الشاعر تحسين الخفاجي

‏مقطع صوتي من اللهم صل على محمد وال محم

شور شسويله گلبي الك گلبي مشتاگ العمري گاضي تدري وهدم حيلي الفراگ اجيت المجانك گلت بلكت الكاك يمهدي ذبحني الهجر والصدر ذاگ تون وعيونك عمن الك عمات انسبن الله ايعينك يامولاي اذا تسمع بالرمح يمهدي اشكد تنذبح حرمو جدك من الماي خلصت العمر كله بواجي واهلك ضلو ابلايه خواجي تتراكض رقيه ابين الخيول اتصيح امن اذني ملوخها التراجي يا صاحب الزمان اما آن الأوان ***** الف مره روحي تحن وكت الغروب تمنيت الاكيك تعبت امن الدروب لان عايش اوياي حبيبي احجي وياك احبك يمهدي وسط گلبي مكتوب ضعت يالبيك الأمل صحت يالمهدي العجل اسمك تدري يداوي جروح صرت كل جمعه انتظر الك مشتاگ اشكثر حيره الفاگد وين يروح ندبه اقرالك وعيني عله الباب ويم سردابك ابجي ودمعي سجاب غايب عن الأنظار القدر شاء امشيب حته رمشك يالجنت شاب يا صاحب الزمان اما آن الأوان ** بصلاة الفجر دوم اسبح وناجيك همت بنتظارك وريد التقي بيك احس دنيتي بخير اذا شفت بخير بدعاء الفرج ليش يجرني الگلب ليك شوكت يالمهدي تجي سمعت اشكال الحجي غيرك مالي بهذا الكون قريت اهواي ادعيه وذكرتك بالناحيه لا تعتقني اعليك ام عون بروضا ام طوى ساكن صحت وين لو ما نعمتك هسه احنه ميتين من كد ما حجيت الولدي عنك يدعولك بقو والدمعه بالعين يا صاحب الزمان اما آن الأوان ** يمهدي تعبنه ونريدك تجينه الظلم تدري والجور كثر يا ولينه ويبو صالح اتشوف بدت تجزع الناس ثمن حبنه ندفع اضن تدري بينه بدت يالمهدي الفتن ونريدك يبن الحسن تمسح روس المنتظرين يمهدي انشر رايتك تعال انصر شيعتك عن احبابك غايب وين مو جمره قلضنه بجفنه عالنار وملينه الظلم يا صاحب الثار وكلها يابو صالح وينك اتصيح ومنك سيدي ما وصلت اخبار يا صاحب الزمان اما آن الأوان ** تمت تحسين الخفاجي

https://youtu.be/IquIdnZsFeU?si=fnOHZw9P7gkSk0SQ

‏مقطع صوتي من اللهم صل على محمد وال محم

‏مقطع صوتي من اللهم صل على محمد وال محم

‏مقطع صوتي من اللهم صل على محمد وال محم

https://youtu.be/sLPgyBD4tsQ?si=pmWIgy_nnOFePHC1

انته تعرف هواي ومصدري. خادم الهادي وبنه العسكري ** خادم العسكري امامي. وكبته بكلبي تشع سيدي والي نعمتي. وضني بي ما ينكطع هاي صرخات الغياره. عالمنابر ترتفع كل بشر بالدنيه يخسر. بس خدمته اكبر نفع انه خادم ثري واكبر ثري خادم الهادي وبنه العسكري *** العسكري مولاي اخدمه وهوه يدري بخدمتي امن اطلب الحاجه بضريحه. بساع يكضي حاجتي غيره ما دكيت بابه. ولا جهبته بشدتي ادري ابو المهدي يحلها. بس اصفي نيتي وانه باجي وهويتي تنقري خادم الهادي وبنه العسكري ** انه سامره امن اطبها. صدري كلش ينشرح امن الزم الشباج بيدي. وحده ايطيب الجرح كلشي بالدنيه خساره. بس خدمته اكبر ربح العسكري يمشي بوريدي. وانضر الهذا الصرح وعاشك المهدي اخط بدفتري خادم الهادي وبنه العسكري ** بكل فرض ارفع اديه. واشكر الله اعله النعم بهل المكان الطاهر اخدم. واسمي صار ويالخدم هاي سامره العضيمه. وهيه منبع للشيم والإمام المهدي بيها. واكف وبيده العلم وصرخة الحب هتفها منحري خادم الهادي وبنه العسكري ** يالتريد اجواب مني. وين كضيت العمر عمري كضيته بخدمته. وانه بالخدمه افتخر تركض السامره روحي. اسمه لمن ينذكر عطره بالدنيه يعالم. ما شفت مثله عطر وغير حبه ابد ما اشتري خادم الهادي وبنه العسكري * تمت تحسين الخفاجي

يم نرجس اتعنه بحسرتك والسيده اطلبها بدمعتك ام صاحب الزمان للخائفين امان يا موالي ** نرجس ام المهدي هايه وما ترد محتاج ابد گبل لا تنزل دمعتك تنكضي بساع الشدد شوف جم واحد اجاها وكلبه بارد لهله رد الله يا ناس اصطفاها والشرف يمها انولد سر الامام المهدي هيه والها الشرف ياخذ تحيه واطهر اللسان للخائفين امان يا موالي **** اتشرفت سامره بيها هلجليله العالمه طاهره ودوم بكبرها تخدم املاك السمه المهدي لمن غاب عنها بجت عالمهدي دمه ومن هذاك اليوم ضلت بالكبر متالمه ومن عادت التفكد ضناها اتحن الابنها الفاركاها ويتكاثر الحنان للخائفين امان يا موالي ** تنزل اعليك السكينه للصحن لمن تطب راحه نفسيها صحنها ويمها يرتاح الكلب حره والمعصوم ابنها عينه تربي اعله الدرب اثنين معصومين يمها اندفنو بديرة غرب وبصفها مدفونه حكيمه ما تنوصف هاي العضيمه وكت الزياره حان للخافئين امان يا موالي * السيده نرجس كريمه. وبيها محتاره السنين من يحط يمها يأمن. شافو الطير الحزين بعتبة الحضره تنادي. يا هله بالزائرين وكل سنه نتعنه ليها. مثل يوم الأربعين ايروح التعب من ندخل الها. حره وابد ماكو مثلها وشمحله هالمكان. للخائفين امان. يا موالي ** بدمعي اصيح اتكفليني انه حيره حيرتي والله لو ما فيض عطفج ضعت انه بدنيتي عمري خلصته بخدمتج فدوه قبلي خدمتي ولا تعوفيني احلفج من تكرب موتتي رايد وكفتج باجر وياي انتي عليه امفضله اهواي بيج اعتل الاذان للخائفين امان يا موالي **** تمت تحسين الخفاجي

‏مقطع صوتي من اللهم صل على محمد وال محم

بدموعي اجيت وحيلي مهدوم ادفن ابوي المات مسموم انه الإمام المنتظر.. وعالعسكري ضهري نكسر * ودعت ابوي بحيرتي وعالمغتسل خليته ولمن بجيت اعله الجسد. حته العرش بجيته ليش امن ابوي اتيتمت. الماكو مثل حنيته صليت فوكه والنعش. بثوب الحزن غطيته الليله اسمعت حته امنياتي تگلي البقيه في حياتي وشيريد من عندي الدهر وعالعسكري ضهري نكسر ** امصاب الإمام العسكري. شيبني وانهد حيلي ومن عظم هاي الفاجعة. ضل الصخر يبجيلي يا ناس من كثر الحزن. بالكوه يخلص ليلي ناديت بويه بدمعتي. فگ الجفن واحجيلي كل ساع اطيح والزم الباب اشلون الحنين ايضمه التراب وعكب الحسن نوحي كثر وعالعسكري ضهري نكسر ***** يم نعشه رامي اعمامتي. ويبست الدمعه بخدي ويابويه كتله بفركتك. ضاع الهوه اعله المهدي سامره كلها تغيرت. وانه بقيت الوحدي اتلفت بداري وون. وغير الصبر ما عندي سامره حزنت والسماوات كلها تنادي العسكري مات ويهل الرحم جرحي كبر. وعالعسكري ضهري نكسر **** ابجي اعله ابوي بكل وكت. والبويه اغصن بيها وبالدنيا جا شلي بعد. جان الابو امحليها بالدار اشمن ريحته. وجروحي شيداويها مشتاكله بكد الهوه. وكل ذكره ما ناسيها نعش الابو انشال اعله المتون وانه صرخت دعمن يالعيون وبفرگته كلبي انعصر. وعالعسكري ضهري نكسر * نزلت ابوي بحفرته. وياريت ما نزلته كتله انه يابويه النمت حدر الترب لو انته جبريل صاح ابجو دمه. عالعسكري وفاجعته يعگوب لو يمي عمه. الهذا المصاب الشفته الليله الزجيه حضرت وياي وتبجي اعله ابنها ضلت اهواي ومن كربله جدي حضر. وعالعسكري ضهري نكسر ** تمت تحسين الخفاجي

يغايب طالت الغيبه شوكت تظهر نتمنه الوضع يالمهدي يتغير ** يالمهدي تعال وشوفنه شبينه من كثر المصايب تدري ملينه مولاي العجل جم مره نادينه ونتحمل بعد شوغات ما نكدر **** يمته اتمر علينه ونسمع اخبارك الك ثارات يالماتنسه ابد ثارك بالسرداب نبجي ونصرخ بدارك وبسامره ندعي والكلب مضطر **** عنك بالنيابه اشكد تصدقنه ويالمهدي بوجودك الله رازقنه يالغايب تعبنه ونوخذ حقنه الك يبن الحسن كل يوم نتحسر * امن بالرسائل من نوديها الخيانه اتلوح بابك ما نخليها وهاي انصارك اتشد الضهر بيها كل شيعي النصرتك سيدي اتحضر ** حل عصر الفتن واختلفت الوادم واليسلك طريقك هذا مو نادم كلها تصيح يمته يضهر القائم غزتنه اهل النفاق وهمنه ضل يكبر ** يالمهدي تعال وانشر الرايه مشتاكين تدري الوجهك اهوايه يبو صالح شفت ما بيه الكفايه تبجي دموم جاي وبالارض تفتر ** يمته يابو صالح يشفن اجروحك حمام الدوح يسكت لو سمع نوحك سبي عمتك يغايب ياكل بروحك وعالزهره تون والصدر المكسر ** تمت تحسين الخفاجي

https://youtu.be/tJMJXWHpCkI?si=_ph8_tkRMNYfLJZm

https://youtu.be/RhadbjzxZpc?si=O_P8wAZM9Iz9oJZa

‏مقطع صوتي من اللهم صل على محمد وال محم

هاي اول مره احير بروحي الدنيه كلها ما تلم جروحي ما درت فوكاك ماي .. دموع عيني التجري هاي يا رسول الله *** انته صحت ادرك محمد. وانه اصيح ادرك علي ردت احط ايدي اعله كلبي. وشفت كلبي مو الي يالنبي كل يوم عطرك جنت اشمه بمنزلي انته ياهو ايسد مجانك. فركتك ما تنملي ليش تمشي وحاير تخليني انه ما استاهل تبجيني كمت ما اندل كفاي. دموع عيني التجري هاي يا رسول الله ** انته ابوي وانته كلشي. ومن تفاركني انجرح وحلم عيني الجان لحضه. بسيف هجرك منذبح رحمة الله اعليك تبجي. والنده بلايه صبح والوكت سواها بيه. ورش عله جروحي ملح باب خيبر شلته تدري بهامي هسه ما اكدر اشيل جدامي ضيعت عكبك هواي. دموع عيني التجري هاي يا رسول الله * بماي ما غسلتك انه بدمعي غسلتك تره وضلت الآيات تنزف. والصور لزمت سره الفاتحه اعله المات نقره. اعليك كلشي شينقره اشلون جوه الكاع ادفنك. ما تلمك مكبره يا محمد من غمضت عيونك علي مدري اشلون عاش بدونك وجم جرح عفته وراي. دموع عيني التجري هاي يا رسول الله *** فوكك التمينه كلنه وكلب الحسين انكسر وزينب اتنادي يجدي. اشلون فركنه الدهر فاطمه اعله العين لطمت. وجرح الموادع كبر والحسن سهران ليله. وذبل عيونه السهر هذا جبرائيل يمي اينادي عظم الله اجرك علي بالهادي صعب فگدك يا مناي. دموع عيني التجري هاي يا رسول الله **** يا علي ودع محمد. نادت املاك السمه وانه من هول المصيبه. اعليه يالهادي انغمه يا عمود الدين ارجع. علي ليش اتيتمه انه ما ضامي بحياتي. بس الك كلبي ضمه حته ملك الموت يبجي ابابك وشفت ميكائيل شم اترابك وشيصير بحالي جاي. دموع عيني التجري هاي يا رسول الله * تمت تحسين الخفاجي

ميمر للرسول من غفت عين المختار. دار النبي حركوها *** اكبر مكيده حصلت بهالأمه قتل النبي وبجفوف اديها اتسمه عكب الرسول الدنيه صارت ظلمه لجل الخلافه سموه. وكل الذمم باعوها ***** الخانت نبيها كل شرف ما بيها اقره الكتب وانته تعرف ماضيها هالكلمه راح بكل صراحه احجيها ليش الحقيقة يا ناس. شفت البعض جهلوها ***** اول جريمه هجمو اعله الزهره وكسؤو ضلعها والضلع شيجبره ومحسن سكط عالكاع من العصره والاشد واعظم من هاي ام الحسن سطروها ***** عزلو علي ونطيك عندي المصدر ما قبلو تصير الخلافه الحيدر وضد النبي ائتلفو دعات المنكر يهجر الهادي يكولون. ووصيته خانوها ***** لوله النبي ما يستيقم الأسلام واهل الجهل تعبد بعدهي الأصنام شرع الدين وطبقاها الأحكام امن الظلم حررها الناس. وفعاله ما ينهوها ****** ميزه عن كل الخليقه الخلاق وضاها الجمال بنوره رب الأرزاق جان النبي مضرب مثل بالاخلاق جا ليش ذيج الأصحاب. احدود النبي تعدوها ****-- تمت تحسين الخفاجي

هادينه راح والناعي ناح وبدفنه حيدر كلبه تفطر **** سافر وما تنطفي جمرة غيابه ضلت اتنوح السمه اليوم المصابه كلها تبجي بحركه وتون اعله بابه وحاير الدفان ويهيل بترابه جوه التراب نور الله غاب والكل تأثر كلبه تفطر **** يا حلاة الذكره من تنعاد مره اشكد تموت انسان غالي من تخسره تصيح عكبك خاطري محد يجبره مرني يا ناس الهوه وشميت عطره تبدي الجروح لمن يروح والامي تكثر كلبه تفطر ****** حيدر اعله المغتسل دمعه يصبه ايكله من بعدك تصير الدنيه غربه وبقميصه غسله وايده اعله كلبه صعبه اليفارك حبيبه والله صعبه ناح الحمام راح السلام وحيدر تحير كلبه تفطر ****** فوك جثمان النبي شفنه اليشيعون والحسن وحسين يم نعشه ينوحون اقسم السم النبي يا ناس ملعون ويهجر اصحاب الحقد جانو يكولون الشمس الشموس تبجي النفوس وكلشي تكدر كلبه تفطر ****** للنبي وسع الكبر نادت يدفان علي تدري انته ومحمد اجمل اخوان فاطمه تبني بغيابه بيت الاحزان وتنغمي لمن بلال ايأذن الاذان ناح الجماد السيد العباد ونيرانه تسعر كلبه تفطر ******* ضجت الافلاك واملاك السماوات وضلت تنوح الارض ويه المجرات اليوم كل الانبياء نصب عزاءات وزينب بفكد النبي كظتها حسرات اتون بحنين اخت الحسين وبالدمع الاحمر كلبه تفطر ***** تمت تحسين الخفاجي