StillSUDAN

يوافق اليوم ١٤ أغسطس عيد الجيش وهو تاريخ تولي الفريق أحمد محمد قيادة قوة دفاع السودان في ١٩٥٤ وكان تأسيسها في ١٩٢٥ في عقابيل ثورة ١٩٢٤. والجيش ميدان للصراع الاجتماعي خرج منه ود الريح وهاشم وكذلك جون قرنق وعمر البشير.

https://atarnetwork.com/wp-content/uploads/2026/08/ATAR-%D9%85%D8%AC%D9%84%D8%A9-%D8%A3%D8%AA%D9%80%D9%80%D8%B1-%D8%A7%D9%84%D8%B9%D8%AF%D8%AF-135-%D9%83%D8%A7%D9%85%D9%84-135.pdf

جاء عدد أتر ١٣٥ تربويا يجر القارئة إلى ميدان الإنتاج ولو تمنعت تبكي وتتمخت إذ لا يصح نظر إلى أي مسألة صغرت أم كبرت بغير منضرة الإنتاج وعلاقاته، والله ولي التوفيق.

شهدت بقعة أم درمان اليوم زفة المولد وأي زفة، بوليس وجيش وسلاح موسيقى ودراويش وإسعاف وطبول وزغاريد وكيفما اتفق، مهرجان عند قبة الإمام! وشعبك أقوى وأكبر مما كان العدو يتصور!

أو تذكرين صغيرتي: نعم هو طلب مننا نجي بورتسودان وأنا شخصيا قلت ليه ياخي انت كونك تدير البلد من أقصى شمال شرق السودان، ما من العاصمة الخرطوم ده وضع غير طبيعي. السودان كله في حالة حرب. خلينا نلتقي في مكان نقدر نتكلم فيه بكل الوضوح والشفافية لمعالجة هذه الأزمة. لو أنت موجود في القصر الجمهوري في الخرطوم لحضرنا لك غدا. ده كان الرد بتاعنا أنا.

الظروف ايه؟ الاجتماعية! ايه؟ الاجتماعية! فتح الله عليك!

وتقرأ من الرائدة في «طريقنا للتحرر» مثل هذه البداهة التي تاه عنها الجزافيون نساء ورجالا. "إن نجاح أي تنظيم يتوقف على شرطين أساسيين وهما: أن يسير في الطريق السليم لتحقيق أهدافه. أن يصبح تنظيما جماهيريا قويا، قاعدته واسعة وقيادته واعية. والشرط الأول يعتمد على…

مرت بالأمس ١٢ أغسطس ذكرى وفاة الرائدة (١٩٣٣-٢٠١٧)، وخريطتها عندي فحص حزبي، معانا ولا مع الخيانة:

مرت بالأمس ١٢ أغسطس ذكرى وفاة الرائدة (١٩٣٣-٢٠١٧)، وخريطتها عندي فحص حزبي، معانا ولا مع الخيانة:

من اندبندنت عربية:

من كمال شرف، وأمهلهم رويدا!

رحل عن الفانية في مثل هذا اليوم ١٢ أغسطس في العام ٢٠١٨ المرحوم سمير أمين، الذي قعد من موقعه كعالم للإمبريالية كل مقعد، وجاء بإدراك نضر لما بين مركز العالم وأطرافه، وماركسية المرحوم سمير ماوية الطراز (نسبة إلى ماو تسي تونغ) ولم يحبذ في حياته مفهوم «التبعية» الذي ارتبط به وقام به حواريون وزلنطعية سداري وكان يفضل عبارة عكرة هي «المادية التاريخية العالمية».

لم يحسن الاستقالة مثل حمد محمد حامد خليفة، مسؤول كردفان في حكومة الدعم السريع، الذي انشق اليوم انشقاقا، فصيحا.

من قريحة أهلك: تشوفهم شديدين وهم مي شديدين عندهم مرض نفسي وحايمين مع الإماراتيين.

الجزء الأول من كلمة من فصين على صفحات «خط الاستواء»، وهي من عبير المرحوم طه كمال الشيخ مدني وفي كراسه ألا يدنسه المدنسون، وجلسته تلك قائم على سلاحه بصمت والطربقة حوله لا تنقطع. https://www.equator.org/articles/khartoum-after-the-storm-el-gizouli

من لوم عبد القادر ود حبوبة أهله: يا أهل العهد المعهود تنكروا الخال الفي الخدود يا أخواني بعد العهود والمواثيق نحود نرتد نجحد جحود سكة صحبو الجنود

من حكمة الحياة المعاصرة: تتغذى كل منصة من منصات التواصل الاجتماعي على رذيلة من الرذائل: تندر على شهوة الفرج ويلب على شهوة البطن ونتفلكس على الكسل وتويتر على الغضب ولينكدان على الطمع وفيسبوك على الحسد وإنستغرام على الغرور. وجاء بهذا التفسير رائد وادي السيليكون ريد هوفمان في باب التدليل على نجاحها التجاري.

من جريدة الكرامة: الخرطوم -متابعات كشفت مصادر رفيعة، اليوم الإثنين، عن صدور قرار من رئيس مجلس السيادة الانتقالي، القائد العام للقوات المسلحة، الفريق أول ركن عبدالفتاح البرهان، قضى بحل شركة زادنا العالمية للاستثمار المحدودة، وإعادة هيكلتها وتقسيم أنشطتها إلى خمس شركات متخصصة. وبحسب المصادر، نص القرار على تكوين الشركات الجديدة تحت مسميات: زادنا للإنتاج الزراعي والحيواني، زادنا للطرق والجسور، زادنا للإنشاءات، زادنا للتعدين، وزادنا للخدمات والموانئ البرية،ووجّه القرار الجهات ذات الصلة بالشروع في التنفيذ الفوري لمضامينه، واستكمال الإجراءات الإدارية والقانونية والتنظيمية اللازمة لإعادة هيكلة أنشطة الشركة وفق التقسيم الجديد. وأفادت المصادر بأنه تم تسليم نسخ من القرار إلى وزارة الدفاع، والصندوق الخاص للضمان الاجتماعي للجيش، ومجلس إدارة شركة زادنا، لاتخاذ ما يلزم من إجراءات كلٌ فيما يليه. ويأتي القرار في إطار إعادة تنظيم أعمال واستثمارات شركة زادنا وتوزيع أنشطتها على شركات متخصصة، بما يفصل بين قطاعات الإنتاج الزراعي والحيواني، والطرق والجسور، والإنشاءات، والتعدين، والخدمات والموانئ البرية.

من الشيخ موسى هلال: «الناس الهسي على راس الفتنة وعلى راس الحرب ديل خشم بيت اسمه أولاد منصور، من الماهرية، أولاد منصور. جو في الرحلة بتاعت ١٩٨٤ خاصة أسرة دقلو دي. سكنوا الشمال لفترة، طردوا من الشمال لأفعال إجرامية. مشوا راس وادي باري هناك، شرق الحلة، سكنوا هناك. برضو ارتكبوا جريمة في جمل واحد، جمل واحد بتاع أهلنا الفور. مشوا عشان يسرقوا الجمل ده. أهلنا الفور ضربوا البوق وكده وقاموا اتلائموا فيهم. كتلوهم هم الثلاثة أشقاء، أخوان حمدان أبو حميدتي ده وجمعة دقلوا الهسه فضلوا. شايف دقلو أولاده سبعة. الخمسة، الثلاثة ماتوا شرق كبكابية والإثنين ماتوا في جنوب دارفور برضو في أحداث بتاع نهب مسلح. فضلوا الإثنين، طيب، ده أنا داير أقول الكلام ده عشان الناس يكون عندها خلفية. ما يعني تصفية بتاعت حسابات شخصية ولا أنا قاصد أنه ولكن عشان الناس تعرف. لما كتلوهم الثلاثة، لمت اللجنة بتاعت الأجاويد والإدارة الأهلية في كبكابية وعلى راسها الشرتاي المرحوم عمنا آدم بوش وعمنا يوسفو الله يرحمه. وتعلمون كويس أنه يوسفو أمه ماهرية. فاجتمعوا هناك الناس وكونوا لجنة عشان يمشوا يجيبوا الجثث بتاعت الناس الثلاثة ديل. أيامنا ديك كان ظهرت حاجة في وسط أهلنا الفور، مليشيات بقيادة واحد اسمه أبو الخيرات. مع لجنة الأمن بتاعت كبكابية والحامية، كانت كبكابية حامية، طلعو لاندروفر بتاعت الشرطة مشو يرفعوا الجثث. الجثث أخدت زي ثلاثة أربعة يوم، اتحللت وعفنت. شالوهم جابوهم دفنوهم في حي الشاطئ في كبكابية. والناس الجابوهم دفنوهم موجوين هسع حيين في كبكابية، بعض منهم. قاموا بعد ده كونوا لجنة عشان تمشي تعمل دية للناس الثلاثة ديل في منطقة حاجة، شرق غرب جبل مرة هناك. الناس مشوا اجتمعوا وعلى راس الأجاويد العرب كان إبراهيم عزه، أبو ناس محمد إبراهيم عزه وأبو ناس يوسف إبراهيم عزه المستشار الهسع قابضنوا في تشاد ده. لما مشوا هناك ومعاهم شراتي وعمد من الفور عقدوا الجلسة عشان يعملوا معالجة ودية وكده أبو الخيرات رسل مجموعة من المليشيات كانوا على علم بالجلسة دي جو ضربوا الجلسة. ضربوا الناس الفي الجلسة كتلوا عمدة من أهلنا الفور وكتلوا إبراهيم عزه. اللجنة الباقي فرت. خلوا الدواب مربوطات في محلهن. كتلة إبراهيم عزه دي يعني في الجلسة دي اتسببت لينا نحنا في شمال دارفور ياهو أولدت الحرب بتاع ١٩٨٧ و١٩٨٨ بينا وبين أهلنا الفور. الحرب دي معناها سببها أولاد دقلو الثلاثة الماتوا ديل.» وتتعلم منه تقاسيم الأم كواك القائمة منذ مجاعة الثمانينات وكذلك أن «عزت» المنسوب إليه يوسف إبراهيم عزت، أو نسب إليه نفسه من باب التحسين ربما، تحريف لاسم سالم نطقه الشيخ موسى «عِزّه» بكسر العين وتشديد الزاي وهاء وليس تاء.

عقدة العلاقات المدنية العسكرية: لو رجعوا الملكية جياشي يوزن مية فوق المدارات شو فوق في الجو! والله وكيل الغافلين.