كتر الكتر ــــــــــــــــــــــــــــــــــــــ امتك جازتك يا سيد الأنام صياطهم تلعب على روس الأيتام والخيام انچان تنشد عالخيام موخيم يا المصطفى صارت جمر ــــــــــــــــــــــــــــــــــــــ من امتك هذه الجزه يالمصطفى خدرك بطف كربلا وج ونطفى يبو الزهره وهاي ساعات الوفه بدت من طاح ابو اليمه من المهر ــــــــــــــــــــــــــــــــــــــ يبو الزهره وبعد من چلچل الليل وخمد صوت المعركة وجلة الخيل والعقيلة اطلعت مهدومة الحيل خاويه ومنها انهدم ركن الصبر ــــــــــــــــــــــــــــــــــــــ خاويه وتسحك على جمر الخيم والدموع من الدليل تسيل دم اشلون تكدر تجمع أطفال وحرم الفاجده والحايره وليلة ذعر ــــــــــــــــــــــــــــــــــــــ ابليل هد عش وشلون انكضه عاليتامه اوعاالحرم ضاگ الفضه بالاحزان تصيح بت المرتضى خايفه من الفجر لاطر الفجر ــــــــــــــــــــــــــــــــــــــ فجر لا طر يالنبي اولاح الصباح وجابو الهزل وحادي النوك صاح نريد للكوفة وصدك للكوفة راح وانه رحت ميسره وي أهل الغدر ــــــــــــــــــــــــــــــــــــــ الحال ما يخفاك ياسيد الوره ميسره وحسين اخوي على الثره بالشمس وعضام صدره مكسره والموادع صار بدموع الحمر ــــــــــــــــــــــــــــــــــــــ يالنبي هذا الجره من امتك جازتك ما كصرت من جازتك لا كتابك حفضته ولا عترتك وعكس ما وصيتهم صار الأمر معين السباك #اللهم_عجل_لوليك_الفرج

#تـراث لفاجعة ومصيبة شهادة رسول الله صلى الله عليه وآله اليوم اصبح ينوح وينحب الدين او يهل دمعه ابدمه الفگدك يياسين يويلي من حنه الكرار ضلعه اعلى ابن عمه او هوه فوگه يودعه صاح اوداعت الله ويصب دمعه اورد تجري اعلى خده دمعة العين حنت فاطمه او جذبت الونه الف وسفه يطاهه ابعَدت عنه يبو ابراهيم يا راعى المحنه تفارجنا دهر لا يوم واثنين عمت عيني غدت تصرخ الزهره تون يم رأس ابوها او تجر حسره هوت فوگه تنوح او تشم نحره او گلبها امن الونين انجسم نصين يبو ابراهيم ما تگعد وحاجيك تره روحي يعگلي ذابت عليك چنت عزنه يبويه او نستجن بيك يومك صعب حيف اتفارجه اسنين تهل ابدم دمعها الفگد ابوها او بيها اتشمّت اخلافه عدوها تشوف جنازته الوادم خذوها صاحت وين بالمختار ناوين غابت روحها او طاحت الزهره او شاله المرتضى او وسده ابگبره رد ليها علي او گعدت ابعبره يهل ابدم دمعها على الخدين بچو و اتناحبوا من جور الهموم او حيدر سهر ليله او حرّم النوم او هجمت على الدار وصاحت الگوم خل يطلع علي ايبايع أبهل حين الشاعر المرحوم الشيخ محمد حسن دكسن #اللهم_عجل_لوليك_الفرج

من جدد سنة المشي إلى كربلاء والذي يشارك كل زائر في المشي الى الإمام الحسين (عليه السلام) الشهيد السعيد المرجع السيد محمد محمد صادق الصدر قدس الله سره الشريف

المرحوم السيد جاسم الطويرجاوي

#تـراث #نعـي مولاتي فاطمة صلوات الله عليها من غاب شخصک یا ولينه علگت روايه الشر علينه لفانه الصهاکي اوشیاطینه اویاهم حطبهم شایلینه نشدته اشعندك جاي لينه اوكل يوم گلبي املوعينه وحدنه ابعزانه دخلينه بس ما لمحني اوزرگ عینه عصرني اومني استافه دینه وآمر على اشيوخ المدينه تگود الفحل ليث العرينه گادوا اوراسه امچشفینه اوببنود سیفه امچتفينه ينخه اولا واحد يعينه وراه اطلعت ولها او حزينه لاوین اصيحن ماخذينه من شافني المشرچ ابدينه رد لي اوسطر عيني ابيمينه السيد المرحوم عبدالحسين الشرع #اللهم_عجل_لوليك_الفرج

#تـراث اليوم أبو ابراهيم سيد اكوانها گوظ أوناحت إنسها وجانها ــــــــــــــــــــــــــــــــــــــ گوض اليوم النبي او داره بگت موحشه او لجله الديار اتگدرت والملايك ناحت الفگده او بچت والجنان أو حورها او ولدانها ــــــــــــــــــــــــــــــــــــــ اليوم مچدر اصبح الفگده السمه گام يبچي او للخطب يمطر دمه وشمسه صايبها الكسوف او مظلمه والأرض لبست عليه احزانها ــــــــــــــــــــــــــــــــــــــ لبست اثياب الحزن لجله الأرض واظلم الكون وبچه اعليه الفرض واحنه نبچي اوهالمياتم ما تفض للقيامه والحزن عنوانها ــــــــــــــــــــــــــــــــــــــ للقيامه انضل ننوح او ما نمل حيث من يوم ارتحل سيد الرسل حل باهل بيته وباهل وده الكتل وردت الأمة تَعبَد أوثانها ــــــــــــــــــــــــــــــــــــــ شتتوهم بین مسموم اوچتیل او بين مسجون او غده ایون او عليل وبين بديار الغرب اصبح نزيل او منها ذاهت وضربت وديانها ــــــــــــــــــــــــــــــــــــــ هاي حالة عترة الهادي الرسول اصبحت بالهم عگب عينه تجول ريت يالهادي تجي اتشوف البتول تبچي ضلت والحزن ديدانها ــــــــــــــــــــــــــــــــــــــ او من حزنها ابواب صارت للحزن منها ضلت عترة الهادي تون هذا شارد ذاك محجور ابسجن او هذا خايف من غدر عدوانها ــــــــــــــــــــــــــــــــــــــ أمهم الزهره الگضت بأخطر أمر حاله بيها ايضيج من عدها الصدر بيها كثره اجروح وأعظمها الكسر ضلت ابگلب المحب نيرانها ــــــــــــــــــــــــــــــــــــــ اه يا ضلع الزجيه او كسرته اه ياذاك الجنين أو طيحته اه يا حامي الحميه او عبرته اه يدمعة زينب أوجـروانـها ــــــــــــــــــــــــــــــــــــــ اه يونات الحسن حين النظر للزچيه الوالده أو دمعه الحدر اه يا الحسين النده ظهري انكسر حين شاف امه عليها اچفانها ــــــــــــــــــــــــــــــــــــــ شيعوها ابليل والمدمع يسيل من دفنها اشلون حماي الدخيل او يم گبرها اشلون صار الهم عويل زلزل الدنية أو هدم اركانها الشاعر المرحوم ناعي الزهراء السيد جاسم الطويرجاوي #اللهم_عجل_لوليك_الفرج

#تـراث { الواثبين لظلم آل محمد } الواثِبـيـنَ لِظـُلْمِ آلِ مُحَمَدٍ وَمُـــحَمَدٌ مــُـلقىً بِــلا تَكْـــــفينِ والقـائِــــــــــــلينَ لِفاطِمٍ آذَيْـتِـــنا فـي طـُـولِ نَــوحٍ دائـِـمٍ و حَـنينِ وَالْقَاطِعِينَ أراكَــةً كَـي لا تُقيلُ بِــــظِلِ أَوراقٍ لهـــا وغُـــصُونِ وَمُجَمِعي حَطَبٍ عَلى البَيتِ الذي لَمْ يَـــــجْتَمِعْ لولاهُ شَـمْلُ الدِّينِ وَالدَّاخِلِينَ عَلَى الْبتولةِ بَيْتَهَا والمُسْـــقِطينَ لهــا أعَــزَ جَــنينِ وَالْقَائِدِينَ إمَامهُمْ بِنَجَادِهِ و الطُـــهرُ تــدعو خَلْفَهُمْ بِـرنينِ خَلوا ابنَ عَمِّي أَو لأكشِفَ لِلدُعا رَأســـي وَأَشْكُو لِلإِلَهِ شُجُونَي ماكانَ نَاقَةُ صَالِحٍ و فَصِيلُهَا بِالْفَضْلِ عِنْدَ اللَّهِ إلا دُونِي وَرَنَتْ إِلَى الْقَبْرِ الشَّرِيفِ بِمُقْلَةٍ عَبْرَى وَقَلْبٍ مُكْمَدٍ مَحْزُونِ نَادَتْ و أَظْفَارُ الْمُصَابِ بِقَلبِها أَبَتَّاهُ عَزَّ عَلَى الْعِدَاةِ مُعِينِي أبَتاهُ هَذَا السَّامِرِيُّ و عِجْلُهُ تُبِعَا وَمَالَ النَّاسُ عَنْ هارُونِ أَيَّ الرَّزَايَا أَتَقِيّ بِتَجَلُّدٍ هُوَ فِي النوَائبِ مُذْ حَيَيْتُ قَرِينِي فَقْدِي أَبِي أَمْ غَصْبَ بَعْلِي حَقَّهُ أَمْ كَسْرَ ضِلْعِي أَمْ سُقُوطَ جُنَيْنَيْ أَمْ أَخَذَهُمْ إِرْثِي و فَاضِلَ نِحْلَتي أَمْ جَهْلَهُمْ حَقِّي وَقَدْ عَرَفُونِي قَهَرُوا يَتِيمِيكَ الحُسَيْنَ و صِنْوَهُ وَسَألتهُمْ حَقِّي وَقَدْ نَهَرُونِي الشاعر المرحوم الشيخ صالح الكواز #اللهم_عجل_لوليك_الفرج

رسالة للأخوة اصاحب المواكب تقبل الله سعيكم والعودة عليكم ان شاء الله اخواني نتمنى يصير ترتيب وتعاون #لخدمة_الزوار_المتبقين في كربلاء بعد زيارة الأربعين وبالخصوص الأجانب الكثير منهم فقراء لا يستطيعون تأمين الأكل والشرب لمدة بقائهم في كربلاء #المعـذرة على المثال لكن الأكل الذي يتلف ويرمى في ايام الزيارة فقط فقط في طريق (نجف كربلاء) كافي لسد جوع هؤلاء الزوار المتبقين بعد الزيارة ياحبذا أحد الأخوة يكون عنده تواصل وي المواكب ويصير فد ترتيب للزوار بعد الأربعين يكون اله حسنة جارية وسنة حسنة تتبعها الناس طوال السنوات وكل الخير العدنا من ابي عبدالله ويد الحسين فوق يد خدامه .