Antikor matbuot kotibi

Korrupsiyaga qarshi kurashishda ochiqlik, shaffoflik va so‘z erkinligi har doim asosiy tayanch bo‘lib kelgan. Shu maqsadda Korrupsiyaga qarshi kurashish agentligi BMT Taraqqiyot dasturi va Yevropa Ittifoqi bilan hamkorlikda jurnalistlar va blogerlar uchun navbatdagi amaliy treningni o‘tkazdi. Bugungi kunda surishtiruv jurnalistikasi jamiyatdagi muammolarni ochib berish, odamlarning muammolariga quloq tutish va davlat organlari faoliyati ochiqligini ta’minlashda muhim o‘rin tutmoqda. Ikki kunlik mashg‘ulotlar davomida hududlardan kelgan yosh jurnalistlar va media vakillari ochiq ma’lumotlar bilan ishlash, sun’iy intellekt imkoniyatlaridan to‘g‘ri foydalanish hamda raqamli xavfsizlik bo‘yicha bilimlarini oshirdilar. Ishonchimiz komilki, bunday sa’y-harakatlar mamlakatimizda kuchli, mustaqil va xolis jurnalistikaning rivojlanishiga hamda jamoatchilik nazoratining yanada kuchayishiga xizmat qiladi. @SherzodSaparov

Bugun Oliy Majlis Senatining 18-yalpi majlisida O‘zbekiston Respublikasida korrupsiyaga qarshi kurashish to‘g‘risidagi milliy maʼruza ko'rib chiqiladi. Milliy ma'ruza yuzasidan Korrupsiyaga qarshi kurashish agentligi direktori Akmal Burxanov axborot beradi. Muhokamalar jarayonini Senatning YouTube tarmog‘idagi sahifasi orqali onlayn kuzatib borishingiz mumkin. @SherzodSaparov

O‘zbekiston Respublikasi Prezidenti Shavkat Mirziyoyevning Amerika Qo‘shma Shtatlari Prezidenti Donald Tramp bilan telefon orqali muloqoti bo‘lib o‘tdi. — Cостоялся телефонный разговор Президента Республики Узбекистан Шавката Мирзиёева с Президентом Соединенных Штатов Америки Дональдом Трампом. #muloqot #AQSh #hamkorlik @SherzodSaparov

Jinoyat ishlari bo‘yicha O‘zbekiston tuman sudining 7 avgustdagi hukmi bilan Namangan shahrining sobiq hokimi Anvar Otaxo‘jayev Jinoyat kodeksining o‘zlashtirish yoki o‘zlashtirish yo‘li bilan talon-toroj qilish, firibgarlik, hokimiyat yoki mansab vakolatini suiiste’mol qilish, hokimiyat yoki mansab vakolati doirasidan chetga chiqish, mansabga sovuqqonlik bilan qarash, mansab soxtakorligi hamda pora olish jinoyatlarini sodir etganlikda aybli deb topildi. @SherzodSaparov