The Federal Supreme Court of Ethiopia

‎ ‎በፌደራል ከፍተኛ ፍርድ ቤት ዳኛ በመሆን ሲያገለግሉ የነበሩት ክቡር ዳኛ ተመሰገን ወንድምአገኝ ባደረባቸው ህመም በህክምና ሲረዱ ቆይተው ነሐሴ 09/2018 ዓ/ም ከዚህ አለም በሞት ተለይተዋል። ‎ ‎በዳኛ ተመስገን ወንድምአገኝ ህልፈት የተሰማንን ጥልቅ ሐዘን እየገለጽን፤ ለቤተሰቦቻቸው፣ ወዳጅ ዘመዶቻቸው እና የስራ ባልደረቦቻቸው መጽናናትን እንመኛለን።

‎በፌደራል ከፍተኛ ፍርድ ቤት የአርባ ምንጭ ማዕከል የዲጂታል ዳኝነት አገልግሎት መስጠት ጀመረ ‎ ‎ነሐሴ 05/2018 ዓ.ም (የፌዴራል ጠቅላይ ፍርድ ቤት) ‎ ‎የፌዴራል ጠቅላይ ፍርድ ቤት ፕሬዝዳንት ክቡር አቶ ቴዎድሮስ ምህረት በፌዴራል ከፍተኛ ፍርድ ቤት የአርባ ምንጭ ማዕከል የተዘረጉትን የኢ-ፋይሊንግ፣ የትራንስክሪፕሽን እና የርቀት ችሎት አገልግሎቶችን በአካል ተገኝተው አስመርቀዋል። ‎ ‎በምረቃ ሥነ ሥርዓቱ ላይ የፌዴራል ጠቅላይ ፍርድ ቤት እና የፌዴራል ከፍተኛ ፍርድ ቤት ከፍተኛ አመራሮች የተገኙ ሲሆን፣ አዲሱ አሰራር በፌዴራል ፍርድ ቤቶች የተጀመረውን የዲጂታላይዜሽን ስራ ወደ ክልል ማዕከላት የማስፋት አካል ነው። ‎ ‎ማዕከሉ በአካል መገኘት ሳይያስፈልግ ክስ ለመመልከት የሚያስችል የርቀት ችሎት፣ የምስክሮችን እና የተከራካሪዎችን ቃል በቀጥታና በፍጥነት ለመመዝገብ የሚያስችል በሰው ሰራሽ አስተውሎት  የታገዘ ድምፅን ወደ ጽሑፍ የመቀየር ቴክኖሎጂ፣ እንዲሁም የክስ መዝገቦችን በኢንተርኔት አማካይነት በዲጂታል መንገድ ለማስገባትና ለማስተዳደር የሚያስችል አገልግሎቶችን ይሰጣል። ‎ ‎እነዚህ አሰራሮች ህብረተሰቡ ለአገልግሎት የሚያወጣውን እንግልት እና አላስፈላጊ ወጪ በመቀነስ፣ የዳኝነት ሂደቱን ቀልጣፋ፣ ግልጽ እና ተዳራሽ እንደሚያደርግ ተገልጿል።

‎የፍርድ ቤቶች አመራሮችና ዳኞች በአርባምንጭ ከተማ የችግኝ ተከላ አካሄዱ ‎ ‎ነሐሴ 03/2018 ዓ.ም (የፌዴራል ጠቅላይ ፍርድ ቤት) ‎ ‎በፌደራል ጠቅላይ ፍርድ ቤት ፕሬዝዳንት ክቡር አቶ ቴዎድሮስ ምህረት የተመራ የፍርድ ቤቶች ከፍተኛ አመራሮችና ዳኞች ልዑክ በአርባምንጭ ከተማ የችግኝ ተከላ መርሃ ግብር አካሂደዋል። ‎ ‎በአርባምንጭ ከተማ በተካሄደው የችግኝ ተከላ መርሃ ግብር የፌዴራል ጠቅላይ ፍርድ ቤት ፕሬዝዳንት ክቡር አቶ ቴዎድሮስ ምህረትን ጨምሮ የፌዴራል ጠቅላይ ፍርድ ቤትና የከፍተኛ ፍርድ ቤት አመራሮች፣ የክልል ጠቅላይ ፍርድ ቤቶች ፕሬዝዳንቶች እንዲሁም የፌደራል ፍርድ ቤቶች ዳኞች ተሳትፈዋል። ‎ የ‎ልዑካን ቡድኑ ከችግኝ ተከላ መርሃ ግብር በተጨማሪ በአርባምንጭ ከተማ የተከናወኑ የተለያዩ የልማት ሥራዎችን ተዘዋውሮ ጎብኝቷል። ‎የፌዴራል ጠቅላይ ፍርድ ቤት የማህበራዊ ሚዲያ ገጾችን ይከታተላሉ፦ ‎ ‎👉 ፌስቡክ ↠ https://web.facebook.com/FSCEthiopia ‎👉 ትዊተር (ኤክስ) ↠ https://x.com/federalsupreme1 ‎👉 ሊንክድኢን ↠ https://tinyurl.com/supereme-court-of-ethiopia ‎👉 ቴሌግራም ↠ https://t.me/fscethiopiaPR ‎ዋትስአፕ ↠ https://tinyurl.com/fscethiopia ‎👉 ዩቲዩብ ↠ https://www.youtube.com/@fscethiopia ‎👉 ቲክቶክ ↠ https://tiktok.com/@federal.supreme.court