Мирас Ерланұлы

Шейх Омар әл-Хижәзи – усул әл-фиқһ және фиқһ саласын терең меңгерген ғалымдардың бірі. Білімі терең, әдебі ерекше. Көптеген шәкірттерге пайдасы тиіп жатқан кісілердің бірі. Стамбұл, Түркия.

Шейх Халид Харсаның батасын алу нәсіп болды. Шейхтің отырып-тұруының барлығы – дұға, зікір, салауат екен. Алла Тағала біздерді де амал қылушылардан еткей.

Кейбір насихат жасайтындардың насихатынан сыйынатын заманға жетіппіз.

Кейбір ұстаздар шәкірттерін тек өзіне ғана байлап, олардың өзге ғалымдардан білім алуын қаламайды. Тіпті шәкірті басқа ұстаздан пайда көріп жүрсе, оны қызғанышпен қабылдайтындары да кездеседі. Ал шынайы ұстаздың мақсаты – шәкіртін өзіне тәуелді ету емес, оны ілімде кемелдендіру. Ол шәкіртінің қай жерден болса да пайдалы білім алғанына қуанады. Осыған орай «Тәбйин әл-хақаиқ» кітабының авторы, имам Зәйлағи (р.а) шәкірттеріне былай деп өсиет еткен: «Ілімді тек менен ғана оқумен шектеліп қалмаңдар. Өйткені мен өзімді сендердің біріңнен артық көрмеймін. Егер ғылымда менен артықшылығы бар біреуді тапсаңдар, одан да дәріс алыңдар. Сонда білімдерің артып, көбірек пайда мен игілікке кенелесіңдер». © әл-Кәфәуи, «Кәтаибу аъләмил-әхияр».

Намазым дұрыс болсын десеңіз кітабы орыс тілінде. Кітапта актуалды сұрақтардың жауабы қамтылған. Кітапты алу үшін осы сілтемеге өтіңіз.

Күнәдан аулақ бол! Ризықтың тоқтау себебі – содан. — Ибн Атаиллаһ әс-Сәкәндари (рахимаһулла)

Бауырларым, күнә жүректі қарайтады. Жүректің айнасы кірлеген сайын, ақиқат көмескіленіп, тура жол бұлыңғыр көріне бастайды. Сондықтан жүректеріңді тәубемен, истиғфармен және ізгі амалдармен тазартыңдар. — Ибн әл-Жаузи (Алла оны рақымына алсын)

Біз адамшылығымызға ірге болатын құлықты әкеміз қандай ғалым болса да, ешкі сауып, тезек теріп жүрген анамыздан аламыз. (с) Мұхтар Әуезов

Әрбір үнсіз адам жауап бере алмайды деген сөз емес. Кейбіреулер басқаларды жараламау үшін үнсіз қалады, ал кейбіреулер қайғыға қарсы тұрып үнсіз қала береді. Себебі олардың сөзі қайғырудан да күшті келуі мүмкін.

Егер (саған тоқтамай кеп тұрған) нығметтердің жалғасымды болуын қаласаң, адамдарға ол жайлы айтпа. Себебі естуші адамдардың барлығы (сол нығметтің сен үшін болуын) жақсы көре бермейді. Әли ибн Әбу Тәліп(Алла ол кісіден разы болсын)

Өтіп кеткен кездерге қайғыру үшін кеткен уақыт — уақытты қайтадан өлтіру. 📚 قيمة الزمان عند العلماء

«Қалай уақыт өлтірсем болады» дейсің бе? Біз уақытты емес, уақыт бізді өлтіріп жатыр ғой. ©️Шейх Хамза Юсуф

Бүгін Мысырдағы қазақ шәкірттермен Шейхул-ислам Бурһануддин әл-Марғинәнидің (Алла Тағала ол кісіні рақымына бөлесін) «әл-Һидая» еңбегінің ғибадат бөлімін аяқтадық.

Әссәләму алейкум! Жақында Шейх Мұхаммед Тақи әл-Усманидің сауда-саттыққа қатысты «машруғ ли қанун ислами» атты еңбегін бастаймыз. Кітап жеңіл жазылған. Пайдасы өте көп. Дәріс ақылы! Қосымша ақпарат және тіркелу үшін осы сөздің үстін басыңыз.

Білім сен үшін ауыр жүк болып, жүрегіңе уайым салуы мүмкін, себебі оны әлі толық түсінбегенсің. Ал оны түсінген кезде, оның тәттілігін сезініп, одан ләззат пен рахат табасың. Білім жолының ұзақтығына қарамастан, оны оқуда шаршау мен ауырлық сезбей қаласың. Керісінше, шаршау мен ауырлықты білім іздемеген кезде табасың. Біліммен ғана адам боласың! (с) Шейх Әбу Муса

Білім арқылы ғана шынайы діндар боласың. Білімсіз Алла Тағалаға құлшылық етілмейді. Мысырлық әдебиетші, философ Мұстафа Махмұт.

Интернет желісінде жүрген көптеген коуч болсын, дәрігер болсын проблемаларды үйіп-төгіп айтады. Бірақ шешімін айтпайды. Ал шешімі болса ақылы. Осыдан-ақ олардың саған жаны ашымайтынын түсінсей. Ал тегін үйретіп жүргендері болмашы дүниелер. Пайдасы шамалы.

Бүгін қажылар қажылықтың негізгі рүкіні болған арафатта тұру рәсімін орындап жатыр. Алда оларды ерекше түн күтіп тұр. Муздалифа түні. Пайғамбарымыздың ﷺ дұғасы толықтай қабыл болған мекен.

Бүгін әлемнің түкпірінен жиналған қажылар үлкен қажылықтың ихрамына кіріп, Мина жазығына шығып барады. Ол жерде арапа күнінің таңына дейін болып, бес уақыт намаздарын сол мекенде атқарады. Бұл қажының өзгеше күндерінің бірі. Кісінің бойынан кетпейтін естеліктер күні.

Ибн Аббастан: «Алла елшісі ﷺ тұрғылықты кезде төрт рәкағат, сапарда екі рәкағатты парыз етті. Осы жерде (яғни тұрғылықты кезде) парыз намазынан бұрын және кейін нәпіл намаздарды оқығаны секілді, сапарда да парыз намазынан алдын және кейін нәпіл намаздарды оқи береді», – деген (Шарх мағанил-әсәр/Имам Тахауи).