“Yosh kitobxon” INFO

📚 Yana bir mutolaa va ma’rifat maskani ochildi Samarqand shahri Payariq tumani “Xo‘ja Ismoil” mahallasida O‘zbekiston Yozuvchilar uyushmasi a’zosi, shoir Asadullo Shukurov kutubxonasi o‘z faoliyatini boshladi. Yangi kutubxona yoshlar orasida kitobxonlikni targ‘ib qilish, mutolaa madaniyatini yuksaltirish va ma’rifatga bo‘lgan qiziqishni oshirishga xizmat qiladi. 📖 Kitob bor joyda — ma’rifat bor. Bizni ijtimoiy tarmoqlarda kuzating! 🌐 Telegram | 🌐 Instagram

Bu kitobni har bir O‘zbekiston farzandi o‘qishi shart Abdurauf Fitratning “Hind sayyohining qissasi” asarini o‘qib, bir narsaga amin bo‘ldim: ba’zi kitoblar yozilgan davridan ancha uzoq yashaydi. Fitrat Buxoroning buyuk ilmiy merosini, shu bilan birga jaholat, ma’rifatning zaiflashuvi, noto‘g‘ri boshqaruv va poraxo‘rlik kabi muammolarni ochiq ko‘rsatadi. U ta’lim, ilm, adolat va zamonaviy boshqaruvsiz jamiyat taraqqiy eta olmasligini ta’kidlaydi. Eng muhimi, u bizga shuni eslatadi: buyuk tarix bilan faxrlanishning o‘zi yetarli emas. Ajdodlarimizning ilm va taraqqiyotga intilishini davom ettirishimiz kerak. 👉https://mutolaa.com/davra/post/439851

📚“Mutolaa Cup” ONLAYN TANLOVINING 1-MAVSUMI BOSHLANDI! Kitob o‘qishni yaxshi ko‘rasizmi? Bilimingizni sinab, 300 ming so‘mlik sovrin jamg‘armasi yoki Mutolaa Premium yutishni xohlaysizmi? 🖤 Unda imkoniyatni boy bermang! “Mutolaa Cup” onlayn tanlovida ishtirok eting va bilim kuchingizni namoyon qiling! 💪📖 🔸 TANLOV SHARTLARI: 🔹 Tanlov onlayn formatda, Mutolaa👍ilovasi orqali o‘tkaziladi 📌 Tanlov 2 bosqichda bo‘lib o‘tadi: 1-bosqich — 30 ta test ➡️ 30 ta testni ishlash uchun 15 daqiqa beriladi 2-bosqich - 10 ta yopiq savol 10 daqiqa vaqt beriladi. Ikki shart natijalariga koʻra eng koʻp ball yigʻgan kitobxon gʻolib boʻladi. 🏆 SOVRINLAR: 🥇 1-o‘rin — 1 yillik Mutolaa premium👍 va 150 ming soʻm 🥈 2-o‘rin — 1 yillik Mutolaa premium👍 100 000 so‘m 🥉 3-o‘rin — 1 yillik Mutolaa premium👍 va 50 000 soʻm 4-10-oʻrinlar. 1 oylik Mutolaa premium👍 📚📚 TANLOV KITOBI: O’lmas Umarbekov — Yoz yomgʻiri 🗓 Ro‘yxatdan o‘tish: @Kitobxonliktanlovlari_bot 🔸 Tanlov vaqti: 16-avgust 21:00–21:25 🔹 ISHTIROK ETISH UCHUN: @Kitobxonliktanlovlari_bot ushbu botga start bosing. Tashkilotchilar kanallariga a'zo boʻling. Bir martalik guruhga qoʻshilish uchun havolani ustiga bosing va guruhni pin qilib qoʻying. 🔵 TASHKILOTCHILAR: 🕊Sherzodbek Qurbanov 🕊Yunus Yusuf 📚 Tanlov omadga emas — bilimga asoslanadi! Eng zukko kitobxon aynan siz bo‘lishingiz mumkin! ✔✔

Uchko‘prik tumanida yangi loyiha asosida “Yoshlar ziyo maskani” ish boshladi Yangi ma’rifat maskani foydalanishga topshirilishi munosabati bilan o‘tkazilgan tadbirda viloyat hokimi o‘rinbosari Sherzodjon Polvonov, tuman hokimligi, Yoshlar ishlari agentligi hamda jamoatchilik vakillari, turli yoshdagi kitobxonlar ishtirok etdi. Ziyo maskanida ijtimoiy-siyosiy, ma’naviy-ma’rifiy, adabiy-badiiy, ilmiy-ommabop, bolalar adabiyoti kabi bo‘limlar 500 dan ortiq nomdagi kitoblar bilan to‘ldirildi. “Yoshlar ziyo maskani”da 4 nafar yosh doimiy ish bilan ta’minlanadi. Bu yerda WI-FI tarmog‘i yo‘lga qo‘yilgan bo‘lib, 1 ming 500 dan ziyod adabiyotlarning elektron nusxasi shakllantirilgan. Ziyo maskani tuman markazida, aholi gavjum joyda tashkil etilganining boisi kitobxonlarga yanada qulaylik yaratish, yoshlarni kitobxonlikka keng jalb etishdan iboratdir. Fergana.gov.uz|Facebook|Instagram|Youtube|X

📚 Yanada ko‘proq kitobxonlar sari! 1000KITOB jamoasi O‘zbekiston Milliy kutubxonasi direktori Umida Teshaboyeva bilan uchrashdi. Loyiha doirasida nashr etilgan kitoblar Milliy kutubxonaga topshirilib, quyidagi masalalar yuzasidan fikr almashildi: ▫️ tavsiyaviy adabiyotlar bazasini shakllantirish; ▫️ bolalar adabiyotlari ulushini kengaytirish; ▫️ loyiha kitoblarini kitobxonlarga yanada yaqinlashtirish. Shuningdek, tarjima huquqi egalari roziligi asosida loyiha kitoblarining elektron nusxalarini O‘zbekiston Milliy kutubxonasiga beg‘araz taqdim etish va ularni elektron kutubxona fondiga kiritish bo‘yicha ham kelishib olindi. Telegram | Facebook | Instagram | YouTube

O‘zbekiston Respublikasi Prezidenti huzuridagi Davlat siyosati va boshqaruvi akademiyasida kitobxonlik madaniyatini yuksaltirishga bag‘ishlangan ma’naviy-ma’rifiy uchrashuv bo‘lib o‘tdi. Tadbirda Yoshlar ishlari agentligining “Mutolaa” va “Yoshlar uchun ming kitob” loyihalari bo‘yicha taqdimotlar o‘tkazildi. Loyiha vakillari tinglovchilar, professor-o‘qituvchilar hamda Akademiya xodimlariga ushbu loyihalarning maqsadi, kitobxonlar uchun yaratilgan imkoniyatlar va ulardan foydalanish tartibi haqida batafsil ma’lumot berdi. Telegram | Facebook | Instagram | YouTube