"Temiryo'lekspress" AJ

Yulduzlar yo‘lovchilar bilan bir poyezdda Taniqli estrada xonandasi Munisa Rizayeva “Afrosiyob” elektropoyezdida safar davomida yo‘lovchilar bilan birga jonli qo‘shiq kuylab, ularga ko‘tarinki kayfiyat ulashdi. Bunday tashabbuslar yo‘l taassurotlarini yanada unutilmas qilib, yo‘lovchilar uchun safarni nafaqat manzilga yetib borish, balki yorqin xotiralarga boy jarayonga aylantiradi. ✅“Temiryo‘lekspress” AJ matbuot xizmati 📱Telegram 📱Instagram

Yoʻlovchilarning yuqori tezlikda harakatlanuvchi “Jaloliddin Manguberdi” elektropoyezdi haqidagi fikrlari ✅ Tanlovingiz uchun minnatdormiz! “Temiryo‘lekspress” AJ matbuot xizmati 📱Telegram 📱Instagram

KIBERXAVFSIZLIK — BARCHAMIZNING MAS’ULIYATIMIZ! ➕“Temiryo‘lekspress” AJda xodimlar ishtirokida kiberjinoyatchilikning oldini olish va kiberxavfsizlikni kuchaytirish masalalariga bag‘ishlangan profilaktik suhbat o‘tkazildi. Suhbat davomida internet va ijtimoiy tarmoqlarda uchrayotgan firibgarlik holatlari, shubhali havolalar hamda zararli fayllardan ehtiyot bo‘lish, shaxsiy va xizmat ma’lumotlarini himoya qilish, kuchli parollardan foydalanish bo‘yicha zarur tavsiyalar berildi. ➡️Shuningdek, kiberjinoyatchilikning zamonaviy usullari va ulardan himoyalanish choralariga alohida e’tibor qaratildi. Kiberxavfsizlik qoidalariga rioya qilish — nafaqat shaxsiy ma’lumotlarni, balki tashkilot axborot xavfsizligini ham ta’minlashning muhim shartidir. ✅“Temiryo‘lekspress” AJ matbuot xizmati 📱Telegram 📱Instagram

YO‘LOVCHILAR DIQQATIGA! Texnik sabablarga ko‘ra, 2026-yil 10-avgustdan 16-avgustga qadar yuqori tezlikda harakatlanuvchi “Jaloliddin Manguberdi” elektropoyezdlarining harakat jadvaliga quyidagi o‘zgartirishlar kiritildi. 🚆 752-sonli “Toshkent Yo‘lovchi — Xiva” yo‘lovchi poyezdi 2026-yil 11-avgustdan 16-avgustga qadar Toshkent Yo‘lovchi bekatidan Urganch bekatigacha amaldagi harakat jadvali asosida qatnaydi. 🚆 751-sonli “Xiva — Toshkent Yo‘lovchi” yo‘lovchi poyezdi esa 2026-yil 11-avgustdan 16-avgustga qadar Urganch bekatidan harakatlanadi. Yo‘lovchilarga qulaylik yaratish maqsadida mazkur davr mobaynida Xiva – Urganch yo‘nalishida zamonaviy avtobuslar qatnovi yo‘lga qo‘yiladi. Avtobuslar qatnovini samarali tashkil etish hamda yo‘lovchilarning Urganch bekatidan poyezdlarga o‘z vaqtida ulgurishlarini ta’minlash maqsadida yo‘lovchilardan Xiva bekatiga soat 07:00 ga qadar yetib kelishlari so‘raladi. 🚌 Avtobus Xiva bekatidan soat 07:10 da Urganch bekati tomon harakatlanadi. Barcha poyezdlarning Urganch bekatidan belgilangan harakat jadvaliga muvofiq o‘z vaqtida jo‘nab ketishi ta’minlanadi. Yo‘lovchilardan safarlarini rejalashtirishda ushbu o‘zgarishlarni inobatga olishlarini so‘raymiz. Keltirilgan noqulayliklar uchun uzr so‘raymiz. “Temiryo‘lekspress” AJ matbuot xizmati 📱Telegram 📱Instagram

Yoʻlovchilarning “Afrosiyob” elektropoyezdi haqidagi fikrlari ✅ Tanlovingiz uchun minnatdormiz! “Temiryo‘lekspress” AJ matbuot xizmati 📱Telegram 📱Instagram

🚉Yo‘lovchilar temiryo‘lchilarni kasb bayrami bilan tabriklashdi! Temiryo‘l — bu nafaqat yo‘llar va poyezdlar, balki minglab insonlarni manzillariga eltuvchi, ezgu maqsadlar sari bog‘lovchi katta va mas’uliyatli tizimdir. ✅ Kasb bayrami munosabati bilan yo‘lovchilarimiz temiryo‘l sohasida fidokorona mehnat qilayotgan barcha temiryo‘lchilarni samimiy tilaklar bilan tabrikladilar. ➡️Bildirilgan ezgu tilaklar, iliq so‘zlar va samimiy e’tibor temiryo‘lchilarimizga bayramona kayfiyat ulashdi. Barcha temiryo‘lchilarni kasb bayrami bilan muborakbod etamiz! ✅ “Temiryo‘lekspress” AJ matbuot xizmati 📱Telegram 📱Instagram

Fidoyi temiryo‘lchilar mehnati e’tirof etildi ✅“O‘zbekiston Respublikasi Temir yo‘l transporti xodimlari kuni” munosabati bilan “Temiryo‘lekspress” AJda soha rivojiga munosib hissa qo‘shib kelayotgan bir guruh xodimlar taqdirlandi. ❗️Ko‘p yillik samarali mehnati, kasbiga sadoqati, yuksak mas’uliyati hamda xizmat vazifalarini sidqidildan bajarib kelayotgani uchun ilg‘or xodimlarga munosib rag‘bat va e’tirof ko‘rsatildi. 📌Ushbu taqdirlash temiryo‘l sohasida faoliyat yuritayotgan xodimlarning mashaqqatli va sharafli mehnatiga bo‘lgan yuksak hurmat ifodasidir. “Temiryo‘lekspress” AJ matbuot xizmati 📱Telegram 📱Instagram

🎉 “Temiryo‘lekspress” AJ Kasaba uyushma qo‘mitasi raisi Nodira Rahmanova “Faxriy temiryo‘lchi” ko‘krak nishoni bilan taqdirlandi ✅ Bugun “Temiryo‘lekspress” AJ Kasaba uyushma qo‘mitasi raisi Nodira Rahmanova temiryo‘l sohasidagi ko‘p yillik samarali mehnati, kasbiga bo‘lgan sadoqati hamda tizim rivojiga qo‘shgan munosib hissasi uchun “Faxriy temiryo‘lchi” ko‘krak nishoni bilan taqdirlandi. ➡️Ushbu yuksak mukofot bilan Nodira Rahmanovani “Temiryo‘lekspress” AJ jamoasi nomidan samimiy muborakbod etamiz! ➕Sizga mustahkam sog‘liq, oilaviy baxt-saodat, uzoq umr, kelgusi faoliyatingizda ulkan muvaffaqiyatlar va yangi zafarlar tilaymiz. Yurtimiz temiryo‘l tizimi ravnaqi yo‘lidagi fidokorona mehnatingiz bardavom bo‘lsin! “Temiryo‘lekspress” AJ matbuot xizmati 📱Telegram 📱Instagram

Temiryo‘lchilar kasb bayrami muborak! Hurmatli temiryo‘l sohasi fidoyilari! Sizlarni kasb bayramingiz — Temiryo‘lchilar kuni munosabati bilan “Temiryo‘lekspress” AJ jamoasi nomidan samimiy muborakbod etamiz. Temiryo‘l tizimi mamlakatimiz iqtisodiyoti, transport infratuzilmasi va aholi farovonligini ta’minlashda muhim o‘rin tutadi. Ushbu sharafli sohada sidqidildan mehnat qilayotgan har bir xodimning mas’uliyati, fidoyiligi va kasbiga sadoqati yurtimiz taraqqiyotiga munosib hissa qo‘shmoqda. Sizlarning tun-u kun olib borayotgan mashaqqatli mehnatingiz, yo‘lovchilar xavfsizligi va qulayligini ta’minlash yo‘lidagi sa’y-harakatlaringiz yuksak e’tirofga loyiq. Ushbu qutlug‘ ayyomda barchangizga mustahkam sog‘liq, oilaviy baxt-saodat, xonadonlaringizga fayz-u baraka, mas’uliyatli va sharafli faoliyatingizda ulkan muvaffaqiyatlar, yangi zafarlar hamda ezgu maqsadlaringiz ro‘yobini tilaymiz. Kasb bayramingiz muborak bo‘lsin! “Temiryo‘lekspress” AJ matbuot xizmati 📱Telegram 📱Instagram