New Man

حفصة ابن سيرين أم الهذيل ظلت ثلاثين سنة لا تخرج من بيتها، إلا لضرورة تخرج للحاجة فقط لكن تمكث في بيتها، المكث في البيت يصفي القلب ولا يجعل المرء يتلبث بشرور المجتمع الخارجي، المرأة التي تجلس في بيتها ملكة متوجة، لأنها لم تلابث الشر الذي في الخارج فهذا يعينها على سلامة قلبها وتسديد رميتها وقصدها -أبو إسحاق الحويني

صوتيات ميرو – لماذا تكذب النساء؟

أوحش حاجة ممكن تعملها في فترة الخطوبة انك تكون واضح، معروف أولك فين وأخرك فين، فا بناء على وضوحك وفهمها لشخصيتك هتحدد لنفسها هي هتمشي ازاي عشان انت تلبسها لو هي ذات ماضي، متبينش نفسك واسمع اكترما تتكلم دائماً وفترة الخطوبة خصوصاً

https://youtu.be/tBAzIyPTJX0?si=cISzjwhOYXwPeT-9 🔻 الڤيديو ده لو حد حابب يستزيد في موضوع ال semen retention أنا مش هكتب تاني فيه وصَّلت اللي عاوز أوصله 🔻 متمشيش ورة وهم الانجاز وتقضيها تشوف ڤيديو من هنا وڤيديو من هناك وتوهم نفسك إن وضعك تمام ابدء بالتطبيق وشوف النتايج وأثرها على جسدك وحالتك النفسية وقوة تركيزك

التعليقات معظمها من نساء يثنين على حكمة الشيخ. وفاتهم أمر، وهو أن الرجل لو طلقها وفقاً للقوانين الموجودة فغالباً ستأخذ منه نفقات وتأخذ حضانة الأولاد وسكناً وأموراً كثيرة، مع كونها هي الخائنة. توجد آية معروفة في الموضوع لا يذكرونها البتة، قال تعالى: {ولا تعضلوهن لتذهبوا ببعض ما آتيتموهن إلا أن يأتين بفاحشة مبيِّنة} [النساء]. قال ابن كثير في تفسيره عند الكلام على الفاحشة المبيِّنة: "واختار ابن جرير أنه يعم ذلك كله: الزنا، والعصيان، والنشوز، وبذاء اللسان، وغير ذلك. يعني: أن هذا كله يبيح مضاجرتها حتى تبرئه من حقها أو بعضه ويفارقها، وهذا جيد". فهذه لا ينطبق عليها آية التسريح بإحسان، خصوصاً مع القوانين الحديثة، فالخيانة من أعظم النشوز. فمضارة الخائنة للتنازل عن الأموال التي تجنيها من الزوج أمر مشروع، ومشار إليه في القرآن وتكلم عنه المفسرون، ومع ذلك هو مهمل، حتى إنه لا يعرفه إلا قلة من الناس. التعليقات التي تثني على كلام هذا الشاب أكثر بكثير من تلك التي تواسي الزوج المسكين، ولا توجد أي تعليقات تقدم له حلولاً فيما يتعلق بمعضلة السكن والنفقات والحضانة. هذا أمر فشا في زماننا وانتشر، وهو وجود شعور جمعي عند النساء بالمظلومية المشتركة، تتمثل بمشاركات في مواقع التواصل وتعليقات على كل موضوع يرينه يخدم هذه المظلومية، ثم تجاوز الأمر إلى تعليقات في كل ما يرينه مكاسب لجنس الأنثى، حتى ولو كانت على سلوك لا يرتضين أن يوصفن به. وتفاعل مع ذلك عدد من المشاهير واستفادوا منه. قد كنا في يوم من الأيام مع شبهات ملف المرأة، حتى إنه مرة كلمني نصراني يريد الإسلام وكان أكبر حاجز أمامه ملف المرأة (والحمد لله أسلم). ثم صرنا في ملف الفتاوى الخادمة لما تريده المرأة العصرية، التي ترى الأنوثة هي أخص صفاتها، فلا الإسلام ولا غيره أخص من صفة الأنوثة (وأما الصالحات اللواتي يقدمن الدين على غيره فهن خارج هذا السياق). وفي أحيان كثيرة يجتمع علينا الأمران، وأعاننا الله -إن فسح الله بالمدة- على جيل يتربى على يد نساء بهذه التوجهات الفكرية.

الشيخ أبو إسحاق الحويني – فن إدارة الحياة الزوجية ...

لماذا احتفوا بتحريف كلام القرطبي في القوامة ؟ 👇

لو انت بالفعل في مرحلة التعافي بقالك فترة فهتمر عليك أيام سهلة مش محتاجة منك أي مجهود.. وهتيجي عليك أيام هتموت وتخش الموقع الفلاني وتعمل العادة.. فهنا عقلك هيحاول بكل السُبُل يوجدلك مبرر إنك تعملها 🔻 سواء كان المبرر ده عاطفي.. زي / يعم انا مضغوط بقالي فترة ومحتاج اعملها.. اصل انت مش شايف لبس البنات بقى عامل ازاي (مع اتفاقي التام بإن ده نوع من التحرش الجنسي بالرِّجال) ومفيش قانون بيجرم ده مقارنة بفعل التحرش لو صدر من الرَّجُل بس انا يصاحبي مش عاوز حاجة زي دي يضحك عليك بيها عقلك ويسوقك بدل ما انت تسوقه.. مفيش اختيار تاني.. بدون الانضباط الجنسي مش هتحقق حاجة في حياتك.. 🔻 أو إنه يحاول يخلي  المبرر ده يكون عقلاني فيما يبدو لك زي / معلش اعملها النهاردة عشان ترتاح من كل التوتر ده يجدع ده حتى عشان صحتك ومن بداية الشهر هننضبط.. تيجي بداية الشهر تلاقي عقلك مسوحك وانت لسة بتعملها..فيتفاوض معاك تاني/ لا بقولك ايه النهاردة حتى يوم ٦ في الشهر خلينا نبدء من يوم عشرة.. ولا اقولك خلينا نعملها مرة كل اسبوع.. يعم مرتين في الشهر.. 🔻 كل اللي فات محاولات من عقلك إنه يقنعك تعملها لا بد تكون مرت عليك الاصوات دي وانت في رحلة التعافي.. 🔻 وفي كلا الحالتين سواء كان المبرر ده عاطفي او عقلاني يكفيك المبدء اللي قولتلك عليه في نهاية المقال اللي فات..انا ببص على الاشتغالات دي ويكأني شخص واقف في مكان اعلى وواعي باللي بيحصل.. انا اللي بسوق عقلي مش هو اللي حاططني على autopilot وانا فاكر إني مسيطر على الوضع وبقعد استغرب ازاي بنتكس في كل مرّة كمثال / في المرة الجاية لما تحس إنك هتنتكس باغت عقلك بحاجة هو مش متوقعها يعني بدل ما تروح تلعب جيم على التلفون او تقعد تقلب في الفيسبوك (وده تصرف من اختيار عقلك.. هو بس عايزك تمسك التليفون بس انت مقتنع إنك بتلهي نفسك عن الأفكار دي)  بدل الفعل ده جرب إنك تطلع تتمشى خمس دقايق.. تروح تشوف والدك لو محتاج حاجة او حتى تسأله في حاجة.. تنزل تشتري حاجة وترجع أي فعل تاني غير إنك تمسك التليفون او تخش اوضتك لوحدك 🔻 المرحلة اللي بعدها هتلاقي نفسك بقيت فاقس كل اشتغالاته.. هتبقى فاهم ليه انت دلوقتي حاسس إنك لازم تفتح تيك توك  والفكرة دي بترن في دماغك طول اليوم.. او إنك فجأة حبيت القراءة وعاوز تقعد مع نفسك في الأوضة لوحدك تقرء.. او إنك عاوز تمدد على فراشك ونعسان مع إنك لسة كنت مفوق ومفيش أي شعور بالنعس 🔻 مرة واحدة بس تتعامل مع عقلك بالمبدء ده هتلاقي إنك كنت بتضيع وقت كتير ومجهود عشان تتصارع مع الأفكار دي #_نوفاب

🔻 شهر رمضان فرصة ذهبية لترويض نفسك ومحو ذنوبك واحسن شهر تبدء منه نوفاب حتى لو كنت خارب الدنيا لحد قبله بليلة 🔻 خلي بالك إن أخطر وقت ممكن ترد عليك فيه الإنتكاسة هو بعد ما تملى بطنك بالأكل والحلويات والعصاير وكل الكلام ده.. كنت كتبت مقال هنا هحاول أحطه تاني في أول تعليق عن العلاقة بين شهوة البطن وشهوة الفرج 🔻 خدها قاعدة مفيش انتكاسة بتيجي صدفة كل انتكاسة ما هي إلا تراكمات لحاجات صغيرة قبلها.. * نظرة عابرة بس انت تعمدت تسترسل معاها شويتين في دماغك * التيك توك ولا الانستجرام اللي عقلك اللاواعي ضحك عليك ووهمك إنك هتقلب شوية تسلي وقتك لحد ما ينقضي وقت الصوم من غير ما تعرف إنه ساقك سوق لهناك عشان هو حافظ وعارف إن فيه فرصة إنك تشوف حاجة هناك تروي عطشه من الدوبامين اللي اتعود عليه من المناظر دي * اللعبة اللي انت عارف إن فيها صورة كذا وكذا وقلت مش هتأثر فيها يعم دي مجرد صورة في الانترو وهغمض عيني عنها لحد ما يبدء الجيم.. بس على مين عقلك اللاواعي حافظها هو بس عاوزك تخش اللعبة والباقي هو هيعمله 🔻 وقيس على الأمثلة اللي فاتت كام مرة سوحك عقلك اللاواعي وخلاك تنتكس وما فقتش إلا بعد ما انتكست ورجعت القيادة للعقل الواعي وادركت إن الانتكاسة دي كانت هتحصل كدة كدة عشان انت لعبت دور الغشيم مع عقلك اللاواعي واعتبرت إنه مش موجود وهينسى 🔻 ممكن تبدء في أي وقت حتى لو من اليوم مفيش حاجة فاتتك .. عقلك بس بيضحك عليك عشان عارف إن فيه تمن هتدفعه على هيئة أعراض انسحابية وهو حابب يحميك بإنه يبعدك عنها من الأساس ودي وظيفته أصلاً هو متصمم إنه يحميك من أي خطر محتمل 🔻 اخر حاجة مبدء اتمنى إنك تفهمه. ولو فهمته هتقطع شوط طويل في التعافي من قبل ما تبدء حتى.. هو إنك تحاول دايماً تبص على الاشتغالات اللي بيعملها عقلك اللاواعي فيك كشخص تالت بيبص على الحاجة من مكان أعلى.. لو وصلت للمرحلة دي (وده ممكن بالتدريب والتعويد) اضمنلك إنك تتغلب على أي عادة منغصة عليك حياتك #_نوفاب

هذا ليس شرع الله، وإنما هو تلفيق بين شرع الله عز وجل والرأسمالية. فالفقهاء من كل المذاهب يعللون لزوم النفقة على النساء بالعجز عن التكسب. جاء في «الجامع لمسائل المدونة» [9/526]: "ومن المدونة: قال: وتلزمه نفقة الذكور حتى يحتلموا، والإناث حتى يدخل بهن أزوجهن. -قال الشيخ: لعجزهن عن التكسب، بخلاف الذكور". ومثله في عدد من كتب الحنفية، وهذا معنى معروف لا يتنازع فيه الناس. جاء في «بدائع الصنائع»: "وأما الإجماع فلأن الأمة أجمعت على هذا، وأما المعقول فهو أن المرأة محبوسة بحبس النكاح حقا للزوج ممنوعة عن الاكتساب بحقه فكان نفعُ حبسها عائدا إليه فكانت كفايتها عليه كقوله ﷺ «الخراج بالضمان» ولأنها إذا كانت محبوسة بحبسة ممنوعة عن الخروج للكسب بحقه فلو لم يكن كفايتها عليه لهلكت ولهذا جعل للقاضي رزق في بيت مال المسلمين لحقهم؛ لأنه محبوس لجهتهم ممنوع عن الكسب فجعلت نفقته في مالهم وهو بيت المال كذا ههنا". والموظفة لا توصف بالعاجزة عن الاكتساب، ولذلك لم يتنازعوا بأن له منعها، وأنها إن كانت تخرج دون إذنه سقطت نفقتها، خصوصاً إذا كانت تتبرج. كما شرحته هنا: https://t.me/alkulife/13760 فإن اشترط عليها أن إذا توظفت أنفقت على نفسها بقدر أو سقط من نفقتها بقدر، صح الشرط على الصحيح، وكثيرون يصححون العقد دون الشرط مع تصحيحهم لاشتراط المرأة ألا يعدد عليها، مع أن الشرط الذي معنا أقرب للشرع والنظر. ولكن مما خبرت من أحوال زماننا أن الرجل لا يشترط كثيراً والمرأة تشترط كثيراً، وكثير منهم لا يعرف ما هي حقوقه. وأما بالنسبة للنفقة: فلا يوجد نفقة بمعنى (يعطيها جزءاً من راتبه) هذه خرافة منتشرة. النفقة الشرعية اللازمة في المطعم والملبس والمسكن، ويزيد بعضهم العلاج، على خلاف معروف فيه. لا أنه يعطيها مبلغاً وتنفقه فيما تشاء، ولو كان خارج هذه الأمور، هذا لم يقل به أحد، ويجوز أن يأتي به أعياناً ولا يلزم أن يسلم النقد بيده. فما أكثر ما يكون عندهم كفاية في المبلغ وتُنفق الأموال الكثيرة على السرف وتتبُّع الموضة وما يعلن عنه مشاهير مواقع التواصل، حتى إنك لو جمعت هذه الأموال لأمكنك أن تجمع من الصدقات ما يعفُّ ما لا يعلم به إلا الله من العوائل المحتاجة. ومع ذلك ترى كثيراً من الأزواج يلتزمون بهذا المبلغ وزوجاتهم موظفات. الرجل المسلم المعاصر لم يحصِّل حقوق أسلافه الماضين ولا حقوق الإنسان الغربي اللاديني المساواتي، بل حُكِم عليه بمنظومة تلفيقية مرعبة، ثم هو يُهجى في كل مناسبة! سيقولون لي: أنت هنا تتكلم بالمظلومية وتجعل الحق للرجال ولا ترى الذين يظلمون، فأقول: أنا تعمدت الكلام هكذا، لأننا عادةً نراهم يتكلمون بهذه الطريقة عن النساء، أفرأيتم أنه يمكننا التحدث بالأمر من زاوية أخرى وتكون أحق؟

الكورتيزول وعلاقته بهرمون الذكورة (التيستوستيرون).. 🔻اول حاجة ايه هو الكورتيزول ؟ الكورتيزول ده هرمون بيتفرز في الجسم كإستجابة للتوتر والضغط العصبي.. مهمته الأساسية إنه يخلي جسمك يعرف يتعامل مع المواقف الصعبة.. 🔻طب بيعمل ده ازاي؟ *يرفعلك مستوى سكر الدم عشان يدي طاقة لجسمك بشكل سريع * يحفز تفكيك البروتين اللي في عضلاتك عشان يطلع منه طاقة يديهالك * يوقفلك بعض من وظايف جسمك بشكل مؤقت زي الهضم والمناعة والرغبة الجنسية وكل الكلام ده مفيش فيه مشكلة على المدى القصير لحد ما تعدي من الموقف اللي وترك أو الضغط العصبي اللي اتحطيت فيه المشكلة لو جسمك على طول داخل في الحالة دي وهنقول قدام اثر ده على جسمك.. 🔻 طيب ايه الحاجات اللي بترفع الكورتيزول عشان تتجنبها؟ * التوتر يعتبر أهم مؤثر بيرفع الكورتيزول سواء انت متوتر من مشكلة او من ضغط في الشغل او من دراسة.. الخ او إنك طول اليوم داخل في حالة غضب عشان مش عارف تتحكم في ضغوطاتك اليومية وبتفكر في المستقبل كتير * قلة النوم.. النوم المتقطع او اللي اقل من ٦-٨ ساعات أو السهر أو البحلقة في التلفون لفترة طويلة قبل النوم كل دول بيخلوا الجسم يفرز كورتيزول كمان وكمان عشان يعرف يتعامل مع الضغط اللي انت حاطه فيه لأن جسمك متسستم إن ده وقت راحته وخلاص المفروض يقلل من نشاطه * الكافيين الزيادة عن الحاجة.. اخرك لحد العصر مع الشاي والقهوة او مشروبات الطاقة او حتى المشروبات الغازية اللي بردو فيها كافيين زي البيبسي وغيره * الإفراط في الرياضة زي ما الرياضة ليها اثر ايجابي على صحتك النفسية والجسدية بردو الإفراط فيها زيادة عن المعقول بيدخل جسمك في حالة اجهاد فيفرز كورتيزول اكتر راعي إن جسمك ياخد كفايته من الراحة والتعافي بعد التمرين 🔻 نيجي لأهم جزئية.. ازاي بيأثر الكورتيزول على هرمون الذكورة (التيستوستيرون)  احفظها كقاعدة إن الهرمونين دول دايماً عكس بعض.. يعني كل ما عِلي عندك الكورتيزول كل ما انخفض التيستوستيرون والعكس بالعكس * طيب ده بيحصل ازاي؟  🔻الكورتيزول لما بيعلى بيقلل من حساسية الخصيتين للهرمونات اللي بتحفز انتاج هرمون الذكورة 🔻 بيزود من عملية إسمها(Aromatization)  ودي عملية بيتحول فيها التيستوستيرون لهرمون الإنوثة (الإستروجين)  وكلفتة سريعة هنا اهتم إنك تاكل خضروات صليبية قد ما تقدر هيقللوك من حدوث العملية دي.. خضروات صليبية زي البروكلي.. القرنبيط.. الكرنب او إنك تجيب مكمل إسمه DIM غالي شوية ولازم تاخده بمتابعة مع طبيب 🔻بردو الكورتيزول لما بيعلى بيزود من تخزين نوع من الدهون اسمه الدهون الحشوية ودي بتتخزن حول الأعضاء الداخلية زي الكبد والأمعاء والنوع ده من الدهون مليان بإنزيم الأروماتاز اللي بيعمل عملية (Aromatization )  اللي اتكلمنا عنها من شوية مش محتاج انبهك إن بردو خطوة مهمة إنك تقلل من وزنك الزايد 🔻 وفي الاخر كملخص سريع بلاش سهر.. بلاش بحلقة في التليفون بعد الساعة ٨ بالليل وإذا كان ولا بد وعندك شغل عليه.. فيه تليفونات فيها خاصية إنها توقف الضوء الازرق اللي طالع من الشاشة واللي هو سبب في تثبيط افراز الميلاتونين اللي بيخلي جسمك يتهيأ للنوم في الليل.. .. بلاش كافيين بعد العصر أو على الأقل قبل النوم بست ساعات.. اهتم إنك تاكل خضار كل يوم وخليك كريم في الكمية بلاش تضغط نفسك.. اسرع طريق تقتل بيه توترك هو إنك تبدء بأي حاجة وراك انت مأجلها ولو حتى تضحك على دماغك بإنك داخل تشتغل او تذاكر لخمس دقايق بس وهتقوم.. غالباً العزم اللي هيتولد من البداية البسيطة دي مش هيخليك توقف لحد ما تكمل ودايماً افتكر إن متعة العمل او المذاكرة مبتجيش إلا بعد ما تخلص بس احنا المفهوم ده عندنا اتعكس عشان اتعودنا على المتعة اللحظية اللي بتحققهالك مواقع التواصل او الألعاب او الريلز القصيرة.. الخ فكان انعكاس المفهوم ده سبب إنك تتكاسل عن اللي وراك عشان دماغك عاوزة الدوبامين السهل السريع ومش هتفضله عن التاني اللي يتولد من الانجاز إلا بعد ما تجربه مرة واتنين

محاضرة جميلة وممتعة وفيها معلومات كويسة

حد عنده تفسير للي الأم بتعمله؟

إذا كلف المرء بحب امرأة يصير عبداً لها وإذا أحبت المرأة رجلاً صارت أمةً لهُ - أبو إسحاق الحويني

من كام يوم كنت بتكلم مع واحد سوداني بشوفه كتير وأنا في الشغل، هو بيجيب طلبات البيت من خضار ولحمة وغيره، فحبيت أمدحه وأجر معاه كلام. قولت له: "عارف أحلى حاجة فيك إيه؟" قالي: "إيه؟" قولت له: "إنك بتجيب طلبات البيت بنفسك." قام ضحك كده بالظبط😁، وقالي: "ما بصير ياخي، المرة تنزل، واحد يقول ليها كلمة وهي تضحك معاه، وما تأمن عليها وسط كل ديلة اللي في السوق، وما بتأمن عليها حد يعمل ليها شيء ما كويس." قولت له: "الله ينور عليك، والله عندنا الرجالة المصرية بتسيب نسوانها ينزلوا يجيبوا الطلبات ويهزروا مع الرجالة عشان يرخصوا لهم تمن الحاجة." قالي: "لأ، عندنا في السودان البلد كلها زي كده، ما بتشوف مرة بتجيب طلبات لو عندها زوجها، وما كثير بتحصل لو المرة نزلت تجيب الطلبات" فكرة إنك تسيب أهل بيتك يجيبوا الطلبات من بره البيت، وهن معرضات للاختلاط والمضايقات، دي مصيبة منك قبل ما تكون مصيبة منها. هي لو أمرتها إنك أنت اللي هتجيب الحاجة، مش هي، مش هتلاقي اعتراض كبير عند غالب النساء، لأنك كده بتريحهم، والطبيعي إنك بتمارس دورك كرجل في تلبية احتياجات أهل بيتك، من غير ما تضطرهم للوقوع في المحظور." أتمنى تاخد خطوة، لو والدك مش مهتم ومش بيسمع كلامك، إنك أنت اللي تجيب الحاجات، وده هيكون برّ لوالديك، وحفظ لعرضك من الاختلاط وغيره من المفاسد

أحسن فترة كنت بجيب فيها درجات عالية في الامتحانات ودماغي نشطة عادي ممكن احفظ كذا صفحة بالنص واسمعهم تاني يوم بدون غلطة واحدة هي اللي كنت بتمرن فيها مع إني كنت بشتغل في نفس الوقت وادرس بس عادي.. الجيم أو ساعة الجري كانوا همَّ الفاصل اللي مخليني ابقى مندفع بعدها سواء في شغل او في دراسة دلوقتي انا داخل في سنتين مشلتش فيهم دمبل عشرة كيلو حتى وتركت الجري بشكل نهائي بحجة إن مشاغلي كترت ما بين كُليّة وشغل وسفر ومش عاوز اكلمك على مستوايا الدراسي اللي بقى اقل من زمان بفرق ملحوظ ونشاطي البدني اللي كل يوم في النازل وذاكرتي اللي بقت في المشمش راجع قريب بإذن الله قبل رمضان وانت كمان انزل اتمرّن أي حاجة مش شرط جيم..اشترك في نادي سباحة..او لو فيه مكان يعلم مواي تاي هيبقى عظمة أي نوع رياضة التمرين حاجة أساسية بينعكس تأثيرها تقريباً على كل جوانب حياتك.. انا ذكرتلك جانبين بس من واقع تجربة شخصية مكلمتكش على احترام الناس وفرق المعاملة والشباب اللي أصغر منك اللي بيبقى شايفك قدوة وعايز يبقى زيك وانجذاب النسوان ومهابتهم ليك وو.... الخ