Paville | Pavilenščyna

Язэп Пушча 1902 1964 Раніца У сутоньні п‘яніцай хістаецца пад плотам цень. Умыўшыся яркай раніцай, на сіні выган выганяе сонца пасьвіць дзень. Плаксівую смугу памялом зьмяло, і промень сонца па шляху пабег ў сутулае сяло. З сявенькай працы на плячох ратай спаткаў яго: уцеха хлынула з вачэй і гойснула у сінь бягом. Падшывалец-вецер лапоча песьняй у лісьцьве: разьбіўся мутны вечар аб сонца ў сіняве! #івянеччына

Вёска Пелегрында з літоўскамоўным насельніцтвам. На заходнім баку вёскі, на палях пад назвай Французкія, знаходзіліся курганы. Паводле легенды, гэта магілы змерзлых французаў. Кажуць, што калісьці каля гэтага месца цякла рака Алуоша. У помсту за патанулае дзіця вядзьмарка-чарадзейка ўторкнула ў яе згортак і наклала загавор з наступнымі словамі: «Каб не было Алуошы, павінна быць Пелегрында». Таксама ў Пелегрындзе жыў самы вядомы ў Гервяцкім краі чараўнік, знахар Шымуціс, памерлы ў 1930-х гадах. Сваіх ведаў Шымуціс нікому не перадаў. Паводле Ольгерда Хамінскага, станам на 1927-1933 гг. у гэтай вёсцы доля літоўскамоўнага насельніцтва складала 91-100 %. З успамінаў літоўскамоўнай жыхаркі: Ну, дзеці, гэтыя дзеці захапілі яны нас, ой! Яны кідалі камяні і... казалі на нас «гиргуны с чёрным поднебением»... — З кнігі Вайткявічуса Gervėčių sala. #астравеччына

Могілкі ля Вялікіх Яцынаў #астравеччына

15 ліпеня 1913 году ў Смаргоні нарадзіўся Абрагам Суцкевэр — габрэйскі паэт і празаік. Адзін з найвядомейшых у сьвеце паэтаў, што пісалі моваю ідыш. Экспэрт у галіне літаратуры й мастацтва, папулярызатар мовы ідыш у Ізраілі. #смаргоншчына #нашвядомызямляк

13 ліпеня 1943 году, у адказ на Івянецкае паўстаньне, пачалася апэрацыя «Герман» — карная антыпартызанская апэрацыя нямецкіх акупацыйных уладаў у Налібацкай пушчы. Каб пазбавіць партызанаў падтрымкі, немцы стварылі паласу «выпаленае зямлі» ў радыюсе каля 10-15 кілямэтраў вакол пушчы. Толькі ў ваколіцах Івянца й Налібакаў было зьнішчана 38 вёсак. Агулам, цалкам альбо часткова былі зьнішчаныя ад 60 да 150 вёсак (без уліку асобных хутароў). Па выніку апэрацыі найбольшыя страты панесла беларускае цывільнае насельніцтва. Былі забітыя прынамсі 4280 чалавек з ліку цывільнага насельніцтва. Ад 21 да 25 тысяч чалавек былі сасланыя на прымусовыя працы ў Трэці Райх. На першым здымку — партызаны, якіх схапілі ў часе апэрацыі. На другім — жаўнеры Вафэн-СС ды вясковы хлопчык, схоплены імі. #івянеччына