Karenni Nationalities Defense Force (KNDF)

Report on the defections and escapes of SAC troops to the KNDF. ​​​​​​​​​​​​​February 18, 2025 In February 2025, within the operational area of KNDF Battalion No. (3), five individuals from the SAC defected, carrying their weapons. Additionally, eight others who fled unarmed from the frontlines (deserters) were successfully apprehended. These individuals are now safely held in designated KNDF central facilities. In the Karenni-Shan border areas, daily clashes with the SAC’s offensives are particularly prevalent in Moebye. Moreover, the number of SAC troops deserting the battlefield and seeking refuge with revolutionary forces is on the rise. Weekly, the KNDF is receiving numerous members and deserters from the frontlines, providing them with safety and well-being. Since late 2024, due to manpower shortages on the frontlines, the SAC has been compelled to deploy conscripted militia members to the forefront of battlefields. Escapees have revealed that almost all young people in the militia were unwilling to join the military and were forcibly recruited by the SAC and its local administrators. In a shocking revelation, underage children are also among those conscripted. Most of those sent to the Karenni State battlefields are from regions such as Sagaing, Yangon, Mandalay, Hpa-An, Ayeyarwady, and Bago. After a three-month basic training period, they are dispatched to the frontlines. We strongly urge parents, citizens, and youth to remain vigilant to avoid arrest or forced recruitment by the SAC. If conscripted and sent to the frontlines, we strongly advise connecting with nearby revolutionary forces to defect and seek refuge. KNDF holds deep respect for human rights and wishes to convey a message to all SAC troops, from officers to rank-and-file soldiers: We do not seek to attack you. Our fight is directed against the oppressive authoritarian system and its leaders who seek to enslave the nation. Therefore, we earnestly urge everyone to unite with the people to swiftly overthrow the SAC’s authoritarian regime and collaborate to establish a more prosperous and advantageous new system—a new federal democratic union. KNDF Central Information Department Contact - 09 788 545 273, 09 783 474 652, 09 425 517 594, +66819758770

စစ်ကောင်စီတပ်ဖွဲ့ဝင်များ KNDF ထံသို့ ဘက်ပြောင်းခိုလုံလာခြင်း နှင့် ထွက်ပြေးလွတ်မြောက်လာခြင်း။ ၂၀၂၅ ခုနှစ်၊ ဖေဖော်ဝါရီလ (၁၈)ရက် ၂၀၂၅ ခုနှစ် ဖေဖော်ဝါရီလအတွင်း KNDF တပ်ရင်းအမှတ်(၃) လှုပ်ရှားနယ်မြေအတွင်း၌ စစ်ကောင်စီဖက်မှ လက်နက်နှင့်အတူ ဘက်ပြောင်းခိုလှုံလာသူ (၅)ဦးနှင့် ရှေ့တန်းစစ်မြေပြင်အတွင်း လက်နက်မဲ့ ထွက်ပြေး၍ လွတ်မြောက်လာသူ (တပ်ပြေး) (၈)ဦး တို့အားခေါ်ယူနိုင်ခဲ့ပြီး သက်ဆိုင်ရာဗဟိုဌာနများတွင် လုံခြုံစွာထားရှိ ပါသည်။ ကရင်နီ- ရှမ်းတောင် နယ်စပ်တို့တွင် စ-စ်ကောင်စီ၏ ထိုးစစ်များနှင့်အတူ မိုးဗြဲမြို့တွင် ထိတွေ့တိုက်ပွဲများ နေ့စဉ် ဖြစ်ပွားနေပြီး စ-စ်ကောင်စီ၏ တပ်ဖွဲ့ဝင်များမှာလည်း စ-စ်မြေပြင်ကိုစွန့်ခွာ၍ မိမိတို့တော်လှန်ရေးတ-ပ်များထံ ထွက်ပြေးခိုလှုံလာမှုလည်းများပြားလာပါသည်။ ပတ်စဥ်အလိုက် ပြည်သူ့စစ်မူထမ်းများနှင့် ရှေ့တန်းစ-စ်မျက်နှာ ပြင်မှ ထွက်ပြေးလွတ်မြောက်လာသော ပြည်သူ့စစ်မူထမ်းတပ်သားများစွာကို မိမိတို့ KNDF မှ လက်ခံရရှိခဲ့ပြီး ကောင်းမွန်လုံခြုံစွာ ထားရှိပါသည်။ စ-စ်ကောင်စီမှ ပြုလုပ်နေသည့် ထိုးစ-စ်များနှင့်အတူ ရှေ့တန်းစ-စ်မြေပြင်တွင် လူအင်အားချည့်နှဲ့လာသော စ-စ်ကောင်စီသည် ၂၀၂၄ခုနှစ်နှောင်းပိုင်းမှစ၍ အဓမ္မစုဆောင်းထားသော ပြည်သူ့စစ်မူထမ်းများအား စစ်မြေပြင်၏ ရှေ့ဆုံးထိုးစစ်နေရာများတွင် ထုတ်သုံးလာသည်ကို တွေ့ရှိရပါသည်။ ထွက်ပြေးလွတ်မြောက်လာသူများ၏ ပြောဆိုချက်များအရ ပြည်သူ့စစ်မူထမ်းများအားလုံးနီးပါးမှာ တပ်ထဲသို့ ဝင်ရန် ဆန္ဒမရှိဘဲ စကစနှင့် ၎င်းတို့၏လက်ကိုင်တုတ် အုပ်ချုပ်ရေးမှူးများမှ ပူးပေါင်း၍ အတင်းအဓမ္မ စုဆောင်း ခြင်းခံရသူများဖြစ်ကြပြီး အသက်မပြည့်သေးသော ကလေးငယ်များလည်းပါဝင်သည်ကို မြေပြင်တွင် တွေ့ရှိရ ပါသည်။ ကရင်နီပြည်နယ်တွင်း စစ်မြေပြင်များသို့ ပို့ဆောင်ခံရသူအများစုမှာ စစ်ကိုင်းတိုင်း၊ ရန်ကုန်တိုင်း၊ မန္တလေးတိုင်း၊ ဖားအံမြို့၊ ဧရာဝတီတိုင်းနှင့် ပဲခူးတိုင်း အစရှိသည့်နေရာများ၌ နေထိုင်ကြသူများဖြစ်ကြပြီး (၃)လကြာအခြေခံစစ်သင်တန်းပေး၍ ရှေ့တန်းစစ်မျက်နာပြင်သို့ စေလွတ်ခံရခြင်း ဖြစ်ပါသည်။ မိဘပြည်သူများ၊ လူငယ်များအနေဖြင့် စ-စ်ကောင်စီ၏ ဖမ်းဆီးခြင်း ၊တပ်သားသစ်အဖြစ် အတင်းအဓမ္မ စုဆောင်းခြင်းများ မခံရစေရန်အတွက် အထူးသတိပြုနေထိုင်ကြပါရန်နှင့် စုဆောင်းခံပြီး ရှေ့တန်းစစ်မျက်နာပြင် သို့ ပို့ခံရပါက နီးစပ်ရာတော်လှန်ရေးတပ်ဖွဲ့များထံသို့ ချိတ်ဆက်၍ ဘက်ပြောင်းခိုလုံကြပါရန် အသိပေးအကြံပြုလိုပါသည်။ မိမိတို့ KNDF အနေဖြင့် လူ့အခွင့်အရေးအပေါ် လေးစားမှုအပြည့်အဝထားမှာဖြစ်ပြီး စစ်ကောင်စီ၏ အောက်တွင် တာဝန်ထမ်းဆောင်နေကြသော စစ်သားများကို တိုက်တွန်းသတင်းစကားပါးလိုသည်မှာ စစ်ကောင်စီတပ်ဖွဲ့ဝင် များဖြစ်သည့် အရာရှိများမှစ၍ အောက်ခြေတပ်သားများထိ စစ်သားများကို မိမိတို့အနေဖြင့် တိုက်ခိုက်လိုခြင်းမရှိဘဲ အာဏာရှင်စနစ်ဆိုးအားကျင့်သုံး၍ နိုင်ငံအပေါ်ကျွန်ပြုလိုသည့် စစ်ခေါင်းဆောင်များအား ဖြုတ်ချနိုင်ရန်အတွက် ဦးတည်၍တော်လှန်တိုက်ခိုက်နေခြင်းဖြစ်ကြောင်း အသိပေးလိုပါသည်။ ထို့ကြောင့် စစ်ကောင်စီ၏ အာဏာရှင်စနစ်ဆိုးအား အမြန်ဖြုတ်ချ၍ ပိုမိုကောင်းမွန်အကျိုးရှိသော စနစ်သစ် ၊ နိုင်ငံသစ် ဖက်ဒရယ်ပြည်ထောင်စု တည်ဆောက်နိုင်ရေးအတွက် ပြည်သူများနှင့်အတူရပ်တည်၍ ပူးပေါင်းပါဝင်ပေးကြဖို့ အလေးအနက်ထားတိုက်တွန်း လိုပါသည်။ ဗဟိုသတင်းနှင့်ပြန်ကြားရေးဌာန ကရင်နီအမျိုးသားများကာကွယ်ရေးတပ်- KNDF

စစ်ကောင်စီတပ်ဖွဲဝင်များအဖြစ်မှ မိမိတိုထံအလင်းဝင်ရောက်၍ KNDF- CDM ဌာနတွင် လုံခြုံအေးဆေးစွာ စောင့်ရှောက်ထားသော ဘတ်ပြောင်းလာသူများ၏ အခြေအနေအချို့ကို ဖော်ပြပေးသွားမည်ဖြစ်ပါသည်။

သတင်းထုတ်ပြန်ချက် ကရင်နီပြည်နယ် နှင့် ရှမ်းပြည်နယ် နယ်စပ်အချို့နေရာများတွင် အကြမ်းဖက်စစ်ကောင်စီဖက်မှ ဒရုန်းများဖြင့် ဗုံးကြဲ တိုက်ခိုက်မှုများ လုပ်ဆောင်ရာတွင် အဆိပ်ငွေ့ပြားများကိုပါ ထည့်သွင်းအသုံးပြုလာပြီဖြစ်ကြောင်း အသိပေးလိုပါသည်။ ၂၀၂၄ ခုနှစ် ၊ ဒီဇင်ဘာလ (၇)၊ (၈)ရက်နေ့တို့တွင် မိုးဗြဲမြို့ပြင်၌အခြေစိုက်ထားသော ခမရ (၄၂၂)တပ်မှ မိုးဗြဲမြို့နှင့် ပတ်ဝန်ကျင်များသို့ ဒရုန်းဖြင့် ဗုံးကြဲတိုက်ခိုက်ရာတွင် S-PHOS ( အက်စ်ဖော့စ် )တံဆိပ်ပါ ၅၆၀ အဆိပ်ငွေ့ပြားများကို ထည့်သွင်း အသုံးပြု၍ တိုက်ခိုက်ခဲ့ပါသည်။ အဆိုပါ အဆိပ်ငွေ့ပြားများကိုတစ်ပါတည်း ထည့်သွင်းအသုံးပြုထား၍ ဗုံးသီးကျရောက်ရာ အနီး ဝန်ကျင်တွင် မီးခိုးများ အများအပြားထွက်လာပြီး ရှုရှိက်မိသော မိမိတို့ရဲဘော်အချို့မှာ မူးဝေခြင်း ၊ ခေါင်းမူးခြင်း ၊ အော့အန်လိုခြင်း ၊ အိပ်ချင်လာခြင်း၊ ခန္တာကိုယ်မလန်းဆန်းခြင်း၊ အားပြက်ခြင်း စသည့်ဝေဒနာများခံစားခဲ့ရပါသည်။ ဒရုန်းဖြင့် လာရောက်တိုက်ခိုက် ချိန်တွင် မိမိတို့ဖက်မှ ထိခိုက်မှုများမရှိခဲ့သော်လည်း အထက်ပါဝေဒနာများ ခံစားကြရ၍ ဗုံးသီးကျရောက်ခဲ့သော နေရာများအား စစ်ဆေးခဲ့ရာ အက်စ်ဖော့စ်အဆိပ်ငွေ့ပြားများကို ထည့်သွင်းအသုံးပြု၍ တိုက်ခိုက်ခဲ့ခြင်းဖြစ်ကြောင်း အတည်ပြုနိုင်ခဲ့ပါသည်။ အထက်ပါအခြေနေများကြောင့် အများပြည်သူများအနေဖြင့် သတိကြီးစွာထား၍ မိမိတို့အနီးဝန်ကျင်တွင် ဒရုန်းများ ပျံဝဲနေခြင်း ၊ တိုက်ခိုက်ခံရသည့် နေရာများနှင့်အနီးတွင်ရှိနေခြင်းများ ဖြစ်လာပါက စူးစမ်းကြခြင်းမျိုးမပြုလုပ်ဘဲ လုံခြုံသောနေရာ များသို့ ပုန်းခို၍ ရှောင်ရှားကြရန် အထူးအသိပေးအကြံပြုလိုပါသည်။ ဖယ်ခုံ၊ မိုးဗြဲ ၊ လွိုင်ကော် လမ်းမကြီးပေါ်တွင် စစ်ကောင်စီတပ်ဖွဲ့များနှင့် မိမိတို့တော်လှန်ရေးတပ်ဖွဲ့များအကြား ထိတွေ့မှု များ ကြိုကြားဖြစ်ပွားလျှက်ရှိနေပြီး စစ်ကောင်စီဖက်မှ ဒရုန်းအားပြု၍ စစ်ဆင်ရေးများလုပ်ဆောင်လာသလို အဆိပ်ငွေ့များကိုပါ ထည့်သွင်းအသုံးပြုလာ၍ အထူးသတိပြုကြရန်တိုက်တွန်းပါသည်။ KNDF ဗဟိုသတင်းနှင့်ပြန်ကြားရေးဌာန

တိုက်ပွဲသတင်းထုတ်ပြန်ခြင်း