Davr24

🎉 Тадбиркорлар учун ажойиб янгилик ва навбатдаги катта ғалаба! Эндиликда дўкон, кафе ёки корхонангиз пештоқига илинган компания номи ва фаолият тури ёзилган пешлавҳалар (вивескалар) реклама деб ҳисобланмайди! Нима ўзгарди ва бу нега муҳим? Ортиқча харажат ва қоғозбозликка чек қўйилди: Шу вақтгача ўз биносига оддий пешлавҳа ёки бренд белгисини илган тадбиркордан уни "реклама" сифатида рўйхатдан ўтказиш, алоҳида паспорт олиш ва бунинг учун тўлов қилиш талаб этиларди. Эндиликда бу мантиқсиз қисқаришлар ва ортиқча тўловлар бекор қилинмоқда. Эркинлик: Сизнинг номингиз ёзилган пешлавҳа — бу реклама эмас, балки мижозлар сизни топиши учун мўлжалланган оддий ахборотдир. Энди бунинг учун қўшимча маъмурий юк тортмайсиз. Автомобиллардаги брендинг: Ўз корхонангизга тегишли машиналарга ўз савдо белгингиз (логотипингиз)ни ёпиштириш ва жойлаштириш тартиби ҳам сезиларли даражада соддалаштирилади. Адолатли ёндашув: Реклама ва пешлавҳалар дизайни бўйича янги талаблар осмондан олиниб, бирданига мажбурий қилинмайди. Аксинча, тадбиркорларнинг фикри ва таклифлари инобатга олинган ҳолда, босқичма-босқич жорий этилади. Ушбу таклифлар бевосита Президент томонидан маъқулланди. Бу дегани — бизнесингизни танитиш йўлидаги яна бир сунъий тўсиқ олиб ташланди, мижозлар оқими ва тушумни ошириш эса янада осонлашди. Ўз ишингизни ривожлантиришга кўпроқ вақт ва маблағ ажратиш имкони барча бизнес эгаларига муборак бўлсин! t.me/davr24official

РАСМИЙ АХБОРОТ ‼️Сўнгги кунларда аҳоли орасида менингококк инфекцияси билан боғлиқ ҳолатлар юзасидан мурожаатлар келиб тушиши давом этаётгани кузатилмоқда. Шу муносабат билан Санепидқўмита қуйидагиларни маълум қилади. Дунё мамлакатларида бўлгани каби, республикамизда ҳам менингококк инфекцияси асосан мавсумий хусусиятга эга бўлиб, касалланиш ҳолатлари кўпроқ куз ва баҳор ойларида, хусусан февраль-март ойларида қайд этилади. ⚡️ Санепидқўмита томонидан эпидемиологик вазият устидан доимий назорат ўрнатилган бўлиб, барқарорликни таъминлаш мақсадида кенг кўламли профилактик ва санитария-эпидемиологик чора-тадбирлар амалга оширилмоқда. ✔️Шу жумладан, беморлар билан мулоқотда бўлган фуқаролар тўлиқ эмлаш билан қамраб олинган бўлиб, ушбу шахслар орасида касалланиш ҳолатлари қайд этилмади. Вакцинацияга тиббий қарши кўрсатмаси мавжуд бўлган шахслар эса шифокорлар назорати остида кимёвий профилактика тадбирлари билан қамраб олинмоқда. ‼️Шу ўринда, касалликнинг асосий белгиларини яна бир бор қайд этиш мақсадга мувофиқ: 🔘юқори ҳарорат (иситма); 🔘кучли бош оғриғи; 🔘 бўйин қотиши (бўйинни эгиш қийин бўлиши); 🔘 кўнгил айниши ёки қусиш; 🔘 ёруғликка сезгирлик; 🔘 уйқучанлик, ҳолсизлик; 🔘 тутқаноқ (баъзан); 🔘 танада тошма пайдо бўлиши (айниқса бактериал турида). Болалар ва чақалоқлардаги белгилари: 🔘тинмай йиғлаш; 🔘 овқат емаслик; 🔘 жуда уйқучанлик ёки қўзғалувчанлик; 🔘 танада қаттиқлик. 🔹Фуқароларимизда ушбу белгиларнинг бирортаси ёки бир нечтаси кузатилса албатта оилавий шифокорлик пунктлари, оилавий поликлиника, юқумли касалликлар шифохоналарига мурожаат қилишларини сўраймиз. ‼️Касалликнинг олдини олиш чоралари: 🔘шахсий гигиена қоидаларига қатъий риоя қилиш; 🔘 касаллик аломатлари кузатилганда дарҳол шифокорга мурожаат қилиш; 🔘 жамоат жойларида эҳтиёт чораларини кўриш; 🔘 «Ҳаж» ва «Умра» сафарларига чиқишдан олдин эмланиш, сафардан қайтгандан сўнг оммавий тадбирларда иштирокни вақтинча чеклаш; 🔘 ихтиёрий эмланишдан ўтиш; 🔘 бемор билан яқин мулоқотда бўлган шахслар шифокор назоратида бўлиши ҳамда тиббий кўрсатма асосида профилактик чоралар билан қамраб олиниши. 📌Ҳозирги кунда республиканинг барча ҳудудларида вакцинация марказлари мавжуд бўлиб, уларда аҳолини менингококк инфекциясига қарши эмлаш учун етарли вакцина захиралари ҳамда шароитлар яратилган. 📣Шу ўринда, фуқаролардан ортиқча хавотирга тушмасликларини, эпидемиологик вазият барқарор эканлигини инобатга олган ҳолда, фақат ишончли ва расмий манбалар орқали маълумот олишларини сўраймиз. 📍Ихтиёрий эмланиш учун манзиллар ва алоқа рақамлари: https://gov.uz/oz/sanepid/news/view/161375 t.me/davr24official

Навоийда Медиа ҳафталикнинг илк куни турли авлод ва тажрибага эга иштирокчиларни бир майдонда бирлаштирди. 📌Ёш бу ерда чеклов эмас, балки билим ва тажрибага бўлган қизиқишни намоён этувчи омилга айланди. 📝 Тренинглар суръати жадал, муҳокамалар эса жонли ва мазмунли тарзда давом этмоқда. Бу жараён шунчаки бир кунлик фаоллик эмас, у изланиш, ўрганиш ва ўзгаришга бўлган ҳаракатни ифодалайди. 👀 Олдинда эса яна 4 кун давомида қизиқарли ва амалий машғулотлар кутмоқда. t.me/davr24official

Prezident matbuot kotibi 45 yoshni qarshiladi! Sherzod Asadov 1981-yil 4-mayda Buxoro viloyatining Shofirkon tumanida tugʻilgan. Jahon iqtisodiyoti va diplomatiya universitetini „Xalqaro iqtisodiy munosabatlar“ mutaxassisligi boʻyicha tamomlagan. Rus, ingliz, ispan va turk tillarini biladi. Ish faoliyati: 2007–2008-yillarda Oʻzbekiston Respublikasi TIV tashqi siyosiy faoliyat tahlili va strategiyasi Bosh boshqarmasida referent va attashe boʻlib ishlagan. 2008–2012-yillarda – Oʻzbekiston Respublikasining Singapurdagi elchixonasida dastlab attashe, keyin esa uchinchi kotib lavozimida faoliyat koʻrsatgan. Uzoq muddatli xizmat safaridan soʻng ish faoliyatini Tashqi ishlar vazirligi tizimida davom ettirgan. Shunday qilib, 2012-yildan 2015-yilgacha MDH va SHHT mamlakatlari bilan hamkorlik boshqarmasida ikkinchi kotib, birinchi kotib va boʻlim boshligʻi lavozimlarida ishlagan. 2015-2017-yillarda Oʻzbekiston Respublikasi tashqi ishlar vazirining yordamchisi lavozimida faoliyat yuritgan va bir vaqtda vazirlik kotibiyatini boshqargan. 2017-yil oktyabr oyida Oʻzbekiston Respublikasining Avstriyadagi elchixonasi maslahatchisi – muvaqqat ishlar vakili etib tayinlangan. 2018-yilda Oʻzbekiston Respublikasining Avstriyadagi favqulodda va muxtor elchisi lavozimiga tayinlangan. Shu bilan bir vaqtda, shu yillarda Sh. Asadov Oʻzbekiston Respublikasining YXHT va boshqa xalqaro tashkilotlar (Xalqaro atom energiyasi agentligi (MAGATE), BMTning giyohvandlik va jinoyatchilik boʻyicha boshqarmasi, BMTning sanoat rivojlanishi boʻyicha Tashkiloti (UNIDO), Yadro sinovlarini keng qamrovli taqiqlash toʻgʻrisidagi shartnoma tashkiloti huzuridagi doimiy vakili boʻlgan. 2020-yil 9-yanvardan Sherzod Asadov YXHT Doimiy kengashining iqtisodiy-ekologik qoʻmitasi raisi lavozimini egallab, Oʻzbekistonning YXHT uchta qoʻmitasidan birini boshqargan birinchi vakiliga aylangan. 2020-yil 19-martda Sherzod Asadov Oʻzbekiston Respublikasi tashqi ishlar vazirining oʻrinbosari etib tayinlangan hamda ushbu lavozimda Oʻzbekistonning BMT, YXHT va Yevropa Ittifoqi bilan hamkorlik masalalariga masʼul boʻlgan. Oʻzbekiston Respublikasi Prezidenti Shavkat Mirziyoyev 2021-yil 24-martda Sherzod Asadovni Prezident Administratsiyasi rahbari oʻrinbosari – Prezident matbuot kotibi etib tayinlagan. 2023-yil 17-avgustdan Sherzod Asadov Oʻzbekiston Prezidentining Matbuot kotibi lavozimida faoliyatini davom ettirdi. 2025-yil 14-iyulda Oʻzbekiston Respublikasi Prezidentining farmoni bilan Oʻzbekiston Respublikasi Prezidenti Administratsiyasi Kommunikatsiyalar departamenti rahbari – Oʻzbekiston Respublikasi Prezidentining Matbuot kotibi lavozimiga tayinlangan. Tug'ilgan kunlari munosabati bilan Sherzod Asadov ga sog'lik, uzoq umr va baxt tilaymiz!

📢 9 май байрамида кимлар неча кун дам олади? Бу йил 9 май — Хотира ва қадрлаш куни шанба кунига тўғри келмоқда. 🌟 Dam olish kunlari tartibi qanday bo'ladi? 🏢 5 KUNLIK ISH HAFTASI UCHUN (3 kun ketma-ket dam): 🟢 9-may (Shanba) — 🎈 Bayram (dam olish kuni) 🟢 10-may (Yakshanba) — 🛋 Odatiy dam olish kuni 🟢 11-may (Dushanba) — 🎁 Qo‘shimcha dam olish kuni 🏢 6 KUNLIK ISH HAFTASI UCHUN (2 kun dam): 🟢 9-may (Shanba) — 🎈 Bayram (dam olish kuni) 🟢 10-may (Yakshanba) — 🛋 Odatiy dam olish kuni 🔴 11-may (Dushanba) — 💼 ISH KUNI ⚖️ Нима учун душанба дам олиш куни бўляпти? Қонунчиликка кўра (Меҳнат кодексининг 208-моддаси), агар байрам куни шанба ёки якшанбага тўғри келиб қолса, дам олиш куни автоматик равишда ундан кейинги иш кунига (яъни душанбага) кўчирилади. t.me/davr24official

500 куб ёлғони: Энергетика вазирлиги истемолчиларни қандай чув туширди? Март ойининг бошида кутилмаганда қайтган қиш ва совуқ ҳаво манзарасида Энергетика вазирлиги гўёки халқпарвар қарор қабул қилгандек кўринганди: қишки 500 кублик имтиёзли газ лимити 15 мартга қадар узайтирилди. Одамлар енгил тин олди, уйлариги иссиқ қайтди. Аммо, лекин, бироқ ойнинг ўртасига келиб, ҳисоб-китоб вақти келганда, вазирлик кутилмаган «калькулятор фокусини» кўрсатмоқда. Ваъда қилинган 500 куб қоғоздаги баёнотларнинг ичида яширинган «пропорционал» сўзи орқали бирдан 250 кубга айланиб қолди. Батафсил: davr24.uz t.me/davr24official

🌙 РАМАЗОН–2026: Бу йилги рўза 29 кун давом этиши мумкин Қирғизистон диний идоралари Туркий давлатлар фатво кенгашининг (Туркия, Озарбайжон, Қозоғистон, Қирғизистон, Ўзбекистон) астрономик ҳисоб-китобларига таянган ҳолда, бу йилги Рамазон ҳайити 20 март, жума кунига тўғри келиши эҳтимоли юқори эканини маълум қилди. Ўзбекистон Мусулмонлари идораси ҳозирча аниқ санани эълон қилмаган бўлса-да, календарь бўйича рўза 30 кун бўлса, ҳайит 21 мартга, ой кўринишига қараб 29 кун бўлса, 20 мартга тўғри келади. Эслатиб ўтамиз, 2025 йилда ҳам Марказий Осиёда Рамазон ойи роппа-роса 29 кун давом этган эди. Сўнгги йилларда анъанага айланганидек, давлат раҳбарининг қарори билан Рамазон ва Қурбон ҳайитларида камида 3-4 кунлик кетма-кет дам олиш кунлари белгиланиши кутилмоқда. Бу оилавий қариндош-уруғларни йўқлаш ва байрамни тўлақонли нишонлаш учун катта имкониятдир. Агар бу йилги Рамазон ҳайити 20 мартга (Жума кунига) тўғри келса, 21 март — Наврўз умумхалқ байрамига уланиб кетади. Бу дегани, халқимизни кетма-кет келадиган катта ва шукуҳли байрамлар, узун таътил кутиб турибди. t.me/davr24official

АҚШ ВА ЭРОН: КИМНИНГ ЎҚ-ДОРИСИ БИРИНЧИ ТУГАЙДИ? (Bloomberg таҳлили) Яқин Шарқдаги уруш кутилмаган сценарий бўйича кетмоқда. АҚШ ўзининг одатий “тезкор ва ҳалокатли зарбалар” тактикаси бу сафар иш бермаётганини тушуниб етди. Bloomberg агентлиги ва нуфузли ҳарбий таҳлилчиларнинг сўнгги хулосаларига кўра, можаро энди ким кучлироқ эканини эмас, кимнинг ўқ-дориси биринчи тугашини аниқлайдиган “захиралар пойгасига” айланди. Батафсил: davr24.uz

Эрондаги “Тахтлар ўйини”: Янги раҳбар Можтаба Хоманаий ва катта уруш хавфи Дунё нигоҳи яна Теҳронга қадалди. Олий раҳбар Али Хоманаийнинг вафотидан кейин унинг ўғли Можтаба ҳокимиятни қўлга олди. Хўш, бу оддий одамлар ва минтақамиз учун нимани англатади? Уруш остонасидамизми? Батафсил: davr24.uz

Батафсил: davr24.uz t.me/davr24official

Азиз муштарийларимиз, опа-сингилларимиз! Сизни баҳорнинг илк гўзал байрами — 8 Март билан табриклаймиз! 🌷 Сиз борки, дунё гўзал, оиламиз файзли, меҳнатларимиз мазмунли. Сиз бизнинг ижодий оиламизнинг энг муҳим ва қадрли қисмисиз. Санъат асарлари ёки фотосуратлар қанчалик гўзал бўлмасин, Сизнинг табиий нафосатингиз ва қалб гўзаллигингиз олдида ожиздир. Сиз ҳаётнинг ҳақиқий шеъриятисиз. Мана шу гўзал баҳор тонгида Сизга мустаҳкам бахт, чексиз муҳаббат ва барча режаларингизнинг омадли амалга ошишини тилаймиз. Дунёни ўз гўзаллигингиз ва заковатингиз билан лол қолдиришдан тўхтаманг! Бизни қўллаб-қувватлаганингиз учун раҳмат! ❤️ Davr24 ижодий жамоаси.

⛽️ Нефть "цунамиси" яқинми? 150 долларлик баррель ва ўзбекистонликнинг ҳамёни: Бизни нима кутмоқда? Дунё иқтисодиёти навбатдаги "инфаркт" ёқасида турибди. Қатар энергетика вазирининг башорати нафақат биржа трейдерларини, балки оддий истеъмолчиларни ҳам сергак торттирди: "Агар чекловлар давом этса, нефть нархи 150 долларгача кўтарилиши мумкин". Бу шунчаки рақам эмас, бу глобал иқтисодий тизимнинг қайта қурилиши демакдир. 🌊 Ҳозирги вазиятда энг катта хавф — Ҳормуз бўғози. Дунёдаги нефть оқимининг қарийб 20 фоизи ўтадиган бу нуқтада транспорт 90 фоизга камайиши мумкинлиги айтилмоқда. • Математика оддий: Ойига 600 миллион баррель нефть бозорга етиб келмаса, таклиф камаяди, талаб эса ўша-ўша қолади. Натижада нархлар "космосга" учади. 🇷🇺 Қизиқ жиҳати, бундай кескин вазиятда АҚШ ўз принципларидан бироз чекинишга мажбур бўлди. Россияга қарши санкцияларнинг юмшатилиши ва Ҳиндистон заводларига Россия нефтини сотиб олишга рухсат берилиши — бу Ғарбнинг энергия инқирозидан қўрқуви натижасидир. Улар тушуниб турибди: Россия нефтисиз дунё иқтисодиёти "музлаб" қолади. 🇺🇿 Ўзбекистонга бунинг нима дахли бор? Кўпчиликда: "Биз нефть қазиб олсак, Россия билан яқин бўлсак, бунинг бизга нима таъсири бор?" деган савол туғилиши табиий. Келинг, вазиятга реал кўз билан қараймиз: Ўзбекистон ички бозорида бензин нархи жаҳон биржаларига боғланган. Нефть 150 долларга чиқса, АИ-92 ёки АИ-95 маркали ёнилғи нархи сезиларли ошади. • Хўш, кейин-чи? Юк машиналари қимматроқ ёнилғи қуяди. Бу эса Сурхондарёдан келаётган помидорнинг ёки Қозоғистондан келаётган уннинг нархига "транспорт харажати" бўлиб қўшилади. Биз истеъмол қиладиган маиший техника, кийим-кечак ва ҳаттоки баъзи озиқ-овқатлар четдан келади. Глобал логистика қимматлашса, бу маҳсулотларнинг Ўзбекистондаги нархи ҳам автоматик равишда кўтарилади. Биз бойимаган ҳолда, харажатларимиз кўпайиши — мана шу асосий хавф. Олтин — бизнинг "хавфсизлик ёстиғимиз" Бу вазиятда Ўзбекистон учун битта ижобий нуқта бор. Одатда дунёда нефть қимматласа ва беқарорлик ошса, олтин нархи ҳам кўтарилади. Ўзбекистон йирик олтин экспортчиси сифатида бюджетдаги дефицитни шу орқали ёпиши ва ижтимоий ҳимояни кучайтириши мумкин. 📉 Оддий фуқаро нима қилиши керак? Ҳозирча Ўзбекистон бозорларида "тинчлик". Лекин глобал бўрон яқинлашмоқда. Популистик ваҳималарга берилмаган ҳолда, қуйидагиларни инобатга олиш лозим: • Энергия ресурсларидан оқилона фойдаланиш энди шунчаки тавсия эмас, балки заруратга айланади. • Импортга боғлиқликни камайтириш ва маҳаллий ишлаб чиқарувчиларни қўллаб-қувватлаш давлат учун ҳам, халқ учун ҳам энг тўғри йўл бўлиб қолмоқда. Дунё иқтисодиёти катта синов қаршисида. Ўзбекистон бу синовдан қандай ўтиши эса нафақат ташқи омилларга, балки ички иқтисодий ислоҳотларнинг тезлигига ҳам боғлиқ. Сизнингча, бензин нархи ошиши бозордаги бошқа маҳсулотларга қанчалик тез таъсир қилади? Фикрларингизни изоҳларда қолдиринг! t.me/davr24official

Табиий газ учун иситиш мавсумида белгиланган базавий меъёр Республикамизнинг барча ҳудудларида 15 мартга қадар узайтирилди Об-ҳаво прогнозларининг янгиланган кутилмаларига кўра, совуқ ҳаво массаси мамлакатимизнинг бошқа ҳудудларига ҳам кириши эҳтимоли туфайли иситиш мавсуми учун белгиланган 500 куб метр базавий меъёр барча ҳудудларда 2026 йилнинг 15 мартига қадар узайтирилди. 15 мартдан кейин эса об-ҳаво шароитидан келиб чиқиб, зарур бўлса, қўшимча чоралар кўрилади. Энергетика вазирлиги t.me/davr24official

🇮🇷🇮🇱 Эроннинг собиқ президенти Маҳмуд Ахмадинажод Исроил ҳаво ҳужумлари натижасида ўлдирилди Эроннинг ILNA давлат агентлиги Исроил ва АҚШнинг Теҳрондаги собиқ президент Маҳмуд Аҳмадинажоднинг қароргоҳи жойлашган Нармак туманига берган зарбаси оқибатида унинг ҳалок бўлгани ҳақида хабар берди. Агентлик маълумотларига кўра, у билан бирга тансоқчилари ҳам вафот этган. Ҳозирча бу маълумотнинг расмий тасдиғи йўқ. Аҳмадинажод Эроннинг олтинчи президенти бўлган ва бу лавозимни 2005 йилдан 2013 йилгача эгаллаб келган. Бунгача у Ардабил вилоятини бошқарган ва Теҳрон шаҳри мэри бўлган. Президентлик лавозимидан кетганидан сўнг, у Олий раҳбар Хоманаийнинг фармони билан Мамлакат манфаатларини кўчиш кенгаши — мамлакат олий раҳбари ҳузуридаги маслаҳат органи таркибига киритилган эди. t.me/davr24official

🇮🇱🇮🇷Нетаняху доим азалий душманининг ядро қуролига эга чиқишига тўсиқ бўлиб келган 🔹1995 йил: “Эрон ядровий бомба яратишга атиги бир неча ҳафта қолди.” 🔹2006 йил: “Эрон ядровий бомба яратишга атиги бир неча кун қолди.” 🔹2012 йил: “Эрон ядровий бомба яратишга атиги бир неча ҳафта қолди.” 🔹2015 йил: “Эрон ядровий бомба яратишга атиги бир неча кун қолди.” 🔹2018 йил: “Эрон ядровий бомба яратишга атиги бир неча ҳафта қолди.” 🔹2025 йил: “Эрон ядровий бомба яратишга атиги бир неча кун қолди.” t.me/davr24official

Ислом Каримов: Менга қолса, ядровий уруш билан таҳдид қилганларни жазога тортар эдим "Иккинчи жаҳон урушидан сўнг инсоният тарихида яна шундай урушга йўл қўйиш мумкинлиги ҳақида одамлар ҳатто ўйлашга ҳам қўрқар эди. Бу даҳшатли урушда ҳаммаси бўлиб 50 миллион, собиқ Иттифоқ ҳудудидан 27 миллион киши қурбон бўлди. Тасаввур қилаяпсизми, 50 миллион киши! Такрор айтаман, илгари бундай урушнинг қайтарилиши ҳақида ҳеч ким ўйламас, гапирмас эди. Бугун эса кўпгина сиёсатчилар, юқори лавозимда ўтирган раҳбарлар ва журналистлар ядровий уруш бўлиши ёки бўлмаслиги ҳақида бемалол гапирмоқда. Учинчи жаҳон уруши бўладими, деган саволни бамайлихотир муҳокама қилмоқда. Менга қолса, ядровий уруш билан таҳдид қилганларни гапирганларни жазога тортар эдим". t.me/davr24official

🇮🇷 Эрон расмий ОАВлари расман Эрон олий раҳнамоси Оятиллоҳ Хоманаийнинг ўлганини тасдиқлади. Эрон олий раҳнамоси оиласининг тўрт нафар аъзоси, жумладан, қизи ва невараси АҚШ ва Исроил ҳужумида ҳалок бўлди. Мамлакат етакчиси вафотидан сўнг Эрон Президенти, суд ҳокимияти раҳбари ва Конституцияни ҳимоя қилиш кенгаши аъзоси мамлакатни вақтинча бошқаради. Хоманаийнинг вафоти муносабати билан Эронда 40 кунлик мотам ва 7 кунлик умуммиллий дам олиш кунлари эълон қилинди. t.me/davr24official