Strategic Focus: LIVE

Ўзбек бокс афсонаси Руфат Рисқиев 76 ёшда вафот этди Руфат Рисқиев 1974 йилда Ўзбекистон тарихидаги илк жаҳон чемпиони бўлган. 1976 йилги Монреал Олимпиадасида эса финалгача етиб бориб, кумуш медаль олган. Ҳал қилувчи жангда америкалик Майкл Спинксга имкониятни бой берган. Рисқиев спортчилик фаолиятидан сўнг мураббий ва ҳакам сифатида ишлаган. У сўнгги йилларда оғир касаллик билан курашган. Strategic Focus: LIVE

🇺🇸🇮🇱 Доим исроилпараст бўлган Ҳакаби асли америкалик оилаларга қилинган ҳужумдан сўнг исроилликларни “террорчи” деб атади АҚШнинг Исроилдаги элчиси Майк Ҳакаби Қусра қишлоғида фаластин-америкалик оилаларини қамал қилган исроилликларни даҳшатли террорчилик ҳаракатини содир этаётган “террорчилар” деб атаган. Қамал (тахминан 9-августдан бери) ўз ичига ёш болаларни ҳам олган 15 га яқин фаластинликни қопқонда қолдирган. Strategic Focus: LIVE

🇷🇺🇺🇦🇪🇺 Путиннинг кутилмаганда янги иттифоқчиси пайдо бўлди: Европада иссиқлик ва қурғоқчилик - Newsweek Европадаги ғайритабиий иссиқлик ва қурғоқчилик Украинанинг муқобил экспорт йўлларини, жумладан, Дунай дарёсини мураккаблаштирди ва шу билан Россиянинг фойдасига ўйнамоқда. Сув сатҳининг пастлиги сабабли, Қора денгиз портларига қилинган ҳужумлардан сўнг Украина дон экспорти учун фойдаланадиган Дунай дарёси қисман кемалар қатнови учун яроқсиз ҳолга келди. Шу билан бирга, Россия Украина портлари ва транспорт инфратузилмасига ҳужумларни кучайтирмоқда. Сув сатҳининг пастлиги Руминияда электр энергияси ишлаб чиқаришга ҳам таъсир кўрсатди, уларнинг бир қисми Украинага етказиб берилаётганди. Strategic Focus: LIVE

🇨🇳 Хитойнинг магнит ёстиқчали поезди дунёда илк бор бор-йўғи 5,3 сонияда 800 км/соат тезликка эришди — The Independent ​Тезлик бўйича поезд йўловчи самолётидан салгина ортда қолади, хавфсизликни таъминлаш учун ўрнатилган янги тормоз тизими эса таркибни бор-йўғи 200 метр масофада майин тўхтатди. ​Ҳозирча бу технология одамларни ташишга мўлжалланмаган, бироқ келажакда ундан ўта юқори тезликдаги поездлар, шунингдек, ракеталар ва қирувчи самолётларни учириш тизимларида фойдаланиш мумкин бўлади. Strategic Focus: LIVE

🇬🇧 Буюк Британияда йўловчи поезди изидан чиқиб кетиб, ағдарилиб кетди ​Ҳодиса Шарқий Суссексдаги Льюис шаҳри яқинида юз берган. Поездда 150 га яқин йўловчи бўлган, учта вагон ёнбошига ағдарилган, 11 киши жароҳатланди. Strategic Focus: LIVE

🇨🇳 Хитой шунчалик кўп автомобил экспорт қилмоқдаки, дунёда уларни ташиш учун кемалар етишмаяпти - The Wall Street Journal Хитой 2026-йилда 10 миллионгача автомобил экспорт қилиши мумкин. Strategic Focus: LIVE

🇹🇷🇷🇺 Туркиянинг Синоп шаҳрида эркак Қора денгиздан ракетага ўхшаш занглаган объектни топиб олди. Тахминларга кўра, бу Россиянинг Пансир-С1 ҳаво мудофаа тизимида қўлланиладиган зенит-ракетадир. Strategic Focus: LIVE

🇬🇧 Британиянинг эко-болиди 654 км/соат тезликка эришиб, водородли автомобиллар учун янги тезлик рекордини ўрнатди. JCB Hydromax фақат буғ чиқарадиган 1600 от кучига эга иккита двигател билан жиҳозланган. Унинг натижаси аввалги рекордчи — водородли BMW H2R кўрсаткичидан икки баравардан ҳам ошиб кетди. Қизиғи шундаки, болидни 64 ёшли Энди Грин бошқарган. Айнан у 1997-йилда ThrustSSC реактив автомобилини ақлдан оздирадиган 1228 км/соат тезликкача чиқариб, қуруқликдаги мутлақ тезлик рекордини ўрнатган эди. Strategic Focus: LIVE

🇮🇱🇺🇸 Нетаняху АҚШдаги яҳудийларни Исроилда яшашга таклиф қилди Исроил Бош вазири унга берилган “Бостон (АҚШ)даги яҳудийларнинг келажаги нима бўлади” деган саволга “ҳамма бу ерга (Исроил)га келиши мумкин” деб жавоб қайтарган. “Ким хоҳласа, бу ерга келиш имкониятига эга”, деган Нетаняху. Strategic Focus: LIVE

🇷🇺 Россия Давлат думаси депутати Михаил Матвеев ("КПРФ") "Яблоко" партиясининг сайловлардан асоссиз сабабларга кўра четлаштирилганидан норози бўлди ​У, шунингдек, ўз тарафдорларини ва барча бефарқ бўлмаган фуқароларни ижтимоий тармоқлардаги контентдан фойдаланаётган бошқа партияларга қарши даъво аризалари беришга чақирди. Матвеевнинг сўзларига кўра, бир хил асослар танлаб қўлланилганда бир партияга эътироз билдирилиб, бошқаларининг худди шундай ҳаракатлари эътиборсиз қолдирилганда сайловлар ўзбошимчаликка айланиб кетади. Strategic Focus: LIVE

🇯🇵🇷🇺 Япония ҳукумати Путиннинг Жанубий Курил оролларига ташрифи сабабли жавоб чоралари вариантларини ўрганмоқда — NHK ​Вариантлардан бири сифатида Россияга қарши санкцияларни кучайтириш кўриб чиқилмоқда. ​Япония Ташқи ишлар вазири Тосимицу Мотэги барча ҳудудлар Японияга тегишли эканини таъкидлаб, Россияга "кескин эътироз" билдирди. Strategic Focus: LIVE

🇰🇿 Қозоғистонда оммавий электр ўчиши ортидан одамлар дор йўлида қолиб кетди. Strategic Focus: LIVE

🇪🇨 Эквадорда Ҳоланд расми туширилган “кокаин” мусодара қилинди Эквадор полицияси Колумбия чегараси яқинида юк машинасидан ўрамларига Ҳоланднинг сурати туширилган тахминан 450 кг га яқин “кокаин”ни мусодара қилган. Ҳукумат ушбу модданинг қийматини АҚШда 11 млн доллардан, Европада эса деярли 20 млн доллардан ортиқ деб баҳолаган. Маълумот учун, картеллар юкларни белгилаш ва уларнинг сифатини кўрсатиш учун кўпинча машҳур шахслар ҳамда сиёсатшуносларнинг расмларидан фойдаланади. Strategic Focus: LIVE

🇺🇿🇰🇬🇰🇿🇹🇯 Бишкек, Олмаота, Душанбе ва Сурхондарё шаҳарларида электр узилишлари қайд этилди Бугун, 14-август куни соат 15:00 дан бошлаб Бишкекнинг турли туманлари аҳолиси электр узилишлари ёки узилишлар ҳақида шикоят қилишмоқда. Tengrinews хабар беришича, Олмаотанинг тўртта туманида ва Олмаота вилоятининг ўнта туманида электр узилишлари содир бўлган. Шунингдек, Душанбе ва Тожикистоннинг турли вилоятларида электр узилишлари қайд этилган. Сурхондарёнинг катта қисмида чироқ йўқлиги айтилмоқда. Шунга ўхшаш ҳолат 2022-йил январ ойида ҳам содир бўлган, ўшанда Қозоғистон, Қирғизистон ва Ўзбекистон шаҳар ва қишлоқлари электрсиз қолган эди. Strategic Focus: LIVE

🇹🇷 Ижтимоий тармоқларда тарқалган даъволарга кўра, Туркияда ўғрилар уй эгаси бор-йўқлигини билиш учун эшик орасига ингичка ип қолдиришмоқда Ип бир неча кун давомида ўз жойида қолса, уйда ҳеч ким йўқ деб тахмин қилиниши айтилмоқда. Бу усул ҳақидаги хабарлар ижтимоий тармоқларда тарқалган. Strategic Focus: LIVE

🇦🇪🇮🇷 Абу-Даби Миллий нефть компанияси (ADNOC)нинг икки кемаси Ҳурмуз бўғозида ҳужумга учради БАА Ташқи ишлар вазирлиги ҳужум учун Эронни масъул деб ҳисоблаган ва Теҳронни тажовузни тўхтатишга ҳамда бўғозни дарҳол кемалар ҳаракати учун очишга чақирган. Можаро кескинлашганидан бери ADNOC кемалари 15 марта ракета ва дрон ҳужумларига учраган. Шулардан бири 8 август куни содир бўлган. Strategic Focus: LIVE

🇺🇸🇨🇳🇺🇿 АҚШ Ўзбекистонни Хитой товарларига қўйилган божларни четлаб ўтишда фойдаланилаётган давлатлар қаторига киритди. АҚШ ҳисоботига кўра, Хитой товарлари 40 дан ортиқ давлатда қайта қадоқланиб, тамғаланиб ёки минимал қайта ишланиб, бошқа давлат маҳсулоти сифатида Америкага киритилмоқда. АҚШ бундай схемалар туфайли йилига 19–26 млрд доллар божхона даромадини йўқотаётганини баҳоламоқда. Рўйхатда Ўзбекистондан ташқари Қозоғистон, Озарбайжон, Грузия, Туркия, Ҳиндистон, Вьетнам, Япония, Канада ва Мексика ҳам бор. Strategic Focus: LIVE

🇺🇸🇷🇺🇯🇵 АҚШнинг Япониядаги элчиси Жорж Гласснинг таъкидлашича, Қўшма Штатлар Япониянинг Шимолий ҳудудлар (Курил ороллари) устидан суверенитетини тан олишини яна бир бор тасдиқлайди. Х ижтимоий тармоқ сайтидаги постида дипломат АҚШ "энг муҳим иттифоқчисини қўллаб-қувватлашда собитқадам" эканлигини таъкидлади. Strategic Focus: LIVE

🇷🇺🇺🇦 Украинада сулҳ бўлмайди - Лавров Лавровнинг сўзларига кўра, Москва ҳозирги алоқа чизиғи бўйлаб ҳарбий ҳаракатларни тўхтатиш ниятида эмас. У шунингдек, Украинанинг "ҳарбий машинаси"ни қўллаб-қувватловчи объектларга зарбалар тез орада кучайишини таъкидлади. Strategic Focus: LIVE