SamATI | Rasmiy kanali

📌 JICA vakillari SamATIga tashrif buyurdi ✅ Samarqand agroinnovatsiyalar va tadqiqotlar institutiga Yaponiya xalqaro hamkorlik agentligi (JICA) bosh ofisi vakillari Chitani Minori, Kawasaki Akira hamda JICAning O‘zbekistondagi vakolatxonasi vakili Nakamura Erilar tashrif buyurdi. Delegatsiya vakillarini institut rektori, professor Sh. Hasanov kutib oldi. Uchrashuv davomida mehmonlarga institutning ta’lim va ilmiy-tadqiqot faoliyati, ustuvor ilmiy yo‘nalishlari, xalqaro aloqalari hamda xorijiy hamkorlar bilan amalga oshirilayotgan loyihalar haqida batafsil ma’lumot berildi. Batafsil: 👉 https://samaguni.uz/#/news/761 🏛 SamATI Axborot xizmati Website | Telegram | Facebook | Instagram | YouTube

#vazir_tabrigi Aziz yoshlar! 2026/2027-o‘quv yili uchun oliy ta’lim muassasalariga yakuniy tanlov natijalari — mandat e’lon qilindi. Avvalo, talabalikka tavsiya etilgan barcha yoshlarni ushbu quvonchli kun bilan chin qalbimdan muborakbod etaman! Bugun sizlar hayotingizdagi eng muhim va unutilmas kunlardan birini boshdan kechirmoqdasiz. Sizning bu natijangiz ortida yillar davomidagi izlanish, mehnat, ustozlaringizning sabog‘i va ota-onangizning ishonchi turibdi. Bu yutuq — nafaqat sizning, balki sizni qo‘llab-quvvatlagan oilangiz va ustozlaringizning ham quvonchidir. Endi oldingizda yangi, yanada mas’uliyatli bosqich — talabalik davri turibdi. Oliy ta’lim dargohida sizlarni yangi bilimlar, yangi do‘stlar, yangi imkoniyatlar va katta maqsadlar kutmoqda. Tanlagan yo‘nalishingizni chuqur egallab, zamonaviy bilim va ko‘nikmalarni o‘zlashtirishingiz, kelajakda mamlakatimiz rivojiga munosib hissa qo‘shadigan malakali mutaxassis bo‘lib yetishishingizga ishonaman. Shu bilan birga, talabalikka tavsiya etilmagan yoshlarimiz uchun ham imkoniyatlar eshigi ochiq. Yurtimizning barcha hududlarida faoliyat yuritayotgan texnikumlarda ta’lim olish va zamonaviy kasb egallash imkoniyati mavjud. Barcha yangi talabalarni yana bir bor samimiy muborakbod etaman! Sizlarga mustahkam sog‘liq, katta marralar, ilm yo‘lida muvaffaqiyat va yorqin kelajak tilayman! Talabalik baxti muborak bo‘lsin! Qo‘ng‘irotboy Sharipov, Oliy ta’lim, fan va innovatsiyalar vaziri Facebook | Instagram | YouTube | Telegram

#Qabul2026 #Abituriyent2026 #Natija DIQQAT, E'LON! YAKUNIY TANLOV NATIJALARI (MANDAT) E'LON QILINDI 📝 2026/2027-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha tanlov natijalari e’lon qilindi. 📝 Tanlov natijalarini 4 xil usulda bilish mumkin. 1️⃣ my.uzbmb.uz sayti orqali: my.uzbmb.uz saytiga abituriyentning pasport seriyasi va raqami hamda shaxsiy identifikatsiya raqamini kiritgan holda. 2️⃣ mandat.uzbmb.uz sayti orqali: mandat.uzbmb.uz saytiga abituriyentning ID raqamini kiritgan holda. 3️⃣ Bilimni baholash agentligining quyidagi telegram botlariga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda: 👉@bmba_natija_bot 👉@bmba_natija_1bot 👉@bmba_natija_2bot 4️⃣ Test natijalari qaydnomasi orqali: test natijalari qaydnomasi oliy ta’lim muassasalariga taqdim etiladi. ✅ Agentlikning rasmiy sahifalari: Telegram | Facebook | Instagram | YouTube

Paxta terish mashinalari mexanizatorlari uchun o‘quv kurslari yakunlandi 🚜Samarqand agroinnovatsiyalar va tadqiqotlar institutida (SamATI) viloyatda faoliyat yuritayotgan paxta terish mashinalari mexanizatorlarini tayyorlash va malakasini oshirishga qaratilgan o‘quv kurslari yakunlandi. 📚Kurs davomida tinglovchilarga paxta terish mashinalarini boshqarish, ulardan samarali foydalanish hamda texnika xavfsizligi qoidalariga rioya qilish bo‘yicha nazariy va amaliy bilimlar berildi. Shuningdek, zamonaviy texnikalarning ish unumdorligini oshirish va mavsumiy ishlarni to‘g‘ri tashkil etish bo‘yicha qo‘shimcha tavsiyalar ham berildi. 👨‍🏫Mashg‘ulotlar tajribali mutaxassislar va amaliyotchi muhandislar tomonidan olib borilib, tinglovchilarning real sharoitda ishlash ko‘nikmalari mustahkamlandi. 🎓Kursni muvaffaqiyatli yakunlagan tinglovchilarga tegishli sertifikatlar topshirildi. ✅Aytish kerak, mazkur o‘quv kurslari paxta terimi mavsumini sifatli va xavfsiz tashkil etish, zamonaviy texnikalardan samarali foydalanish hamda malakali mexanizatorlar salohiyatini oshirishga xizmat qilishi bilan ahamiyatli. 🌐Website 💬Telegram 💬Facebook 📺YouTube 📷Instagram

✅Amaliyot ofisi: 5-mavsum ❗️Davlat idorasida ishlashni xohlaysizmi? Tajriba orttirish bilan birga stipendiya olish imkoniyatini ham istaysizmi? Unda Amaliyot ofisi aynan siz uchun! 🔰Amaliyot ofisi orqali Yoshlar ishlari agentligida real ish jarayonida qatnashib, amaliy tajriba orttirasiz va eng yaxshi amaliyotchilar uchun oyiga 1 mln so‘mgacha stipendiya olish imkoniyatiga ega bo‘lasiz. Sizni nimalar kutmoqda? • Yoshlar ishlari agentligida real amaliyot. • Stipendiya olish imkoniyati. • Trening, seminar va uchrashuvlar. • Kasbiy va shaxsiy rivojlanish. • Kuchli jamoa va professional aloqalar. • Biznes, startap va ijtimoiy loyihalar bilan ishlash. Amaliyot vaqti: Dushanba–juma. Kuniga 6 soat. 📌 Ariza topshirish bosqichlari: 1️⃣ yoshlar.gov.uz saytiga kiring. 2️⃣ So‘rovnomani to‘ldiring. 3️⃣ CV'ingizni yuklang. 4️⃣ IQ testdan o‘ting. 5️⃣ Arizani yuboring. ☝️Muhim: Tegishli yo‘nalish bo‘yicha loyihangiz bo‘lishi zarur. ⏳Ariza topshirishning so‘nggi kuni 20-avgust! Imkoniyatni qo‘ldan boy bermang! Qo‘shimcha savollar uchun: @amaliyot_ofisi_menejer Facebook | Instagram | YouTube | Telegram

📌 Institutda JICA vakillari bilan uchrashuv o‘tkazildi ✅ Bugun institutga JICA loyihasining O‘zbekistondagi ofisi vakili Yamaguchi Koji hamda JICA volontyori Saito Kota tashrif buyurdi. Institut rektori, professor Sh. Hasanov delegatsiya vakillariga institutning faoliyati, ta’lim yo‘nalishlari, ilmiy-tadqiqot ishlari, xalqaro aloqalari va institutda yaratilgan imkoniyatlar bo‘yicha qisqacha ma’lumot berdi. JICA bilan hamkorlik doirasida amalga oshirilayotgan loyihalar, mavjud hamkorlik yo‘nalishlari va kelgusida birgalikda amalga oshirilishi mumkin bo‘lgan ishlar yuzasidan fikr almashildi. Uchrashuvda JICA volontyori Saito Kotaning institutda o‘qishi va yashashi bilan bog‘liq tashkiliy masalalar kelishib olindi. Mazkur tashrif JICA bilan yo‘lga qo‘yilgan hamkorlikni amaliy jihatdan mustahkamlash, xalqaro loyihalar doirasidagi aloqalarni kengaytirishga qaratilgan. 🏛 SamATI Axborot xizmati Website | Telegram | Facebook | Instagram | YouTube