Nine Ravens Cemetery

Пад сённяшні дзень ужо некалькі месяцаў ляжаў-чакаў малюнак - "найбольш агідная пачвара з майго сутарэння". Відавочна, я не даў з ім рады. Пачвара мо і агідная, але і не побач з той гідотай, што ўжо 4 гады лезе ва Украіну.

Віншую ўсіх з надыходзячым! Мышапавукі і Магільшчык глыбока спяць, але ўва сне дыхаюць і бачаць сны. 2025 - суцэльная лухта. Асабліва не спадабаліся: навіны (у свеце ганебны жах адбываецца), навіны (на радзіме таксама ганьба і трындзец), я (быў люта не прадуктыўным, ганьба х10, сорамна перад людзьмі дужа). Зычу ўсім нам менш ганебнага наступнага году!

Сёння святкую дзень нараджэння. І то, як на мяне, нармалёвая зачэпка каб распачаць восеньскі сезон (а то на лета пакінуў канал зусім без актыўнасці). #мышапавукі вылазяць вонкі, пачынаюцца прыгоды!

Спадарства! Мы (група аўтараў беларускага кантэнту ў ТГ) рады прадаставіць вам адноўленую папку «Кантэнт 2.0». Дапрацаваны спіс годных паблікаў на самыя розныя тэмы: мемы, этнаграфія, архітэктура, сэкс-асвета і шмат чаго яшчэ. Давайце разам падтрымліваць годны беларускамоўны кантэнт! https://t.me/addlist/u20xYPjfRV9hNjVi https://t.me/addlist/u20xYPjfRV9hNjVi https://t.me/addlist/u20xYPjfRV9hNjVi Калі нехта жадае далучыцца да падборкі зьвяртайцеся сюды ў "Прышпільныя коміксы": @pryshpilny_bot

Вітольд - эксперт культуралогіі. Добра ведае тыя п'есы, што выклікаюць анамальнае надвор'е. https://www.tiktok.com/@nr_cemetery_official/video/7520372499717164310 #мышапавукі

Рэліз трэйлеру! Запрашаю паглядзець і падабайку пакінуць: https://www.youtube.com/watch?v=g0JT5svUzCE Гекаф'я - першая з мышапавучага роду, што нарадзілася і прайшла шлях да ўласнай рубрыкі цалкам на стрымах. Пажадаем ёй шматлікіх гадоў тэлевізійнай кар'еры)

Гекаф'я рыхтуецца рухацца - анімацыя ўжо дзесьці побач. Хтанічная мышапавучая Калі выхваляецца дадатковымі канечнасцямі. #мышапавукі

Экспедыцыйны корпус, нататкі-замалёўкі спецстрояў. Даследчыя экспедыцыі то тое, што мне ў Маёнтку падабаецца найбольш) #мышапавукі

Не #дранікі, але атрымалася няблага. Першыя беляшы ў маім жыцці.

Запалкавы культыст. Калісьці даўно, калі рабіў партрэтную серыю, узгадваў апакаліптычны культ вагню. Трэба часцей яго ўзгадваць) Запалак, вядома, крытычна абмежаваная колькасць. Таму іх збіраюць па ўсяму маёнтку, і выкарыстоўваюць дужа рэдка - у асноўным падчас вялікіх абрадаў (відавочна звязаных з ахвярамі). #мышапавукі

Гекаф'я каментуе сённяшняе жыццё. #мышапавукі

Вялікдзень, яйкі! Мышапавучыныя, вядома) Біцца імі цяжка, бо яны мяккія, але памер пасуе і фарбаваць лёгка. #мышапавукі

Пакрысе актывізаваўся праект #Баўкіна_гульня - зацікаўленасць гэймдэваўскім напрамкам нікуды не знікла) Грыбакапялюш глядзіць у душу, пакуль мы глядзім у інтэрфейс.

Віншуем чытачак з 8 сакавіка! Кантакты з чалавечым сусветам цалкам кладуцца на мышапавучыху Гекаф'ю - яе таксама віншуем:) Цяпер яна афіцыйна генеральная дырэктарка тэлеканалу "Першы мышапавучы". #мышапавукі (бонусам - каментар пра надвор'е)

Наступная паштоўка ўмоўнай "квадратнай" серыі - мышапавучая Пагоня. Яе варта было б посціць 25 сакавіка, але намалявалася зараз - тады чаму б і не?) #мышапавукі

Дзень роднай мовы, таму з прасторы між цаглінамі выпаўзла чарговая "Ў". Дужа сіметрычная. Гудзе, ствараючы вібрацыі - ці то кліча кагосьці, ці гутарыць з чымсьці па-за межамі нашага ўспрымання. Жыве ўжо доўга, будзе жыць вечна. #мышапавукі

Замест крылаў - плаўнікі, замест лука й стрэл - джала, замест маўпы - мыш. Змены не прынцыповыя, па сутнасці ўсё на месцы - то-бок канон) #мышапавукі

Гекаф'я цалкам. Пакуль не варушыцца, але анімацыі ўжо малююцца. #мышапавукі