Dr. Mohamed Mamdouh Abdalbary د. محمد ممدوح عبدالباري

تجارب المرضى لنظام الطيبات قبل ما تنخدع انت أو حد من أهلك بفيديوهات لناس دخلت النظام من أسبوعين وبتقول إنها ارتاحت وخفت فتروح تجرب شوف الفيديوهات والحكايات دي .. الحكايات كلها موثقة لناس اتبعت النظام فترة طويلة وانتهت بمضاعفات مباشرة من النظام .. بعضها للأسف لا يمكن علاجها .. ................ حد هيقولي طب ما تنشر التجارب الناجحة ؟ - هو مش ريفيو مطعم عشان نعد الريفيوهات الإيجابية والسلبية.. دي حياة ناس.. لو ظهر دوا أو نظام عالج عشرين مريض من القولون والحساسية وتسبب في وفاة مباشرة لإنسان واحد بس لازم يتوقف فوراً. - مضاعفات الأمراض المزمنة مش بتظهر غير بعد شهور .. ناس كتير من اللي في الحكايات دي كانت فاكرة إنها اتحسنت وبتدافع عن النظام بشراسة لغاية ما وقعت .. بعضهم لحق نفسه وبعضهم لأ. - الناس اللي بتروج للنظام بيبقى عندها حماس كبير في البداية وبعضهم بيعمل كده عشان الترند .. لكن أما بتحصل الوفاة والمضاعفات بتحصل في صمت. ................ 1- من مؤسس لجروب الطيبات إلى أحد ضحايا النظام.. قصة مريض سكر بعد سنة وشهرين من اتباع نظام الطيبات والمتابعة الدقيقة مع ضياء. https://www.facebook.com/reel/1931454554140692 https://youtu.be/cQDeBiG1mk4 ................ 2- تجربة حقيقية امتدت لأكثر من ١٦ شهر على نظام الطيبات انتهت بكارثة ! كيف تحول الحلم بالشفاء إلى معاناة طويلة المدى! https://www.facebook.com/reel/1515702396656066 https://youtu.be/bRZO0xAlGe0 ................ 3- حكاية مريضة بالسرطان اتبعت نظام الطيبات والتزمت التعليمات المباشرة من ضياء ! هل كان النظام طريق الجسم للتشافي أم تسبب في انتشار المرض ؟ https://youtu.be/lD5eF6KEdsQ قصتها باختصار https://www.facebook.com/reel/950319407817570 ................ 4- أ. محمد كان من أوائل الناس اللي اتبعت نظام الطيبات.. طبق النظام بحذافيره على نفسه وعيلته ونزل مصر مخصوص يكشف عند #ضياء_العوضي .. في الفيديو الروشتات والفيديوهات من داخل العيادة .. https://www.facebook.com/reel/845762811341030 https://youtu.be/IfgWloNFoVo ................ 5- إيمان حالة تصلب لويحي MS ضياء العوضي كان ناشر قصتها دليل على الحالات اللي تحسنت على النظام.. https://www.facebook.com/reel/2026585008234410 ................ 6- الأستاذة رضا كانت أدمن لأحد جروبات النظام وطلعت أكتر من مرة في لايف مع ضياء العوضي اللي كان بيمدح فيها وفي الجروب بتاعها .. وبعد سنتين كاملين من اتباع النظام بدأ التعب يظهر عليها في ٢٠٢٥.. https://www.facebook.com/reel/982423927494645 ................ 7- أ. أميرة الشاذلي تحكي قصتها مع نظام الطيبات بعد ٨ شهور تجربة https://www.facebook.com/share/p/1CPkZubKEX/ ................ 8- مريض بمرض كرونز "داء الأمعاء الالتهابي" سمع عن الطيبات راح كشف وصدق وهم إيقاف العلاج.. https://www.facebook.com/share/p/1HcJhz6NG1/ ................ 9- جربت الطيبات عشان متضايقة من حباية الضغط وحست بتحسن في الانتفاخ والبطن .. بعد سنة ونص دخلت العناية بفشل حاد في القلب والكلى.. مقدرتش تسجل معانا لأنها على جهاز أوكسجين بشكل مستمر. https://www.facebook.com/share/p/1bMYCz4y2N/ ................ 10- شيماء مريضة الذئبة الحمراء.. اتبعت النظام وتسبب بشكل مباشر في وفاتها https://www.facebook.com/share/1JSpYrLZv2/ ................ 11- حنين مريضة سرطان الثدي.. انتشر الورم وتوفت بعدما صدقت النظام https://www.facebook.com/share/p/18wG8KAVJd/ ................ 12- ألبوم الضحايا .. أكتر من ١٥٠ حالة.. راجعوا الصور والتعليقات https://www.facebook.com/share/p/17xBDydFcf/ ................ 13- حكاية فاطمة مريضة السكر مع نظام الطيبات .. مأساة عاشتها بعد سنة وأكثر من اتباع النظام https://youtu.be/DgT9Lua6jeo قصتها باختصار facebook.com/reel/1018076657444236/ ................ 14- حكاية إيمان .. مريضة زرع الكلى والضحية الأشهر لنظام الطيبات حكايتي كاملة مع ايمان وضياء العوضي ونظام الطيبات رابط فيسبوك: https://www.facebook.com/reel/1012124541741660 رابط يوتيوب: https://youtu.be/2u7IOlerR8o ====== وفاة إيمان رابط فيسبوك: https://www.facebook.com/reel/2280531022704378/ رابط يوتيوب: https://youtu.be/jgmSUYZXfpM اللي فات ده هو جهد المقل وبرغم انشغالات الله بها عليم لكن بقول معذرة إلى ربكم ولعله زكاة عن العلم .. يا ريت تساعد في نشر البوست والفيديوهات دي ربما تكون سبب في إنقاذ نفس واحدة من الهلاك. #كلام_في_الطب_د_محمد_ممدوح #الطيبات

هل الكازين الموجود في اللبن مضر؟ الحقيقة العلمية بعيدًا عن التهويل والخرافة الخلاصة المبدئية: الكازين ليس مادة سامة، لكنه ليس مناسبًا للجميع. أولًا: ما هو الكازين؟ • الكازين هو البروتين الأساسي في اللبن (حوالي 80% من بروتين الحليب). • بروتين كامل يحتوي كل الأحماض الأمينية الأساسية. • يتميز بأنه بطيء الهضم؛ يتخثر في المعدة ويعطي إحساسًا أطول بالشبع. لهذا يُستخدم طبيًا وغذائيًا منذ عقود دون مشكلة عند أغلب الناس. ------ ثانيًا: أصل الجدل الحقيقي حول الكازين: معظم الهجوم على الكازين لا يتعلق به كفكرة، بل بنوعه: 🔹 A1 Beta-Casein • موجود في أغلب أبقار أوروبا وأمريكا. • عند هضمه قد يُطلق مركبًا يُسمى BCM-7. • عند بعض الأشخاص قد يسبب: o انتفاخ - آلام بطن - أعراض تُشبه عدم تحمّل اللاكتوز ⚠️ لكن: • الربط بينه وبين السرطان أو السكري أو أمراض المناعة ضعيف وغير مثبت سريريًا على البشر. • أغلب الأدلة تأتي من دراسات حيوانية أو معملية. 🔹 A2 Beta-Casein • موجود في اللبن الجاموسي، الماعز، الأغنام، الإبل. • لا يُنتج BCM-7. • ألطف على الجهاز الهضمي وأقل إثارة للأعراض. 👉 لهذا، من يشتكي من اللبن البقري غالبًا يتحسن مع اللبن الجاموسي أو الماعز. ------ ثالثًا: هل الكازين يسبب السرطان؟ هذه فكرة انتشرت بسبب كتاب The China Study. الرد المختصر: • الادعاء مبني على تجارب حيوانية بجرعات غير واقعية. • المراجعات المنهجية على البشر لا تدعم هذا الاتهام. ➡️ وصف الكازين بأنه “مسرطن” خرافة غير مدعومة بالأدلة السريرية. بل إن استهلاك الألبان مرتبط بانخفاض خطر سرطان القولون بسبب الكالسيوم. ------ رابعًا: متى يكون الكازين مشكلة ؟ 1️⃣ حساسية بروتين اللبن (Milk Protein Allergy) • نادرة عند البالغين. • هنا الكازين يكون مضر ويجب منعه تمامًا. 2️⃣ عدم تحمّل اللاكتوز (وليس الكازين) • المشكلة في سكر اللبن لا البروتين. • اللبن منزوع اللاكتوز غالبًا يحل المشكلة. 3️⃣ بعض مرضى القولون العصبي • المنع يكون حسب كل حالة. • ليس لأن الكازين “سام”، بل لأن الجهاز الهضمي قد يتحسس منه عند بعض الناس. ------ خامسًا: ماذا عن الادعاءات المنتشرة حول الكازين في اللبن؟ ❌ “الكازين يسبب التهابات مزمنة” : غير مثبت ❌ “الكازين يدمّر المناعة” : بلا دليل ❌ “الإنسان غير مهيأ لشرب اللبن” : غير صحيح ------ الخلاصة النهائية: • لأغلب الناس الأصحاء: الكازين بروتين آمن، مفيد، وعالي القيمة الغذائية. • لمن يعاني من أعراض مع اللبن: جرّب التحول إلى اللبن الجاموسي/الماعز. في الطب: ما يضر شخصًا… لا يُحرَّم على الجميع. #كلام_في_الطب_د_محمد_ممدوح

اللبن ومنتجاته: هل هي سم أبيض أم لها فوائد غذائية؟ (نتائج أحدث وأضخم دراسة علمية حتى الآن) في ظل انتشار معلومات متضاربة على السوشيال ميديا تحذر من الألبان وتصفها بأنها تسبب الالتهابات والأمراض، كان لابد من الرجوع لأقوى مستويات الدليل العلمي. اليوم أناقش معكم نتائج دراسة ضخمة جداً (Scoping Review) نُشرت حديثاً في المجلة الأوروبية للتغذية السريرية (Nature - European Journal of Clinical Nutrition) لعام 2025. 1. ما هي قوة هذه الدراسة؟ (تصميم الدراسة) هذه ليست مجرد دراسة عادية، بل هي "مراجعة للمراجعات المنهجية" (Review of Systematic Reviews)، مما يعني أنها قامت بتجميع وغربلة الداتا من عدد هائل من الدراسات السابقة. الفترة الزمنية: غطت الدراسات المنشورة خلال 10 سنوات (من يناير 2014 إلى فبراير 2024). عدد التقارير: شملت 95 تقريراً علمياً (مراجعات منهجية وتحليلات تلوية). حجم البيانات: قامت بتحليل 281 علاقة رابطة بين تناول الألبان ومختلف الأمراض. المشاركون: بعض التقارير المشمولة حللت بيانات لأكثر من 7 مليون مشارك. 2. النتيجة العامة.. الأرقام تتحدث بعد تحليل 281 علاقة صحية محتملة، كانت النتائج كالتالي: 37.7% من النتائج أثبتت أن الألبان مرتبطة بتقليل خطر الإصابة بالأمراض (فائدة واضحة). 48.0% من النتائج أظهرت عدم وجود أي علاقة (تأثير محايد، لا ضرر ولا نفع إضافي). 4.3% فقط أشاروا إلى زيادة محتملة في الخطر (سأوضحها لاحقاً). 10.0% كانت النتائج غير حاسمة. الخلاصة العامة للدراسة: تناول الألبان لا يرتبط بزيادة خطر الوفاة أو الأمراض غير السارية، بل قد يقلل المخاطر بشكل معتدل. 3. التفاصيل الطبية للنتائج: صحة القلب والشرايين: الأدلة تشير بقوة إلى أن تناول الألبان (وخاصة الزبادي والجبن) إما محايد أو يقلل من خطر الإصابة بأمراض القلب، السكتة الدماغية، وارتفاع ضغط الدم. الزبادي والمنتجات المتخمرة أظهرت أفضل النتائج في حماية القلب. مرض السكري من النوع الثاني: تم رصد ارتباط قوي بين تناول الزبادي (Yogurt) وتقليل خطر الإصابة بمرض السكري. الألبان المتخمرة عموماً قد تحمي من السكري، والآلية المحتملة تعود لتأثير البروبيوتيك على صحة الأمعاء وتقليل الالتهاب. السرطانات: تناول الألبان مرتبط بشكل واضح بتقليل خطر الإصابة بسرطان القولون والمستقيم، وهو ثالث أكثر السرطانات شيوعاً في العالم. كما وجد ارتباط بانخفاض خطر سرطانات الثدي، المثانة، والمعدة في بعض التحليلات. الوزن والسمنة: عكس الشائع، تناول الألبان كاملة الدسم لا يرتبط بالسمنة. تناول الزبادي تحديداً مرتبط بتقليل زيادة الوزن وتحسين تكوين الجسم. 4. "كامل الدسم" vs "خالي الدسم" : الدراسة قامت بتحليل مقارن بين الألبان كاملة الدسم وقليلة الدسم. المفاجأة أنه لا يوجد فرق جوهري في المخاطر الصحية بينهما. بل إن بعض الدراسات وجدت أن الألبان كاملة الدسم كانت مرتبطة بفوائد عكسية لأمراض القلب والسكري. الدهون الموجودة في الأجبان والألبان قد تكون لها خصائص مختلفة عن الدهون المشبعة الأخرى. 5. الخلاصة والتوصية بناءً على هذا المسح الشامل للأدلة العلمية: الألبان ليست "سماً"، وهي جزء أساسي من النظام الغذائي المتوازن. الزبادي والألبان المتخمرة تعتبر "نجم" هذه الدراسة، حيث أظهرت أعلى نسب من الفوائد الصحية مقارنة بالحليب العادي. إذا لم يكن لديك مانع طبي محدد (مثل حساسية الألبان أو عدم تحمل اللاكتوز)، فلا داعي لقطع الألبان خوفاً على صحتك. دمتم بصحة وعافية. لو شايف المعلومات في البوست مفيدة ليك ساعدنا في نشرها بعمل إعجاب ومشاركة. #كلام_في_الطب_د_محمد_ممدوح #تغذية_علاجية #الألبان #الطيبات

ممارسة الرياضة بانتظام بتحافظ على وظائف الكلى في دراسة كبيرة اتعملت على 1837 شخص (ما بين 50–64 سنة) ماعندهمش سكر ولا ضغط ولا أمراض قلب أو كلى في البداية، الباحثين لقوا إن الناس اللي بيلعبوا رياضة باستمرار تقريبًا كل يوم أو 5 مرات في الأسبوع، كان عندهم خطر أقل بنسبة 71% إن وظائف الكلى عندهم تسوء مقارنة باللي ما بيتمرّنش خالص. الدراسة استمرّت 11 سنة، وتابعت قياسات وظائف الكلى (GFR) بشكل دقيق. الناس اللي التزموا بتوصيات منظمة الصحة العالمية (150 دقيقة مشي سريع أو ركض في الأسبوع) كان عندهم تدهور أبطأ في الكلى. كل ما زادت مرات التمرين الأسبوعية، كان تدهور الكلى أبطأ. يعني في علاقة مباشرة بين زيادة النشاط البدني وحماية الكلى. ده تدخل بسيط، من غير تكلفة تقريبًا، لكنه بيعمل فرق ضخم في الصحة العامة ويقلّل احتمال الفشل الكلوي مستقبلاً. حتى المشي السريع ربع ساعة كل يوم كان ليه له فايدة كبيرة. الحركة صحة. #كلام_في_الطب_د_محمد_ممدوح

كل ما تريد معرفته عن تطعيم أو مصل الانفلونزا. - مين المفروض ياخد تطعيم الانفلونزا الموسمية ؟ مركز مكافحة الأمراض المعدية بيقول إن أي حد عمره أكبر من ست شهور المفروض ياخده كل سنة.. فيها فئات ليها الأولوية وهي الفئات الأكتر عرضة لمضاعفات الانفلونزا زي الناس الكبيرة في السن فوق الخمسين سنة والأطفال تحت الأربع سنوات والحوامل ومعاهم الناس اللي عندها مشاكل تنفسية أو مناعتها ضعيفة ومرضى الزرع. مرضى الأمراض المزمنة زي مرضى السكر والكلى الأفضل برضه إنهم ياخدوه. - هل فيه حد مينفعش ياخده ؟ ١-الأطفال أقل من ست شهور. ٢-الناس اللي عندها حساسية شديدة من البيض لأن أغلب أنواعه بتحتوي على بروتينات موجودة في البيض. ٣-الناس اللي ظهر عندها حساسية من تطعيم الانفلونزا قبل كده. - إمتى بيتاخد التطعيم ؟ مع بداية فصل الشتا لو متوفر .. تطعيم كل سنة هو خاص بالسنة دي ومينفعش يتاخد في السنة اللي بعدها. - هل فيه فرق بين التطعيمات الموجودة في السوق وجرعتها إيه ؟ في مصر وأغلب العالم فيه نوعين من تطعيم الانفلونزا وهما : - التطعيم الثلاثي Trivalent vaccine اسمه كده عشان فيه ٣ سلالات للانفلونزا.. لو الطفل من ست شهور لتلات سنين بياخد نص جرعة الكبير ربع ملل بدل نص ملل. - التطعيم الرباعي Quadrivalent vaccine فيه سلالة إضافية من سلالات الانفلونزا.. الأطفال والكبار بياخدوا نفس الجرعة وهي نص ملل.. أنواعه التجارية : - Influvac tetra مش بيتاخد في الأطفال أقل من تلات سنوات. - Vaxigrip tetra بيتاخد في الأطفال فوق الست شهور. التطعيم سواء الثلاثي أو الرباعي بيبقى جرعة واحدة لكن لو اللي بياخد التطعيم سنه أقل من تسع سنين ومخدش التطعيم بتاع الانفلونزا ولا مرة في السنين اللي قبل كده بيحتاج جرعتين الفرق بينهم شهر. - هل فيه علاقة بين تطعيم الانفلونزا وفيروس كورونا ؟ تطعيم الانفلونزا لا يحمي من فيروس كورونا.. الانفلونزا والكورونا عيلتين مختلفتين من الفيروسات.. مش معروف حتى الآن هل الإصابة بالإنفلونزا بتخليك أكتر عرضة لمضاعفات الكورونا لو أصبت بها في نفس الوقت ولا لأ.. لكن مفيش ما يمنع نظرياً إن إنسان يصاب بالاتنين مع بعض.. - هل اللي أصيبوا بالكورونا ممكن ياخدوا التطعيم ؟ أيوه ممكن ياخدوه زي بقية الناس بعد التعافي. - خلصت كده ؟ معلومة أخيرة.. فيه نوع تاني من تطعيم الانفلونزا بيبقى على شكل بخاخ للأنف Nasal spray وده live attenuated بعكس التطعيم الحقن ومش منتشر ولا متاح في مصر وده مينفعش في الأطفال تحت السنتين ومرضى الزرع والناس إللي عندها مشاكل صحية أو مناعتها ضعيفة.. من الآخر ملكوش دعوة بيه. 😁 لو المعلومات في البوست مفيدة متنساش تنشره ليعم النفع. #كلام_في_الطب_د_محمد_ممدوح

هل الاير فراير تسبب السرطان ؟ في السنوات الأخيرة، انتشرت أجهزة الـ Air Fryer بشكل كبير، وبدأت الناس تعتبرها بديل صحي للقلي التقليدي. لكن، ظهرت شائعات بتقول إن استخدامها ممكن يسبب السرطان! هل فعلاً بتسبب السرطان؟ وهل هي صحية زي ما الناس بتقول؟ تعالى نفهم 👇 🍟 أولاً: إيه الحكاية؟ في ناس كتير بتخاف من الأير فراير بسبب كلام عن إنها ممكن تسبب السرطان، والسبب في كده مادة اسمها الأكريلاميد. 🧪 يعني إيه أكريلاميد؟ الأكريلاميد مادة كيميائية ممكن تتكوّن لما نسوي أكل غني بالنشويات (زي البطاطس مثلاً) في حرارة عالية (أكثر من 120 درجة مئوية) .. الدرجات دي الأكل بيوصل لها مع القلي أو الخبز أو التحميص. خصوصًا لما يتحمّر ويوصل للون بني غامق. يعني الأكريلاميد مش بس بيطلع من الأير فراير، بيطلع كمان لما نطبخ في الفرن العادي على حرارة عالية، أو لما نقلي في الزيت، أو حتى لما نحمّص العيش. ❗️الدراسات على الحيوانات أثبتت إن الأكريلاميد ممكن يكون مادة مسرطنة، لكن الكميات اللي بنتعرض لها في الأكل يوميًا أقل بكتير من الكميات اللي سببت مشاكل في الدراسات دي. 📊 مستويات الأكريلاميد حسب طريقة الطهي: القلي العميق بيعمل أعلى مستويات من الأكريلاميد.​ الفرن العادي: أقل من القلي.​ الأير فراير: أقل من القلي وممكن تبقى أعلى حاجة بسيطة من الفرن.​ 📉 إزاي نقلل خطر الأكريلاميد؟ - ننقع البطاطس في مية قبل الطبخ حوالي 15-30 دقيقة. - نطبخ البطاطس لحد ما توصل للون دهبي فاتح مش بني غامق. - نقلل وقت الطبخ على حرارة عالية. ✅ يعني الأير فراير آمن؟ مفيش دليل علمي بيقول إن استخدام الأير فراير بيزود خطر الإصابة بالسرطان. بالعكس، لأنه بيقلل استخدام الزيت، فهو: - بيقلل الدهون المشبعة اللي بتأذي القلب. - بيساعد على التحكم في الوزن. - وممكن يكون بديل آمن وأخف من القلي العميق. 🔥 طيب والفرن العادي؟ الفرن العادي برضه آمن جداً، ومش بيحتاج زيت كتير، وكمية الأكريلاميد اللي ممكن تطلع فيه أقل من القلي العميق، وبتكون قريبة من الأير فراير. 🧠 الخلاصة: الأير فراير مش جهاز سحري، بس فعلاً أذكى من القلي في الزيت. ولو استخدمناه صح، هيكون وسيلة ممتازة لطهي أكل مقرمش وأخف في نفس الوقت. أما حكاية السرطان؟ فهي مبالغ فيها جداً! #كلام_في_الطب_د_محمد_ممدوح

خلال اليومين اللي فاتوا انتشر على السوشيال ميديا بوست ونقاشات عن SIBO "Small Inestine Bacterial Overgrowth" أو "فرط نمو البكتيريا في الأمعاء الدقيقة" في البوست ده هنشرح بالتفصيل .. يعني إيه SIBO؟ إيه أسبابه وأعراضه الشائعة؟ هل ممكن يبدأ من اكلة واحدة تدمر الحياة وتحبس مايه في الجسم؟ إزاي بيتشخص؟ وإيه علاجه؟ --- يعني إيه SIBO؟ فرط نمو البكتيريا في الأمعاء الدقيقة. يعني ببساطة: البكتيريا اللي المفروض تعيش في القولون، بتوصل بالغلط للأمعاء الدقيقة وتبدأ تتكاثر هناك. وده بيعمل خلل في الهضم والامتصاص ومشاكل بالقولون . --- الأسباب الشائعة: - مشاكل في حركة الأمعاء (زي اللي بيحصل مع مرضى السكري أو القولون العصبي) - عمليات جراحية في البطن تؤثر على مسار الطعام - انخفاض حموضة المعدة أو تناول أدوية تثبطها لفترة طويلة زي أدوية المعدة - خلل في المناعة أو بعض الأمراض المزمنة --- الأعراض الشائعة: الأعراض تتشابه بشكل كبير مع أعراض القولون : انتفاخ مستمر بعد الأكل. ألم في البطن. إسهال أو إمساك متكرر. غازات برائحة كريهة. حموضة أو ارتجاع. شعور بالجوع المستمر أو الشبع السريع. نقص الوزن أو ثباته رغم قلة الأكل. حساسية من بعض الأطعمة (خصوصًا الكربوهيدرات). --- هل ممكن يدمر حياتك؟ صعب جداً لأنه مش مرض قاتل، لكن ممكن .. يعمل مشاكل مزمنة في الهضم. يأثر على امتصاص الفيتامينات والمعادن. يعمل فقدان وزن أو زيادة وزن غير مفهومة. يسبب إرهاق، تقلبات مزاجية. -- صعب جداً المرض ده يسبب احتباس السوائل في الجسم أو زيادة الوزن بنسبة كبيرة بشكل مفاجيء إلا لو معاه مشاكل تانية في القلب أو الكلى.. أو مشاكل نفسية وتغيرات في الأكل والنشاط البدني.. -- هل ممكن يبدأ من "أكلة واحدة"؟ الأكل الملوث ممكن ينقل بكتيريا تسبب عدوى، والعدوى ممكن تتطور (خاصة في ظروف معينة زي ضعف المناعة أو مشاكل هضمية سابقة) ومع الوقت تتحول إلى خلل ميكروبي يعني: الأكل الملوث ممكن "يساهم"، لكن مش هو السبب الوحيد ومش أكلة واحدة تعمل خلل في ميكروبات الأمعاء الدقيقة.. لكن مع التكرار ووجود عوامل خطورة ده ممكن يحصل. --- إزاي بيتشخص؟ التشخيص الدقيق بيكون بعمل اختبار التنفس الهيدروجين والميثان.. بتشرب فيه محلول فيه سكر (لاكتولوز أو جلوكوز). بعدها بتتنفّس في كيس كل 15-20 دقيقة. لو البكتيريا موجودة في الأمعاء الدقيقة، هتتغذى على السكر وتنتج غازات (هيدروجين أو ميثان) بتتقاس في النفس. النتيجة العالية بتدل على وجود المرض. أو بأخذ عينة من سائل الأمعاء الدقيقة بالمنظار وتحليلها. -- هل ليه علاج؟ العلاج بسيط بيكون - بتعديل النظام الغذائي مشابه للتعديل اللي بيتعمل لمرضى القولون العصبي استبعاد الأكلات عالية التخمير زي البصل والتوم والبقوليات - مضادات حيوية بسيطة أغلب الأطباء بيستخدموها.. - دعم البكتيريا النافعة بالمخللات الطبيعية والزبادي والأكلات الصحية.. وفيه أقراص برضه موجودة ممكن الدكتور يستخدمها. - أدوية تقلل أعراض القولون وتحسن الهضم.. --- الخلاصة: دايماً بننصح تاكل أكل صحي من البيت وتبعد عن الأكلات السريعة وأكل المطاعم إلا عند الضرورة.. لكن الموضوع مش مستاهل الضجة والقلق الحاصل على السوشيال ميديا. --- لو شايف إن البوست ده ممكن يساعد حد أو يصحح معلوماته متنساش تنشره للأصدقاء. #كلام_في_الطب_د_محمد_ممدوح

مرضى كتير أما بيتقالهم إن القصور الكلوي المزمن ملوش علاج يشفي منه نهائياً بيقولوا خلاص يبقى مش فارقة ولا نتابع ولا ناخد علاج طالما كده كده مش بيروح.. وده غلط كبير في فهم طبيعة الأمراض المزمنة.. لو هناخد مثال يوضح الفكرة.. لو عندنا اتنين في سن الستين مثلاً في نفس الحالة الصحية وعندهم قصور كلوي مزمن في المرحلة التانية.. ودي تعتبر في البدايات.. يعني كرياتنين من ١.٥-٢ تقريباً.. المريض أ.. متابعش من بدري ولا انتظم في العلاج والمتابعة ولا خد الأدوية اللازمة للحفاظ على وظيفة الكلى.. المريض ب.. اتشخص وتابع بدري وانتظم في العلاج والمتابعة وخد الأدوية اللازمة للحفاظ على وظيفة الكلى.. الأبحاث بتقولنا إن بعد ٧-١٠ سنين تقريبا المريض أ هيوصل للمرحلة الأخيرة مرحلة الفشل الكلوي وهيحتاج يغسل أو يزرع.. لكن المريض ب عشان يوصل لنفس المرحلة دي هيحتاج ٢١ سنة وأكثر.. وربما لا يصل لتلك المرحلة .. يعني فرق أكثر من ١١ سنة بعيداً عن الغسيل الكلوي .. وده بالتأكيد حاجة تستحق الاهتمام والمتابعة.. لو نفس المرضى لكن تم اكتشافهم والتدخل العلاجي معاهم بشكل متأخر ده برضه بيبعدنا عن الغسيل الكلوي.. لكن مدة أقل.. حوالي ٣-٥ سنوات. عشان كده بنقول دايماً : اكشف بدري.. اعمل تحليل وظايف كلى وتحليل بول بصفة دورية.. ارجع لدكتور الكلى حتى لو فيه ارتفاع بسيط في الكرياتينين.. والتزم بالعلاج والمتابعة. #كلام_في_الطب_د_محمد_ممدوح

💡 ملخص لأخبار مهمة عن السمنة وعلاجاتها💡 السمنة مش بس بتأثر على المظهر الخارجي، السمنة مرض مزمن بيأثر على جودة حياتنا وصحتنا لكن التطورات العلمية في السنين الأخيرة قدمت حلول فعّالة لعلاج السمنة، سواء من أدوية السكر الجديدة أو الجراحات المختلفة👇 1️⃣ "ريتاتروتايد": بطل جديد في عالم السمنة! بعد الأدوية اللي بتشتغل على مستقبل واحد زي الأوزميبك واللي بتشتغل على مستقبلين زي المونجارو .. ظهر ريتاتروتايد اللي بيشتغل على تلات مستقبلات .. الدواء الجديد يعتبر من أقوى أدوية السمنة في السوق حاليًا، والمرضى اللي استخدموه قدروا يخسروا وزن بنسبة أكبر بكتير من غيره من الأدوية. نتائج الدواء ده ممكن تكون ثورية لمرضى السمنة والسكر. 2️⃣ في خطوة تعتبر تاريخية، دواء السمنة الجديد تيرزيباتيد من "ليلي" أصبح مغطى تحت التأمين الصحي ميديكير في أمريكا. ده معناه إن المرضى اللي بيعانوا من السمنة وانقطاع النفس أثناء النوم يقدروا دلوقتي يحصلوا على العلاج بشكل أرخص وأسهل. ولأن انقطاع النفس أثناء النوم مرض مرتبط مباشرة بالسمنة، فالتأمين اعتبره علاج أساسي وغطى تكلفته .. نتمنى في المستقبل نشوف خطوات مماثلة عندنا ! 3️⃣ دراسة جديدة طرحت سؤال مهم: "إيه أفضل طريقة لعلاج السمنة؟ الدايت، الأدوية، ولا جراحات السمنة؟ " والإجابة كانت ببساطة: "حسب حالتك الصحية". 🔹 *لو السمنة لسه في مراحلها الأولى:* الدايت والرياضة ممكن يكونوا كافيين مع شوية التزام. 🔹 *لو السمنة متقدمة ووزنك مش بينزل بسهولة: أدوية زي "GLP-1" (زي "ريتا تروتايد") بتوفر نتائج مبهرة وبتساعد على خسارة وزن كبيرة من غير تدخل جراحي. 🔹 *في حالات السمنة المفرطة جدًا:* الجراحات زي التكميم أو تحويل المسار بتكون الخيار الأفضل لأنها بتغير أسلوب التعامل مع الأكل تمامًا. #كلام_في_الطب_د_محمد_ممدوح

📢 فيروس جديد يكتسح الصين.. إيه القصة؟ الفترة الأخيرة، الأخبار مليانة كلام عن فيروس جديد بيظهر بقوة في الصين، وبيسبب قلق . الفيروس هو HMPV أو المعروف باسم الفيروس الرئوي البشري أو الميتانيمو تعالوا نفهم إيه الحكاية: 🔹 إيه هو الفيروس ده؟ ده فيروس تنفسي قديم مش جديد تم اكتشافه في عام 2001 بيعمل أعراض شبيهة بالبرد زي السعال والرشح والحرارة. وفي بعض الحالات، ممكن يسبب مشاكل أكبر زي التهاب الرئة خصوصًا عند الأطفال وكبار السن أو الناس اللي عندهم مشاكل في المناعة. 🔹 ليه الكلام عليه دلوقتي؟ الصين بتشهد زيادة في عدد الحالات، وده عمل قلق عند الناس هناك، خصوصًا إن المستشفيات بقت زحمة بالأطفال اللي أقل من 14 سنة. لكن السلطات الصحية أكدت إن الزيادة دي متوقعة في الشتاء ومافيش دليل إنها أخطر من المعتاد. 🔹 هل في خطر عالمي؟ لحد دلوقتي، منظمة الصحة العالمية بتقول إن الفيروس ما بيشكلش تهديد عالمي زي كورونا. وإن الأعراض بتتعالج عادي جدًا بالراحة وشرب السوائل وأدوية البرد اللي من غير روشتة. 🔹 هل فيه لقاح ؟ للأسف، مفيش لقاح مخصص للفيروس ده لحد دلوقتي، لكن الوقاية هي الحل 🛡️ إزاي نحمي نفسنا؟ - اغسل إيديك كويس وباستمرار - ابعد عن أي حد عنده أعراض برد - لو حاسس بتعب، ارتاح في البيت 💡 الخلاصة: الفيروس ده مش جديد، وأعراضه غالبًا بسيطة وبتعدي. المهم نفضل حريصين على صحتنا وصحة اللي حوالينا. هتلاقوا المصادر في التعليقات ولو عندكم أي أسئلة أو استفسارات، اكتبوها في الكومنتات 👇 #كلام_في_الطب_د_محمد_ممدوح

---- يعني إيه أكياس الكلى وايه أنواعها ؟ https://www.tiktok.com/@dr.mohamed.m.abdalbary/video/7403340263533382930 https://www.facebook.com/share/v/1DbaPuTUC9/ تكيسات الكلى الوراثية - الحلقة الأولى الأسباب وطبيعة المرض https://www.tiktok.com/@dr.mohamed.m.abdalbary/video/7425209125866409234 https://www.facebook.com/share/v/15Ff9Weio8/ تكيسات الكلى الوراثية - ٢ التشخيص والأعراض https://www.tiktok.com/@dr.mohamed.m.abdalbary/video/7426888710416813330 https://www.facebook.com/share/v/1BL8a3XLXf/ تكيسات الكلى الوراثية - ٣ إمتى نبدأ نعمل فحص للأولاد لو الأب أو الأم عندهم تكيسات الكلى الوراثية https://www.tiktok.com/@dr.mohamed.m.abdalbary/video/7429035138945748242 https://www.facebook.com/share/v/1A2nVMg4yG/ تكيسات الكلى الوراثية - ٤ إيه العلاج؟ نعمل إيه لتاخير الفشل الكلوي https://www.tiktok.com/@dr.mohamed.m.abdalbary/video/7430463777499680008 https://www.facebook.com/share/v/18V5QhJTWr/ ---- ينفع نطبخ ونقلي بزيت الزيتون ؟ https://www.tiktok.com/@dr.mohamed.m.abdalbary/video/7452855257404591368 https://www.facebook.com/share/v/1Gn6v7uAgP نصائح مهمة جداً لتجنب مضاعفات سرطان الثدي و القولون والكبد https://www.tiktok.com/@dr.mohamed.m.abdalbary/video/7401848650630008072 https://www.facebook.com/share/r/15AkA3SPA7 معلومات مهمة للوقاية من أورام الرحم والبروستاتا https://www.tiktok.com/@dr.mohamed.m.abdalbary/video/7407066443721772295 https://www.facebook.com/reel/898127878826073

البوست ده احفظه عندك وابعته لأي مريض كلى تعرفه أو لأي حد مهتم بالمعلومات الطبية عموماً .. هتلاقوا فيه كل الفيديوهات اللي عملتها خلال الشهور اللي فاتت للتوعية عن أمراض الكلى وغيرها وهيضاف ليه الفيديوهات الجاية إن شاء الله .. ---- علاج إلتهابات مجرى البول المتكررة https://www.tiktok.com/@dr.mohamed.m.abdalbary/video/7445074894380895496 https://www.facebook.com/share/v/1D33wWBuQb/ إزاي تمنع تكون حصوات وأملاح الكلى ؟ https://www.tiktok.com/@dr.mohamed.m.abdalbary/video/7395322095770684680 https://www.facebook.com/share/v/19tiJCWnWD/ عملت تحليل وطلع عندك نقرس.. تعمل إيه ؟! https://www.tiktok.com/@dr.mohamed.m.abdalbary/video/7439874849335463175 https://www.facebook.com/share/v/1DoXs5dToX/ أسباب كثرة التبول دليلاً وطريقة العلاج https://www.tiktok.com/@dr.mohamed.m.abdalbary/video/7433172666846088466 https://www.facebook.com/share/v/15UVQQGsRr/ --- لو عندك زلال في البول إزاي تحافظ على الكلى بتاعتك ؟ https://www.tiktok.com/@dr.mohamed.m.abdalbary/video/7390048629924433159 https://www.facebook.com/share/r/15oQCe43jB/ أهم النصائح لمريض الكلى لتجنب الفشل الكلوي https://www.tiktok.com/@dr.mohamed.m.abdalbary/video/7411219863278062866 https://www.facebook.com/share/v/19kop2bA1j/ الأكل المفيد لمريض القصور الكلوي المزمن الخطوط العريضة في التغذية المفيدة لمريض القصور الكلوي المزمن https://www.tiktok.com/@dr.mohamed.m.abdalbary/video/7418682373451156744 https://www.facebook.com/share/v/1SXn2ZVZoX/ احترس من الأعراض الصامتة للفشل الكلوي https://www.tiktok.com/@dr.mohamed.m.abdalbary/video/7399650785702825224 https://www.facebook.com/share/r/1BK4utsPvw/ الاختيارات الطبية قدام مريض المرحلة الأخيرة من القصور الكلوي المزمن https://www.tiktok.com/@dr.mohamed.m.abdalbary/video/7414629374072278290 https://www.facebook.com/reel/1579111116034098 كشف حقيقة جودة عواد.. احذر على كليتك من نصائحه https://www.tiktok.com/@dr.mohamed.m.abdalbary/video/7438227143332547858 https://www.facebook.com/share/v/15TwjrGLaL/ ---- يعني إيه قصور كلوي حاد - ارتفاع الكرياتنين ؟ https://www.tiktok.com/@dr.mohamed.m.abdalbary/video/7382631485003549959 https://www.facebook.com/share/r/14XHydmvAx الكالسيمات والوان ألفا مش علاج للكلى! أمال إيه العلاج؟ وليه بنستخدم الكالسيمات والوان ألفا في بعض الحالات https://www.tiktok.com/@dr.mohamed.m.abdalbary/video/7442403639630810376 https://www.facebook.com/share/v/17oMAGC8SS/ إيه هيا أسباب وطرق علاج القصور الكلوي الحاد ؟ https://www.tiktok.com/@dr.mohamed.m.abdalbary/video/7383437686469594375 https://www.facebook.com/share/r/1BWPVVoCJf/ ---- يعني إيه التهاب نفروزي أو التهاب الكلى ؟ إيه أسبابه ؟ وامتى نشك إن فيه التهاب نفروزي https://www.tiktok.com/@dr.mohamed.m.abdalbary/video/7386036696539794695 https://www.facebook.com/share/r/15VN4eho3A إزاي بنشخص الالتهاب النفروزي ؟ وإيه دور العينة الكلوية ؟ https://www.tiktok.com/@dr.mohamed.m.abdalbary/video/7387886658265337096 https://www.facebook.com/share/r/1BWfzjvHQs/ إزاي بنعمل عينة الكلى وإيه التعليمات والاحتياطات قبلها وبعدها https://www.tiktok.com/@dr.mohamed.m.abdalbary/video/7450209807971437842 https://www.facebook.com/share/v/1H5txrYgWX\ هل عينة الكلى مطلوبة في كل حالات الالتهاب النفروزي ؟ https://www.tiktok.com/@dr.mohamed.m.abdalbary/video/7388964052514426120 https://www.facebook.com/share/r/15xiduWH1E/ ---- التحاليل والفحوصات اللي لازم أي مريض سكر يعملها كل فترة https://www.tiktok.com/@dr.mohamed.m.abdalbary/video/7397146892846583057 https://www.facebook.com/share/v/1PswdeMpuT/ لو عندك السكر إزاي تحافظ على الكلى ؟ https://www.tiktok.com/@dr.mohamed.m.abdalbary/video/7400902644811713799 https://www.facebook.com/share/r/1XrSB8ErHA/ سبب رئيسي لوجود سكر بالبول برغم عدم وجود مرض السكر https://www.tiktok.com/@dr.mohamed.m.abdalbary/video/7455390397787835666 https://www.facebook.com/share/v/1Czzvdf4j1/ خطأ كبير بيقع فيه كل مرضى الضغط https://www.tiktok.com/@dr.mohamed.m.abdalbary/video/7392695514233408776 هل مريض الضغط والكلى يشرب قهوة ؟ هل القهوة غلط على القلب ؟ إيه تأثير القهوة على الكبد https://www.tiktok.com/@dr.mohamed.m.abdalbary/video/7434616406106246407 https://www.facebook.com/share/v/1Ac92D9rsu/

إزاي بناخد عينة "خزعة" الكلى؟ وايه التعليمات والاحتياطات قبل وبعد العينة الكلوية؟ لو عندكم أسئلة أو تجارب مع عينة الكلى اكتبوها في التعليقات https://www.facebook.com/share/v/15vnqHfNdg/

أدوية السكر والتخسيس من عيلة GLP-1 Agonists زي الساكسيندا والاوزمبيك أو الأدوية الجديدة زي المونجارو مع انتشار استخدامها وبعض الأخبار عنها كتر الكلام عليها في الفترة الأخيرة.. في البوست ده هنتكلم عنها بالتفصيل.. 🔸 الدراسات على الأدوية اتعلمت على آلاف البشر وأثبتت كفاءة عالية وبياخدها ملايين البشر حالياً في العالم كله.. لكن أي دواء ممكن يبقى ليه آثار جانبية.. 🔷 أغلب الآثار الجانبية بتكون حاجات بسيطة يسهل علاجها ومرتبطة بطريقة عمل الأدوية دي زي: 🔸 غثيان أو ميل للقيء خصوصًا أول ما تبدأ الدواء، بس ده غالبًا بيقل مع الوقت. 🔸 إسهال أو إمساك: تغيير في حركة الأمعاء وارد يحصل، بس بيتظبط بعد كده. 🔸 انتفاخ أو عسر هضم: تحس إن معدتك تقيلة شوية بعد الأكل. 🔸 صداع: ممكن ييجي بشكل خفيف ومش مزعج أوي. 🔸 تعب عام: تحس إنك مرهق أو كسلان أول كام يوم من الاستخدام. 🔷 نصائح للتعامل مع الآثار الجانبية دي: 🔸 لو فيه غثيان، حاول تاكل وجبات صغيرة وخفيفة. 🔸 اشرب مياه كتير لو فيه إسهال عشان تعوض السوائل. 🔸 ارجع للدكتور تآني لو أي عرض طول أكتر من اللازم أو كان مزعج بالنسبة لك. 🔷 بعض الآثار الجانبية بتبقى خطيرة لكنها نادرة الحدوث.. نسب حدوثها تقريباً ١٪ أو أقل.. ودي اللي بعضها عمل ذعر للناس على مواقع التواصل .. زي 🔸 التهاب البنكرياس: ممكن المريض يحس بألم شديد جدًا في البطن ممكن يمتد للظهر غالبًا بيكون مصحوب بغثيان أو قيء مستمر وهنا لازم توقف الدواء وتراجع الدكتور. 🔸 مشاكل المرارة: ألم في الجانب الأيمن من البطن مع غثيان أو قيء. 🔸 تغيرات في المزاج: أحيانًا تظهر أعراض زي الاكتئاب أو التفكير السلبي، لكنها نادرة جدًا. 🔸 حساسية: زي أي دواء آخر.. لو كانت شديدة في صورة طفح جلدي أو صعوبة في التنفس أو تورم في الوجه والشفتين لازم تروح للطوارئ. .. 🔷 الأدوية نفسها مش "مسببة للوفاة"، لكن زي أي دواء قوي، لو حصلت مضاعفات وما تمش التعامل معاها بسرعة، ممكن تبقى خطيرة. .. 🔷 على الناحية التانية فوايد الأدوية كتيرة جداً وغيرت حياة آلاف البشر زي : 🔸 تحسين السكر في الدم 🔸المساعدة على فقدان الوزن.. بتقلل الشهية وبتبطّئ تفريغ المعدة، فبتخليك تحس بالشبع لفترة أطول. بتحفز هرمونات الشبع وتثبط هرمونات الجوع وده بيخليها فعالة جدًا للناس اللي بيعانوا من السمنة أو زيادة الوزن. 🔸تقليل خطر أمراض القلب : بتقلل خطر الجلطات القلبية والسكتات الدماغية عند مرضى السكر من النوع التاني. 🔸تحسين صحة الجهاز الهضمي: بتقلل حركة الأمعاء بشكل بيساعد في تقليل مشاكل الهضم المرتبطة بالأكل السريع أو غير الصحي. 🔸 تقليل مضاعفات مرض السكر زي مشاكل الكلى، الأعصاب، والعيون. 🟫 الخلاصة: الأدوية دي بتعتبر "ثورة" في علاج السكر والسمنة، وفوايدها مش بس بتظهر في التحسن السريع، لكن كمان في الوقاية من مشاكل صحية خطيرة على المدى الطويل. لو بتاخدها عشان السكر أو السمنة متقلقش من الأخبار اللي بتسمعها لكن زي أي دواء لازم تستخدم تحت إشراف طبي كامل. 🔘 متنساش تشير البوست عشان الناس تفهم الصورة بشكل كامل ولو بتستخدم الأدوية دي بشكل شخصي قولنا تجربتك في الكومنتات. #كلام_في_الطب_د_محمد_ممدوح

🔸 تطعيم الانفلونزا .. معلومات مهمة 🔸 - مين المفروض ياخد تطعيم الانفلونزا الموسمية❓ مركز مكافحة الأمراض المعدية بيقول إن أي حد عمره أكبر من ست شهور المفروض ياخده كل سنة.. فيها فئات ليها الأولوية وهي الفئات الأكتر عرضة لمضاعفات الانفلونزا زي الناس الكبيرة في السن فوق الخمسين سنة والأطفال تحت الأربع سنوات والحوامل ومعاهم الناس اللي عندها مشاكل تنفسية أو مناعتها ضعيفة ومرضى الزرع. - مين مينفعش ياخده❓ ١-الأطفال أقل من ست شهور. ٢-الناس اللي عندها حساسية شديدة من البيض لأن أغلب أنواعه بتحتوي على بروتينات موجودة في البيض. ٣-الناس اللي ظهر عندها حساسية من تطعيم الانفلونزا قبل كده. - إمتى بيتاخد التطعيم❓ مع بداية فصل الشتا لو متوفر .. تطعيم كل سنة هو خاص بالسنة دي ومينفعش يتاخد في السنة اللي بعدها. - هل فيه فرق بين التطعيمات الموجودة في السوق وجرعتها إيه ؟❓ في مصر وأغلب العالم فيه نوعين من تطعيم الانفلونزا وهما : - التطعيم الثلاثي Trivalent vaccine اسمه كده عشان فيه ٣ سلالات للانفلونزا.. لو الطفل من ست شهور لتلات سنين بياخد نص جرعة الكبير ربع ملل بدل نص ملل. - التطعيم الرباعي Quadrivalent vaccine فيه سلالة إضافية من سلالات الانفلونزا.. الأطفال والكبار بياخدوا نفس الجرعة وهي نص ملل.. أنواعه التجارية❓ - Influvac tetra قبل كده مكنش بيتاخد أقل من تلات سنين لكن السنة دي عدلوه وبقى ينفع يتاخد فوق الست شهور. - Vaxigrip tetra بيتاخد في الأطفال فوق الست شهور. التطعيم سواء الثلاثي أو الرباعي بيبقى جرعة واحدة لكن لو اللي بياخد التطعيم سنه أقل من تسع سنين ومخدش التطعيم بتاع الانفلونزا ولا مرة في السنين اللي قبل كده بيحتاج جرعتين الفرق بينهم شهر. - خلصت كده❓ معلومة أخيرة.. فيه نوع تاني من تطعيم الانفلونزا بيبقى على شكل بخاخ للأنف Nasal spray وده live attenuated بعكس التطعيم الحقن ومش منتشر ولا متاح في مصر وده مينفعش في الأطفال تحت السنتين ومرضى الزرع والناس إللي عندها مشاكل صحية أو مناعتها ضعيفة.. من الآخر ملكوش دعوة بيه. 😁 متنسوش الإعجاب والمشاركة عشان يعم النفع بالمعلومات الطبية. #كلام_في_الطب_د_محمد_ممدوح

النظام الغذائي المحاكي للصيام ممكن يحسن وظائف الكلى في مرضى القصور الكلوي المزمن حسب تجارب أولية.🩺 🔸Fasting-mimicking diet (FMD) أو النظام المحاكي للصيام هو نظام غذائي مصمم بحيث يدي الجسم نفس الفوائد اللي بيحققها الصيام التقليدي، بس من غير الامتناع التام عن الأكل. يعني هو صيام بشكل غير مباشر، الشخص بيقلل فيه جدًا من كمية السعرات الحرارية والنشويات والبروتينات، وبيستمر في استهلاك كمية قليلة من الأكل لأيام محددة بتكون في الغالب من 3 لـ 5 أيام كل شهر. 🔸 النظام ده اتعمل عليه دراسات حديثة بتقول إنه بيحفز الجسم على التخلص من الخلايا التالفة وتجديد الأنسجة 🧬 ، وبيساعد على تقليل مستويات الالتهاب وتحسين صحة الأوعية الدموية. 🔸 بيتكون النظام في أيام تطبيقه من أكلات بسيطة فيها سعرات أقل من 1000 سعر حراري بس .. ممكن يبقى فيها شوربة خضار - سلطات 🌱 - شاي خالي من الكافيين - مايه - بعض الفيتامينات والمعادن الأساسية 💊. 🔸دراسة جديدة بتقول إن النظام ده ممكن يساعد في تحسين وظائف الكلى عند الناس اللي عندهم قصور مزمن بالكلى. 🔸التجربة اتعملت بنظام غذائي قليل الملح بيحاكي الصيام لمدة 5 أيام في الشهر ولمدة 3 شهور. 🔸 كان فيه شق اتعمل على فئران التجارب ولقى إن النظام ده بيقلل من زلال البول 🐭 وتدهور أنسجة الكلى وخفف الأضرار اللي بتحصل في الأنابيب الكلوية 🚫. 🔸كمان فيه تجربة أولية على 13 شخص عندهم المرحلة التالتة من مرض الكلى المزمن، وكانوا بياكلوا أكل نباتي غني بالفيتامينات والمعادن .. ولقوا تحسن في زلال البول. 🔸النتائج دي لسه مبدئية ومحتاجين دراسات أكبر عشان نتأكد من فعالية النظام ده ونشوف إذا ممكن يساعد فعلاً في تحسين وظائف الكلى .. لكن دي مؤشرات على إن النظام ده ممكن يبقى ليه نفع في المستقبل. متنسوش تسجيل الإعجاب والمشاركة عشان يعم النفع بالمعلومات الطبية. #كلام_في_الطب_د_محمد_ممدوح

خبر مهم للناس اللي بتعاني من التهابات المسالك البولية المتكررة. - منظمة الغذاء والدواء الأمريكية وافقت على دواء جديد اسمه أورلينفا Orlynvah - ده أول مضاد حيوي من عيلة الـ "بينم" بيتاخد عن طريق الفم ويتوافق عليه في أمريكا، وكمان ده تاني علاج بيتوافق عليه للتهابات المسالك البولية غير المعقدة خلال الـ20 سنة اللي فاتوا. - الدواء معمول مخصوص للعدوى اللي بقت مقاومة للأدوية العادية، وبيستهدف أنواع بكتيريا منتشرة زي *E. coli* و*Klebsiella* و*Proteus mirabilis*، وده بيفيد الناس اللي بيعانوا من التهابات مش بتتحسن بالأدوية التقليدية. - الدواء فيه مكونين مهمين: *sulopenem etzadroxil* اللي بيشتغل كمضاد حيوي قوي، و*probenecid* اللي بيساعد على تقوية تأثير المضاد الحيوي ده عشان يفضل شغال في الجسم فترة أطول. - فيه دراسات سريرية أكدت إن الدواء فعّال مع العدوى المقاومة، وده بيدي أمل لكتير من السيدات اللي بيعانوا من مشاكل متكررة في المسالك البولية. - الدواء لسه مش موجود في مصر لكن إن شاء الله يتوفر في المستقبل القريب .. كمان مهم نعرف إن الدوا ده مش مخصص للحالات اللي بتحتاج علاج داخل المستشفى. #كلام_في_الطب_د_محمد_ممدوح

تكيسات الكلى الوراثية من أكتر الحالات اللي بنقابلها وواحدة من أكتر الأمراض الوراثية المنتشرة في العالم في الأربع حلقات القصيرة دي حاولت أغطي كل المعلومات المهمة للمرضى 1- يعني إيه تكيسات الكلى الوراثية ؟ https://www.facebook.com/share/v/KTuPocyHHPqhVkZc/ 2- التشخيص والأعراض https://www.facebook.com/share/v/Pc6yCZH5E4P2sU9E/ 3- إمتى نطمن على الأولاد ؟ https://www.facebook.com/share/v/PQPVmueohJp2Yowh/ 4- العلاج https://www.facebook.com/share/v/KNCx6Tfw94y58kvN/ ولو عندكم حساب على التيكتوك هتلاقوهم هنا: https://www.tiktok.com/@dr.mohamed.m.abdalbary ممكن تنشروها لعلها تكون مفيدة لمرضى التكيسات وعائلاتهم ودمتم سالمين

إزاي نتغلب على الأكل الكتير بليل؟ 🤔 لو بتلاقي نفسك بتاكل كتير قبل النوم، جرب النصايح دي وهتساعدك تتحكم في الموضوع: 1. ابدأ يومك بفطار متوازن: خلي الفطار فيه بروتين زي البيض أو الزبادي مع شوية فاكهة أو شوفان، ده هيقلل جوعك طول اليوم. 🥣🍳 2. قسم الأكل على مدار اليوم: بدل ما تجمع كل الأكل بليل، كل وجبات صغيرة على مدار اليوم عشان معدتك تفضل شبعانة. 🍽️ 3. اختار عشا خفيف وفي نفس الوقت مشبع: اختار حاجة خفيفة زي سلطة مع بروتين زي التونة أو الفراخ، وابعد عن الأكلات الدسمة والكربوهيدرات الكتير. 🥗🐟 4. ابعد عن التليفزيون وقت الأكل: لو بتاكل وانت مش مركز، هتاكل أكتر من غير ما تحس. حاول تاكل وانت مركز في الأكل بس. 📱🚫 5. اشرب مياه طول اليوم: شرب المياه بيشبع وبيقلل الرغبة في الأكل بليل، حط لنفسك هدف كبايات مياه يومية. 💧 6. اشغل نفسك بحاجة بتحبها: لو حاسس بملل، ممكن تلجأ للأكل. جرب تعمل حاجة زي قراءة كتاب أو رياضة خفيفة بدل الأكل. 📚🏃‍♂️ 7. نظم مواعيد نومك: السهر بيخلي الجوع يزيد. النوم الكويس بينظم هرمونات الجوع، فحاول تنام بدري وتلتزم بمواعيد نوم ثابتة. 🛌 جربوا النصايح دي وبالتدريج هتلاحظوا الفرق! شاركونا في الكومنتات لو عندكم نصايح تانية للتحكم في الأكل بليل 👇 #كلام_في_الطب_د_محمد_ممدوح

- حسب دراسة من ألمانيا أكتر من ١٠ مليون شخص في ألمانيا عندهم قصور كلوي مزمن ومع انخفاض وظائف الكلى بيزيد خطر الإصابة بأمراض القلب والأوعية الدموية. - ٣ من كل ٤ مرضى مش عارفين إنهم عندهم الكلى ، وده لأن ٩٠٪ من وظائف الكلى ممكن تتدهور من غير أي أعراض، حسب الجمعية الألمانية لأمراض الكلى. - قصور الكلى ممكن نكتشفه بدري عن طريق اختبارين بسيطين بعمل وظايف كلى في عينة من الدم وتحليل زلال في البول. - بس المشكلة إن الكشف المبكر مش دايمًا بيتم، برغم توفر أدوية جديدة حالياً ممكن تأخر تدهور وظايف الكلى بشكل كبير لو تم اكتشاف المرض في البداية. عشان كده بننصح دايما بالاطمئنان على وظايف الكلى لأن الكشف المبكر بيفرق كتير. #كلام_في_الطب_د_محمد_ممدوح