@SizdanTelegram© | Yangi O'zbekiston

📢 Урганчда ўқитувчиларни таътилдан кейин фаррош ва боғбон қилиб қўйишяптими? Урганч шаҳридаги 18-сонли умумтаълим мактабида ўқитувчи бўлиб ишлаймиз. 27 июль куни таътилдан чиқдик. Мана, 15 кун бўлди — лекин дарс бериш ўрнига бизга фаррошлик, боғбонлик, ойна ювиш ва бошқа хўжалик ишлари юклатиляпти. Ҳатто 3-қаватда туриб ойна ювамиз. «Йиқилиб ўлмоқчимисан?» деб айтсак, раҳбарият томонидан «дарслар бошланганда гаплашамиз» деб босим қилинади. Шу билан бирга, директорнинг келини ва яна айрим ўқитувчилар ишда йўқ бўлса-да, уларга нисбатан худди шундай талаб қўйилмаяпти, дейишяпти. Биз ўқитувчимизми ёки фаррош, боғбон ва малярми — тушунмай қолдик. Илтимос, Озодлик бу ҳолатни ўрганиб, биз, оддий устозларга ёрдам беринг.

🚨 Татаристондаги дрон ҳужуми Ўзбекистонлик жабрланганлар ва уларнинг оилалари ҳақида маълумотга эга бўлганлар, илтимос, биз билан @ozodnews орқали боғланинг. Россиядаги дрон ҳужуми оқибатида 8 нафар Ўзбекистон фуқароси ҳалок бўлгани, бир неча нафар юртдошимиз эса шифохонага ётқизилгани хабар қилинмоқда. Жабрланганлар ва уларнинг яқинлари ҳақидаги маълумотларингизни бизга юборинг.

🚨 «ҚУТҚАРУВЧИЛАР ҚУЛ ЭМАС!» — ФВВ ХОДИМЛАРИ ҲОКИМИЯТНИНГ ҲОЖАТХОНАСИ ВА КАНАЛИЗАЦИЯСИНИ ТОЗАЛАШГА МАЖБУРЛАНМОҚДАМИ? Менимча, бутун Ўзбекистон кўриши керак бўлган видео ва расмлар бор. Илтимос, бизнинг мурожаатимиз Ўзбекистон Фавқулодда вазиятлар вазирига етказилсин, раҳбарлар кўрсин. Нега десангиз, бу қутқарувчилар қул эмас, ҳокимнинг хизматкори эмас! Уларнинг ҳам оиласи, фарзандлари бор. Улар 24 соат бир сутка ишлаб, кейин яна иккинчи суткада қулдек ишлашга мажбур эмас. «Шуми Янги Ўзбекистон? Ҳурматли ФВВ вазири, қаранг: сизнинг қутқарувчиларингиз ҳокимиятнинг ҳожатхонасини ҳам тозалашяпти, ҳатто канализациясини тозалаб беришга мажбур бўляпти. Лекин бу ҳолат аллақачон ҳаддан ошиб кетди. Бу ишчиларга қилдирилаётган ишларга ўзингиз келиб, ичига кириб кўринг. Одамларнинг патинкасини тозалашмаяпти, холос. Савол: ФВВ қутқарувчиларига бундай топшириқлар бериш бўйича расмий тартиб борми? Ёки бу фақат ФВВ ходимларига тегишлими?

ПАХТАЧИДА ҲАМ «ТОЗАЛИК РЕЙДЛАРИ» БОШЛАНГАНИ АЙТИЛМОҚДА Самарқанд вилояти Пахтачи тумани Фаровон-Ёлдошобод МФЙда ҳам хонадонлар ва ҳудудларни ободонлаштириш бўйича текширувлар бошлангани ҳақида таҳририятга хабар келиб тушди.

СИРДАРЁДА БЮДЖЕТ ТАШКИЛОТЛАРИ ХОДИМЛАРИ ХОНАДОНИНИ РАСМГА ОЛИБ, АЛЬБОМ ТАЙЁРЛАШ ТОПШИРИЛГАН @ozodnews Сирдарё вилоятидаги бюджет ташкилотлари ходимларининг хонадонлари ва томорқаларини текшириш бўйича топшириқлар берилгани ҳақида таҳририятга хабар келиб тушди. Мурожаат муаллифининг айтишича, ходимлардан хонадонлари ва томорқаларини обод қилиш, ҳовлининг ташқи қисмини таъмирлаш, оқлаш ва бўяш талаб қилинмоқда. Ҳар бир ходимнинг хонадонини суратга олиб, маълумотларни альбом шаклида тайёрлаш ва раҳбариятга тақдим этиш топширилган. Топшириқларда, жумладан, хонадонларнинг «сифатли» суратларини тайёрлаш, уларда маҳалла, кўча ва хонадон эгасининг маълумотларини кўрсатиш, раҳбарлар эса ходимлар хонадонларининг ободлиги бўйича назорат олиб бориши белгиланган. Мурожаат муаллифи бу талаблар ходимларнинг шахсий ҳаёти ва хусусий хонадонларига аралашиш эканидан хавотир билдирди Таҳририятга юборилган маълумотларга кўра, топшириқлар Сирдарё насос станциялари ва энергетика бошқармасининг Telegram гуруҳида тарқатилган.

ҚУМҚЎРҒОНДА МАҲАЛЛА РАИСИ АҲОЛИНИ ТОЗАЛИККА МАЖБУРЛАБ, ЖАРИМА БИЛАН ОГОҲЛАНТИРМОҚДА Сурхондарё вилояти Қумқўрғон тумани Пахтаобод маҳалласи раиси фуқароларни маҳалла ҳудудини тозалаш ва ободонлаштиришга чақирмоқда. Раис мурожаатида ҳудудда текширувлар ўтказилиши ва талабларни бажармаган фуқаролар жаримага тортилиши айтилган.

3 ОЙДАН БЕРИ КАВЛАНГАН КЎЧА: БОЛА ЧУҚУРГА ТУШИБ, РЕАНИМАЦИЯГА ТУШГАНИ АЙТИЛМОҚДА Андижон шаҳридаги “Эски шаҳар” ҳудудида жойлашган Заҳириддин Муҳаммад Бобур маҳалласи аҳолиси бир неча ойдан буён тугалланмаётган йўл таъмири туфайли оғир шароитда яшаётганини айтмоқда. Мурожаат муаллифининг сўзларига кўра, кўча қарийб уч ой аввал қазилган, аммо ишлар ҳалигача якунланмаган. Аҳоли таъкидлашича, чуқурлар сабаб транспорт ҳаракати қийинлашган. Шунингдек, мурожаатда қўшни хонадонда яшовчи бола чуқурга тушиб кетиб, реанимация бўлимида даволангани айтилган. Озодлик бу даъвони ҳозирча мустақил манбалар орқали тасдиқлай олгани йўқ. Маҳалла аҳолиси, шунингдек, қурилиш ишларини қайси ташкилот олиб бораётганини билмасликларини, ишларни сентябргача тугатиш ваъда қилингани айтилган бўлса-да, ҳозирча сезиларли силжиш бўлмаганини билдирмоқда.

САВДОГАРЛАРНИ АВТОБУСЛАРДА ДХХГА ОЛИБ КЕТИШАПТИ…МИ? @ozodnews @sizdan Сурхондарё вилояти Денов шаҳридаги “Хабиб бозор”да савдо қилувчилар мажбуран янги бозорга кўчирилаётгани ҳақида хабарлар келиб тушмоқда. Маълум қилинишича, савдогарларни автобусларга чиқариб, Давлат хавфсизлик хизмати (ДХХ) биносига олиб боришмоқда. У ерда уларга “янги бозорга кўчиш” талаби қўйилаётгани айтилмоқда. Бу маълумот ҳозирча мустақил манбалар орқали тасдиқлангани йўқ. Озодлик ушбу даъволар юзасидан масъул идоралар ҳамда маҳаллий ҳокимликнинг муносабатини олишга ҳаракат қилмоқда. Агар сиз ушбу воқеага гувоҳ бўлган бўлсангиз ёки фото, видео ёки бошқа далилларга эга бўлсангиз, таҳририят билан хавфсиз усулда боғланишингиз мумкин.